Maior estabilidade e mellora de condicións: preacordo no convenio de ambulancias

Maior estabilidade e mellora de condicións: preacordo no convenio de ambulancias
Un feche de persoal de Ambulancias nas mobilizacións por un convenio digno.
Un feche de persoal de Ambulancias nas mobilizacións por un convenio digno.  

As asembleas de traballadores e traballadoras votarán en asemblea se están de acordo co texto, documento que se suma ao aporbado a mediados do mes pasado entre patronal e sector sobre condicións económicas.


Após o preacordo económico acadado entre patronal e persoal acadado a mediados de marzo, a mesa negociadora do convenio de transporte sanitario de Galiza atinxiu un novo preacordo, este sobre as cuestións sociais e os puntos aínda pendentes. Como pasou co preacordo económico, serán as asembleas de traballadores e traballadoras –que teñen lugar esta terza feira- quen teñan a última palabra.

Desde os sindicatos indican que se contemplan importantes melloras na regulamentación dos contratos en prácticas e promove a estabilización dos cadros de persoal.

Este novo preacordo inclúe puntos fundamentais da plataforma reivindicativa destinados a atallar a precarización e o deterioro das condicións laborais que se viña producindo no sector, nomeadamente no relativo ao abuso da contratación en prácticas e á elevada temporalidade.

Un dos avances que se inclúen no texto refírese ao estabelecemento dun rexistro de xornada mensual que a empresa lle entregará ao traballador ou traballadora e á representación sindical nos 10 primeiro días do mes seguinte, o que permitirá realizar un control rigoroso sobre os excesos de xornada.



x