Política
César Antonio Molina ve Barcelona en mans de nacionalistas fanáticos e anarquistas
O ex ministro de Cultura de ZP pásase a Cs

César Antonio Molina ve Barcelona en mans de "nacionalistas fanáticos e anarquistas"

Ex ministro de Cultura con Zapatero, César Antonio Molina (A Coruña, 1952) está agora instalado no espazo de Ciudadanos. Segundo puido saber Sermos, participou canda Francisco Vázquez nas conversas que darían lugar ao lanzamento da candidatura do catedrático de Teoría da Literatura José María Paz Gago á alcaldía da Coruña por Ciudadanos. A súa coñecida fobia anti-nacionalista exprésaa esta quinta feira nunha apoloxía de Manuel Valls en forma de artigo de opinión nas páxinas de El Mundo.

 

 

Comezan as réplicas galegas da fractura da dereita
Dimite o portavoz do PP en Ourense

Comezan as réplicas galegas da fractura da dereita

A fractura da dereita española comeza a sentirse en Galiza. De momento, timida pero significativamente. O portavoz do PP en Ourense, José Araújo, abandona o barco a catro meses das eleccións. Faino na única cidade gobernada polos populares e sen descartar o paso a Ciudadanos. Non é a única baixa de relevo.
 

A Coruña, adeus ao goberno monocolor
ANÁLISE

A Coruña, adeus ao goberno monocolor

Iniciamos unha serie de achegas para comprender como encaran as forzas políticas as as eleccións municipais nas cidades e principais vilas. Na Coruña só hai unha cousa clara: o próximo goberno terá de ser plural, isto é, un gabinete de coalición, pois o ensaio destes catro anos dun goberno monocolor en minoría pasará á historia. Eis un extracto da análise, publicada no número 331 de Sermos Galiza.

En Marea anuncia que abre negociación co Goberno polos orzamentos estatais

En Marea anuncia que abre negociación co Goberno polos orzamentos estatais

A dirección de En Marea vén de anunciar a apertura de “diálogo” co Goberno de Pedro Sánchez sobre o proxecto de orzamentos do Estado. “Estamos elaborando un documento técnico político sobre a base da Axenda Galega do Cambio”, afirmou Mariló Canedo, responsábel de relacións interinstitucionais da confluencia.
 

Pontón responde a Beiras: Non podemos valorar propostas que non existen

Pontón responde a Beiras: "Non podemos valorar propostas que non existen"

O sorpresivo movemento de Beiras —secundar unha proposta de Arnaldo Otegi para abrir a porta a un acordo con EH Bildu, ou sexa, tamén co BNG nas europeas— achou xa resposta por parte da portavoz nacional da formación nacionalista, Ana Pontón. "En política temos que ser serios. Para valorar propostas esas propostas teñen que existir e ser serias. Non podemos valorar propostas que non existen", dixo esta quinta feira aos medios.

 

 

O PSdeG pide a transferencia de tráfico e que a policía galega se ocupe das vías inter-urbanas

O PSdeG pide a transferencia de tráfico e que a policía galega se ocupe das vías inter-urbanas

Após o acordo de todo o arco parlamentar para Galiza igualar o seu teito competencial ao de Euskadi e Catalunya —como orixe, unha iniciativa do BNG— o PSdeG-PSOE dá un paso adiante e rexistra no Pazo do Hórreo unha proposición de lei para o estado transferir á Xunta as competencias en materia de tráfico. Sería a Policía galega a que se tería de ocupar da vixilancia nas vías inter-urbanas do país: 

O PP respalda o BNG para Galiza igualar o seu teito competencial a Euskadi e Catalunya

O PP respalda o BNG para Galiza igualar o seu teito competencial a Euskadi e Catalunya

Unha sorprendente votación tivo lugar esta cuarta feira no Pazo do Hórrreo. Submetíase a consideración unha proposición non de lei da autoría do deputado Luís Bará (BNG) que en esencia demandaba igualar o grao de autogoberno galego ao que desfrutan Euskadi e Catalunya. O PP votouna a favor, o que sen dúbida constitúe un novo aceno de Feixoo na súa política de marcar distancias co perfil anti-autonomista de Vox.

O eurodeputado Blanco cuestiona os coñecementos técnicos dos peticionarios sobre as rías
Portavoces ven un insulto nas declaracións do ex ministro

O eurodeputado Blanco cuestiona os coñecementos técnicos dos peticionarios sobre as rías

Vivíronse momentos de tensión no transcurso da reunión da Comisión de Peticións da Unión Europea, a pasada segunda feira 21 de xaneiro, na que se levou a debate a contaminación das Rías do Burgo e Vigo. Xosé Blanco, eurodeputado do PSOE e ex ministro de Fomento, cuestionou a capacidade dos peticionarios para xulgar determinadas condicións técnicas da depuradora de Vigo. Sermos Galiza asistiu á sesión en Bruxelas.

