Internacional
Ser a segunda candidatura máis votada pola militancia e gañar o congreso
Os estatutos do PP permiten que unha opción 'perdedora' o 5X se faga coa presidencia do partido

Ser a segunda candidatura máis votada pola militancia e gañar o congreso

A votación da militancia -axendada para o 5 de xullo- só sería decisiva en tres supostos: que a candidatura máis votada supere 50 por cento dos sufraxios, que distancie en no mínimo 15 pontos a segunda máis apoiada ou que se impoña na metade das circunscricións. En calquera outro suposto, a decisión final correspondería ás 2.612 compromisarias que asistirán ao Congreso en Madrid os días 20 e 21 de xullo.

O duelo Sáenz de Santamaría-Cospedal está servido

Totalmente confirmado. Rivais internas encarnizadas, Soraya Sáenz de Santamaría e María Dolores de Cospedal competirán pola herdanza política de Mariano Raxoi. Cospedal, actual secretaria xeral, ten máis apoios orgánicos, entre eles os do PPdeG.

Arxentina dá un paso decisivo na despenalización do aborto

Arxentina dá un paso decisivo na despenalización do aborto

A Cámara de Deputados da Arxentina deu esta mañá un decisivo paso cara ao dereito ao aborto. Por unha estreita marxe -129 votos a prol contra 125 e unha abstención-, aprobou o proxecto de lei de Interrupción Voluntaria do Embarazo. “Histórico avance nos dereitos das mulleres acadado logo de anos de loita feminista”, definiuno o xornal arxentino de esquerda Página 12.

Màxim Huerta sucumbe ás presións e demite ao non conseguir o respaldo de Sánchez
José Guirao, novo ministro de Cultura

Màxim Huerta sucumbe ás presións e demite ao non conseguir o respaldo de Sánchez

Màxim Huerta é xa historia e tórnase no ministro máis breve do réxime de 1978. No seu currículo só figurarán 7 días como membro do gabinete. Só puido participar nun consello de ministras e ministros. Anunciou a súa demisión en conferencia de imprensa ás 19 horas após amagar horas antes con se manter no cargo. Non achou o apoio suficiente na Moncloa e renuncia após trascender que cometeu fraude fiscal. A reacción do goberno Sánchez e do PSOE foi ambigua durante todo o día.

O BNG oponse á reforma da lei electoral europea
“Límite inaceptábel á diversidade nacional”

O BNG oponse á reforma da lei electoral europea

A eurodeputada do BNG Ana Miranda denuncia o proxecto da Comisión Europea para, mediante unha reforma da lei electoral, impor “un límite inaceptábel á diversidade nacional” no Parlamento europeo.
 

Huerta foi condenado por defraudar a Facenda 218 mil euros
Podemos pide a renuncia de Huerta

Huerta foi condenado por defraudar a Facenda 218 mil euros

[NOTICIA ACTUALIZADA] O ministro de Cultura vai comparecer perante os meios ás 19 horas, o que reaviva os ruxe-ruxe sobre a súa hipotética demisión após se coñecer que cometeu fraude fiscal. El País avanza que Huerta xa tería anunciado a súa renuncia á xente da súa contorna.

Cumio Trump-Kim, de dous a seis?
Unha análise de Xulio Ríos

Cumio Trump-Kim, de dous a seis?

Despois de tantos tirapuxas, o cumio Trump-Kim, puido celebrarse finalmente. E todo parece indicar que o gran gañador do evento foi o líder norcoreano. Trump elevara as expectativas dun encontro no que había facer gala das súas autoaclamadas habilidades negociadoras, pero á hora da verdade puideron quedarse curtas.

Que asinaron exactamente Kim e Trump?

Que asinaron exactamente Kim e Trump?

A maioría das análises de urxencia apuntan a que a declaración ten un carácter vago e con grandes zonas de indeterminación. En realidade, a noticia non é tanto o contido do acordo como o acordo en si propio.

Kim consegue a homologación internacional de Corea do Norte ao asinar unha declaración con Trump
Un acordo histórico

Kim consegue a homologación internacional de Corea do Norte ao asinar unha declaración con Trump

Non está aínda nada claro a que se comprometen as partes, mais a simples asinatura do acordo é un momento histórico. Pyongyang consegue un rotundo triunfo diplomático ao asinar un documento coa potencia hexemónica. China aplaudiu a entente. Sobre a mesa, unha vaga declaración en relación á desnuclearización da península.

Será moi difícil colaborar co Goberno Sánchez se non achegan os presos
Joan Tardá, portavoz de ERC no Congreso

"Será moi difícil colaborar co Goberno Sánchez se non achegan os presos"

É a voz do independentismo de esquerdas catalán. E é tamén un vigoroso defensor da República, entendida esta non tanto como unha forma de estado -como a antítese da monarquía- senón como o empoderamento dos sectores subalternos da sociedade, aqueles que nunca tiveron voz e que moitas veces -agora mesmo o pobo catalán- tampouco tiveron o dereito a decidilo todo. Joan Tardá (Cornellá de Llobregat, 1953) non é Nova Política, fai parte do mellor da política da vella escola (non, non todo o vello é ruín). Ningunha concesión á demagoxia, ningunha procura do titular fácil. O pensamento racional -tamén a paixón pola igualdade e polo recoñecimento da súa nación- por diante. Falamos nesta conversa da moción de censura a Raxoi, da diferenza que ve entre nacionalismo e independentismo e dos retos que ten o soberanismo de esquerdas no seu país. Nen máis nen menos que a construción da República, unha construción para á que, proclama, "fai falta sermos máis". Moitos máis.

 

Raxoi abandona tamén o liderado do PP

Raxoi abandona tamén o liderado do PP

Anuncia que deixa a presidencia do PP "porque é o mellor para min e o mellor para o partido, o mellor para España". Puro Raxoi até na despedida. "Estarei ás ordes de quen elixades", díxolles aos integrantes do Comité Executivo. Unha clarísima alusión a Aznar, o ex líder que o elixiu dixitalmente e que agora asesora a Ciudadanos. Raxoi anunciou un congreso extraordinario para escoller o novo líder. Feixóo está en todas as apostas, mais non é desbotábel que se abra paso outra opción, con Ana Pastor como referente alternativo.

Adeus ao 155
Quim Torra insta Pedro Sánchez a negociar "de govern a govern"

Adeus ao 155

A toma de posesión do Govern Torra clausura a intervención estatal sobre o autogoberno catalán. Quixo o calendario político que o evento coincidise coa promesa de Pedro Sánchez do seu cargo de presidente. Nun emotivo discurso, Quim Torra apelou ao espírito do 1 de outubro -o referendo reprimido pola policía española-, e rendeu tributo aos líderes soberanistas presos ou exiliados.

x