Cultura
Só 18 por cento dos filmes son producidos en galego
A tese de Brais Romero estuda o rol da lingua no noso cinema

Só 18 por cento dos filmes son producidos en galego

Brais Romero, director de A cuarta parede vén de presentar a súa tese de doutoramento, que analiza o rol da lingua galega en relación a creación dunha identidade cinematográfica de noso. Algúns datos son preocupantes: só 18% dos filmes que se consideran galegos están na nosa lingua. Con todo, hai razóns para o optimismo pola boa acollida que os filmes en galego están a ter en salas nos últimos anos.
Cultura para todas da man do Festi=

Cultura para todas da man do Festi=

O Festival de Artes Pola Inclusión Cultural da Coruña volve un ano máis á programación cultural da Coruña co obxectivo de «favorecer a inclusión e a accesibilidade de todas as persoas con diversidade funcional, sensorial ou cognitiva na vida cultural e artística»

Nao despídese dos escenarios
A derradeira xira

Nao despídese dos escenarios

O vindeiro 7 de decembro a banda Nao dirá o adeus definitivo aos escenarios en Santiago de Compostela, cun concerto cheo de colaboracións das artistas que os acompañaron durante a súa traxectoria, que lles axudarán a repasar case todo o seu repertorio.
Berta Dávila intérnase na ficción do eu
'Carrusel' titúlase o seu novo libro

Berta Dávila intérnase na ficción do eu

Durante moitos meses, espertei  cedo cada día para non escribir nada. Despois tío Carlos morreu e pensei que necesitaba buscar o principio de todo isto. Así que que volvín a este cuarto de hotel. Agardaba atopalo igual que o deixara a outra vez". O primeiro parágrafo de Carrusel (Galaxia, 2019) é xa unha especie de mapa secreto para as súas 121 páxinas. Así, no último libro de Berta Dávila (Compostela, 1987) hai un complexo xogo de tempos narrativos, certo enfrontamento coa finitude, a vontade de escribir contra vento e maré e a imposibilidade case física de facelo, tabús que se veñen abaixo, o outro como liberación e ás veces condena.
Malandrómeda e Emilio José, entre os mellores discos estatais da década
Listaxe da revista catalá 'Rockdelux'

Malandrómeda e Emilio José, entre os mellores discos estatais da década

Dous discos galegos e en lingua  galega figuran na listaxe das mellores 50 gravacións estatais da década que agora remata. Trátase de Agricultura livre (2015), do ourensán Emilio José, no posto 32; e mais de Os corenta e oito nomes do inimigo (2016), unha das partes do díptico de Malandrómeda, dúo hip hop compostelán, no 37. O ránking vén de publicalo no seu número de novembro unha das publicacións de maior prestixio e veteranía da prensa musical pop do Estado, a catalá Rockdelux. O número especial da revista, de periodicidade mensual, conmemora 35 anos nos quioscos.
O pop de Ataque Escampe representará Galiza no festival Suns Europe das artes en linguas minorizadas
No Friuli do 15 ao 30 de novembro

O pop de Ataque Escampe representará Galiza no festival Suns Europe das artes en linguas minorizadas

É unha das máis veteranas bandas en activo da música galega e en galego, ao bordo das dúas décadas. A súa proposta é cadora máis mestiza: pop, soul, incursións na cumbia, trazos dub, algún ritmo krautrock. Ataque Escampe erán as representantes da Galiza no festival Suns Europe das artes en linguas minorizadas, que este ano decorrerá no Friuli entre o 15 e o 30 de novembro.
Máis de cincuenta obras repensan 'O segundo Sexo'
Arte Contemporánea

Máis de cincuenta obras repensan 'O segundo Sexo'

A exposición itinerando Invisible [email protected] poderá visitarse no Auditorio de Galiza de balde até 15 de decembro. Este proxecto, liderado pola institución, proxura dar visiblidade á obra das mulleres artistas, entre a que se atopan catro galegas: Haya Branco (estampadora), Xulia Vicente (ilustración), Teresa Búa e Mery Pais (creadoras dixitais).
Somerset Maughan, por primeira vez en galego
'A lúa e seis peniques' trata "a historia do xenio que o sacrifica todo"

