Deportes
Verónica Boquete: "O fútbol feminino vai con anos de atraso no Estado español"

Verónica Boquete: "O fútbol feminino vai con anos de atraso no Estado español"

Considerada como a futbolista galega máis importante da historia, o xornalista deportivo máis tópico tamén definiría Verónica Boquete (Compostela, 1987), ou tan só ‘Vero’, como figura nas costas das súas camisolas, como unha “trotamundos do fútbol”. Após xogar en 14 clubs distintos de Europa, Asia e América, volve á casa para repoñer forzas até o comezo da vindeira tempada da liga americana. Reunidos nun café do seu barrio, San Lázaro, introducimos a entrevista, como non podía ser doutro modo, falando do tempo. Vero aguanta con estoicismo tanto o frío das montañas de Salt Lake City (Utah, EUA) como a choiva da súa cidade natal, pero non lle importa mollarse en temas como o seu futuro ou a folga na Liga de fútbol.   Eis un estrato da entrevista publicada no número 371 do semanario en papel Sermos Galiza.

O peor Dépor de todos os tempos
CRISE BRANQUIAZUL

O peor Dépor de todos os tempos

A estatística revela que, logo de 13 encontros de liga disputados, nunca nos seus 113 anos de historia o Deportivo da Coruña sumara menos puntos que na actualidade.

As xogadoras da Liga de fútbol van á folga de maneira indefinida
Para o fútbol

As xogadoras da Liga de fútbol van á folga de maneira indefinida

Máis de 200 futbolistas pertencentes aos 16 clubs que integran a Primeira División, incluída a totalidade do cadro do único equipo galego, o Deportivo Abanca, acordaron con 93% de votos parar a competición ante a falta de flexibilidade negociadora da patronal para aceptar unhas condicións “mínimas” no primeiro convenio da historia do fútbol feminino.

As futbolistas da Liga cobran dez veces por debaixo do mínimo que perciben eles
Ameazan con folga

As futbolistas da Liga cobran dez veces por debaixo do mínimo que perciben eles

A patronal e os sindicatos non chegan a un acordo para asinar o primeiro convenio colectivo na historia do fútbol feminino e as xogadoras estudan a idea da folga ante a posibilidade de cobrar unhas cantidades que están máis de dez veces por debaixo das mínimas que percibe un futbolista masculino por desempeñar o mesmo traballo.

O Deportivo rexistra o peor inicio de Liga da súa historia na Segunda
Fútbol

O Deportivo rexistra o peor inicio de Liga da súa historia na Segunda

Nunca nas 41 tempadas en que o club coruñés militou na categoría de prata conseguira menos puntos e vitorias que na actual logo de 10 partidos de competición, empeorando mesmo as cifras das ligas 1973/74 e 1979/80, nas que os branquiazuis descenderon a Terceira e 2ªB, respectivamente.

Descubrindo Fernando Fariña, o ídolo futbolístico de Castelao

Descubrindo Fernando Fariña, o ídolo futbolístico de Castelao

Unha caricatura permite coñecer a figura do que foi o primeiro xogador profesional do balompé galego, aló polos anos 20. Fariña era un deportista que ao saír dos campos de fútbol frecuentaba círculos sociais cheos de artistas e intelectuais, algo moi pouco común daquela, e que chamou a atención de Castelao, que dedicou os seus trazos a un home que sempre levaba a boina ben encaixada na testa.

Ana Peleteiro segue a medrar

Ana Peleteiro segue a medrar

Logra o sexto posto na final de triple salto no Mundial de Doha, Qatar, avanzando un lugar en relación á cita mundialista de Londres.

A galega Ana Peleteiro loitará polas medallas no Mundial de Atletismo

A galega Ana Peleteiro loitará polas medallas no Mundial de Atletismo

Nunha fase de clasificación marcada pola igualdade, Ana Peleteiro logrou un salto de 14,23 metros que foi abondo para meterse nunha final que terá lugar ás 19:35 horas galegas do sábado 5 de outubro e poderá verse por televisión ou na pantalla xigante que instalarán na praza do Concello de Ribeira.
O telégrafo que trouxo o fútbol

O telégrafo que trouxo o fútbol

En 1873 instálase en Vigo a Eastern Telegraph Company para unir mediante cable telegráfico subacuático a localidade inglesa de Porthcurno e a cidade olívica. Ao contrario do que sucedía noutras zonas, eses traballadores británicos integráronse na sociedade local, chegando a fundar un clube co que practicar, por primeira vez en toda a península ibérica, un novo deporte, o foot‑ball. Eis un extracto da reportaxe publicada ao respeito no número 362 do semanario en papel Sermos Galiza.
Náutico de Ribeira, sétimas na regata feminina da Kontxa
Traiñeiras

