Internacional
Macron, disposto a pagar a factura dun confronto con Bruxelas para desactivar os coletes amarelos
Italia protesta

Macron, disposto a pagar a factura dun confronto con Bruxelas para desactivar os coletes amarelos

As medidas anunciadas esta segunda feira por Emmanuel Macron para enviar os coletes amarelos ás súas casa custarían ao erario 10 mil millóns de euros. Isto incrementaría o déficit público até o situar en 3,4 por cento, 4 décimas por cima dos limites estabelecidos por Bruxelas. Italia teme un agravio comparativo, pois os seus orzamentos foron condenados pola Comisión Europea cando o seu desvío ficaba en 2,4 por cento.

Macron, sobre os coletes amarelos: A cólera que hoxe se expresa é xusta en moitos aspectos

Macron, sobre os coletes amarelos: "A cólera que hoxe se expresa é xusta en moitos aspectos"

Reaxe o palacio do Eliseo. Non tiña outra opción, sendo que o movimento dos coletes amarelos ten a aprobación de no mínimo 70 por cento da sociedade francesa. Emmanuel Macron tentou esta segunda feira desactivar as mobilizacións cun discurso de 13 minutos e un anuncio estrela: a suba de 100 euros do salario mínimo (1.498,47 euros brutos, no estado español a proposta do Goberno Sánchez é colocalo en 900). Macron chamou a "facer da cólera unha oportunidade"

ERC reafirma a súa aposta na vía catalá, democrática e pacífica
PDeCAT afirma que as palabras de Torra foron malinterpretadas

ERC reafirma a súa aposta na "vía catalá", democrática e pacífica

O apelo á vía eslovena formulado este domingo por Quim Torra no acto de constitución do Consell per la República non achou eco nas filas de ERC. Quer o president do Parlament, Roger Torrent, quer a portavoz do partido, Marta Villalta, reafirmaron esta segunda feira a súa aposta na "vía catalá", un conduto polo que queren transitar desde o "pacifismo, o civismo e a democracia".

Vox pide a detención de Torra por apelar á vía eslovena

Acción. Reacción. O apelo de Quim Torra á vía eslovena levou esta segunda feira Vox a demandar a súa detención e ingreso en prisión. O número dous do PSOE e ministro de Fomento, José Luis Ábalos, chamou "irresponsábel" e "iluminado" o president da Generalitat. Sectores do PSOE presionan Pedro Sánchez para rachar as pontes do diálogo coa Generalitat, en vésperas do consello de ministros que vai ter lugar en Barcelona o próximo 21D.

Déixenos vivir a nosa vida como nación, responde París ás alusións de Trump aos coletes amarelos
1.700 persoas detidas, 260 feridas

"Déixenos vivir a nosa vida como nación", responde París ás alusións de Trump aos coletes amarelos

O último balanzo oficial do confronto nas rúas entre os coletes amarelos e as forzas policiais deita marcas inéditas nas últimas décadas:  máis de 1.700 persoas detidas e 260 feridas. A crise non pasou desapercibida en Washington. En twitter Donald Trump ligou o descontentamento popular en Francia á aplicación do acordo de París sobre as alteracións climáticas, do que se retirou os Estados Unidos ao chegar o magnate republicano á Casa Branca.

Torra aposta na vía eslovena cara á independencia: Xa non hai marcha atrás posíbel
Inicia un xexún de 48 horas

Torra aposta na vía eslovena cara á independencia: "Xa non hai marcha atrás posíbel"

Non hai cenario alternativo á independencia, aínda que esta vaia traer sangue, suor e bágoas. Un discurso de ar churchilliano foi o que emitiu este sábado en Bruxelas o president da Generalitat, Quim Torra, durante a apresentación do Consell per la República. Torra expresou a súa adhesión á vía eslovena. "Xa non hai marcha atrás e estamos dispostos a todo para viver libres. Fagamos como eles", dixo. Eslovenia conseguiu a independencia en 1991 após unha guerra exprés que enfrentou o país co daquela estado iugoslavo. O confronto bélico saldouse con por volta de 60 mortos e 300 feridos.