Suso de Toro incorpórase ao BNG

Suso de Toro incorpórase ao BNG

O escritor, autor dunha das obras máis influentes da literatura galega das últimas tres décadas, tramita a súa alta como afiliado do BNG. Así o anunciou na súa conta twitter. Referente intelectual no seu día da Esquerda Galega de Camilo Nogueira, Suso de Toro (Compostela, 1956) xa fixo parte da candidatura do Bloque ao Parlamento europeu en 2014. 

Feixoo continúa a ver o PP no centro político

Feixoo continúa a ver o PP "no centro político"

O presidente da Xunta de Galiza, Alberto Núñez Feixoo, foi entrevistado está mañá en Onda Cero dada a súa condición de coordinador da Convención Nacional de “rearme ideolóxico” do Partido Popular que vai ter lugar esta fin de semana en Madrid.

 

O espazo de cambio é sólido e vai ser sólido suceder o que suceder co partido instrumental
Antón Gómez Reino, secretario xeral de Podemos Galicia

"O espazo de cambio é sólido e vai ser sólido suceder o que suceder co partido instrumental"

En Marea tal e como existe non funciona e Luís Villares debería demitir como portavoz do grupo parlamentar porque a día de hoxe só representa un sector da confluencia. O "espazo de cambio" ten que se ensanchar e vai continuar "suceder o que suceder co partido instrumental". Estas son as mensaxes básicas que deixou o secretario xeral de Podemos Galicia Antón Gómez Reino nunha entrevista na Ser.

O PSdeG esixe o cesamento do conselleiro de Sanidade
Ofensiva da oposición

O PSdeG esixe o cesamento do conselleiro de Sanidade

A oposición intensifica a ofensiva contra a política sanitaria da Xunta. O secretario xeral do PSdeG, Gonzalo Caballero, reclamou este sábado o cesamento do conselleiro Jesús Vázquez Almuiña, e apuntou cara ao presidente Feixoo como “máximo responsábel da crise da sanidade”.
 

Pontón: “Feixoo é o terminator da sanidade pública”
Homenaxe do BNG a Castelao

Pontón: “Feixoo é o 'terminator' da sanidade pública”

A homenaxe do BNG a Castelao, celebrada este sábado en Rianxo, serviu á portavoz nacional da organización para abordar a actualidade política e social de Galiza. “Feixoo é un terminator mesmo en ámbitos tan sensíbeis como a sanidade pública”, afirmou Ana Pontón.
 

Aqueles que predicaron a unidade do rupturismo agora predican o rupturismo da unidade
Luís Villares

"Aqueles que predicaron a unidade do rupturismo agora predican o rupturismo da unidade"

Cando todo indica que se están a vivir as horas postreiras de En Marea tal e como foi concebida, Luís Villares convocou esta quinta feira os meios para lanzar un apelo á unidade con aroma a penúltimo movimento dunha partida de xadrez cuxo final xa está cantado. O líder orgánico do partido instrumental —que podería deixar de ser portavoz no Pazo do Hórreo descabalgado polos críticos, segundo fontes consultadas por Radio Galicia-SER— dirixiu o seu discurso basicamente a Podemos, a forza arredor da cal gravitan Esquerda Unida e a Anova oficial.

Encontro entre o BNG e o Comité de Empresa de Alcoa
Esta sexta feira

Encontro entre o BNG e o Comité de Empresa de Alcoa

A portavoz nacional, Ana Pontón, e a vicepresidenta da Deputación da Coruña, Goretti Sanmartín, manterán esta sexta feira un encontro co comité de empresa de Alcoa após o anuncio dunha posíbel prórroga de seis meses por parte da multinacional, mais sen que iso implique deixar de aplicar o ERE de extinción previsto para o 15 de xaneiro.

Editorial Sermos329: Feixoo e Vox

Editorial Sermos329: Feixoo e Vox

Feixoo ten un problema. Chámase Vox. En realidade, o problema de Feixoo non é tanto a existencia do partido ultradereitista como a firme intención de Pablo Casado —a quen o titular da Xunta respaldou clandestinamente fronte a Soraya Sáenz de...

