ContraMINAcción ve plaxio no informe que desbota o impacto ambiental de San Fins

REDACCIÓN 30 xuño 2019 18:15 h.

Rio San Fins [Imaxe: Adega]

A rede ContraMINAcción, integrada por unha vintena de colectivos, denuncia que o informe dun equipo da USC no que a concesionaria da mina de San Finx e a Dirección Xeral de Enerxía e Minas se apoian para desbotar o impacto ambiental da explotación está "repleto de plaxios de traballos doutros autores que se manipulan sen pudor".

A plataforma refírese a un dos informes asinados polo profesor xubilado Felipe Macías Vázquez, quen, segundo explica, "copia parágrafos enteiros sen citar de blogs anónimos de internet". "O informe", engade ContraMINAcción, "fabrica sen base ningunha un suposto fondo natural de metais para os principais metais contaminantes que verte a mina (cadmio, cobre e cinc) e aínda recorre a fenicios, romanos, ‘picheleiros’ e ao mesmo Almanzor para repartir culpas".

En 2017, lembra o colectivo, a concesionaria do Grupo Sacyr que explota a mina de San Fins decidiu recorrer a Macías para dar resposta ás alegacións a que deu lugar a tentativa da mineira de verter millóns de metros cúbicos de augas contaminadas por metais pesados no río San Fins, situado a seis quilómetros augas arriba da ría de Muros e Noia. "As alegacións", lembra a rede, "deixaron en evidencia a burla que supuña o método de tratamento inicialmente proposto e como as verteduras provocarían un agravamento crítico da situación de contaminación".

Así, ContraMINAcción explica que os dous informes de réplica encargados polo Concello de Muros e Verdegaia "demostraron os extensos plaxios, a carencia absoluta de metodoloxía e graves manipulacións de datos no informe de Felipe Macías". Entre estes plaxios atoparíanse, subliñan, un blog anónimo de internet e un traballo presentado polo que fora director da mina nun congreso da Universidade Politécnica de Madrid.

Apunta a rede que un primeiro informe de réplica realizado por sete técnicos, incluído o doutor en Xeofísica Steven H. Emerman -que esta mesma semana realizou unha nova inspección da mina San Fins-, "desmontou a tese dun suposto fondo natural de metais, explicando os impactos actuais da minaría. O segundo informe de réplica, realizado polo doutor en Arqueoloxía e Historia Antiga André Pena, ocupouse de mostrar non só a burla que representan os argumentos “históricos” presentados por Macías, senón o modo en que estes foron abertamente plaxiados de distintas fontes".

ContraMINAcción lembra que o director xeral de Enerxía e Minas, Bernardo Tahoces, está imputado por un presunto delito de prevaricación ambiental precisamente por ter supostamente facilitado a contaminación causada pola mina San Fins desde a súa reapertura en 2009. "No mes de xaneiro de 2019", apunta nun comunicado a plataforma, "a propia Dirección de Minas remitiu á ONU a tradución ao inglés de partes dun segundo informe asinado por Felipe Macías na tentativa de defender ante este órgano a inexistencia de contaminación mineira".

A "gravidade dos feitos" esgrimidos leva á plataforma a demandar á USC "a retirada da condición de profesor emérito a Felipe Macías e que revise a relación contractual coas restantes persoas responsábeis do informe, no suposto de que teñan algunha".

Máis novas

social
Limpeza simbólica, resultados reais
Unha vintena de areais, principalmente da Costa da Morte, son os elixidos para a VII Limpeza simultánea de praias, que promove a asociación ecoloxista Adega e na que participarán 31 centros de ensino e unha ducia de entidades asociativas da Galiza.
social
O Concello de Ourense retirará a Policía Local do sistema VioGén de atención ás vítimas de violencia machista
O alcalde de Ourense, Gonzalo Pérez Jácome, anunciou esta terza feira a decisión do Goberno municipal de abandonar o sistema VioGén, que impulsa o Ministerio do Interior para o seguimento integral dos casos de violencia de xénero, e a consecuente retirada da Policía local da cidade deste protocolo de prevención e control.
social
María Fidalgo e Rut León reflexionan sobre interseccionalidade nas xornadas feministas Noutrén
A terceira sesión das xornadas feministas Noutrén: feminismo poscolonial, que organiza a agrupación cultural O Galo baixo a dirección de Purificación Cabido, contarán esta cuarta feira, día 16, coas voces de María Fidalgo e Rut León para indagar sobre interseccionalidade desde o vivencial.
social
Miranda pide á Comisión Europea que faga públicos os documentos do Alvia do procedemento contra o Estado
A portavoz do BNG en Europa defende que é de interese público que se coñezan os informes de seguridade ferroviaria. “Non entendemos que a Defensora do Pobo Europeo recoñeza a magnitude da traxedia e, por outro lado, considere que nesta fase do procedemento o interese público se garante mellor se non se permite o seu acceso”.

ContraMINAcción ve plaxio no informe que desbota o impacto ambiental de San Fins

CULTURA | 15 de outubro de 2019

TRABALLO | 15 de outubro de 2019

CULTURA | 15 de outubro de 2019

ECONOMÍA | 15 de outubro de 2019

MEMORIA | 15 de outubro de 2019

MEMORIA | 13 de outubro de 2019

INTERNACIONAL | 14 de outubro de 2019

SOCIAL | 14 de outubro de 2019

LINGUA | 13 de outubro de 2019

MEMORIA | 14 de outubro de 2019

PIDE RETIRAR A CONDICIÓN DE PROFESOR EMÉRITO AO SEU AUTOR

ContraMINAcción ve plaxio no informe que desbota o impacto ambiental de San Fins

CULTURA | 15 de outubro de 2019

TRABALLO | 15 de outubro de 2019

CULTURA | 15 de outubro de 2019

ECONOMÍA | 15 de outubro de 2019

MEMORIA | 15 de outubro de 2019

MEMORIA | 13 de outubro de 2019

INTERNACIONAL | 14 de outubro de 2019

SOCIAL | 14 de outubro de 2019

LINGUA | 13 de outubro de 2019

MEMORIA | 14 de outubro de 2019