Sermos Galiza

  • Mércores 24 xullo 2019
EN DESTAQUE

NON PARTICIPARÁ NAS CONVERSAS CO PSOE

Xulio Ferreiro entra a facer parte da coordenadora da Marea Atlántica

X.M. 31 maio 2019 10:18 h.
Xulio Ferreiro entra a facer parte da coordenadora da Marea Atlántica
Xulio Ferreiro
Xulio Ferreiro  

É unha retirada a medias. Si do campo da política institucional, non da orgánica. Xulio Ferreiro, que esta semana anunciou o seu abandono do concello, incorpórase á Coordenadora da Marea Atlántica, nun momento en que a confluencia afronta a negociación co PSOE con dúbidas sobre se a formación mareante ten ou non na mente un goberno de coalición.

A decisión sobre o que facer no concello da Coruña vaina tomar a Marea Atlántica o próximo 6 de xuño, nunha reunión da súa asemblea de militantes, un órgano que se denomina A Rede.

O debate básico sobre a mesa non é tanto se investir ou non Inés Rey como nova alcaldesa, ninguén dubida diso, senón sobre o xeito en que se debe articular o pacto co PSdeG, isto é, se o acordo debe cinxirse a un pacto para a investidura ou debe adoptar a forma dun goberno de coalición.

Os votos de Marea Atlántica (6 concelleiras) son necesarios para a investidura, dado que o PSdeG non é a primeira forza da corporación (ten o mesmo número de asentos en María Pita que o PP, mais 399 sufraxios menos). En ausencia de maioría absoluta en primeira ou segunda votación, a lexislación prescribe que sexa proclamado alcalde ou alcaldesa o número un da candidatura máis votada (neste caso sería Bea Mato). Daí que todo indica que a Marea fará valer o carácter decisivo da súa presenza no salón de plenos, como se desprende dun comunicado da confluencia emitido onte en que se consigna que os resultados do 26M, aínda tidos como maos pola formación liderada por Xulio Ferreiro, converten a  mareante nunha "forza política clave na gobernabilidade da Coruña para os próximos catro anos".

Ferreiro estará na coordenadora da Marea, órgano executivo composto por 17 membros, mais el propio deixou claro esta cuarta feira que non lle vía sentido a participar nas conversas que a confluencia vai manter co grupo municipal socialista.

O protagonismo na negociación previsibelmente vai recaír na figura de Iago Martínez, xefe de gabinete de Ferreiro en funcións, concelleiro electo e dirixente de maior peso político da organización.

Máis novas
  • “Cando entraron nas nosas casas, non procuraban bombas, senón desarticular un proxecto político”
    politica
    “Cando entraron nas nosas casas, non procuraban bombas, senón desarticular un proxecto político”

    Causa Galiza chega a este 25 de Xullo cunha boa nova: a Audiencia Nacional retirou a acusación de “pertenza a banda armada” contra 9 membros desta organización independentista detidos en outubro de 2015 cun gran despregamento policial e mediático. Falamos con Joam Peres, do comité executivo de Causa Galiza e unha das persoas imputadas.

  • Feixoo denomina a política do PP de “galeguismo útil na defensa da autonomía”
    politica
    Feixoo denomina a política do PP de “galeguismo útil na defensa da autonomía”
    Alberto Núñez Feixoo sinala que o Partido Popular está a deseñar unha ruta cara a unha Galiza “familiar, verde e innovadora”. O presidente da Xunta participou con estas palabras no acto que o PP realizou con motivo do 25 de xullo e que tivo lugar aos pés da estatua en Lalín de Balbino, o personaxe de Neira Vilas en Memorias dun Neno Labrego.
  • "Apaixóname o traballo no Parlamento"
    politica
    "Apaixóname o traballo no Parlamento"
    Miguel Ángel Santalices (Bande, 1955) relevou Pilar Rojo á fronte da Presidencia do Parlamento en xaneiro de 2016. Licenciado en Medicina e Cirurxía pola USC, ocupou altos cargos na xestión da sanidade pública e desde 1997 é deputado do PP, partido do que fai parte na súa dirección. Sobre a mesa do seu despacho, Meirás: un pazo, un caudillo, un espolio, de Carlos Babío e Manuel Pérez, “agasalloumo Luís Bará. Eu teño boa relación con moitos deputados e deputadas”, sinala cando se lle pregunta polo libro. Colgan das paredes un gran cadro de Quessada e outro de Lamazares. E sobre a mesa de reunións, unha escultura de Acisclo Manzano. “Gosto moito da arte e o Parlamento conta cunha colección moi importante que é patrimonio de toda Galiza”, explica. Entrevistamos o presidente da Cámara con motivo do Día da Patria Galega. Eis un extracto da entrevista publicada no número 356 do semanario en papel Sermos Galiza.
  • Miranda insta o vindeiro goberno central a responder o procedemento de infracción do Alvia aberto pola Comisión Europea
    politica
    Miranda insta o vindeiro goberno central a responder o procedemento de infracción do Alvia aberto pola Comisión Europea
    Na véspera do sexto aniversario do accidente ferroviario de Angrois, a representante do BNG en Europa lamentou que ningún partido fixera referencia ao accidente no debate de investidura.