POSPONA Á SEGUINTE LEXISLATURA

Rajoy advirte de que o independentismo non ficará contento coa reforma da constitución

Rajoy advirte de que o independentismo non ficará contento coa reforma da constitución
Manifestación pola independencia en Catalunya
Manifestación pola independencia en Catalunya  

O presidente español, Marino Rajoy, está convencido de que o independentismo "non estará satisfeito" coa reforma da Constitución española porque, dixo, "nin o meu partido nin a maioría dos grupos están a favor da liquidación de unidade”.


Logo da reunión mantida co rei, Rajoy lanzou unha mensaxe ao independentismo ao sinalar que non cambiará a Constitución no ámbito dos parámetros da independencia. "Nin o meu partido nin a maioría dos grupos están a favor da liquidación de unidade ou da soberanía nacional", salientou. Neste sentido, advertiulles ás e aos independentistas que non ficarán “contentos” coa reforma da constitución, unha reforma que non se acometerá nesta lexislatura. De aí que haxa quen advirta do inverosímiles das declaracións de Rajoy, cando quedarían apenas tres meses para a fin deste mandato.

Ademais, o presidente español insistiu en que "non haberá ningunha secesión" e no Estado español, argumentando que iso significa “ignorar séculos de historia, lazos, afectos colectivos e de todas as cousas que fixeron e se poden facer conxuntamente”. Tamén puxo de manifesto que “non ten sentido forzar a xente a decidir se queren ser” só catalán ou español e europeo. “Garanto que non se vai forzar ninguén a decidilo”, engadiu.

Por último, expresou a súa sorpresa por aquelas persoas que afirman que coa maioría parlamentaria ou co 51% dos votos pode comezarse o camiño cara á independencia, “cando se precisa do apoio de dous terzos do Parlamento para iniciar unha modificación no Estatuto”.