Política
Villares rematará a lexislatura e Caballero chega ao Parlamento
O Parlamento após o 26M

Villares rematará a lexislatura e Caballero chega ao Parlamento

Após os resultados electorais do 26M Luís Villares despexou dúbidas sobre o seu futuro e comprometeuse a continuar como deputado de En Marea até o final da lexislatura. Mentres, Gonzalo Caballero chega ao Parlamento Galego para presidir o grupo do de deputadas e deputados do PSdeG.

Baltar revírase ao veto de Ciudadanos
Liorta na deputación de Ourense

Baltar revírase ao veto de Ciudadanos

A Deputación de Ourense é un auténtico fervedoiro e a liorta prosegue cun Baltar que rexeita o “veto” que Ciudadanos lle impuxo para pactar co PP. O presidente en funcións do ente provincial botou en cara ao partido laranxa que tal esixencia non corresponde cunha formación que unicamente conta “con nove edís na provincia” e convidounos a escoller entre pactar con el ou co nacionalismo.

Ciudadanos apoiará o PP na deputación se o candidato non é Baltar
Pactos en Ourense

Ciudadanos apoiará o PP na deputación se o candidato non é Baltar

O partido de Albert Rivera pon como condición para apoiar o PP na Deputación de Ourense que Manuel Baltar renuncie a presidir a institución provincial. Aseguran que o seu socio preferente é o Partido Popular.

Martiño Noriega apraza até final de ano a súa retirada do concello
Compostela Aberta

Martiño Noriega apraza até final de ano a súa retirada do concello

O alcalde en funcións de Santiago, Martiño Noriega, vai pilotar un período de transición, até final deste ano, antes de abandonar o concello. Após poñer a súa acta a disposición, a asemblea de Compostela Aberta aceptou a súa dispoñibilidade a continuar no Pazo de Raxoi no que queda deste 2019. Os resultados foron valorados como “moito máis negativos” do agardado.

Bugallo gobernará en solitario sen descartar un futuro pacto
Cara ao 15 de xuño

Bugallo gobernará en solitario sen descartar un futuro pacto

O candidato máis votado nas municipais en Compostela, Xosé Sánchez Bugallo, mantivo un primeiro encontro co alcalde en funcións, Martiño Noriega, para iniciar o proceso de traspaso de poderes. Bugallo pretende chegar a acordos puntuais con Compostela Aberta, mais desbotou pactar polo de agora asegurando que “a cidadanía non entendería a formación dun goberno de coalición” entre ambas forzas.

Miguel Anxo Fernández Lores: "Sen o apoio de Ence o PP non tería pasado de 5 concelleiros"

Miguel Anxo Fernández Lores: "Sen o apoio de Ence o PP non tería pasado de 5 concelleiros"

A piques de facer 65 anos, Miguel Anxo Fernández Lores está a uns días de iniciar o seu sexto mandato consecutivo como alcalde de Pontevedra. Ao longo de dúas décadas á fronte da cidade, el e o seu equipo criaron un paradigma, un referente internacional de como transformar un espazo urbano, o modelo Pontevedra. Unha obra aínda por completar. Lores ten claras as prioridades para os próximos catro anos e o seu discurso é tan apaixonado e tan pouco de político convencional como de costume. Será este o seu último mandato? "Ese non é un tema que estea neste momento no candeleiro", zanxa.

Feixoo defende que goberne a lista máis votada, contra os intereses de Casado en Madrid

Feixoo defende que goberne a lista máis votada, contra os intereses de Casado en Madrid

Primeiro foi Alfonso Rueda. Despois Bea Mato. E, por último, esta terza feira Feixoo. Xa non pode ser casual. Responde a unha estratexia do PPdeG, a de defender que a lei electoral é a responsábel de que o partido conservador na Galiza se vexa privado de poder municipal. Unha reforma da LOREX funcionaría para a formación conservadora en Galiza, mais non no estado e bate frontalmente contra os intereses de Casado en Madrid.