“As urnas son sempre a resposta que defendemos”
Marcel Mauri, vicepresidente de Òmnium Cultural

“As urnas son sempre a resposta que defendemos”

Marcel Mauri (Badalona, 1977) é a cara visíbel de Òmnium Cultural –entidade que suma máis de 130.000 socias e socios­– desde o encarceramento de Jordi Cuixart. Dedícase, profesionalmente, a impartir aulas de xornalismo na Universitat Pompeu Fabra. Conversamos con el a raíz da súa recente visita a Compostela, que acolleu un acto, coorganizado por Esculca e a propia Òmnium, enmarcado na campaña “Demà pots ser tu” (“Mañá podes ser ti”) en defensa dos dereitos civís. Eis un extracto da conversa, publicada no número 325 de Sermos Galiza.

Corbyn pide eleccións anticipadas se Westminster rexeita o acordo do Brexit
May pon en xogo o seu futuro político

Corbyn pide eleccións anticipadas se Westminster rexeita o acordo do Brexit

A terza feira, o Parlamento británico submeterá a votación o acordo alcanzado por Downing Street con Bruxelas sobre a saída do Reino Unido da Unión Europea, axendada para marzo de 2019. A primeira ministra, a conservadora Theresa May, podería sufrir unha derrota histórica. Un nutrido grupo do Conservative Party pon a proa ao pacto de Londres coa Comisión Europea.

Xi reafirma em Lisboa o carácter estratégico do relacionamento de China com Portugal
O Estado luso estará na rota da seda

Xi reafirma em Lisboa o carácter estratégico do relacionamento de China com Portugal

Beijing concebe Lisboa como um peão essencial no seu projeto de penetração na União Europeia. Esta terça feira, o presidente chinês Xi Jinping visitou o seu homólogo luso, Marcelo Rebelo de Sousa, no Palácio de Belém. China tenciona  “aprofundar a parceria estratégia" com a UE e nessa perspectiva Portugal teria um importante papel a jogar, disse o líder da que em paridade de poder de compra já é a primeira potência económica do mundo.

 

O TSXN confirma a sentenza da Manada e desbota a condena por violación

O TSXN confirma a sentenza da Manada e desbota a condena por violación

O Tribunal Superior de Xustiza de Nafarroa confirma a sentenza de condena por abusos sexuais aos cinco integrantes de La Manada. Non considera de aplicación por tanto o deilto de agresión sexual (equivalente á violación). Porén, 2 dos 5 membros do tribunal emitiron un voto particular en desacordo.

Casado, disposto a gobernar en coalición con Vox

Casado, disposto a gobernar en coalición con Vox

O líder do PP pisa o acelerador na súa deriva dereitista e deixa claro que está disposto a entregar consellarías do goberno andaluz a Vox, un partido que ten no seu programa a liquidación das autonomías. Casado non só rexeita a luva que lle tendeu na mesma noite Susana Díaz a presidenta saínte pedía un pacto constitucionalista para isolar a extrema dereita—, senón que pasou ao contra-ataque a dicir que o partido máis "radical" e "perigoso" da democracia non é Vox, senón o Podemos co que Sánchez negociou os orzamentos.

 

 

Condenada ao fracaso a proposta do PSOE dunha frente constitucionalista para isolar Vox
A dereita prepárase para gobernar Andalucía

Condenada ao fracaso a proposta do PSOE dunha frente constitucionalista para isolar Vox

Un acordo de todos contra Vox, o último cartucho de Susana Díaz para se manter no palacio de San Telmo, non ten visos de viabilidade. A dereita suma e todo o discurso de PP, Cs e Vox durante a campaña foi despexar o PSOE do executivo autonómico. Esta segunda feira, Pedro Sánchez, que na noite do domingo ficou silente, defendeu tamén unha sorte de frentismo constitucionalista para deixar fóra dos gobernos Vox, un partido que impugna o estado das autonomías. 

