Cultura
‘O que arde’ gaña o maior premio do Festival de Cine de Mar del Plata

‘O que arde’ gaña o maior premio do Festival de Cine de Mar del Plata

O filme dirixido por Oliver Laxe amplía o seu palmarés cun novo premio: o máximo galardón da 34 edición do Festival Internacional de Cine de Mar de Plata. A gala tivo lugar o domingo no Teatro Auditorium. 'Longa Noite', de Eloy Enciso, recibiu unha mención especial na sección Estados Alterados.

"Quería traballar desde aquí e en galego"
María Vázquez, actriz

"Quería traballar desde aquí e en galego"

María Vázquez (Vigo, 1979) inaugura a 33ª edición de Cineuropa como galardoada cun dos premios que outorga o festival compostelán. A actriz desenvolveu unha carreira relevante no cinema e na televisión estatal, baixo as ordes de directores como Montxo Armendáriz en Silencio Roto ou Icíar Bollaín en Mataharis, mais sen se desvincular nunca da súa terra. Hai algúns anos que volveu para a Galiza. A súa actuación en Trote (Xacio Baño), filme que pasou por festivais de renome internacional como Locarno, Suíza ou San Sebastián, foi especialmente recoñecida. Eis un estrato da entrevista publicada no número 372 do semanario en papel Sermos Galiza.
A nación galega de ida e volta
Mostra na Cidade da Cultura

A nación galega de ida e volta

A exposición ‘Galiza, un relato no mundo’ procura entender a nación galega como “unha entidade dinámica en relación coa súa contorna”. O seu comisario, Manuel Gago, xuntou de 300 pezas, algunhas inéditas na Galiza, que contan as historias do país. Eis un estrato da peza publicada no número 372 do semanario en papel Sermos Galiza.
Propostas para unha fin de semana diferente
AXENDA

Propostas para unha fin de semana diferente

Charla sobre o aproveitamento da castaña

San Sadurniño

15.11.2019

16.30 a 20.30 horas

A Casa da Xuventude de San Sadurniño acolle unha charla sobre o aproveitamento da castaña, froito que está a se converter nun produto de...

A Ilha dos Galegos em Maputo, por Xoán Costa

A Ilha dos Galegos em Maputo, por Xoán Costa

Conta Marina Tavares Dias, no seu livro Lisboa desaparecida, que nos começos do século dezanove,  e aínda já bem entrado o mil e oito centos, Portugal acolhia da ordem de oitenta mil galegos, boa parte a trabalharem em Lisboa, uns como aguadeiros ou pedreiros e os outros, muitos outros,  a abrirem cantinas para comer e beber ginjinha ou a trazerem recados e papelzinhos amorosos.

Todos os paxariños da Galiza, debuxados
Guía de Nacho Munilla e Pancho Lapeña

Todos os paxariños da Galiza, debuxados

A lavandeira voa espasmódica sobre a superficie da auga. Descende veloz como en dirección a se mergullar, roza rasante a tensa película do río, bícaa, e a súa traxectoria remonta cara ao ceo. É unha ave pequena, de plumaxe branca e negra, e que anuncia o tempo frío. Na Galiza é común, e é tamén unha das 33 protagonistas da Guía definitiva das aves da Galiza, promovida polo ornitólogo Nacho Munilla e o debuxante Pancho Lapeña.
Galiza na encrucillada do mundo
Exposición na Cidade da Cultura a partir do 15 de novembro

Galiza na encrucillada do mundo

Galiza, un relato no mundo é a exposición que as autoridades autonómicas inauguraron este 14 de novembro e que estará aberta ao público a partir da sexta feira, 15, na Cidade da Cultura de Compostela. E é unha mostra sobre as achegas da nación galega ao mundo e sobre as achegas do mundo á nación galega e a súa identidade.
A cantería tradicional segundo o Museo do Pobo Galego
Manual de José Cernadas

A cantería tradicional segundo o Museo do Pobo Galego

A cantería tradicional tende á metamorfose. «As técnicas e os saberes dos canteiros mudaron debido ao emprego de novas tecnoloxías e ás demandas dun sector altamente industrializado», explican desde o Museo do Pobo Galego. Ao centro compostelán preocúpao, en todo caso, conservar os coñecementos artesanais que se atopan nos alicerces da construción con pedra na Galiza. O monográfico A cantería tradicional, do canteiro profesional José Cernadas Sende (Carnota, 1971), publicado polo museo, pretende contribuír a ese fin.
Rescatar Ben-Cho-Shey
López-Barxas reúne cartas e recordos do intelectual

