bng
Rodil pide a confianza para “pór Galiza e Lugo no mapa”

Rodil pide a confianza para “pór Galiza e Lugo no mapa”

A candidata ao Congreso do BNG pola circunscrición de Lugo, Olalla Rodil, participou dun acto na cidade amurallada xunto á portavoz nacional, Ana Pontón. Alí criticaron que Lugo siga contando "cun tren do século XIX" e que os postos de Alcoa periguen "nun país que exporta electricidade".
O BNG aposta por unha Galiza "á vangarda nos dereitos das mulleres”
Eleccións xerais

O BNG aposta por unha Galiza "á vangarda nos dereitos das mulleres”

No seu primeiro acto de campaña, nas inmediacións dos xulgados da capital, e acompañada por máis de 40 mulleres, a portavoz da formación nacionalista, Ana Pontón, reivindicou “a forza imparábel” das galegas, as que define como “feministas e loitadoras pola igualdade”.

Unha campaña con nubes e ‘Joker’

Unha campaña con nubes e ‘Joker’

A primeira pegada da campaña electoral máis curta da democracia comeza na Galiza con ceos anubrados e mensaxes dunha esperanza cada vez máis negra, mentres en Catalunya a policía visita domicilios na súa propia campaña. Esta sexta, o día dos mortos, empezan os mitins coas enquisas encalladas desde hai semanas. Non se sabe que vai pasar. Como en Joker, a película que mellor retrata estes tempos. 
"É perceptíbel unha corrente de simpatía polo BNG"
Entrevistamos Francisco García, candidato do BNG ao Congreso por Ourense

"É perceptíbel unha corrente de simpatía polo BNG"

Francisco García (Allariz, 1957) foi a aposta do BNG para o 10-N pola circunscrición de Ourense. García, tras participar da revolta veciñal do 89 na súa vila natal e acompañar a Anxo Quintana no Goberno local, foi alcalde durante anos na vila na que naceu. En 2018 decidiu ceder o bastón de mando e hoxe concorre ás súas primeiras eleccións ao Congreso por unha circunscrición cuxas fortalezas coñece de primeira man.
A “trailer movie” de Pontón por unha AP-9 sen peaxes

A “trailer movie” de Pontón por unha AP-9 sen peaxes

A portavoz nacional do BNG, Ana Pontón, e o cabeza de lista ao Congreso pola Coruña, Néstor Rego, subiron ao camión para desprazarse desde o polígono de Sabón en Arteixo até o polígono da Sionlla en Santiago, nunha viaxe que reivindica a transferencia da AP-9 como primeiro paso para acabar coa estafa das peaxes.
Debate electoral na Agra do Orzán
A Coruña, 29 de outubro

Debate electoral na Agra do Orzán

Na terza feira 29 de outubro ás 20 horas terá lugar na Agra do Orzán un debate con representación do BNG, PP e PSOE, destinado a toda a veciñanza.

O BNG saca músculo a quince días das estatais
ELECCIÓNS

O BNG saca músculo a quince días das estatais

A portavoz nacional do Bloque Nacionalista Galego, Ana Pontón, sinalou nun acto que congregou en Compostela un millar de cargos políticos, militantes e simpatizantes que o 10N é o momento de "transformar o cabreo en algo útil para Galiza", e pediu o voto "a todas as persoas que están fartas da frivolidade e dos egos madrileños".

Todas as forzas do independentismo catalán, o BNG e EH-Bildu piden vías de diálogo co Estado
Declaración da Llotja de Mar

Todas as forzas do independentismo catalán, o BNG e EH-Bildu piden vías de diálogo co Estado

“Temos vontade de camiñar xuntas porque xuntas somos máis fortes”, di Bieito Lobeira sobre a declaración conxunta de once partidos políticos das tres nacións na que reclaman a liberdade dos presos políticos cataláns e demandan o exercicio do dereito de autodeterminación. A Declaración da Llotja de Mar apela á comunidade internacional a posibilitar, apoiar e promover solucións para os distintos conflitos territoriais abertos no Estado español.

“Necesitamos ter unha voz forte que sitúe os intereses da Galiza no debate político”
Olalla Rodil, candidata do BNG ao Congreso por Lugo

“Necesitamos ter unha voz forte que sitúe os intereses da Galiza no debate político”

Olalla Rodil (Ribeira de Piquín, 1989) preséntase por terceira vez a unhas estatais como cabeza de lista do BNG ao Congreso pola circunscrición de Lugo. Deixará o seu escano no Parlamento galego se resulta elixida… e o seu despacho, o último que ocupou Beiras? “As urnas están baleiras. Igual para todas e todos. A nosa candidatura parte coas mesmas posibilidades que calquera outra. Por que non?”, comenta, e de inmediato sinala que o Bloque está en tendencia ascendente e que en Lugo participa do goberno do Concello e da Deputación.
O BNG di que Feixoo mentiu no Parlamento sobre a ambulancia para o Deza

