assemblea-nacional-catalana
A Diada clama contra a represión e a desunión

A Diada clama contra a represión e a desunión

A manifestación masiva outro 11 de setembro en Barcelona pon o foco na unidade e preséntase como o primeiro acto de rexeitamento das sentenzas contra os presos políticos. A Assemblea Nacional Catalana consegue reunir uns 600.000 manifestantes e o presidente da Generalitat, Quim Torra, di que a cuestión da independencia estará "no centro" da axenda política a partir deste 11 de setembro.
“A sociedade civil é o elemento motor; fronte ás vacilacións, a sociedade civil empuxa”
Josep Cruanyes, vicepresidente da ANC

“A sociedade civil é o elemento motor; fronte ás vacilacións, a sociedade civil empuxa”

Josep Cruanyes (Masnou, 1952), historiador e avogado, presidente da Societat Catalana d’Estudis Jurídics, autor dunha historia de Catalunya e doutros estudos sobre os dereitos lingüísticos dos catalanfalantes, é desde 2018 o vicepresidente da Assemblea Nacional Catalana (ANC). A entidade ultima estes días a Diada que se celebra o 11 de setembro. “As inscricións van a bo ritmo. Ha ser unha mobilización comparábel á do ano pasado”, di Cruanyes, que lanza unha imaxe de unidade e reafirma a vontade da sociedade catalá de continuar a loita. ‘Pola independencia’ é o lema da Diada 2019.