Imprimir

Os bombeiros de Vigo van á folga por primera vez na súa historia

Redacción | 03 de agosto de 2019

CIG e CUT convocan un paro indefinido ante a "situación límite” do servizo pola falta de persoal.

Os bombeiros e bombeiras do Concello de Vigo van, por primeira vez na historia do servizo, á folga. Rexistraron a convocatoria de folga indefinida a partir do vindeiro 14 de agosto ante a “situación límite” derivada da falta de persoal. As centrais promotoras da medida -CIG e CUT- contan co apoio da maioría dos traballadores/ e traballadoras: “Polo momento de 65 dos 102 persoas en activo, aínda que esta cifra podería aumentar nos próximos días porque máis compañeiros/as xa manifestaron a súa intención de sumarse”.

O paro responde, explicaron a que o persoal “xa non atura máis a situación límite na que nos atopamos como consecuencia da falta de persoal; non hai que esquecer que o servizo chegou a ter 150 efectivos e na actualidade somos pouco máis de 100”.

30% do cadro de persoal está de baixa por ansiedade ou doenzas físicas derivadas do exceso de traballo: prolongación das xornadas laborais, gardas de 48 horas seguidas, etc.


DEnuncian tamén que 30% do cadro de persoal está de baixa por ansiedade ou doenzas físicas derivadas do exceso de traballo: prolongación das xornadas laborais, gardas de 48 horas seguidas, etc. Situación que se agrava polo feito de que case da metade dos bombeiros e bombeiras en activo ten máis de 55 anos (48 de 102). “Noutros servizos xa estarían en segunda actividade, pero no noso seguen en primeira liña”.

Podes ver este artigo na próxima dirección /articulo/traballo/bombeiros-vigo-van-folga-primera-vez-sua-historia/20190803091745082752.html


© 2019 Sermos Galiza