Somerset Maughan, por primeira vez en galego

Non atravesa o escritor William Somerset Maughan os seus intres de maior popularidade. E, porén, nun tempo foi sen dúbida un dos autores máis célebres e celebrados do mundo. A súa extensa obra, 21 novelas e máis dun cento de relatos, estaba inédita en galego. A editorial Hugin e Munin publica agora a versión galega de A lúa e seis peniques, un dos seus títulos de referencia.
A Biblia Kennicott regresa á Galiza 500 anos despois
Fará parte dunha mostra no Gaiás

A Biblia Kennicott regresa á Galiza 500 anos despois

O colofón da Biblia Kennicott estampouse o 24 de xullo de 1476 na Coruña. Ese día un importante comerciante xudeu, Isaac, fillo de Salomón de Braga, recolleu o seu encargo, unha das alfaias da ilustración medieval e, segundo a Xunta, “un dos manuscritos hebreos máis valiosos e fermosos do mundo”. Cincocentos anos despois regresa á Galiza dentro da exposición Galiza, un relato no mundo.
Sobre a lingua dos trobadores

Sobre a lingua dos trobadores

O sueco Pär Larson presenta en Compostela A lingua das cantigas, unha obra que constitúe a primeira descrición sistemática da lingua usada polos trobadores. Será a segunda feira 4 de novembro, ás 19.30 horas, na Libraría Couceiro.
A Academia pecha o ano Fraguas cun simposio dedicado á súa figura

A Academia pecha o ano Fraguas cun simposio dedicado á súa figura

A Real Academia Galega pecha o ano Fraguas cun simposio dedicado ao etnógrafo que protagonizou o último Día das Letras Galegas. Entre o 26 e o 28 de novembro, máis de vinte especialistas afondarán na vida e na obra de Antonio Fraguas (Cotobade, 1905-Compostela, 1999). Contribúen á organización o Consello da Cultura Galega, o Museo do Pobo Galego e a fundación a nome do autor.
Unha mostra nin pública, nin privada
Creación Contemporánea

Unha mostra nin pública, nin privada

A artista plástica portuguesa Carla Filipe visita Numax na terza feira 5 de novembro para falar dos procesos creativos que imbúen a súa obra. Será dentro do ciclo Episodios de Creación Contemporánea, dentro do cal ofrecerá unha mostra centrada nos espazos de costura e a memoria familiar.
'Arima', de Jaione Camborda, inaugura o festival Novos Cinemas
De 10 a 15 de novembro

'Arima', de Jaione Camborda, inaugura o festival Novos Cinemas

A primeira longametraxe de Jaione Camborda inaugura a vindeira edición do festival Novos Cinemas de Pontevedra, que terá lugar de 10 a 15 de decembro. Para alén desta proxección, a cineasta participa activamente noutras actividades do proxecto, co que está implicada desde hai anos.

Versos na rúa para a estrela Rosalía

Versos na rúa para a estrela Rosalía

A Agrupación Astronómica Coruñesa Ío e a Asociación Cultural Alexandre Bóveda organizan un acto a pé de rúa para animar á cidadanía a votar e nomear Rosalía unha estrela. Comezará ás 17.30 diante do Teatro Colón da Coruña e recitaranse e cantaranse versos da escritora.
Mozambique canta a Narf

Mozambique canta a Narf

O festival “Ahoje é ahoje", que se celebra en Maputo, acolle unha homenaxe musical ao cantautor Fran Pérez Narf da man de Timbila Muzimba e no que participará Uxía

Dorothé Schubarth: "O pulso do canto galego é como un péndulo"

Dorothé Schubarth: "O pulso do canto galego é como un péndulo"

Entrevistamos Dorothé Schubarth (Basilea, 1944), co gallo da recollida do Premio Mestra da Memoria, outorgado pola AELG en Lugo.  Musicóloga, compositora, editora e estudosa do Cacioneiro Popular Galego, publicado ao carón de Antón Santamarina. Unha obra imprescindíbel da lírica de tradición oral, que conta tamén con gravacións únicas agora auspiciadas polo Arquivo Sonoro de Galiza. Eis un estrato da peza publicada no número 370 do semanario en papel Sermos Galiza.

 

Isto é un escándalo, Pereira!
25 anos de Pratos Combinados

Isto é un escándalo, Pereira!

