A eurodeputada do BNG no Parlamento Europeo, Ana Miranda, vén de se dirixir ao presidente da cámara para lle solicitar a prohibición da presenza de Vox nun acto previsto para o 6 de marzo por supor, di a nacionalista, unha “ameaza á orde pública e á seguridade” do Parlamento Europeo.
Sabían que ían ser expulsos do país e foron nas mesmas, na procura do impacto propagandístico. A delegación de eurodeputados —co parlamentar do PP Esteban González Pons como portavoz— foron levados a un avión de volta a Madrid após tocar solo venezuelano. Caracas advertíralles previamente que non lles sería tramitada a entrada en Venezuela por os considerar peóns da estratexia golpista.
O xuízo ao independentismo catalán, na súa terceira sesión, ofreceu esta quinta feira unha das imaxes máis agardadas, a de Oriol Junqueras a ser interrogado no Tribunal Supremo. É o primeiro testemuño que prestan as 12 persoas acusadas nesta causa contra o independentismo catalán. En exercicio dos seus dereitos, Junqueras só admitiu perguntas da súa defensa. "Estou nun xuízo político", dixo antes de se autocualificar como "preso político". "Nada do que fixemos é delito", resumiu.
Esta cuarta feira unha insólita confluencia á hora de premer o botón (Cs e PP por un lado, ERC e PDeCAT polo outro) tombou os orzamentos pactados por PSOE e Podemos. O Goberno Sánchez apenas ten oxíxeno para continuar. O debate esgazou aínda máis En Marea: só Alexandra Fernández tomou nota da directriz da cúpula do partido instrumental e votou contra as contas. O resto votou os orzamentos porque viu unha mudanza no discurso da Moncloa sobre os investimentos na Galiza.
Na abertura da vista oral, as defensas consideraron esta terza feira que o xuízo ao independentismo catalán non se debería nin ter realizado: non hai causa nin probas e, alén do máis, téñense vulnerado os dereitos fundamentais das 12 persoas acusadas. Na sesión desta cuarta feira, os fiscais —o seu xefe no estado español é designado a dedo polo poder executivo— tentaron desacreditar os argumentos dos avogados. E foron alén diso, perfilaron o relato dos seus cargos contra Junqueras e compañía: si houbo rebelión porque si houbo "métodos violentos".
A primeira sesión do xuízo ao procés soberanista catalán acolleu todas as intervencións dos avogados nas cuestións previas. As letradas e os letrados centraron os seus discursos en denunciar as vulneracións de dereitos que se produciron, en reclamar as probas e testemuñas que o tribunal se negou a aceptar inicialmente e en cuestionar a imparcialidade dos maxistrados.
Un xuízo de inequívoco contido político, un proceso inédito nos 40 anos de réxime de 1978, comezou esta terza feira no Tribunal Supremo español contra os dirixentes do bloque independentista catalán. Xa nas cuestións previas, as que se ventilarán hoxe, as defensas piden a nulidade do procedimento por considerar que foron violados os dereitos fundamentais das e dos acusados. A expectación extramuros é máxima. Os CDR, mentres tanto, cortaron estradas e vías de acceso a Barcelona. A ANC convoca concentracións para esta tarde.
O taboleiro catalán mantén unha estabilidade a proba de bomba, e de Vox, residual no Principat. Esa é a principal conclusión que se tira do inquérito que publica esta segunda feira El Periódico de Catalunya. De se realizaren agora eleccións ao Parlament, a primeira forza, e con clareza, sería ERC, 4 pontos por cima de Cs.
Internacionalista desde a praxe e non só desde a teoría, Katu Arkonada (Barakaldo, 1978) é un grande coñecedor, sobre o terreno, da realidade latino-americana en xeral e dos movimentos anti-imperialistas en particular. Durante 8 anos, e como asesor do goberno, colaborou coa experiencia transformadora que lidera Evo Morales en Bolivia. Activista da Rede de Intelectuais en Defensa da Humanidade, acompaña moi de perto os dramáticos acontecimentos actualmente en curso en Venezuela. Falamos sobre eles nesta entrevista.
A Generalitat quería un mediador internacional. O Goberno español oferece en troca unha figura de menor perfil, un relator, que é unha forma distinta de lle chamar ao que sería en realidade un negociador entre os dous polos en conflito. É a última baza de Sánchez para non romper as pontes con Catalunya e salvar os orzamentos. PP e Cs convocan mobilizacións na rúa e tildan o presidente do goberno español de traidor.
