Un mosaico de grandes dimensións azul e vermello coas palabras Galiza Nación xurdía no mediodía da quinta feira, día 6 de decembro, para reivindicar acabar co centralismo e para lograr ferramentas e soberanía para a mellora da vida das persoas e para facer que Galiza progrese. Así respondía o BNG á conmemoración dos 40 anos da constitución española, que xa entón, lembrou Ana Pontón, “non xerou nin entusiasmo nin tivo un apoio masivo na Galiza”.

España conmemora o 6 de decembro os 40 anos da súa constitución e Galiza celebra este día o 87 aniversario dun dos fitos políticos da súa historia no século XX: a fundación do Partido Galeguista.

Ao pé da cruz fascista que se erixe no Castro, en Vigo, colectivos independentistas apelaron á superación do réxime do 78 e a reivindicaron a autodeterminación de Galiza.