A un ano vista de facerse o 25 aniversario da súa primeira emisión, máis de 20 artistas galegas, entre as que se inclúe o creador da serie, Xosé Cermeño, homenaxean 'Pratos Combinados' cun volume tributo tirado do prelo de xeito independente. Eis un estrato da peza publicada no número 370 do semanario en papel Sermos Galiza.
Un percorrido polos filmes galegos máis vistos
Versión orixinal

Un percorrido polos filmes galegos máis vistos

O que arde adianta A Esmorga na terceira posición da listaxe, converténdose no segundo filme en versión orixinal galega máis visto na historia do noso cinema, despois de Sempre Xonxa. Sermos Galiza aproveita para facer un repaso polas películas galegas con máis espectadores no cinema.

Crítica de cinema: Parasitos, por Andrés Castro

Crítica de cinema: Parasitos, por Andrés Castro

Unha familia pobre entra a traballar na casa dunha familia rica. Pese a pertencer a dous mundos distintos os desexos en anhelos de ambas familias son moi parecidos, iniciándose unha escalada de situacións cada vez máis extravagantes.

Unha fin de semana de castañas, música e teatro
Axenda

Unha fin de semana de castañas, música e teatro

A fin de semana do Samaín vén cargada de castañadas, magostos e moita cultura. Do punk en Chantada á música máis clásica en Compostela, velaí a nosa axenda. Non hai excusa para ficar na casa.

O Samaín e o Magosto, o luto pela morte do verão
A Véspera de Todos os Santos agoira o frio e a escuridão invernal

O Samaín e o Magosto, o luto pela morte do verão

“Isto, inovador faz trinta anos, hoje já não o é, quando todos partilham esta visão”, adverte André Pena Graña, arqueólogo e historiador do Concelho de Narón desde 1987, autor da reflexão ao redor do Samaín e do Magosto. 

Eis un estrato da peza publicada no número 370 do semanario en papel Sermos Galiza.

Cineuropa en feminino
De 7 a 28 de novembro

Cineuropa en feminino

A 33ª edición de Cineuropa chegará a Compostela facendo eco da ollada feminina, con especial atención ás obras de novas creadoras e creadores e ás problemáticas ecolóxicas. Deste xeito, homenaxea María Vázquez, Emma Suárez e Rita Azevedo Gomes. Case 200 títulos, entre os que destacan 19 estreas na Galiza, traerán o mellor do cinema europeo e internacional á capital galega. O cinema galego terá tamén garantido un espazo con 17 títulos entre os que están as estreas de Arima, de Jaione Camborda, Longa Noite, de Eloy Enciso e Eroski Paraíso, de Chévere.

“Falo sobre a aniquilación e a derrota dunha clase social"
Pilar Pallarés / Poeta

“Falo sobre a aniquilación e a derrota dunha clase social"

Sete anos despois do último poemario de Pilar Pallarés (Culleredo, 1957), o editor de Chan da Pólvora, Antón Lopo, peta na súa gorxa. Logo da longa espera, chega aos andeis Tempo fósil, cunha delicada edición en azul prusia brillante deseñada por Manuel Martínez. No libro, a voz poética aborda –como un gato, con distancia e entrega absoluta–, a nada que, após erixirmos todo, imos deixar atrás.
'Tempo fósil' de Pilar Pallarés, Premio Nacional de Poesía do Ministerio de Cultura
Após sete anos de silencio editorial

'Tempo fósil' de Pilar Pallarés, Premio Nacional de Poesía do Ministerio de Cultura

Tempo fósil (Chan da Pólvora, 2018) supuxo a clausura dun silencio: o dos sete anos que a poeta Pilar Pallarés pasou sen dar libro ao prelo. Testemuño dunha destrución, talvez a máis directamente política das súas obras, acaba de valerlle o Premio Nacional de Poesía do Ministerio de Cultura 2019.
Samaín gaña terreo a Halloween

Samaín gaña terreo a Halloween

Cada vez máis xente reivindica a tradición galega fronte á americana. O Samaín gaña cada vez máis forza. Aínda que hai quen critica a asimilación de parte das tradicións por mor da influencia da cultura estadounidense a través do seu omnipresente Halloween, a festa celta conseguiu traer os nosos costumes ao presente e impoñerse sobre a celebración foránea. Eis un estrato da peza publicada no número 370 do semanario en papel Sermos Galiza.
Mil trescentos músicos congréganse en Santiago
XIII CERTAME GALEGO DE BANDAS POPULARES

Mil trescentos músicos congréganse en Santiago

O XIII Certame Galego de Bandas Populares reunirá no Auditorio de Galiza os días 2 e 3 de novembro 21 formacións de música popular. Esta edición será a máis numerosa e internacional, coa participación de catro agrupacións portuguesas, unha castelá e 16 galegas.

