Política
Pontón vindica “un novo status político” para Galiza

Pontón vindica “un novo status político” para Galiza

Unha cadea humana arredor do Museo do Pobo Galego serviu esta sexta feira, 6 de decembro, ao BNG para reivindicar o dereito de autodeterminación dos pobos, na xornada que conmemora o 41º aniversario da Constitución. O de Compostela foi un acto simbólico con numerosos integrantes e simpatizantes, no que a portavoz nacional, Ana Pontón, reivindicou “unha Galiza forte con status de nación e autogoberno real para mellorar a vida das persoas”.
U-la reforma costitucional?
As formacións políticas con representación no Hórreo posiciónanse ante o 6‑D

U-la reforma costitucional?

A constitución española fai 41 anos o 6 de decembro e, como en cada aniversario, regresan á mesa do debate político iniciativas de modificación dun texto que permaneceu case inalterábel desde que naceu. Neste tempo, só se fixeron dous trocos: un en 1992, para adaptala ao Tratado de Maastrich, e outro - polémico- en 2011, que mudou o artigo 135 no marco da “estabilidade orzamentaria” propugnada por Bruxelas. Eis un estrato da peza publicada no número 375 do semanario en papel Sermos Galiza.
Pontón reta o PP de Ourense a apoiar a proposta do BNG para manter o paridoiro en Verín

Pontón reta o PP de Ourense a apoiar a proposta do BNG para manter o paridoiro en Verín

Ana Pontón e representantes nacionalistas, entre elas, a deputada Noa Presas e o tenente de alcalde de Verín, Diego Lourenzo, visitaron esta quinta feira ás persoas que manteñen un feche no Hospital de Verín para reclamar que non se elimine o servizo de paridoiro. O líder de En Marea, Luís Villares, tamén participou nun acto de denuncia en Ourense sobre a situación en Verín. 
O BNG reclama no Congreso o Estatuto da Industria Electrointensiva
Primeira iniciativa no Congreso

O BNG reclama no Congreso o Estatuto da Industria Electrointensiva

O deputado do BNG, Néstor Rego presentou no rexistro do Congreso dos Deputados unha pregunta dirixida ao Goberno a respecto da nova poxa de interrompibilidade, publicada no BOE do 3 de decembro de 2019, e que segundo di, empeora as condicións para a industria electrointensiva.
A cabeza do conselleiro pende de Verín
Sesión de control no Parlamento

A cabeza do conselleiro pende de Verín

O principal campo de batalla política na Galiza non estaba esta cuarta feira na sesión de control ao Presidente no Parlamento, pero até aquí chegaron os ecos do conflito desatado en Verín, coas mulleres en pé contra o feche do paridoiro no Hospital que atende a comarca. A cabeza dun conselleiro está en xogo. Ana Pontón apuntou á consellería sen nomear ao conselleiro. “Suprímaa”, díxolle a Alberto Núñez Feixoo. 
Vox pide que se anule a acta do deputado do BNG
Inicia a XIV lexislatura

Vox pide que se anule a acta do deputado do BNG

A formación de Santiago Abascal apresentou un recurso para que se revogue a acta de deputado a Néstor Rego e das representantes das formacións soberanistas de Catalunya e Euskadi, baixo a acusación de teren cometido fraude de lei por acatar a Constitución baixo fórmulas que aluden á defensa dos dereitos dos seus pobos e da liberdade.

O BNG promete diálogo desde os dereitos nacionais no Congreso

O BNG promete diálogo desde os dereitos nacionais no Congreso

O Bloque Nacionalista Galego comprometeuse a traballar polo «desbloqueo da axenda galega» no Congreso das e dos Deputados, institución na que o seu escano «marcará un antes e un despois» despois de «anos de ninguneo constante a Galiza», segundo Ana Pontón, quen asistiu na terza feira, canda o deputado Néstor Rego, á sesión de constitución da Cámara baixa. 
A Lei da Seca obvia o cambio climático e “afoga” os concellos

A Lei da Seca obvia o cambio climático e “afoga” os concellos

O 3 de decembro o pleno do Parlamento aprobará, presumibelmente, a Lei de garantía do abastecemento en períodos de seca. Nela concédeselle aos Concellos un período de tres anos para diminuír as fugas de auga. A norma foi duramente criticada pola oposición, que denuncia que ignora a Directiva Marco da Auga e acusa a Xunta de renunciar a incluír a protección dos recursos hídricos como medida preventiva.
O BNG leva ás negociacións con Sánchez a crise nas Pontes polo peche de Endesa
As Pontes

O BNG leva ás negociacións con Sánchez a crise nas Pontes polo peche de Endesa

Após o anuncio do peche da planta de Endesa nas Pontes, formouse un comité de crise que integra todos os axentes locais afectados. Nesta sexta feira, 29 de novembro, o deputado do BNG Néstor Rego reuniuse co comité e afirmou que esta problemática forma parte das reivindicacións do BNG nas negociacións con Pedro Sánchez.