A irrupción de Vox arrebata ao PSOE o seu feudo e a dereita suma a maioría absoluta en Andalucía

Un partido que defende a virtual eliminación das comunidades autónomas obtivo este domingo 12 escanos no Parlamento andaluz e pulverizou así a hexemonía do PSOE, unha formación imbatida até agora en todas as convocatorias electorais durante 36 anos no territorio máis populoso do estado. A irrupción de Vox contribuíu para unha histórica, por inédita, maioría absoluta da dereita en Andalucía. Debacle do PSOE de Susana Díaz, moi penalizado por unha alta abstención. Podemos e IU obtiveron xuntos menos votos e escanos que por separado.

Madrid desbota unirse á ruta da seda, mais sela con China unha alianza estratéxica
Cimeira Pedro Sánchez-Xi Jinping

Madrid desbota unirse á ruta da seda, mais sela con China unha alianza "estratéxica"

Primeira visita ao Estado español dun presidente da República Popular de China en 13 anos. O líder chinés con máis poder desde Deng Xiaoping entrevistouse esta cuarta feira na Moncloa con Pedro Sánchez, co que asinou un documento contra o proteccionismo e o unilateralismo, como bases dunha "relación estratéxica integral". Xi Jinping recibiu tamén as chaves do concello de Madrid. O que non conseguiu foi a adhesión española ao proxecto chinés da Ruta da Seda, a alternativa de Beijing á globalización liderada polos EUA.

Haddad tería que ter sido máis duro con Bolsonaro
Néstor Kohan no Sermos323

"Haddad tería que ter sido máis duro con Bolsonaro"

Néstor Kohan (Bos Aires, 1967) é unha das voces máis poderosas, tamén máis rigurosas, do marxismo en Latinoamérica. Unha voz que se pretende innovadora, ligada ao territorio e á historia do sur do continente americano, nunca un mero eco das doutrinas eurocéntricas. Na súa conversa convoca con naturalidade quer o pensamento dos grandes vultos da tradición marxiana quer un vídeo de Youtube ao que debruzarnos se queremos estar á última dun movimento que, persuádeme diso, está moi vivo. 

Pontón mantén un encontro con Mujica e reafirma os lazos do Bloque coa esquerda latinoamericana
A portavoz nacional do BNG en Montevideo

Pontón mantén un encontro con Mujica e reafirma os lazos do Bloque coa esquerda latinoamericana

José Mujica non é un político ao uso. É máis ben un símbolo. Primeiro da loita do pobo uruguaio contra a ditadura militar (sofreu anos de cadea e torturas) e despois de despregamento de políticas populares de orientación socialista desde a presidencia do Uruguai (2010-2015). Esta segunda feira mantivo un encontro en Montevideo coa portavoz nacional do BNG, Ana Pontón.

47,8 por cento a favor da independencia de Catalunya
O bloque soberanista revalidaría a maioría absoluta

47,8 por cento a favor da independencia de Catalunya

ERC continúa por diante, e bastante, de Junts per Catalunya. Así o volta a ditaminar a demoscopia, desta vez o Centro de Estudos de Opinión da Generalitat. As voces favorábeis á independencia van a máis: obterían 47,8 por cento dos votos, un punto por cima do barómetro de xullo.

Unha bronca parlamentar resulta na expulsión de Rufián
Cualifica Borrell como o "ministro máis indigno da historia da democracia española"

Unha bronca parlamentar resulta na expulsión de Rufián

Rufián nunca deixa indiferente ninguén e esta terza feira, menos que nunca. O deputado de ERC dirixiu grosas palabras ao ministro de Asuntos Exteriores, Josep Borrell, e após ser chamado reiteradas veces á orde pola presidenta do Congreso, Ana Pastor, foi expulsado da cámara. Borrell acusou o deputado de Esquerra Joan Capdevila de cuspirlle na cara cando abandonaba o hemicilo. ERC négao.

x