A maioría do grupo de En Marea rexeita a proposta de Villares para o Senado e estuda un nome de "consenso"

A maioría do grupo de En Marea rexeita a proposta de Villares para o Senado e estuda un nome de "consenso"

Mariló Candedo, a proposta de Luís Villares como representante do Pazo do Hórreo no Senado, non chegará á Cámara alta porque carece dos apoios suficientes no grupo parlamentar da confluencia. Bate coa oposición do triángulo Podemos-Esquerda Unida-Anova. "Non porque teñamos unha má opinión dela, senón porque é unha candidata de parte", afirma unha fonte da maioría consultada por Sermos Galiza. A alternativa é "un nome de consenso sen adscrición partidaria". Cobra forza a hipótese de que sexa José Manuel Sande, concelleiro de Cultura en funcións na Coruña (Marea Atlántica).

A ex alcaldesa Corina Porro farase cargo da xestora do PP vigués

A ex alcaldesa Corina Porro farase cargo da xestora do PP vigués

A esmagadora vitoria electoral de Abel Caballero axiña cobrou as primeiras vítimas. A candidata do PP e ex conselleira da Xunta de Feixoo, Elena Muñoz, dimitiu o pasado sábado. E a dirección provincial dese partido xa propuxo quen se faga cargo da xestora que dirixirá a organización de maneira temporal: a ex alcadesa Corina Porro.

Pontón contrapón un BNG que avanza a un PP "en declive"
O foco posto xa nas galegas 2020

Pontón contrapón un BNG que avanza a un PP "en declive"

Unha Galiza binaria é a que debuxou esta segunda feira Ana Pontón, a líder nacionalista, após unha reunión dunha delegación da Executiva do BNG cos cabeza de lista das 7 cidades galegas. Por un lado, un Bloque que avanza. Por outro, un PP "en declive" que "retrocede nos tres últimos procesos electorais" e que "perde peso". Pontón enfatizou que no conxunto das 7 urbes máis populosas do país o voto ao nacionalismo incrementou en 22,2% nestas eleccións locais.

Bea Mato pide gobernar por ser a lista máis votada, o que condenaría o PP en Madrid

Bea Mato pide gobernar por ser a lista máis votada, o que condenaría o PP en Madrid

O PPdeG —Beatriz Mato esta segunda feira a reiterar a mensaxe deste domingo de Alfonso Rueda—continúa a enarborar a bandeira de que a lista máis votada debe traducirse automaticamente no acceso á alcaldía. Esa teoría rexía en todo o planeta PP até hai ben pouco. Mais xa non: de se aplicar a receita, o PP non conseguiría o poder nin no concello nin na comunidade autónoma de Madrid.

Renuncia o alcalde de Salceda Marcos Besada
Salceda

Renuncia o alcalde de Salceda Marcos Besada

Marcos Besada emitiu un comunicado onde renuncia a presentarse á alcaldía de Salceda, localidade que goberna desde 2007. Abandona a primeira liña política e non recollerá a acta de concelleiro após a súa formación, Movemento Salceda, perder a súa condición de forza máis votada, aínda que un posíbel pacto co PSdeG lle permitiría manter o bastón de mando.

Crise en Ciudadanos co abandono de seis destacados membros en Pontevedra
Pola designación do cabeza de lista

Crise en Ciudadanos co abandono de seis destacados membros en Pontevedra

Até seis membros de Ciudadanos que concorreran na candidatura municipal en Pontevedra abandonan o partido. Unha das baixas é a da concelleira durante o anterior mandato, María Rey, que perdeu a acta ao ser relegada á segunda posición na lista. Afirman atoparse molestas e molestos polas "formas" na elección do candidato.

