Deportes
"Fóra o PP da nosa sede": afeccionadas do Celta protestaron contra o acto do Partido Popular

"Fóra o PP da nosa sede": afeccionadas do Celta protestaron contra o acto do Partido Popular

Varias ducias de seareiras e socias participaron na concentración promovida a través das redes sociais para rexeitar que un salón da sededo RC Celta acollese un acto do Partido Popular a favor da unidade de España con presenza Núñez Feixoo e Pablo Casado, que foron apupados á súa chegada. Vídeos no interior.

Mosquera e Bergantiños combinan ben
Golpe de autoridade do Dépor en Granada

Mosquera e Bergantiños combinan ben

Que Mosquera e Bergantiños eran na práctica incompatíbeis constituía un dogma do libreto de Natxo González que este domingo pasou a mellor vida. A dupla galega fortaleceu a medular branquiazul e catapultou o Dépor a un triunfo vital no campo do Granada (0-1), nun xogo en que voltou a brillar o talento de Edu Expósito e a fantasía de Cartabia.

Traiñeiras a rebordar as rías

Traiñeiras a rebordar as rías

A Liga Galega bate un récord, con 30 barcos a competir esta tempada entre as súas tres categorías: A, B e Feminina. Nesta última xa son 8 as tripulacións que disputarán o título.

Riazor deixou de ser un fortín
O Dépor deixa escapar 6 puntos nos últimos 5 partidos

Riazor deixou de ser un fortín

Todo comezou a se torcer na xornada 17 co empate a dous goles fronte ao Numancia. Nos primeiros 7 partidos de liga disputados en Riazor, o combo de Natxo González só deixara ir de Riazor dous puntos. A fortaleza xa non é tal e nos últimos cinco episodios ante a bancada local os branquiazuis cederon até tres empates.

O Lugo cesa o cuarto director deportivo en cinco anos
Cae Emilio Viqueira

O Lugo cesa o cuarto director deportivo en cinco anos

É un posto de alto risco o do director deportivo do Lugo. O clube comunicou esta terza feira o cesamento do titular do cargo, Emilio Viqueira. Cae tamén o seu adxunto, José Luis Deus. Viqueira é o cuarto director deportivo cesado na entidade branquivermella no transcurso dos últimos cinco anos.

O Celta remata coa xeira negativa ao vencer pola mínima o Sevilla

O Celta remata coa xeira negativa ao vencer pola mínima o Sevilla

O Celta de Vigo conseguiu saír dos postos de descenso da Primeira División grazas ao seu triunfo sobre o Sevilla por 1-0. O turco Okay Yokuslu foi o autor do único gol do partido. Con esta vitoria, o Celta racha cunha xeira negativa que levou o conxunto de Miguel Cardoso a...

Chuvia de reforzos nos equipos galegos no feche do mercado de inverno

Chuvia de reforzos nos equipos galegos no feche do mercado de inverno

O mercado de inverno futbolístico veu este ano farturento de noticias. Non é de estrañar: os equipos galegos están lonxe de conseguir os seus obxectivos e precisaban de reforzos nunha ventá, a de xaneiro, habitualmente pouco propicia para as boas operacións deportivas (outra cousa é o suculento negocio dos representantes). O Lugo é o clube que máis apostou no casino de xaneiro: 6 incorporacións, por tres do Celta e dúas do Dépor.

O Lugo derrota o Rayo Majadahonda e afástase do descenso
3-2

O Lugo derrota o Rayo Majadahonda e afástase do descenso

Para o Club Deportivo Lugo, os tres puntos sumados este sábado no Anxo Carro saben a vitoria das grandes. Ao derrotar por tres a dous o Rayo Majadahonda, afástase dos postos de descenso e, ademais, deixa boas sensacións sobre a herba.
 

O Celta cae en Valladolid e saltan as alarmas
2-1

O Celta cae en Valladolid e saltan as alarmas

Dous goles do Valladolid veñen de acender todas as alarmas no Celta de Vigo. Coa súa derrota este domingo, e a falta de se completaren todos os partidos da xornada, sitúanse cuartos pola cola. O descenso xa non é unha posibilidade remota.
 

O Dépor é máis que un rombo

O Dépor é máis que un rombo

NIngún equipo con cara e ollos é redutíbel a un único sistema de xogo. Aínda lle levou ben tempo a Natxo González asumir esta sinxela lóxica do fútbol, do moderno ou do cavernario. Riazor viviu este domingo un cómodo triunfo fronte a un rival directo polo ascenso. E viviuno sen rombo sobre o céspede.

Mallorca endósalle ao Dépor a terceira derrota
21ª xornada

Mallorca endósalle ao Dépor a terceira derrota

A primeira volta da Liga rematou costa abaixo para o Deportivo da Coruña. Tres derrotas, a última este sábado contra o Mallorca, non impiden, porén, que fique ao bordo dos postos de ascenso a Primeira División.
 

O Rayo propínalle catro goles ao Celta
19ª xornada

O Rayo propínalle catro goles ao Celta

Nada puido facer o Celta ante a forza e a capacidade goleadora do Rayo Vallecano. Aínda que os vigueses chegaron a ir diante no marcador -durante apenas 20 minutos- acabaron sucumbindo. Un hat trick de De Tomás serviu para decidir o encontro.
 