"Desenvolver o autogoberno será a gran tarefa dos próximos anos"
Xoaquín Fernández Leiceaga

"Desenvolver o autogoberno será a gran tarefa dos próximos anos"

Xoaquín Fernández Leiceaga (Noia, 1961), doutor en Economía, profesor titular na USC. Participou no BNG entre 1982 e 2002. É autor, entre outros estudos, de Estrutura económica de Galiza xunto a Edelmiro López Iglesias. Incorporouse ao PSdeG en 2003 como concelleiro no Goberno municipal de Compostela. Parlamentario galego no Grupo Socialista desde 2005. Foi candidato á Presidencia da Xunta en 2016. Deixou o escano no Parlamento galego esta semana para incorporarse ao Senado en Madrid. A súa acta pasa a Encarna Liñeiro Pousa, de Camariñas, que se estreará no pleno a primeira semana de decembro. Eis un estrato da entrevista publicada no número 374 do Sermos Galiza.
“Os Concellos precisan un mellor financiamento e máis autonomía”
Concepción Campos, codirectora da Rede Localis

“Os Concellos precisan un mellor financiamento e máis autonomía”

Esta sexta feira tivo lugar a Comisión Galega de Cooperación Local, na que participa a Xunta de Galiza xunto coa Fegamp. Unha das grandes demandas desta última, a modificación dun sistema de financiamento local que outorga ás galegas 51 euros de menos que a media estatal, ficou no esquecemento. Sermos Galiza conversa con Concepción Campos, secretaria local e codirectora da Rede Localis da Universidade de Vigo, sobre as eivas do actual modelo.
Opositoras á Xunta denuncian “trato de favor” ao persoal interino

Opositoras á Xunta denuncian “trato de favor” ao persoal interino

As aspirantes a un posto na Administración Pública denuncian que a convocatoria fusiona o proceso de consolidación e estabilización de emprego e o de libre concorrencia. Sinalan que se modificou o temario e que a única formación que se valora na fase de concurso é a impartida pola Escola Galega da Administración Pública, á que as opositoras de libre concorrencia non teñen acceso.
Os centros da Agadic, sen rumbo e con orzamentos insuficientes

Os centros da Agadic, sen rumbo e con orzamentos insuficientes

Os orzamentos da Xunta para 2020 presentados no Pleno do Parlamento prevén un recorte nas partidas destinadas aos tres órganos principais da Axencia Galega de Industrias Culturais: o Centro Dramático Galego (recorte 40%), o Centro Coreográfico Galego (- 60%) e o Centro Galego de Artes da Imaxe (-20%). A Axencia contestou que o montante restante está rexistrado no orzamento de Turismo de Galiza, relacionado co Xacobeo 2021. A oposición e o sector cultural critican a xestión do PP, á que acusan de desgastalos por "inanición".

"Terá moita relevancia o que poida acontecer nos orzamentos do ano que vén"
NÉSTOR REGO

"Terá moita relevancia o que poida acontecer nos orzamentos do ano que vén"

Néstor Rego (O Vicedo, 1962) saíu elixido deputado en Cortes nas eleccións do 10-N con 57.765 votos, 9,5% do total da circunscrición da Coruña. O BNG regresa ao Congreso despois de catro anos e faino nun contexto político no Estado moi diferente ao de 2015. Ademais, agora, Pedro Sánchez reclama o apoio das forzas independentistas para alcanzar a investidura como presidente. «Hai máis deputadas e deputados soberanistas dos que houbo nunca no Congreso», di Rego, que non desvela as demandas que o Bloque levará á mesa de negociación cos socialistas. Eis un estrato da entrevista publicada no número 373 do semanario en papel Sermos Galiza.

Ana Pontón aspira a liderar o BNG desde "un proxecto colectivo"

Ana Pontón aspira a liderar o BNG desde "un proxecto colectivo"

A portavoz nacional presenta en Compostela a sua candidatura a encabezar as listas do BNG nas próximas eleccións galegas como aspirante á Presidencia da Xunta de Galiza. É a primeira lista que se presenta a un proceso de elección que rematará a mediados de xaneiro.
Quen é "o dono" das galegas?
Sesión de control ao Presidente

Quen é "o dono" das galegas?

Alberto Núñez Feixoo recupera o ton máis duro no cara a cara cos líderes parlamentarios coa pantasma da ultradereita e a ineficacia das políticas contra a violencia machista como fondo.
Leiceaga, designado senador polo Parlamento galego

Leiceaga, designado senador polo Parlamento galego

O ex portavoz socialista na cámara galega, Xoaquín Fernández Leiceaga, foi designado esta terza feira como representante da Cámara Autonómica galega no Senado español. Xunto a el, tamén obtiveron o respaldo parlamentario as ex candidatas populares ás alcaldías de Vigo e Ourense, Elena Muñoz e Jesús Vázquez.
 “O voto do BNG dependerá en exclusiva dos intereses de Galiza”, di Néstor Rego

“O voto do BNG dependerá en exclusiva dos intereses de Galiza”, di Néstor Rego

Néstor Rego, o deputado do BNG no Congreso español, entrevistouse está mañá con Adriana Lastra, ex portavoz socialista no Congreso e unha das líderes do PSOE encargadas de levar adiante os contactos coas distintas forzas parlamentarias para garantir a investidura de Pedro Sánchez. Rego falou ao remate da reunión da “actitude receptiva” do PSOE coas propostas nacionalistas, mais non definiu cal será o sentido do seu voto.
A oposición coincide: uns orzamentos antisociais e unha fiscalidade que beneficia as persoas ricas
Debate dos Orzamentos 2020

A oposición coincide: uns orzamentos antisociais e unha fiscalidade que beneficia as persoas ricas

A oposición en bloque cualificou os orzamentos da Xunta da Galiza para o 2020 como “antisociais”, discutiu a visión do contexto económico e institucional presentada polo conselleiro de Facenda, Valeriano Martínez, e cuestionou tanto a capacidade do Goberno Feixoo para ofrecer alternativas para o emprego e os sectores en crise como para executar os seus propios orzamentos. Manuel Lago, do Grupo Común da Esquerda, cifrou en 26.000 millóns “os recortes” da era Feixoo.