Rescatar Ben-Cho-Shey

«Hai persoeiros en que a vida é tan importante como a súa obra. Acontece, para min, con Castelao. Noutros, como Losada Diéguez, fundamental para a estrutura da Xeración Nós a vida é mesmo máis importante que a obra.  Este é tamén, sen dúbida, o caso de Ben-Cho-Shey. Eu quero chamar a atención sobre a importancia da súa vida». Velaí, a xeito de síntese, a tarefa central que se marcou Francisco López-Barxas (Padrenda, 1952) no seu libro Ben-Cho-Shey inédito (Auga Editora e Deputación de Ourense, 2019), un volume que tamén pretende ser unha operación de rescate.
"A presenza da Galicia medieval quedou marxinada"
Anselmo López Carreira

"A presenza da Galicia medieval quedou marxinada"

A historia, por todas é ben sabido, escríbese sempre desde o presente. Neste senso, constitúe unha das principais ferramentas para lexitimar a nosa realidade. Dinos quen somos, pois o seu propio discurso fala de como quen escribe quere verse a si propio. No caso da Galiza, marxinada ou ausente, a normalización do país pasa por unha historiografía que considere a entidade política que o reino tivo no seu momento, anulada pola construción do discurso nacional do Estado español. O historiador Anselmo López Carreira (Vigo, 1951) acaba de publicar o libro Arte e escritura na Galicia medieval (séculos VI-X), no que reflexiona precisamente sobre a necesidade de facer unha historia medieval que se axeite á dimensión que Galiza tiña de facto na época. Un interese que atravesa a súa obra e será tamén o obxecto divulgativo do vindeiro traballo que xa ten en mente. is un estrato da peza publicada no número 371 do semanario en papel Sermos Galiza.
As incursións galegas dos libros de Bernardo Atxaga
Premio das Letras do Ministerio de Cultura

As incursións galegas dos libros de Bernardo Atxaga

O chamado Premio Nacional das Letras do Ministerio de Cultura  nunca premiara un autor en euskera. Instituído en 1984, nese ano e en 2002 decorreron as dúas únicas edicións en que distinguiu autores monolingües nun idioma estatal diferente do castelán: o poeta Josep Vicenç Foix e o narrador e tamén poeta Joan Perucho, ambos os dous cataláns. O ministerio tampouco nunca premiou un escritor ou escritora en galego e só en 2019 fíxoo cun en euskera: Bernardo Atxaga (Asteasu, Guipúscoa, 1951).
A ópera distópica de Fernando Buíde
Estrea de 'A amnesia de Clío' en Compostela e A Coruña

A ópera distópica de Fernando Buíde

Clío é a musa grega da historia e a poesía heroica. Filla de Zeus e Mnemosine -como todas as nove musas-, nas innúmeras representacións que coñeceu ao longo da historia das artes aparece cun libro na man. O volume é do historiador Tucídides, que viviu durante o século V antes de Cristo e redactou a Historia da guerra do Peloponeso. Desta imaxe que atravesa os tempos partiu Fernando Buíde (Compostela, 1980) para compoñer a ópera A amnesia de Clío, estreada o pasado 10 de novembro na súa cidade natal.
"O nacionalismo nunca pasa de moda, e aínda menos na conxuntura actual"
ENTREVISTAMOS XOSÉ M. NÚÑEZ SEIXAS

"O nacionalismo nunca pasa de moda, e aínda menos na conxuntura actual"

O catedrático da Universidade de Santiago de Compostela, Xosé Manuel Núñez Seixas (Ourense, 1966), gañou o Premio Nacional de Ensaio por un volume denominado Suspiros de España: o nacionalismo español 1808-2018. Nunha entrevista a Sermos Galiza o historiador reflexiona sobre a concepto de nación, a situación do nacionalismo en Galiza e en Catalunya ou o por que das connotacións negativas que ten o termo para algunhas persoas.   
A outra Rosalía de Amherst
Poemas da estadounidense Emily Dickinson en galego