O tripartito de dereitas non suma na Galiza
Análise/Sermos329

O tripartito de dereitas non suma na Galiza

A tripla alianza non suma na Galiza. Os dados fornecidos polas diferentes sondaxes coñecidas nas últimas semanas coinciden en sinalar que só as nacións sen estado resisten a enxurrada reaccionaria que abanea o Reino de España. Os vindeiros procesos electorais de 2019 sacaranos de dúbidas.

Vox dá o si a PP e Ciudadanos para que gobernen en Andalucía

Vox dá o si a PP e Ciudadanos para que gobernen en Andalucía

Os 12 escanos da extrema dereita sumaranse a populares e ‘laranxas’ após acadar Vox e PP un acordo en torno a 32 puntos onde se compromete desde o apoio á tauromaquia e creación dunha Consellaría de Familia até vías para favorecer o ensino concertado e a presenza da relixión no mesmo. O primeiro punto deste pacto, “protexer a unidade de España”

Podemos non recoñece a vitoria de Villares e chama á convocatoria dunha Conferencia de País
Cara á constitución dun novo referente

Podemos non recoñece a vitoria de Villares e chama á convocatoria dunha Conferencia de País

O cuestionamento das primarias que deron o triunfo ao villarismo fronte á tríade Anova oficial-Podemos-Esquerda Unida non cesa. Esta terza feira, a organización do partido morado na Galiza deu a coñecer a súa auditoría sobre o proceso. Segundo o informe pericial, as fallas do sistema informático permitían "alterar o resultado das votacións", alén de violar a protección dos datos das persoas inscritas. Podemos non recoñece a vitoria de Villares. O fin da confluencia, cada día máis perto.

O BNG pregunta a Feixóo “se coincide con Vox en que non existe a violencia de xénero”

O BNG pregunta a Feixóo “se coincide con Vox en que non existe a violencia de xénero”

O movemento da dirección estatal do Partido Popular cara ás teses ultras de Vox teñen efectos en Galiza. Non por acaso, Alberto Núñez Feixoo foi un dos apoios do presidente do partido Pablo Casado, abandeirado do xiro reaccionario. Neste contexto, o BNG preguntou hoxe ao xefe do Executivo galego “se coincide con Vox en que non existe a violencia de xénero”.
 

O CIS debuxa unha esquerda á baixa, un PP como segunda forza e un Vox que ten un medre moderado
Bon dato de En Marea

O CIS debuxa unha esquerda á baixa, un PP como segunda forza e un Vox que ten un medre moderado

No barómetro de decembro, o cuestionado oráculo de José Félix Tezanos volta a colocar o PSOE en liña descendente. Se en novembro a escadra de Pedro Sánchez alcanzaba 31,2 por cento do voto, desta volta ficaría en 28,9. Mentres tanto, o conglomerado liderado por Podemos sofre unha caída con tintes dramáticos, do 18,1 por cento pasaría a apenas 14,9. En Marea, en troca, duplicaría os seus resultados a respecto do mes anterior, do 0,6 a 1,2.

O home do desprazamento da masa manifestante aterra en Ciudadanos

O home do "desprazamento da masa manifestante" aterra en Ciudadanos

Foino case todo durante o reinado de Fraga no PPdeG. Após unha efémera excursión ás filas do falido proxecto político de Mario Conde, voltou á disciplina popular cando Raxoi se fixo coas chaves do palacio da Moncloa. Agora, en plena fragmentación da dereita, aterra en Ciudadanos para asaltar a alcaldía de Tui, responsabilidade institucional que xa detentou durante o seu longo percurso como dirixente do PP.

O BNG ve abusiva a suba de prezo na AP9 e no tren de proximidade
Anuncian iniciativas na cámara

O BNG ve "abusiva" a suba de prezo na AP9 e no tren de proximidade

A viceportavoz parlamentaria Olalla Rodil denunciou esta cuarta feira dous de decembro a “abusiva subida” dos prezos das peaxes das autoestradas, trens de media distancia e AVANT. Fixo especial fincapé na situación de “estafa” da provincia de Ourense.

Teresa Táboas reaparece este sábado nunhas xornadas de En Marea

Teresa Táboas reaparece este sábado nunhas xornadas de En Marea

No encontro, que se debruzará sobre o estado do mercado inmobiliario na Galiza e as dificuldades para a xente ver materializado o dereito ao acceso a unha vivenda digna, van tomar parte, entre outras persoas, a ex conselleira de Vivenda do bipartito, Teresa Táboas.

