abente
OPINIÓN

Recuperemos a memoria do poeta López Abente

Este mes cúmprense 50 anos da morte do escritor, do poeta fundamentalmente, Gonzalo López Abente, que naceu en Muxía en 1878 e morreu tamén ao pé do bravo atlántico muxián o 23 de xullo de 1963. En Muxía hai pouco máis de dous anos creamos unha Fundación que leva o seu nome, e que se pode coñecer indo a súa paxina web: lopezabente.org. Creamos esta Fundación porque nós coñeciamos ben a vida e a obra de López Abente xa que fóra un veciño noso, ou máis ben dos nosos pais e avós, e nós crecemos escoitando falar moito del e lendo a súa obra, que está en moitas casas de Muxía. Gonzalo López Abente despois da súa morte perviveu na memoria colectiva de Muxía, chegando a converterse nun dos símbolos máis potentes desta vila.

A Fundación Gonzalo López Abente lembra os 50 anos da súa morte

A Fundación Gonzalo López Abente lembra os 50 anos da súa morte

O próximo día 23 de xullo fanse 50 anos da morte do escritor Gonzalo López Abente e a Fundación que leva o seu nome en Muxía lembra a súa figura nunha xornada literaria que terá lugar este sábado día 20 na que se presentará a súa poesía completa e se entregará o premio que leva o seu nome.