A outra Rosalía de Amherst

A analoxía resulta apetecíbel, pero presenta contraindicacións. Advírtenas no limiar de Herba abraiada (Rinoceronte, 2019 os propios tradutores, Marta Dahlgren e Manuel Forcadela: «É de especial interese a relación que a poesía de Emily Dickinson ten coa de Rosalía de Castro, en principio casual en termos históricos». Naceron e morreron nas mesmas décadas, engaden, e «manifestan un certo paralelismo temático visionario que está aínda por estudar». Mais axiña matizan.
Regina Touceda gaña o premio Pérez Parallé de poesía con 'Deriva'

Regina Touceda gaña o premio Pérez Parallé de poesía con 'Deriva'

Deriva é un libro medido, de palabra axustada, en que a voz poética se enfronta ao seu pasado familiar, á súa contorna, á desparición dun mundo. Con el a poeta e filóloga Regina Touceda (Cuntis, 1999) gañou a edición número 32 do Premio Nacional de Poesía Xosemaría Pérez Parallé.
O CGAI, terceiro órgano dependente de Agadic sen relevo na dirección
Institucións culturais públicas descabezadas

O CGAI, terceiro órgano dependente de Agadic sen relevo na dirección

A xubilación o pasado verán de Guillermo Escrigas (Ferrol, 1953), director do Centro Galego das Artes da Imaxe desde 2007, deixou a filmoteca pública descabezada. É o terceiro órgano dependente de Agadic, a Axencia das Industrias Culturais da Xunta, que non renova a súa dirección.
Neira Vilas após Neira Vilas
Sucédense os seus libros póstumos

Neira Vilas após Neira Vilas

Media ducia de libros póstumos certifican a incansábel ética do traballo literario de Xosé Neira Vilas. Os dous últimos, ‘De Gres a Cádiz’ e ‘Co pai’, mesmo abren unha veta pouco explorada na súa obra, a do rexistro memorialístico. Eis un estrato da peza publicada no número 371 do semanario en papel Sermos Galiza.
«Fálase de...», actualidade en foco
Ciclo de conversas

«Fálase de...», actualidade en foco

A AS-PG organiza o ciclo de conversas «Fálase de...», que durante os meses de novembro e decembro reunirá protagonistas e expertas en diversos temas de actualidade.
Joám Trillo transcribe e revisa a 'Sinfonía nº2. Nas montañas da Galiza' de Andrés Gaos
A Xunta e Dos Acordes publican as partituras

Joám Trillo transcribe e revisa a 'Sinfonía nº2. Nas montañas da Galiza' de Andrés Gaos

Nas montañas da Galiza é a segunda das sinfonías creadas polo violinista e compositor Andrés Gaos (A Coruña, 1874-Mar de Prata, Arxentina, 1959). Escrita entre 1917 e 1919, exemplo de restauración culta, académica, das músicas populares, Gaos nunca a viu interpretada. A estrea sería o 28 de xullo de 1974 dentro das xornadas organizadas polo Centro Galego de Bos Aires co gallo do centenario do músico. Un ano máis tarde pasaría polo Teatro Colón da Coruña, dirixida por Rogelio Groba. A Orquestra Sinfónica da Galiza executaríaa en diferentes ocasións.
Crítica de cinema: 'Doutor Soño', por Andrés Castro
CRÍTICA DE CINEMA

Crítica de cinema: 'Doutor Soño', por Andrés Castro

Dan Torrance (Ewan McGregor) trata de afogar na bebida os recordos do acontecido no Hotel Overlook cando era cativo. Após chegar unha pequena vila é acollido por unha comunidade que o axuda a deixar o alcoholismo. Pronto recupera o “resplandor” e comeza unha conexión psíquica cunha nena que semella ter máis poder que el. Isto chama a atención dun grupo de seres escuros que se alimentan das almas da xente que resplandece...

Fin de semana, de todo un pouco
Axenda

Fin de semana, de todo un pouco

Feira de San Martiño

Teo, do 9 ao 11 de novembro

A Carballeira de Francos, en Teo, festexa a súa Feira do San Martiño. O sábado haberá obradoiros e mostra de salto cabalar, ademais da celebración no Auditorio Constante Liste, na Ramallosa,...

