Política
25 anos homenaxeando Curros Enriquez na Coruña
Cara ao Día da Patria Galega

25 anos homenaxeando Curros Enriquez na Coruña

A Coruña acolleu a tradicional homenaxe e ofrenda floral a Curros Enríquez que o BNG e Galiza Nova organizan desde hai 25 anos nos xardíns de Méndez Núñez, ao pé do monumento á súa memoria. Como todos os anos, o acto realízase nas xornadas previas ao Día da Patria Galega para popularizar esta data e a manifestación nacional que o Bloque convoca o 25 de xullo en Compostela.

PP e DO aumentan o número de dedicacións na Deputación de Ourense e elevan a 3 as vicepresidencias
Denuncian o alto gasto económico

PP e DO aumentan o número de dedicacións na Deputación de Ourense e elevan a 3 as vicepresidencias

O acordo subscrito entre Democracia Ourensá e o Partido Popular, polo que Manuel Baltar mantivo a presidencia da Deputación de Ourense e Gonzalo Jácome accedeu á alcaldía da cidade das Burgas, “implicou” segundo denuncia a oposición o aumento do número de dedicacións na deputación e a creación de até tres vicepresidencias:

Ana Pontón: "Non sabemos se vai haber eleccións, mais o BNG está preparado"

Ana Pontón: "Non sabemos se vai haber eleccións, mais o BNG está preparado"

Incerteza no taboleiro estatal, coas conversas aparentemente rotas entre Sánchez e Iglesias, e actitude de agarda expectante en Rodríguez de Viguri, nos cuarteis xenerais do BNG. "Non sabemos se vai haber eleccións ou non [por un eventual fracaso da investidura do candidato socialista], mais nós estamos preparados", dixo esta terza feira na TVG a líder nacionalista Ana Pontón.

 

A lei de medio ambiente que o desprotexe

A lei de medio ambiente que o desprotexe

A Lei de Patrimonio Natural impulsada pola Xunta entrou recentemente en tramitación parlamentaria. O Goberno fala de “protección”, mais ecoloxistas e forzas da oposición denuncian que a súa redacción actual coloca o urbanismo por riba da conservación da natureza. Eis un extracto da información publicada no semanario en papel Sermos Galiza número 354.

O BNG insta o concello da Coruña a emprender unha demanda xudicial para recuperar a Casa Cornide
O espolio dos Franco

O BNG insta o concello da Coruña a emprender unha demanda xudicial para recuperar a Casa Cornide

O portavoz municipal do BNG na Coruña, Francisco Jorquera, anunciou que instará no vindeiro pleno o goberno municipal da cidade a emprender accións legais para recuperar a Casa Cornide para a titularidade pública, xa que foi “por medios fraudulentos” agasallado a Franco. A propiedade deste singular edificio segue en mans da familia do ditador.

Gómez Reino reitera a oferta a Anova para se incorporar a Galicia en Común

Gómez Reino reitera a oferta a Anova para se incorporar a Galicia en Común

Galicia en Común —a plataforma coa que Podemos e EU concorreron ás eleccións xerais do 28A— é o punto de encontro das forzas do cambio e nel teñen o seu espazo natural Anova e outros segmentos progresistas da sociedade galega. Esa tese defendeuna esta segunda feira o secretario xeral de Podemos Galicia, Antón Gómez Reino. A organización vai realizar o próximo domingo 21X unha xornada de debate e formación. A ela asistirá o secretario de Organización estatal Alberto Rodríguez.

Pontón critica que nas negociacións para a investidura se omita a axenda galega

Pontón critica que nas negociacións para a investidura se omita a axenda galega

Si se posicionan no debate "cataláns, vascos, canarios e até cántabros". Non o fai Galiza porque "PP e PSOE pasan olimpicamente dela" e porque a axenda das cuestións galegas brilla pola súa ausencia no diálogo Sánchez-Iglesias para a formación de goberno no estado. Así o considera Ana Pontón, para quen "o máis probábel" é que a investidura do candidato socialista resulte nun acto falido.

En Marea fecha a súa refundación reforzando a continuidade de Villares
O portavoz racha con Cerna

En Marea fecha a súa refundación reforzando a continuidade de Villares

Os aproximadamente cento cincuenta asembleístas presentes na xornada do sábado 13 de xullo no plenario de En Marea que decorreu na aula B da Facultade de Económicas da Universidade de Santiago de Compostela aprobaron unha nova definición ideolóxica e marcaron o calendario electoral para a elección da dirección. Unha cita que terá lugar o 29 deste mes.

O PP négase a que os ecoloxistas participen no trámite da Lei de Patrimonio Natural
A debate no Parlamento

O PP négase a que os ecoloxistas participen no trámite da Lei de Patrimonio Natural

O Partido Popular pretende debater rápido e con pouco ruído a tramitación da nova Lei de Patrimonio Natural impulsada pola Xunta. Denúnciao o deputado Antón Sánchez, de En Marea, para quen a dereita “quere furtar o debate”. Ademais de acelerar os prazos, o PP tampouco quere escoitar en ponencia os colectivos ecoloxistas.