'Nós' ao bordo do século
A histórica revista fai 99 anos

'Nós' ao bordo do século

O 30 de outubro de 1920 saía do prelo o primeiro número da revista Nós. Dezaseis anos e ducias de persoas colaboradoras, entre elas o máis significado do galeguismo da época, conformaron a primeira achega do movemento ao que se denominaba “alta cultura”. Este semanario lembra o histórico cabodano mentres prepara a saída o 2 de xaneiro de Nós Diario. Eis un estrato da peza publicada no número 369 do semanario en papel Sermos Galiza.
“O documental é a vida abríndose camiño"
Entrevistamos Lucía C. Pan, directora de fotografía

“O documental é a vida abríndose camiño"

Encadrar a realidade e narrala implica tomar moitas decisións. Da cor ao movemento, un nome está detrás dalgúns dos filmes máis interesantes dos últimos anos, como Dhogs, Trote ou Matria. Ela é Lucía C. Pan (Cambre, 1986), de profesión directora de fotografía, o oficio de pintar coa luz. Licenciada en Belas Artes, especializouse na súa actual profesión en Barcelona e logo voltou para desenvolver a súa actividade na terra. En 2018 fíxose co Premio Mestre Mateo á Mellor Dirección de Fotografía polo seu bo facer en Dhogs, converténdose na primeira muller que o recibe nos 18 anos de traxectoria dos galardóns, polos que pasaron 48 nominados dos que só catro eran nomes femininos. Uns datos que poñen de manifesto a desigualdade aínda moi patente en certas áreas do audiovisual, especialmente aquelas que teñen a ver cos postos de poder. Eis un estrato da peza publicada no número 369 do semanario en papel Sermos Galiza
 
Unha guía para outro turismo
Compostela desde dentro

Unha guía para outro turismo

Alvarellos publica Santiago de Compostela desde dentro, unha guía turística escrita pola escritora e bióloga Marilar Aleixandre. Fronte a outros documentos menos conscientes, pretende ofrecer unha visión máis achegada á dos propios picheleiros, con alternativas de turismo sustentábeis ecolóxica e economicamente, así como respectuosas coa vida cotiá da cidade.

Jules Verne regresa aos mares da Galiza
Tradución de 'Vinte mil leguas baixo dos mares'

Jules Verne regresa aos mares da Galiza

Jules Verne estivo dúas veces en Vigo. Non por coñecidas deixan de ser estas visitas fascinantes. Pero o máis fascinante é que antes de viaxar fisicamente fíxoo nunha das súas novelas, na célebre Vinte mil leguas baixo dos mares. Xerais publica agora unha tradución da obra, con limiar da escritora Ledicia Costas.
Voces femininas, críticas e diversas resoarán nas pantallas de Compostela
33º Cineuropa

Voces femininas, críticas e diversas resoarán nas pantallas de Compostela

O cinema realizado por mulleres preséntase como fío condutor da 33ª edición do festival de cinema da capital galega, que terá lugar de 7 a 28 de novembro de 2019. O anuncio chega após a polémica polo cambio de directiva á empresa madrileña La Tropa Produce. Os filmes que compoñen a programación daranse a coñecer a vindeira quinta feira 31 de outubro.
Mochilas “viaxeiras” para sentir a música

Mochilas “viaxeiras” para sentir a música

Unha acción pioneira do Concello de Nigrán permite que as persoas con xordeira e hipoacusia de toda Galiza gocen dunha forma de cultura que até o de agora non lles era accesíbel, podendo desfrutar dos concertos ao vivo grazas a unha nova tecnoloxía que transforma o son en vibracións.

Versos do pintor Manuel Ruibal

Versos do pintor Manuel Ruibal

A cuarta feira 30 de outubro preséntase en Pontevedra a antoloxía Poesías, contos, aforismos do pintor Manuel Ruibal, editada pola Fundación Cuña-Casasbellas.

Martiño Ferreiro Álvarez, o cerdedense que morreu en Mauthausen

Martiño Ferreiro Álvarez, o cerdedense que morreu en Mauthausen

Martiño Ferreiro Álvarez (Quireza, 1892) foi confinado no campo de Argelès-sur-Mer (Pireneos Orientais), no sueste de Francia, após combater o exército franquista, para morrer en Mauthausen.  Eis un estrato da peza publicada no número 369 do semanario en papel Sermos Galiza.