A Mostra de Cinema Etnográfico abre o prazo de recepción de filmes
No Museo do Pobo Galego en marzo de 2020

A Mostra de Cinema Etnográfico abre o prazo de recepción de filmes

O prazo para presentar filmes á Mostra de Cinema Etnográfico do Museo do Pobo Galego está aberto. Desde o 7 de novembro até o 8 de xaneiro, a organización recibirá as pezas das que sairán as que vaian a concurso na Sección Oficial da XV edición do certame.
Só 18 por cento dos filmes son producidos en galego
A tese de Brais Romero estuda o rol da lingua no noso cinema

Só 18 por cento dos filmes son producidos en galego

Brais Romero, director de A cuarta parede vén de presentar a súa tese de doutoramento, que analiza o rol da lingua galega en relación a creación dunha identidade cinematográfica de noso. Algúns datos son preocupantes: só 18% dos filmes que se consideran galegos están na nosa lingua. Con todo, hai razóns para o optimismo pola boa acollida que os filmes en galego están a ter en salas nos últimos anos.
Cultura para todas da man do Festi=

Cultura para todas da man do Festi=

O Festival de Artes Pola Inclusión Cultural da Coruña volve un ano máis á programación cultural da Coruña co obxectivo de «favorecer a inclusión e a accesibilidade de todas as persoas con diversidade funcional, sensorial ou cognitiva na vida cultural e artística»

Nao despídese dos escenarios
A derradeira xira

Nao despídese dos escenarios

O vindeiro 7 de decembro a banda Nao dirá o adeus definitivo aos escenarios en Santiago de Compostela, cun concerto cheo de colaboracións das artistas que os acompañaron durante a súa traxectoria, que lles axudarán a repasar case todo o seu repertorio.
Berta Dávila intérnase na ficción do eu
'Carrusel' titúlase o seu novo libro

Berta Dávila intérnase na ficción do eu

Durante moitos meses, espertei  cedo cada día para non escribir nada. Despois tío Carlos morreu e pensei que necesitaba buscar o principio de todo isto. Así que que volvín a este cuarto de hotel. Agardaba atopalo igual que o deixara a outra vez". O primeiro parágrafo de Carrusel (Galaxia, 2019) é xa unha especie de mapa secreto para as súas 121 páxinas. Así, no último libro de Berta Dávila (Compostela, 1987) hai un complexo xogo de tempos narrativos, certo enfrontamento coa finitude, a vontade de escribir contra vento e maré e a imposibilidade case física de facelo, tabús que se veñen abaixo, o outro como liberación e ás veces condena.
Malandrómeda e Emilio José, entre os mellores discos estatais da década
Listaxe da revista catalá 'Rockdelux'

Malandrómeda e Emilio José, entre os mellores discos estatais da década

Dous discos galegos e en lingua  galega figuran na listaxe das mellores 50 gravacións estatais da década que agora remata. Trátase de Agricultura livre (2015), do ourensán Emilio José, no posto 32; e mais de Os corenta e oito nomes do inimigo (2016), unha das partes do díptico de Malandrómeda, dúo hip hop compostelán, no 37. O ránking vén de publicalo no seu número de novembro unha das publicacións de maior prestixio e veteranía da prensa musical pop do Estado, a catalá Rockdelux. O número especial da revista, de periodicidade mensual, conmemora 35 anos nos quioscos.
O pop de Ataque Escampe representará Galiza no festival Suns Europe das artes en linguas minorizadas
No Friuli do 15 ao 30 de novembro

O pop de Ataque Escampe representará Galiza no festival Suns Europe das artes en linguas minorizadas

É unha das máis veteranas bandas en activo da música galega e en galego, ao bordo das dúas décadas. A súa proposta é cadora máis mestiza: pop, soul, incursións na cumbia, trazos dub, algún ritmo krautrock. Ataque Escampe erán as representantes da Galiza no festival Suns Europe das artes en linguas minorizadas, que este ano decorrerá no Friuli entre o 15 e o 30 de novembro.
Máis de cincuenta obras repensan 'O segundo Sexo'
Arte Contemporánea

Máis de cincuenta obras repensan 'O segundo Sexo'

A exposición itinerando Invisible [email protected] poderá visitarse no Auditorio de Galiza de balde até 15 de decembro. Este proxecto, liderado pola institución, proxura dar visiblidade á obra das mulleres artistas, entre a que se atopan catro galegas: Haya Branco (estampadora), Xulia Vicente (ilustración), Teresa Búa e Mery Pais (creadoras dixitais).