Galiza Nova apresenta máis de 40 actividades para difundir o Día da Patria Galega
III Semana da Patria

Galiza Nova apresenta máis de 40 actividades para difundir o Día da Patria Galega

Con motivo do Día da Patria Galega a organización xuvenil Galiza Nova organiza máis de 40 actividades ao longo do país co obxectivo de reivindicar soberanía, así como dereitos e futuro para a mocidade e fortalecer a conciencia nacional entre as máis novas e novos. Con estes actos queren popularizar o Día da Patria Galega e os actos que Galiza Nova e BNG teñen preparados para o 24 e 25 de xullo na capital galega.

En Marea organiza o seu plenario en busca de novos liderados

En Marea organiza o seu plenario en busca de novos liderados

O vindeiro sábado 13 de xullo, na aula b da Facultade de Económicas da Universidade de Santiago de Compostela, En Marea organiza un novo plenario coa vista posta nos vindeiros comicios galegos. Os documentos sometidos ao debate pola dirección, ás emendas aos relatorios presentados polas inscritas e as conclusións dunha quenda de debates celebrados nas comarcas após as municipais anuncian un vivo debate.

O PP rexeita no Parlamento a limitar o prezo dos alugueres

O PP rexeita no Parlamento a limitar o prezo dos alugueres

Ao PP non lle preocupa a suba sostida dos prezos dos alugueres na Galiza. Ou polo menos iso é que se deduce do debate e a súa postura parlamentaria en contra de limitalos, expresada en pleno esta cuarta feira 7 de xullo na votación dunha iniciativa presentada polo grupo parlamentario de En Marea.

Feixoo achaca a crise demográfica á falta de “mulleres en idade fértil”
Parlamento

Feixoo achaca a crise demográfica á falta de “mulleres en idade fértil”

No debate decorrido no Parlamento Galego sobre o envellecemento da poboación galega Feixoo sinalou as causas da crise demográfica en que “cada vez hai menos mulleres en idade fértil”. Respostou así ás esixencias de Ana Pontón a prol de relanzar a economía galega e loitar contra a precariedade co obxectivo, entre outros, de favorecer a natalidade. Nese sentido, Xoaquín Leiceaga sinalou as políticas de Feixoo como “o mellor anticonceptivo na Galiza”. Manuel Lago estreouse nas preguntas ao presidente polo grupo de En Marea denunciando o empobrecemento das galegas e galegos.

O BNG acada apoio unánime no Parlamento para a transferencia de bolsas
Ensino

O BNG acada apoio unánime no Parlamento para a transferencia de bolsas

O Parlamento Galego acorda por unanimidade solicitar ao Estado a transferencia das competencias de bolsas de estudo. A deputada do BNG, Olalla Rodil, apresentou esta iniciativa coa que se procura que o goberno galego sexan quen xestione esta materia “que agora usurpa o Estado”, asegurou. A pretensión é aumentar o autogoberno galego e adaptar as axudas ao estudo á realidade do país e do alumnado galego.

Antón Sánchez describe a Martiño Noriega como un referente e non o descarta para liderar un próximo proxecto de unidade
Anova

Antón Sánchez describe a Martiño Noriega como un referente e non o descarta para liderar un próximo proxecto de unidade

O deputado no Parlamento galego e portavoz nacional de Anova Antón Sánchez asegurou que o exalcalde de Santiago de Compostela é "un referente” e “un dos imprescindíbeis” e afirmou que "vai ter un compromiso político para sempre".

Demite outra concelleira de Democracia Ourensá argumentando discrepancias co partido
Ourense

Demite outra concelleira de Democracia Ourensá argumentando discrepancias co partido

Aínda non pasou un mes desde que se produciu a investidura do alcalde de Ourense, Gonzalo Jácome, e xa se anunciou a segunda demisión no equipo de goberno da cidade das Burgas. Ana Isabel Rebanales Rodríguez, concelleira de goberno de Democracia Ourensá, presentou a súa renuncia á acta de edila e ao seu cargo no concello argumentando "discrepancias internas de organización estritamente de estratexia profesional” concretamente en relación coa concellaría que ocupaba.

Pontón afirma que só co BNG liderando a Xunta haberá garantía de cambio real
Cumio municipal

Pontón afirma que só co BNG liderando a Xunta haberá garantía de cambio real

Após as eleccións locais do pasado 26 de maio outorgar o BNG unha remontada en apoios que lle deron 456 concelleiras e concelleiros en todo o país, a fronte nacionalista celebrou un cumio municipal para trazar as liñas de actuación común. Ana Pontón afirmou neste encontro que os concellos son unha peza chave na construción da Galiza, mais animou as e os concelleiros a "fuxir dos estériles localismos”. Convencida de que Feixoo “é o pasado”, a líder nacionalista proclamou que só o Bloque é garantía dun cambio real nese novo tempo político que levará o PP á oposición.

O PP crea na Galiza un comité de cidades após non lograr ningunha alcaldía nelas
Cidades

O PP crea na Galiza un comité de cidades após non lograr ningunha alcaldía nelas

Após os resultados do 26 de maio que deixaron o PP sen ningunha alcaldía nas sete cidades galegas, a formación vén de dotarse dun novo órgano denominado 'Comité de cidades' para reforzar o partido nesas zonas.