Pontón tilda de ofensa que Feixoo pronunciase o discurso diante do tributo de Castelao a Bóveda

Pontón tilda de "ofensa" que Feixoo pronunciase o discurso diante do tributo de Castelao a Bóveda

O discurso de Fin de Ano de Feixóo deste exercicio non foi criticado pola oposición só polo contido, mais tamén pola forma. A líder do BNG Ana Pontón tildou de "ofensa" que o presidente da Xunta escenificase a súa alocución co lenzo de Castelao "A derradeira leición do mestre" como pano de fondo. "Castelao e Bóveda foron dous nacionalistas e o discurso de Feixoo foi profundamente anti-nacionalista e españolista", dixo Pontón. Por súa parte, Luís Villares e Gonzalo Caballero criticaron a desconexión da realidade do titular do goberno galego.

Feixoo chama a non desbotar o 155 con “A derradeira leición do mestre” como pano de fondo
Un discurso de Fin de Ano dedicado máis a Catalunya que a Galiza

Feixoo chama a non desbotar o 155 con “A derradeira leición do mestre” como pano de fondo

O discurso de fin de ano foi unha nova andanada do presidente da Xunta contra o soberanismo. Unha peza retórica que ben podía ter asinado un dirixente do PP estatal, pois tivo como leitmotiv argumental o confronto entre Madrid e a maioría social de Catalunya que pide un referendo de autodeterminación. Feixoo optou por unha posta en escena cunha enorme carga de provocación: a súa soflama españolista tivo como escenario a Cidade da Cultura e como pano de fondo o lenzo pintado por Castelao en que se rende homenaxe a Bóveda, asasinado polos fascistas en 1936.

Villares esixe “respecto e responsabilidade” aos críticos
A dirección do partido consitúese sen os derrotados no proceso interno

Villares esixe “respecto e responsabilidade” aos críticos

A dirección de En Marea, que se organiza no Consello, quedou constituída este sábado. Pero fíxoo sen a participación do sector crítico. É dicir, 14 dos 35 postos do órgano ficaron baleiros. O portavoz Luís Villares esixiu “responsabilidade” e “respecto” ao bando derrotado no tortuoso proceso de eleccións internas.
 

 Os críticos de En Marea non recoñecerán os resultados sen unha “auditoría independente”
Auséntanse do máximo órgano de dirección

Os críticos de En Marea non recoñecerán os resultados sen unha “auditoría independente”

A candidatura crítica de En Marea, derrotada nas eleccións internas ao Consello das Mareas a pasada fin de semana, non participará este sábado na constitución do órgano de dirección. Tampouco recoñecerá os resultados “mentres non se realice unha auditoría independente dos mesmos”.
 

Felipe VI esixe “respecto” á Constitución e volve ao mito da Transición

Felipe VI esixe “respecto” á Constitución e volve ao mito da Transición

A monarquía española non atravesa os seus mellores momentos. A abdicación de Juan Carlos I, esmagado polas corruptelas, foi un primeiro aviso. O conflito catalán e a resposta ao mesmo da dereita española tamén a abalaron, xa en mans de Felipe VI. No seu discurso desta Noiteboa, o Rei de España volveu ao mito da Transición para intentar recentrar a súa propia figura.

Luis Villares gaña as primarias de En Marea
60% dos votos

Luis Villares gaña as primarias de En Marea

A candidatura 'Coidando a Casa' impúxose á de 'Entre todas' nas votacións celebradas esta fin de semana ao obter case 60% dos apoios (1.596 sufraxios). A lista liderada por David Bruzos logrou o voto de 1.098 persoas inscritas (40,7%). Esta candidatura esixe unha auditoría independente antes da proclamación definitiva dos resultados: "Denunciamos indicios claros de falta de imparcialidade".

 

Os desafíos da política galega para 2019

Os desafíos da política galega para 2019

2019, ano de eleccións. Municipais e europeas aseguradas no calendario e sen desbotar un adianto dos comicios xerais. Mais o ano que vén vai ter retos e desafíos máis aló dos simplemente electorais. Dalgúns deles fálannos desde as diferentes organizacións. Eis un extracto da reportaxe publicada ao respecto no número 327 de Sermos Galiza.

Hai partido
O sector crítico mantén a participación nas primarias de En Marea

Hai partido

'Entre Todas' mantén a candidatura para as primarias que arrancan este sábado após valorar seriamente retirarse das mesmas por falta de arantías. Así pois, até as 9:00 do 24 as persoas inscritas poderán votar entre dúas candidaturas, a do sector crítico e a liderada por Luis Villares. Esquerda Unida, porén, considera que non se dan as "condicións democráticas para votar".