"O BNG veu á Deputación para cambiala"
Ánxela Franco, deputada provincial do BNG

"O BNG veu á Deputación para cambiala"

Publicamos a última entrevista de Ánxela Franco concedida ao semanario en papel Sermos Galiza número 284, do 15 de febreiro de 2018. Conversa en que falou do traballo á fronte da área de Igualdade e Servizos Sociais da Deputación da Coruña.

En Marea cualifica de “decepcionantes” os seus resultados electorais
Consello das Mareas

En Marea cualifica de “decepcionantes” os seus resultados electorais

En Marea acordou abrir un proceso de reflexión logo duns resultados nas urnas que avaliou como “decepcionantes”. Escollerán unha nova dirección, tan só medio ano após tela renovado no proceso de primarias que simbolizou a ruptura do espazo político, e propuxo ademais a Mariló Canedo como senadora.  

Anova valora negativos os resultados do 26M e anuncia Asemblea Nacional
26M

Anova valora negativos os resultados do 26M e anuncia Asemblea Nacional

A formación Anova valora os resultados das eleccións municipais como “negativos porque se deu un retroceso na aposta realizada pola unidade popular”, mais considera que “aínda hai materia” para proxectar nun futuro, outra vez, “un proxecto de ruptura”.

ILP: a voz que cercena o rolete do PP
PARTICIPACIÓN

ILP: a voz que cercena o rolete do PP

As iniciativas lexislativas populares (ILP) son unha das ferramentas que naceron co obxectivo de favorecer e impulsar a participación cidadá na actividade lexislativa a través do Parlamento. Unha ferramenta que ao longo destes anos a sociedade empregou en non poucas ocasións para defender cuestións como a sanidade pública (31.000 sinaturas de apoio) ou o bosque autóctono e freo da eucaliptización (42.000 firmas) mais que ficaron na papeleira. Eis un extracto da información publicada ao respecto no semanario en papel Sermos Galiza número 348.

O BNG de Catoira valorará presentarse á alcaldía mais nunca co PP
Gobernos locais

O BNG de Catoira valorará presentarse á alcaldía mais nunca co PP

Após máis de 30 anos de maioría absoluta do PSdeG, os pactos decidirán o novo goberno local de Catoira. O BNG estuda a posibilidade de presentarse á alcaldía mais coas premisas de nin negociar nin pactar co PP e tampouco permitir que este chegue ao goberno. O Partido Popular non se rende e continúa querendo o bastón de mando.  

O BNG estudará "caso por caso" a política de alianzas nos concellos e deputacións
Consello Nacional o 8X

O BNG estudará "caso por caso" a política de alianzas nos concellos e deputacións

"O BNG non parte de ningún apriorismo" e o "escenario está moi aberto en moitos concellos e deputacións". Nestes termos expresouse esta sexta feira Rubén Cela, integrante da Executiva Nacional en conferencia de imprensa. Como era de agardar, o BNG desbota acordos coa "dereita española", mais ao tempo descarta un "acordo nacional" que vincule todos os concellos. As alianzas —que basicamente serán co PSdeG— vanse estudar "caso por caso".

Premia a veciñanza as mocións de censura?
Alcaldías após o 26M

Premia a veciñanza as mocións de censura?

Dez municipios galegos mudaron de alcaldía mediante a presentación de mocións de censura durante o mandato 2015-2019. Oito alcaldías acadadas por este procedemento revalidaron nas urnas do pasado domingo, aínda que algunhas dependerán dos pactos. Só en Tui gaña o alcalde desaloxado pola dereita.

O PSdeG buscará pactos coa esquerda e chama a expulsar a Baltar
Acordos de goberno

O PSdeG buscará pactos coa esquerda e chama a expulsar a Baltar

A executiva do PSdeG acordou buscar pactos só coas forzas da esquerda para permitir gobernos “de progreso” e impedir que o PP goberne alí onde os votos non lle cheguen. Caballero apelou a Ciudadanos a non ser muleta de Baltar na Deputación. José A. Quiroga e Dolores Villarino liderarán as negociacións.