Náutico de Ribeira, sétimas na regata feminina da Kontxa

Orio gaña por primeira vez a bandeira na categoría feminina desta regata, que leva disputándose desde 2008 e na que traiñeiras galegas gañaron en 5 edicións. Para a categoría masculina, na que se impuxo Hondarribia, non logrou este ano clasificarse ningunha representación da Galiza. 
Gómez Noya, bronce no Mundial de Tríatlon
É a undécima medalla do ferrolán

Gómez Noya, bronce no Mundial de Tríatlon

O triatleta ferrolán, que rematou a derradeira proba das Series Mundiais de distancia olímpica, volve así ao caixón da disciplina coa ollada posta nas Olimpiadas de Tokio.
Mecos-Coruxo, campioas de España de traiñeiras

Mecos-Coruxo, campioas de España de traiñeiras

A 'Sotera' de Santurtzi, vencedora na final masculina. O campionato disputouse en augas de Meira e estivo marcado pola ausencia dos campións territoriais (Cabo, Hondarribia, Astillero e Castropol).

“A selección galega vai ao Mundial de Irlanda cun nivel para dar a cara fronte a calquera"
Pablo da Silva, adestrador da selección feminina de Fútbol Gaélico

“A selección galega vai ao Mundial de Irlanda cun nivel para dar a cara fronte a calquera"

Pablo da Silva é, con Santi Rodríguez, o adestrador da selección galega de Fútbol Gaélico, equipo que xunto coa masculina, participa do 28 de xullo ao 2 de agosto nos GAA World Games, Mundial que reúne en Irlanda 85 combinados e máis de 1.200 xogadoras e xogadores de todas as partes do mundo.

Galiza, a polo Mundial de fútbol gaélico, que reúne en Irlanda 85 equipos
DO 28 DE XULLO A 2 DE AGOSTO

Galiza, a polo Mundial de fútbol gaélico, que reúne en Irlanda 85 equipos

Os equipos nacionais feminino e masculino participan do 28 de xullo ao 2 de agosto nos GAA World Games, que reúnen en Irlanda 85 combinados e máis de 1.200 xogadoras e xogadores de todas as partes do mundo. Entre os rivais da selección masculina están Bretaña, Canadá ou Arxentina. A feminina enfrontarse a rivais como Rusia e Francia, entre outras.

O Dépor procura novo adestrador para un proxecto marcado polos recortes
O clube non renova o contrato de Martí

O Dépor procura novo adestrador para un proxecto marcado polos recortes

Non podía continuar José Luis Martí despois do bochorno de Son Moix e o Consello de Administración do Deportivo, se ben cunha certa lentitude na toma da decisión, actuou en consecuencia. 13 partidos despois, o vestiario branquiazul está sen xefe. O Dépor procura novo adestrador para un proxecto forzosamente dimensionado á baixa. Fede Cartabia, unha das nóminas máis altas do plantel, tampouco continuará.

O Dépor resgata a súa historia máis negra e perde por volta de 50 millóns de euros

O Dépor resgata a súa historia máis negra e perde por volta de 50 millóns de euros

No peor dos momentos o Dépor volveu ser o da liga regular. Un equipo medoño e sen nervio. Especulativo. Unha escadra que evocaba a súa historia máis negra, o fatalismo da derrota no último minuto (a derrota ante o Rayo Vallecano en Riazor de 1983, o mítico e até literario penalti de Djukic de 1994). En Son Moix foi en algunhas fases do xogo un simulacro de equipo, un convite ao rival para entrar por todos os flancos, sen valados no centro do campo. Si, non estaba Álex Bergantiños. O Dépor caeu en Son Moix por 3-0 e perdeu por volta de 50 millóns de euros, segundo a estimación do seu presidente, Paco Zas.

Un Dépor en combustión xa está á beira do ascenso
A maxia de Cartabia tomba o Mallorca (2-0)

Un Dépor en combustión xa está á beira do ascenso

A escalofriante entrada sufrida por Álex Bergantiños, o canteirán a non dosificar nin unha pinga de suor, simboliza o xogo do Dépor neste play off de ascenso. Un equipo entregado, desbocado. Todo o que aforrou durante os seus meses de hibernación na liga regular pono agora sobre o céspede a escadra treinada por Martí. Houbo espazo para o heroísmo no lance do gladiador Bergantiños, mais tamén para a maxia do futbolista con máis talento do combo coruñés, un Fede Cartabia en estado de graza.