PSdeG e Marea Atlántica acadan un acordo de programa e deixan as portas abertas a un posíbel cogoberno
Acordos nos concellos

PSdeG e Marea Atlántica acadan un acordo de programa e deixan as portas abertas a un posíbel cogoberno

A alcaldesa da Coruña Inés Rey asinou un acordo programático coa Marea Atlántica, aínda que esta non entrará no goberno municipal, ao igual que aconteceu nas pasadas semanas co BNG. Tanto o PSdeG como a Marea deixaron as portas abertas a que durante os catro anos de mandato a situación poida mudar.

Ciudadanos asegura que “non hai máis dramas” mentres continúan as baixas na Galiza
Crise en C's

Ciudadanos asegura que “non hai máis dramas” mentres continúan as baixas na Galiza

“Non hai máis dramas", sentenciou a deputada de Ciudadanos por Pontevedra, Beatriz Pino, ao ser preguntada pola demisión da ex secretaria de programas do partido na Galiza. A crise no partido laranxa non dá tregua. Martín Amaro, da xunta directiva de Ourense destituída esta semana, anunciou que haberá máis saídas en todo o país debido á "actitude ditatorial e pouco democrática" do actual secretario de organización.

Jácome e Baltar celebran o seu “bo entendemento” e ter deixado “o pasado atrás”
Ourense

Jácome e Baltar celebran o seu “bo entendemento” e ter deixado “o pasado atrás”

O alcalde de Ourense Gonzalo Jácome mantivo o primeiro encontro institucional co presidente da deputación Xosé Baltar. O rexedor da cidades das Burgas definiu os primeiros días de goberno de ambas as institucións como “os de maior entendemento ca nunca" e afirmou ter deixado atrás o pasado en relación á rivalidade política co líder popular.

A oposición esixe o cese do secretario de Jácome polos seus chíos machistas e lgtbifobos
Machismo

A oposición esixe o cese do secretario de Jácome polos seus chíos machistas e lgtbifobos

O PSdeG esixe a demisión do secretario do alcalde de Ourense polo seus chíos machistas e lgtbifobos na súa conta de twitter. Félix Álvarez é o máximo cargo de confianza do alcalde ourensán Gonzálo Pérez Jácome e o seu posto está remunerado con cartos públicos. O rexedor quixo pedir desculpas cualificando o comentario de “non procedente” após as denuncias da oposición e peticións de cese.

Ciudadanos destitúe a súa xunta provincial de Ourense por discrepancias
Crise en C's

Ciudadanos destitúe a súa xunta provincial de Ourense por discrepancias

A dirección estatal de Ciudadanos tomou a decisión de destituír a xunta provincial do partido en Ourense, admitindo así a solicitude realizada pola dirección galega. Os motivos aludidos polo secretario de organización do partido na Galiza son a existencia de discrepancias coa xunta provincial, falta de confianza e deixamento das súas funcións políticas.

En Marea debaterá o seu novo rumbo nun plenario o 13 de xullo
Plenario de En Marea

En Marea debaterá o seu novo rumbo nun plenario o 13 de xullo

Após a ruptura do grupo parlamentar de En Marea e dos procesos electorais, a formación liderada por Luís Villares convocou un plenario para o vindeiro sábado 13 de xullo. As bases están chamadas a debater o novo rumbo da organización así como o estabelecemento de cotas ás persoas inscritas.

PSdeG e BNG cogobernarán a Deputación de Pontevedra
Acordos

PSdeG e BNG cogobernarán a Deputación de Pontevedra

Finalmente o PSdeG non estará en solitario á fronte da Deputación de Pontevedra e cogobernará co BNG. O pacto acadado entre amabas forzas sitúa Carmela Silva de novo na presidencia e César Mosquera como vicepresidente. O acordo foi sinalado por Regades como “a antesala do pacto de goberno que haberá na Xunta entre ambas forzas" para expulsar o PP en 2020.

Ana Miranda leva á Valedora Europea do Pobo o procedemento do Alvia

Ana Miranda leva á Valedora Europea do Pobo o procedemento do Alvia

O procedemento de infracción aberto pola Comisión Europea contra o Estado español, as causas do accidente o sdistintos aspectos do sinistro atópanse no punto de mira da Valedora Europea do Pobo, Emily O'Reilly. Así o expuxo esta terza feira, 2 de xullo, a eurodeputada do BNG Ana Miranda á saída dunha xuntanza con O'Reilly.

Manuel Lago será o portavoz do grupo de En Marea

Manuel Lago será o portavoz do grupo de En Marea

Non haberá portavocía rotatoria. En Marea só terá un voceiro, o economista Manuel Lago. Así o resolveu o grupo parlamentar esta segunda feira. A decisión, segundo puido saber Sermos, foi adoptada por unanimidade. No autoproclamado espazo da unidade popular Lago é independente, aínda que próximo a EU. Mantén unha boa relación co villarismo.