O BNG di que Feixoo mentiu no Parlamento sobre a ambulancia para o Deza

As nacionalistas critican que o presidente da Xunta prometese unha ambulancia en metade do debate con Ana Pontón sobre a dotación na comarca do Deza, sabendo que será un vehículo non medicalizado, sen persoal e que cubrirá “como apoio” un 70% do servizo, cando a veciñanza leva anos reclamando unha ambulancia medicalizada.
O BNG e Compostela Aberta piden unha amnistía para os presos políticos cataláns

O BNG e Compostela Aberta piden unha amnistía para os presos políticos cataláns

Os grupos municipais de Compostela Aberta e do Bloque Nacionalista Galego acordaron presentar unha moción no Concello de Compostela que se debaterá esta quinta feira no pleno e na que solicitan do Goberno do Estado que abra “unha vía de diálogo” no conflito catalán e pide ao resto de partidos políticos que impulsen unha lei de amnistía “para as persoas condenadas neste proceso”.
De servos e separatistas
Sesión de control ao presidente no Parlamento

De servos e separatistas

Feixoo marca o ton de cada mini-debate na Cámara. Esta cuarta, volveu poñer o mono de operario fabril e agarrou a bandeira da Galiza contra Pedro Sánchez, retratou Caballero como político servil co goberno do Estado e acusou o Bloque de querer que o 061 funcione mal. Ana Pontón pediu ao remate que retirase esa afirmación. O presidente da Cámara tampouco considerou oportuno modificar o diario de sesións.
Mobilización na Coruña para reclamar terreos en mans do Estado

Mobilización na Coruña para reclamar terreos en mans do Estado

A plataforma cívica Defensa do Común e as Asociacións de Veciños da Cidade Vella e Atochas-Monte Alto foron as que convocaron para este sábado unha marcha cidadá para reclamar o "retorno gratuíto" ao patrimonio municipal de catro terreos adscritos a Defensa. O candidato do BNG ao Congreso pola Coruña, Néstor Rego, sumouse á marcha e comprometeu accións en Madrid se o Bloque acada representación o 10-N.
Francisco García aprecia ventos de cambio en Ourense

Francisco García aprecia ventos de cambio en Ourense

O cabeza de lista da candidatura do BNG ao Congreso advirte do "cabreo" e do "desencanto de moita xente" na presentación das listas pola circunscrición xunto a Ana Pontón, a portavoz nacional do Bloque, e deputadas e concelleiras nacionalistas.
O Bloque apela á experiencia para o regreso do nacionalismo ao Congreso o 10-N

O Bloque apela á experiencia para o regreso do nacionalismo ao Congreso o 10-N

Ana Pontón contrapuxo a traxectoria do BNG no Congreso en Madrid ao “espectáculo e frivolidade” das forzas estatais. Pontón presentou en Vigo a candidatura que encabeza Carme da Silva, acompañada por Olaia Fernández e Guillerme Vázquez. Na Coruña, o cabeza de lista do BNG, Néstor Rego, participou nun almorzo con xornalistas no que lembrou as actuacións na área metropolitana que as nacionalistas pretenden impulsar en Madrid.

O BNG esixe para Galiza as competencias sobre a rede ferroviaria

O BNG esixe para Galiza as competencias sobre a rede ferroviaria

As eternas deficiencias do tren na Galiza só comezarán a superarse cando o Goberno galego reclame as competencias sobre a rede ferroviaria. Esta foi a principal idea da intervención do candidato do BNG ao Congreso pola Coruña Néstor Rego este 13 de outubro na estación de Compostela.
O BNG lembra os Mártires de Nebra en Porto do Son

O BNG lembra os Mártires de Nebra en Porto do Son

Cinco mortos e 31 feridos pola Garda Civil o 12 de outubro de 1916: eis o resultado dos sucesos de Nebra, en Porto do Son, que este sábado conmemorou o BNG cun acto no lugar en que interviron o veciño Santi Suárez, a concelleira nacionalista Patricia Torrado e mais o candidato ao Congreso pola Coruña Néstor Rego.
O BNG apela ao “rigor” da “única candidatura netamente galega” o 10-N
Alerta do contexto político de “frivolidade”

O BNG apela ao “rigor” da “única candidatura netamente galega” o 10-N

O BNG elixiu este sábado, 12 de outubro, para presentar a súa campaña electoral para as eleccións estatais do 10 de novembro. Fíxoo o que será o xefe da mesma, Rubén Cela, quen apelou ao “rigor e seriedade” do Bloque, “a única candidatura netamente galega, sen ataduras nin dependencias”, nun contexto político “de tanta frivolidade”
10-N: Poucas caras novas e poucos escanos abertos na Galiza

