Goretti Sanmartín Rei é a candidata do BNG á alcaldía de Santiago. É portavoz municipal do BNG, vicepresidenta da Deputación da Coruña e coordinadora da Executiva do BNG. É profesora universitaria e impartiu docencia, entre outros centros, no Instituto de Idiomas da Universidade e no Instituto Eduardo Pondal. Responde este cuestionario a través do correo electrónico.
Que supuxeron estes catro anos para o seu concello?
Logo da etapa negra do PP, Santiago sufriu un estancamento co goberno de Compostela Aberta por mor da falta de dirección para reestruturar internamente o Concello para aprobar proxectos e licenzas, cando é moi necesario apoiar a reindustrialización, a dotación de servizos para fixar poboación na zona histórica e no rural e para a apertura de negocios co obxectivo de evitar que a xente teña que emigrar por falta de oportunidades laborais. Os erros de xestión levaron a que máis dunha ducia de servizos públicos se prestasen sen contrato e sen garantías legais.
No ámbito de melloras no rural foi determinante a creación do Plan único da Deputación
No ámbito de melloras no rural foi determinante a creación do Plan único da Deputación que consignou entre 2015 e 2019 un total de 8.229.228 euros, máis de tres millóns máis que no mandato anterior, e tamén o apoio das liñas da área de Cultura a Festivais como Curtocircuíto ou Cineuropa para alén de axudar ao importante tecido social de Compostela tras duplicar o orzamento cultural. Unha xestión con liñas en concorrencia competitiva que valoran os proxectos, a traxectoria e a creatividade, significou o apoio a asociacións, fundacións e mesmo iniciativas privadas -a través da liña de proxectos singulares- que operan en Santiago de Compostela e responder á condición cultural do concello.
Como valora o traballo desenvolvido pola Alcaldía?
Santiago de Compostela precisa dun maior liderado e de capacidade de diálogo con outras administracións, porque é o xeito de evitar a actual discriminación que sofre a capital de Galiza.
Foron catro anos perdidos para grandes infraestruturas
Nese sentido, foron catro anos perdidos para grandes infraestruturas como a construción da estación depuradora e a estación intermodal, por falta de peso político en Santiago de Compostela. Tampouco foi quen de darlle un xiro ao Consorcio, cando se pode reorientar para incrementar as axudas á rehabilitación de vivendas e locais para contribuír á xeración de emprego e á conservación do patrimonio.
E o traballo realizado polo seu partido?
O BNG tivo a man tendida para sacar adiante temas de interese para a veciñanza, ao facilitar a aprobación dos orzamentos municipais.
O BNG tivo a man tendida para sacar adiante temas de interese para a veciñanza
Tamén conseguiu que algunhas das iniciativas que presentamos, como a recuperación do espazo do Banquete de Conxo, o parque das Hortas, as pistas de skate, a duplicación de orzamento de bolsas de comedor e actividades extraescolares e novas zonas de aparcadoiro se materializasen. Mais aprobáronse en pleno moitas outras que o goberno non executou; tocará realizalas após o 26 de maio.
Cal é a principal necesidade do seu concello?
Incluír a igualdade, inclusividade e accesibilidade de xeito transversal en todas as políticas municipais. Con iso teremos un concello sen discriminacións e que procure xustiza social no ámbito do emprego, do feminismo e da protección ambiental para contribuír a mellorar a igualdade de oportunidades, como lle corresponde ás administracións.
Incluír a igualdade, inclusividade e accesibilidade de xeito transversal
O BNG presenta unha lista encabezada por mulleres, acorde coa transformación que está a vivir a sociedade neste momento histórico, e imos demostralo na práctica cando gobernemos.
En relación a iso, cal será a primeira medida que impulsará no novo mandato se está no goberno?
A creación do Consorcio Compostelán polo Emprego, onde lideraremos a coordinación con outras administracións, sindicatos, Universidade, Cámara de Comercio e asociacións empresariais para aunar esforzos e aproveitar sinerxias, co fin de reducir a fenda de xénero, a precariedade laboral e a emigración, para crear postos de traballo mediante un viveiro que diversifique o comercio na cidade histórica e outro viveiro empresarial, ademais de desbloquear o departamento de Urbanismo para axilizar trámites e licenzas mediante a creación dunha xanela única e oficina de asesoramento.
Iso é fundamental para a reindustrialización, ademais da aposta do BNG pola compostaxe e que a administración municipal sexa áxil e beneficiosa para o conxunto da poboación.
As matronas galegas carecen de marco xurídico e salarial desde 1993, cando se aprobou o Decreto que regulaba as profesionais da Atención Primaria. Esta semana, o Partido Popular galego rexeitou facelo, tras unha petición no Parlamento do BNG apoiada por todos os grupos. Sermos Galiza conversa coa presidenta da Asociación Galega de Matronas, Isabel Abel, que lamenta esta decisión e denuncia a súa precaria situación.
Di que a demanda de que se manteña o servizo en Verín é un “clamor unánime” mais nega que os e as deputadas ourensás do PP vaian desmarcarse no Pleno.