O BNG pon en valor os seus resultados e avaliará os pactos caso a caso
Executiva nacional

O BNG pon en valor os seus resultados e avaliará os pactos caso a caso

A executiva nacional do BNG pon en valor o seu avance social cos resultados obtidos nas urnas e, en canto aos pactos, anuncia que se avaliará “caso a caso” e que a militancia a través das asembleas locais será clave na toma das decisións. Así mesmo, o Bloque comprométese a evitar gobernos de dereita e a levar a cabo políticas transformadoras.

Unha moeda, posíbel desempate das eleccións en Monterroso
As dúas listas máis votadas obteñen 798 votos cada unha

Unha moeda, posíbel desempate das eleccións en Monterroso

Unha moeda ao aire será, probabelmente, quen decida a configuración final da corporación de Monterroso, na bisbarra da Ulloa, corazón xeográfico de Galiza. As dúas listas máis votadas empataron a 798 votos e tres edís. Se os recursos presentados polas partes na Xunta Electoral de Zona de Chantada non prosperan, un sorteo outorgará o cuarto edil.
 

O escrutinio confirma que Baltar só gobernará se consegue o apoio de Cs

O escrutinio confirma que Baltar só gobernará se consegue o apoio de Cs

Situación inédita durante o réxime baltariano: o PPdeG perde a maioría absoluta na Deputación de Ourense. Confirmouse definitivamente ao concluír o escrutinio oficial, xa cos votos do CERA contados, na mañá desta cuarta feira. Baltar poderá gobernar a corporación se consegue, cousa probábel, sumar o apoio do único deputado de Cs, que se estrea sendo decisivo nesta institución.

A oposición lembra a Feixoo o seu suspenso nas urnas e pide outras políticas
Parlamento

A oposición lembra a Feixoo o seu suspenso nas urnas e pide outras políticas

A eventualidade das e dos traballadores da sanidade, as políticas para acceder a unha vivenda digna e o bloqueo da Xunta aos concellos non gobernados polo PP foron os temas sobre os que Pontón, Leiceaga e Villares preguntaron ao presidente da Xunta no pleno do parlamento.

Xulio Ferreiro asume a responsabilidade da derrota e abandona o concello
A primeira vítima política do 26M

Xulio Ferreiro asume a responsabilidade da derrota e abandona o concello

Unha derrota tan inapelábel como a sufrida por Marea Atlántica o 26 de maio —11.567 votos e 4 escanos menos que en 2015— costuma levar aparellada a asunción de responsabilidades en primeira pesoa. Así o entende Xulio Ferreiro, quen anunciou esta cuarta feira o seu abandono do Palacio de María Pita. Deixa atrás 4 anos como alcalde nunha experiencia inédita, a dunha formación que pasara de cero a 10 asentos no salón de plenos. As urnas fóronlle desta volta esquivas e a súa marcha deita moitas dúbidas sobre o futuro da Marea na Coruña.

Os escanos galegos na eurocámara
O BNG amplía o seu escano

Os escanos galegos na eurocámara

As eleccións europeas do 26M deron escano a dous galegos e unha galega que terán o deber de representar os intereses do noso país na eurocámara. Continúan Ana Miranda polo BNG e Francisco Millán do PP, e estréase Nicolás González polo PSdeG. Nin Lídia Senra de En Marea nin as galegas Vanessa Angustia e Carmen Rei de Unidas Podemos conseguiron escano.

Baltar non falará de pactos até coñecer os resultados definitivos
A Deputación de Ourense no ar

Baltar non falará de pactos até coñecer os resultados definitivos

A maioría absoluta de Baltar na Deputación de Ourense pende dun fío que se desvelará esta cuarta feira cando se acaben de revisar as papeletas. Democracia Ourensá adiantou a súa posición de expulsar a Baltar cun pacto do PSdeG, BNG e Ciudadanos, mais o partido laranxa amosouse aberto a apoiar o PP.