A chamada Folga Mundial polo Clima realizouse o día 27 de setembro. Nas súas proclamas reclamaban medidas “urxentes” entre as que o máis inmediato era “reducir a cero” as emisións de carbono. Greenpeace esixe o que eles denominan a transición enerxética e ecolóxica para lograr a “neutralidade” de CO2 en 2040 en toda Europa “sen deixar a ninguén atrás”, talvez pensando en Galicia, ou advertindo, que moitos territorios e as súas poboacións, van quedar sen industrias. Din que se basean en datos científicos. Din.

Poucos días máis tarde unha vintena de alcaldes das comarcas de Eume, Ortegal, A Mariña, Ferrolterra e A Terra Chá asinaron unha declaración institucional solicitando parar o desmantelamento de Endesa. En menos de 10 días, pasaron de celebrar manifestacións en contra do CO2 e en contra de Endesa, a manifestarse en contra do peche de Endesa.

As medidas “urxentes”, “reducir a cero” as emisións de carbono, “sen deixar a ninguén atrás” xa están en marcha e a toda velocidade.

Débese indicar que a comunidade científica non está de acordo cos tres alicerces sobre os que se asenta a campaña sobre o CO2. Non existe unanimidade.

Juan José Ramírez Mittelbrunn, profesor de física teórica na Universidade Complutense, Javier González Corripio, doutor en glaciología pola Universidade de Edimburgo e experto en modelos de predición meteorolóxica ou, Miguel Iglesias, físico, e meteorólogo teñen outra opinión, e así o manifestaron nos medios de comunicación. Imos reproducir o publicado por estes científicos nos medios de comunicación.

Así Juan José Ramírez Mittelbrunn considera que: “sospeito que hai forzas moi poderosas (Nacións Unidas, diversos ' think tanks' globais ou os movementos neocomunistas) que han olfateado o "perigo". Como imos gobernar a estes? E creo que chegaron, na liña de Voltaire, cando dicía: "Deus garda nosas viñas", á idea de que é necesario infundir unha nova relixión global que permita controlar as mentes e, por tanto, ás persoas. Que faga de novo aos homes sentirse "culpables e pecadores". Esta nova relixión pretende alienar aos seres humanos para restarlles capacidade de resposta. Se observamos o produto filosófico-político que emana das citadas fontes, ten todas as características dunha relixión. Existe un deus todopoderoso e providente: o Estado. Existe un inferno: o cambio climático e os desastres naturais causados polos nosos pecados. Hai profetas e sacerdotes: Al Gore, George Soros, etc. o papel de "Roma" xógano as Nacións Unidas: "Roma locuta, causa finita". Hai textos —e vídeos— sacros: os textos que perpetra o IPCC. "Santa Greta", a verdade revelada aos nenos: un clásico. En fin, se a clase media non espabila, aos nosos fillos e netos espéralles un camiño de servidume e de escurantismo medieval. A mellor proba de que o "cambio climático" (as comiñas son para distinguilo do clima naturalmente cambiante) non é ciencia, é que é 'incuestionable'”.

Javier González Corripio opina que “teriamos que abandonar conceptos anticientíficos como o consenso. Ninguén votou a teoría da relatividade ou da gravitación, a tectónica de placas tiña a todo o consenso en contra. A ciencia non funciona así, e deberiamos recuperar o método científico. A hipótese do cambio climático antropogénico é unha proposta perfectamente válida, e como con calquera hipótese deberiamos esforzarnos en probar que é incorrecta. Se se resiste a selo iso aumenta a confianza nela. Actualmente, facemos o contrario, buscarlle mil escusas e acalar calquera crítica.”

E lémbranos que actualmente “nos atopamos nun período interglaciar. O Holoceno. E como período interglaciar que é, caracterízase precisamente por unha variabilidade climática suavizada en comparación co estado climático base máis común na historia do planeta, que son os períodos glaciares. Os cambios climáticos máis abruptos existentes na historia do planeta prodúcense no momento no que pasamos dunha fase glaciar a unha interglaciar. No noso caso fai uns 12.500 anos aproximadamente co Younger Dryas. Estamos a falar de subidas e baixadas de temperatura a escala planetaria de máis de 5º C en apenas uns centos de anos. E tamén existen outros cambios climáticos abruptos, característicos de épocas glaciares, que poden mesmo superar estes gradientes de temperatura tanto en positivo como en negativo, e que son os eventos Heinrich e os eventos Dansgaard- Oechger”. Opinión dun científico. .

Sobre Endesa débese lembrar que foi fundada durante a ditadura franquista polo Instituto Nacional de Industria en 1944, co obxectivo de crear e controlar por parte do estado un sector considerado estratéxico como o enerxético, mediante unha empresa pública, do mesmo xeito que empresas doutros sectores como os estaleiros AESA ou Bazán, a aerolínea Iberia ou a automobilística SEAT, ou CAMPSA, TELEFONICA, Celulosas, Casa, etc, etc. No seu día foron todas vendidas polo Estado, privatizadas. E tamén eran medidas “urxentes”, “sen deixar a ninguén atrás” e tal e tal e tal. Recentemente a banca pública, como ABANCA, tamén foi vendida, como medida “urxente”, “sen deixar a ninguén atrás” e tal e tal.

Talvez detrás de toda esa campaña do CO2, detrás de Al Gore e George Soros, das Nacións Unidas, e de moitos ' think tanks' globais, estean intereses económicos buscando o seu pleno dominio do mercado e o seu lucro.