Imprimir

En marcha a II Deseucaliptización simultánea polos montes galegos

Redacción | 14 de maio de 2019

Coordinada por Cousa de Raíces.

Haberá II Deseucaliptización simultánea. Após o éxito da primeira, con máis de   205.000 exemplares de eucaliptos e acacias eliminados dos montes galegos nunha iniciativa que implicou máis de 360 persoas, Cousas de Raíces decidiu impulsar una segunda edición, desta volta para conmemorar o Día Mundial do Ambiente.

 

Máis de vinte colectivos tomaron parte naquela edición que decorreu en marzo. Esta será a principios de xuño. Entre as participantes, as Brigadas Deseucaliptizadoras, convocan no marco desta iniciativa coordinada por Cousa de Raíces catro rogas: no monte do Calexón, en Valón (Doniños, Ferrol); na Área Conservada pola Comunidade de Froxán (Vila Cova, Lousame); no monte de Lentille (Cenlle) e no monte veciñal en man común de Rebordelo (Cotobade).

 

Os resultados obtidos na I Deseucaliptización Simultánea de Galicia confirman para a rede Cousa de Raíces que gran parte da sociedade galega aposta e pula por outro modelo forestal , no que se primen as especies autóctonas e se eliminen aquelas outras que están a crear “un agravio ambiental, cultural e paisaxístico para o noso territorio. Tamén demostran que as accións colectivas de voluntariado, por puntuais ou pequenas que sexan, poden exercer unha grande influencia no destino dos nosos montes”.

Podes ver este artigo na próxima dirección /articulo/social/marcha-ii-deseucaliptizacion-simultanea-polos-montes-galegos/20190514094433079553.html


© 2019 Sermos Galiza