Ana Pontón di que estas eleccións son “unha segunda volta” que se debe de aproveitar para que o país non estea “desaparecido” no Congreso. O Bloque presentou as cabezas das súas candidaturas para estas eleccións xerais: Nestor Rego (A Coruña), Olalla Rodil (Lugo), Francisco García (Ourense) e Carme da Silva (Pontevedra).
Na quenda de réplica, o presidente Feixoo entrou no corpo a corpo con moi malos modos e certa prepotencia. Foi paternalista con Villares e despectivo co nacionalismo. Para empezar, tirou de currículo e dixo que pola cámara pasaran até 19 representantes da oposición e todos dicíndolle que o seu proxecto estaba agotado. "E aquí sigo", remarcou.
A portavoz do BNG acusa o presidente de deixar nestes 10 anos de goberno “unha Galiza peor que a que recibiu”, afectada por crises como a demográfica, a económica ou cun modelo de benestar recortado e reducido. “Hai futuro, pero hai que mudar de políticas”, acrecentou, propoñendo unha axenda que se faga en base aos intereses e necesidades da sociedade galega.
Ollar cara ao futuro, mais “non desde a amnesia e a impunidade”. Así apelaba Ana Pontón, portavoz nacional do BNG, á “xustiza, verdade e reparación de Bóveda e de todos os homes e mulleres represaliadas, encarceradas, silenciadas, rapadas ou asasinadas” no acto que a formación nacionalista organizou en Pontevedra con motivo do Día da Galiza Mártir.
Miles de persoas anegaron a zona vella da capital galega na mobilización convocada polo Bloque Nacionalista Galego baixo o lema "Galiza, un novo impulso. Soberanía, Traballo, Democracia”. A choiva non desanimou a asistencia á cita. Entre paraugas, bandeiras, faixas e impermeábeis, xentes chegadas de todas as partes confluían na constancia na defensa da Nación galega. “Algo novo está nacendo, algo grande. Empezamos unha nova etapa para o nacionalismo coa vontade clara de liderar Galiza”, dixo Ana Pontón fronte a unha Praza da Quintana a rebordar.
[ACTUALIZADA ÁS 13.45] Pasadas as 12.10 horas púñase en marcha a manifestación nacional convocada polo BNG con motivo do Día da Patria Galega. A chuvia non impediu que milleiros de persoas acompañasen a organización nacionalista nun día “de celebración e de reivindicación dun futuro mellor para a xente que vivimos e traballamos aquí”, en palabras da portavoz nacional, Ana Pontón.
O BNG quece motores para o Día da Patria Galega. A portavoz nacional do Bloque, Ana Pontón, desde Lalín, apelou a “encher as rúas” para demostrar que “hai unha maioría social que quere cambio e quere construír esa outra Galiza posible, na que vivir e na que ter un traballo digno sen ter que coller as maletas”.
Incerteza no taboleiro estatal, coas conversas aparentemente rotas entre Sánchez e Iglesias, e actitude de agarda expectante en Rodríguez de Viguri, nos cuarteis xenerais do BNG. "Non sabemos se vai haber eleccións ou non [por un eventual fracaso da investidura do candidato socialista], mais nós estamos preparados", dixo esta terza feira na TVG a líder nacionalista Ana Pontón.
Si se posicionan no debate "cataláns, vascos, canarios e até cántabros". Non o fai Galiza porque "PP e PSOE pasan olimpicamente dela" e porque a axenda das cuestións galegas brilla pola súa ausencia no diálogo Sánchez-Iglesias para a formación de goberno no estado. Así o considera Ana Pontón, para quen "o máis probábel" é que a investidura do candidato socialista resulte nun acto falido.
Após as eleccións locais do pasado 26 de maio outorgar o BNG unha remontada en apoios que lle deron 456 concelleiras e concelleiros en todo o país, a fronte nacionalista celebrou un cumio municipal para trazar as liñas de actuación común. Ana Pontón afirmou neste encontro que os concellos son unha peza chave na construción da Galiza, mais animou as e os concelleiros a "fuxir dos estériles localismos”. Convencida de que Feixoo “é o pasado”, a líder nacionalista proclamou que só o Bloque é garantía dun cambio real nese novo tempo político que levará o PP á oposición.
As declaracións realizadas por Ana Pontón após a detención de presuntos integrantes de Resistencia Galega foron duramente criticadas polo PP, cuxo secretario xeral, Miguel Tellado, instou a líder nacionalista a que explicase "cales son os vínculos ou afectividades do BNG con RG". Ante os dardos do PP, Pontón respondeu esta segunda feira con contundencia: "Se alguén neste país tivo morneza con comportamentos delictivos é o PP". "Quero lembrar que temos un presidente que durante anos foi amigo dun narcotraficante [Marcial Dorado]", dixo.
En pleno conflito do PSdeG na circunscrición de Lugo, o BNG pisa o acelerador para abrir un "tempo novo" na Deputación. O Bloque empraza o PSdeG a "iniciar conversas canto antes" para a mudanza do concello, en que se constituíu un bipartito, se estender tamén á entidade presidida en funcións por Darío Campos. O 26M sorriu á formación nacionalista, que aumentou un escano na corporación, en detrimento precisamente do PSdeG. Os votos nacionalistas son decisivos para o PP non gobernar a institución provincial.
No marco das probas ABAU, máis coñecidas como selectividade, potenciouse unha polémica que a portavoz nacional do BNG, Ana Pontón, tacha de “estéril”, xa que detrás dela non considera que estea nin a defensa da igualdade de oportunidades nin os intereses do alumnado, senón unha vontade de recentralizar o ensino. Nese sentido, a líder nacionalista sinala Feixoo como seguidista da estratexia centralista do PP.
"Non imos avalar ningún acordo tácito ou explícito co PP", argumentou Ana Pontón en rolda de prensa esta segunda feira. A portavoz nacional do BNG emprazou a dirección do PSdeG —o partido socialista deu a alcaldía ao PP en Fene no canto de apoiar a candidatura do Bloque— a que tome medidas para "restituír" a vontade expresada polo electorado nas urnas.
Se á altura do 30 de xuño non aparece unha oferta privada de adquisición da planta coruñesa de Alcoa, a Xunta debe tomar a iniciativa e "liderar" unha operación que incorpore a factoría ao sector público. Esa proposta foi formulada esta cuarta feira por Ana Pontón, líder do BNG, durante a sesión de control ao Goberno. Feixoo nin a tomou en consideración e limitouse a descargar as súas baterías contra A Moncloa e contra o Bloque por se prestar a pactar co PSOE nos concellos e nas deputacións.
