Imprimir

A débeda pública galega sube 294 millóns de euros nun ano

Redacción | 14 de Decembro de 2018

É de 11.431 millóns, equivale máis de 18% do PIB de Galiza.

A débeda pública de Galiza está no terceiro trimestre en 11.431 millóns de euros, o quer supón que aumentou nun ano en 294 millóns de euros. Equivale a 18,3% do Produto interior bruto (PIB) do noso país.

 

Esta cifra supón unha baixada de 118 millóns de euros a respecto dos 11.549 millóns  de débeda pública no segundo trimestre deste ano.

 

A débeda pública de Galiza é 1.000 millóns de euros superior a todo o orzamento da Xunta de Galiza para 2018. Eses orzamentos atinxen os 10.723,9 millóns de euros.

 

Cando en 2009 Núñez Feijóo chegou á Xunta esta débeda era de menos de 5 mil millóns de euros, 4.859. Nestes anos, pois, disparouse en perto de 7.000 millóns de euros e o seu peso a respecto do PIB aumentou en once puntos.

 

Podes ver este artigo na próxima dirección /articulo/economia/debeda-publica-galega-sube-294-millons-euros-nun-ano/20181214124146074624.html


© 2019 Sermos Galiza