Sen novidade no Consulado de Venezuela na Galiza, sito en Vigo, un par de días despois de o presidente do goberno español ter recoñecido Juan Gaidó como xefe de estado do país caribeño.
"Se eu non tivese sido elixido presidente dos EUA, na miña opinión, nestes momentos estariamos nunha guerra de grandes proporcións con Corea do Norte", dixo esta terza feira Donald Trump no seu segundo discurso sobre o estado dos EUA. O mesmo Trump que se presenta como pacificador en Asia nega toda opción a se entrevistar con Nicolás Maduro.
A ruptura está cantada e salvo xiradela imprevista de última hora os orzamentos de Pedro Sánchez, pactados con Podemos, non superarán o primeiro trámite, o da votación das emendas á totalidade. ERC e PDeCAT anunciaron esta segunda feira senllos vetos. O adianto electoral para este outono xa é un dato que se comeza a dar por amortizado nos cenáculos políticos e mediáticos madrileños.
É a voz da revolución bolivariana no noso país. Antigo director de Comunicación de Hugo Chávez, Martín Pacheco, cónsul de Venezuela en Vigo, ten claro que a saída ao conflito político que vive o seu país é a que apoian actores internacionais como México e Uruguai. Aposta, pois, nun diálogo aberto coa oposición, mais desde o respeito á soberanía nacional, nas antípodas do intervencionismo de Washington e Bruxelas. Eis un extracto da conversa publicada no número 332 de Sermos Galiza.
A economía venezuelana é basicamente a produción e a exportación de petróleo. Washington cobiza o control dos inmensos recursos do país caribeño e acaba de dar un novo paso na dirección de cortar o oxíxeno que aínda mantén con vida o movimento bolivariano. A Administración Trump decidiu esta segunda feira conxelar os fondos que a petroleira estatal venezuelana PDVSA ten no país estadunidense. Son por volta de 6.100 millóns de euros.
Para Guerra, os gobernos de Pinochet (1973-1990) en Chile e Maduro en Venezuela son ditaduras horríbeis, dixo, mais a que acabou pola forza das armas co goberno do socialista Allende tería tido unha eficacia no terreno económico da que carecería o executivo bolivariano. Con este discurso Alfonso Guerra, en tempos líder da suposta ala esquerda do PSOE, coloca o listón da ocorrencia reaccionaria moi alto até para Vox.
Agora Repúblicas é a marca conxunta coa que concorrerán BNG, EH Bildu e ERC ás eleccións ao Parlamento europeu. As tres forzas farán tamén campaña propia, con lemas e identidade gráfica específicas, en cada un dos territorios. "Agora Repúblicas é a Galeusca do Século XXI", resumiu Ana Pontón. Interpelados pola imprensa por unha eventual incorporación de Anova á plataforma, EH Bildu e ERC remitíronse ao dito esta cuarta feira pola líder soberanista galega (basicamente que non hai proposta concreta que valorar). "O meu maior respeito á posición do Bloque", dixo Jon Juaristi.
Nada hai decidido en Venezuela neste momento e todos os escenarios están postos sobre a mesa, sendo que o golpe aínda non foi totalmente abortado. Mais hai un dato relevante: a Forza Armada Nacional Bolivariana (FANB) mantense leal a Maduro, embora semanas atrás houbo movimentos pre-golpistas en sectores, aparentemente moi minoritarios, do exército. Mentres tanto, Caracas decidiu rachar relacións diplomáticas cos EUA, claros patrocinadores do atentado contra o goberno venezuelano lexítimo.
Caos total no país caribeño, coa oposición ultra e os simpatizantes do Partido Socialista Unido de Maduro a rivalizar pola toma das rúas. O presidente da Asemblea Nacional Juan Guaidó, órgano posto fóra da lei polo movimento bolivariano, autoproclamouse titular lexítimo do poder executivo, un movimento inmediatamente respaldado por Estados Unidos e Canadá.
O movimento do cofundador de Podemos —a súa ruptura con Pablo Iglesias, o seu acordo electoral con Manuela Carmena para o asalto da comunidade autónoma de Madrid— non ten pasado desapercibido a ollos do PSOE. A súa vicesecretaria xeral, Adriana Lastra, declarou esta terza feira sobre o futuro de Errejón: "As portas do PSOE están abertas". Puxo como exemplo que o recentemente falecido Vicente Álvarez Areces "foino todo" no partido socialista após ter sido secretario xeral do PCE en Asturias.
