QUE FAN AS CANDIDATAS?

Plantar unha árbore ou tomar un vermú: así é o sábado de reflexión

Plantar unha árbore ou tomar un vermú: así é o sábado de reflexión
[Imaxe: En Marea] As representantes de En Marea citaron os medios no lugar onde prantaron unha árbore
[Imaxe: En Marea] As representantes de En Marea citaron os medios no lugar onde prantaron unha árbore  

Estar coa familia e descansar son as actividades preferidas polas líderes e candidatas das forzas políticas nesta xornada de reflexión. Porén, hai quen prefire plantar unha árbore, ir ao salón de peiteado ou facer un churrasco.


Aínda que non apelan ao voto, as candidatas e candidatos e líderes políticas dos partidos con actividade na Galiza déixanse ver durante a xornada de reflexión a petición dos medios de comunicación. Queres saber que fai cada un deles?

Alberto Núñez Feixoo, líder do PP na Galiza, apura as últimas horas en Madrid após arroupar o seu xefe de filas, Pablo Casado, no feche da campaña que tivo lugar na capital española. Renunciaba así, fronte ao que fixeron a meirande parte das forzas políticas, a convocar un acto público na tarde da sexta feira na Galiza. A súa número 1 por Pontevedra, Ana Pastor, optou por ir á festa da lamprea de Arbo.

Gonzalo Caballero, do PSdeG, anunciou que iría ao salón de peiteado e que pasaría o día coa súa familia e amigos, mentres que Modesto Poste, candidato ao Senado por Pontevedra preparará un churrasco para as súas amizades.

3914543f-4a63-4382-a74a-1853e05d6e61Ana Pontón, do BNG, aproveitará a xornada de reflexión para tomar un vermú co número 1 do Bloque pola Coruña, Néstor Rego, na praza de Abastos de Compostela, acompañados por Goretti Sanmartín, candidata á Alcaldía da cidade e por Rubén Cela, coordinador da campaña do BNG. A número 1 por Pontevedra, Carme Da Silva, desfruta da música no Galegote Rock e presenciará as probas deportivas do ITU Multisport de Pontevedra.

ff8bc1bb-a003-40f6-aedf-0aaf4be24534Á familia dedicaranlle o día os candidatos de En Común-Unidas Podemos Antón Gómez Reino e Yolanda Díaz, mentres que os aspirantes ao Congreso e ao Senado de En Marea decantáronse por plantar unha árbore en Vincios (Gondomar).

A candidata de Ciudadanos por Pontevedra, Beatriz Pino, informou de que aproveitará o día para pasear co seu can por Vigo.