10-N: Poucas caras novas e poucos escanos abertos na Galiza

Seis formacións políticas competirán polas 23 cadeiras no Congreso que se distribuirán nas catro circunscricións galegas o 10-N. Os partidos apenas introduciron cambios e a maioría das cabeza de lista repiten respecto aos comicios do pasado 28 de abril. Segundo as proxeccións das enquisas, as posibilidades de que mude a asignación de escanos redúcese a dúas circunscricións e tres ou catro cadeiras. 
O BNG postúlase como o polo nacionalista cara ás galegas de 2020

O BNG postúlase como o polo nacionalista cara ás galegas de 2020

Ana Pontón, portavoz nacional do BNG, e Juan Carlos Piñeiro, secretario xeral de CxG, asinaron esta segunda feira en Compostela o acordo político en base ao cal catro membros de Compromiso farán parte das listas do Bloque nas estatais do próximo 10 de novembro. “Do outro lado só hai división e fragmentación”, di Pontón tras as renuncias de En Marea e Anova.
BNG e En Marea cuestionan o cambio de criterio da Xunta a respecto de Erimsa
A explotación de cuarzo fora considerada prexudicial polo Goberno

BNG e En Marea cuestionan o cambio de criterio da Xunta a respecto de Erimsa

A rede de plataformas medioambientais Salvemos Ordes denuncia que se aprobase o proxecto de explotación de cuarzo de Erimsa nos concellos de Frades e Mesía, cando a propia Dirección Xeral de Agricultura sinalara os "impactos negativos" sobre a economía local. A área afectada abrangue ao redor 200 explotacións e dá traballo a case 500 persoas.
Ana Pontón a Feixoo: “Vostede representa o pasado, hai outra Galiza mellor”

Ana Pontón a Feixoo: “Vostede representa o pasado, hai outra Galiza mellor”

A portavoz do BNG acusa o presidente de deixar nestes 10 anos de goberno “unha Galiza peor que a que recibiu”, afectada por crises como a demográfica, a económica ou cun modelo de benestar recortado e reducido. “Hai futuro, pero hai que mudar de políticas”, acrecentou, propoñendo unha axenda que se faga en base aos intereses e necesidades da sociedade galega.

A oposición coincide en que o discurso de Feixoo mostra un proxecto “baleiro” e “esgotado” para Galiza

A oposición coincide en que o discurso de Feixoo mostra un proxecto “baleiro” e “esgotado” para Galiza

Dúas horas de discurso do presidente da Galiza que non convenceron a oposición parlamentar, que coincidiu en salientar que o futuro do país non pode pasar por Núñez Feixoo. “Non ten nada a ofrecer”, reprochoulle Ana Pontón. “Non ten nada que mostrar”, manifestou Gonzalo Caballero. Antón Sánchez destacou que o propio Feixoo dixera que era o seu “derradeiro” discurso, “non último, derradeiro”; e Luís Villares advertiu de que o discurso foi unha “cortina de fume”.

Colectivos sociais homenaxean a Rubén Cela en Compostela

Colectivos sociais homenaxean a Rubén Cela en Compostela

“Tómome isto como un recoñecemento ao traballo colectivo do BNG no ámbito municipal de Compostela; só pechei un ciclo político na representación institucional e seguirei contribuíndo como levo facendo desde os 15 anos”, di Cela.  
"Este país precisa dun goberno que confíe nel"
ANA PONTÓN

"Este país precisa dun goberno que confíe nel"

Ana Pontón (Sarria, 1977) é a portavoz nacional do BNG e a líder parlamentaria nacionalista nesta lexislatura. A entrevista ten lugar xusto despois da primeira sesión de control ao presidente da Xunta neste período de sesións. Pontón, que vén de anunciar que vai ser nai, advirte contra a solución do “bipartidismo harmónico” como saída á crise institucional do Estado e pide “cambiar o marco autonómico para poder ir a un modelo no que realmente teñamos poder político”. Eis un extracto da entrevista publicada na íntegra no número 364 do semanario en papel Sermos Galiza
“Menos Madrid e máis Galiza”, receita do BNG para o cambio político
Inicio de curso en Carballo

“Menos Madrid e máis Galiza”, receita do BNG para o cambio político

O BNG convocou este sábado a súa dirixencia e cargos públicos en Carballo. “Facer valer Galiza” foi a palabra de orde coa que a organización nacionalista deu inicio simbólico ao curso político. A portavoz nacional, Ana Pontón, sintetizou os propósitos colectivos nun lema: “Menos Madrid e máis Galiza”.
O Alvia, as rías e o Brexit, eixes do traballo do BNG na Eurocámara

O Alvia, as rías e o Brexit, eixes do traballo do BNG na Eurocámara

Tres liñas concretas de traballo centrarán a acción do BNG no Parlamento europeo: a depuración de responsabilidades do caso Alvia, o saneamento das rías e as consecuencias do Brexit para Galiza. Así o expuxo esta sexta feira a portavoz da organización en Europa, Ana Miranda, acompañada da líder nacional, Ana Pontón.