Máis emoción que beleza nun derbi sen goles
Dépor-Lugo (0-0)

Máis emoción que beleza nun derbi sen goles

Postos a procurar un heroe, non hai dúbidas: Juan Carlos, o gardamallas do Lugo. Postos a subliñar unha decisión técnica dificilmente comprensíbel, tampouco: a suplencia de Quique González no Dépor. Postos a tirarmos conclusións do primeiro derbi galego da temporada, hai unha que se destaca sobre as demais: o Dépor non atravesa o mellor momento do curso e o Lugo é un combo serio e difícil de bater. Si, un combo capaz de sobrevivir nun campo como Riazor en inferioridade numérica.

Messi reduce o Celta

Messi reduce o Celta

Dúas xogadas coa marca do arxentino derrotan unha equipa celeste que non acaba de mostrar todo o seu potencial.

Un punto premia a resistencia do Lugo en Almería
60 minutos cun futbolista menos

Un punto premia a resistencia do Lugo en Almería

Non é nada doado o campo do Almería. O Dépor sobreviviu case de milagre, grazas a unha isolada acción do sempre talentoso Fede Cartabia. Pois ben, nese cenario hostil o Lugo selou un acto heroico: conseguiu un empate após xogar en inferioridade numérica durante 60 minutos.

Riazor recupera os automatismos

Riazor recupera os automatismos

O recente empate co Numancia após desbaldir dous goles de renda ten todo o aspecto de ter sido un accidente. Este domingo, Riazor volveu presenciar un cómodo triunfo da equipa de Natxo González. Sen brillo, de acordo, mais sen apuros. A bola parada foi chave.

O Celta de Cardoso comeza a tomar forma
Vitoria en Vila-Real (2-3)

O Celta de Cardoso comeza a tomar forma

Segundo triunfo consecutivo do combo agora treinado polo luso Miguel Cardoso. Tres goles fóra de casa e ningún deles de Iago Aspas! Sinal contundente de que o arsenal ofensivo desta equipa vai moi alén das probadas capacidades do punta de Moaña.

Profecía autocumprida en Riazor
O Dépor cede 2 pontos ante o Numancia

Profecía autocumprida en Riazor

As mensaxes que emitía durante esta semana o vestiario do Dépor delataban certo estado de ánimo, non precisamente o que predispón para as vitorias. A idea básica é que a xeira triunfante en Riazor —até este sábado só voaran dous puntos en todo o campionato— non ía durar taumaturxicamente sempre. Había que estar atento, en calquera momento podía chegar o tropezo. É ben cedo que o fixo. Este mesmo sábado, após desbaldir unha sustanciosa renda de 2 goles.

O Celta despídese da Copa en Anoeta
Perde 2-0

O Celta despídese da Copa en Anoeta

A Real Sociedade acabou co soño copeiro do Celta. O equipo adestrado por Miguel Cardoso caeu en Anoeta por dous tantos a cero no partido de volta dos dezaseisavos de final da Copa do Rei.

Dez minutos para a esperanza

Dez minutos para a esperanza

A Real Sociedade inaugura o marcador de vitorias en casa fronte a un Celta que só creou perigo na recta final do partido.

Fede Cartabia ao rescate

Fede Cartabia ao rescate

Hai decisións inexplicábeis que se poden pagar caras. Unha delas é a de eliminar talento dun terreno de xogo. Foi o que fixo Natxo González cando deixou Carles Gil no vestiario no intermedio e puxo no seu canto Didier Moreno. As cousas non poden rodar ben cando o pé que máis toca a bola durante todo un período é o do voluntarioso futebolista colombiano. O Dépor safou porque o voo do seu plantel é moi superior ao promedio da categoría. O treinador branquiazul tiña unha poderosa bala na recámara. Fede Cartabia non fallou.

Demasiado castigo para o Lugo

Demasiado castigo para o Lugo

Un grande gol de Borja Galán decidiu o Lugo-Alcorcón no Anxo Carro. Non se puido estrear con vitoria na súa casa o novo treinador dos albi-vermellos, Alberto Monteagudo. O Lugo puxo máis e mereceu máis.

O Dépor ten moita dinamita arriba

O Dépor ten moita dinamita arriba

Resultado inxusto? Talvez. Mais isto do fútbol vai a goles e o Deportivo ten esta temporada dous puntas top que, alén de máis, viven en estado de graza. Deixarse ver por Riazor é nestas condicións un tormento para os visitantes.

Ao Celta sobráronlle dous paus contra a Real
Empate en Balaídos en duelo copeiro

Ao Celta sobráronlle dous paus contra a Real

Extrema igualdade en Balaídos no partido de dezaseisavos da Copa do Rei entre o Celta e a Real Sociedade. Igualdade en posesión, en pases totais, en goles... En paus, non, en paus gañou o Celta, con dous chuts, de Sisto de falta directa e do dinamarqués Hjulsager, repelidos pola madeira. O Celta marcou, claro, por medio de Aspas. Mais a equipa vasca restabeleceu o equilibrio no taboleiro de marcas moi perto do epílogo. A eliminatoria vaise decidir en Donostia.

Aspas ao rescate

Aspas ao rescate

O hat trick do de Moaña perante o Eibar serve en bandexa a Antonio Mohamed unha clara vitoria no marcador (4-0) mais non despexa as dúbidas sobre o xogo celeste.