castelao
Galiza Nova chama a mocidade a implicarse na construción dunha Galiza con futuro
Homenaxe a Rosalía e Castelao

Galiza Nova chama a mocidade a implicarse na construción dunha Galiza con futuro

Centos de mozas e mozos acudiron aos actos que Galiza Nova organizou este 24 de xullo en Compostela. Na anual homenaxe a Rosalía e Castelao e na posterior ruada da mocidade pola Independencia a organización xuvenil nacionalista animou a xuventude a implicarse politicamente para deixar atrás a precariedade e a dependencia e erguer unha Galiza con futuro.
Galiza Nova apresenta a homenaxe da mocidade a Rosalía e Castelao
No parque de Bonaval

Galiza Nova apresenta a homenaxe da mocidade a Rosalía e Castelao

Como cada véspera do Día da Patria Galega terá lugar no parque de Bonaval e máis no interior do Panteón de Galegos Ilustres a homenaxe a Rosalía de Castro e Daniel Castelao que Galiza Nova organiza. Ana Pontón, Claudia Quintela e Navia Rivas intervirán nun acto conducido polos youtubeiros Brais Doval e Miguel Silva. Tamén estará o grupo de rock en galego The Lelli Kellys.

Un novo ascenso ao Pico Sagro para reafirmar a nación galega
Alba de Gloria

Un novo ascenso ao Pico Sagro para reafirmar a nación galega

Como cada sábado previo ao Día da Patria Galega celebrarase a subida ao Pico Sagro, revivindo o ascenso que Castelao realizou en 1924 xunto outros membros das Irmandades da Fala para coñecer os mitos e toda a historia que este cumio alberga desde tempos inmemorábeis. Após o ascenso realizarase un xantar e visitaranse distintos puntos de Vila de Cruces. A benvida recae este ano na escritora Marta Dacosta cun texto inédito da súa autoría composto para inaugurar esta xornada.

As Medallas Castelao recoñecen a traxectoria de catro mulleres galegas e das redeiras
Mulleres galegas

As Medallas Castelao recoñecen a traxectoria de catro mulleres galegas e das redeiras

As Medallas Castelao que cada ano entrega a Xunta de Galiza recoñeceron a traxectoria das mulleres galegas Marisa Crespo, cardióloga; a piragüísta Teresa Portela, a actriz de 'O que Arde' Benedicta Sánchez, a delegada de Stop Accidentes na Galiza, Jeanne Picard, e o colectivo de redeiras galegas, en cuxo nome recolleu o galardón a presidenta da Federación de Redeiras  Artesás 'O Peirao', Verónica Veres.

35 anos da volta a Galiza dos restos de Castelao

35 anos da volta a Galiza dos restos de Castelao

O 28 de xuño de 1984 os restos de Daniel Castelao chegaban a Santiago de Compostela no marco dunha operación política dirixida a lexitimar o réxime autonómico. Mentres o cadaleito do intelectual era conducido a San Domingos de Bonaval custodiado polos herdeiros políticos dos seus represores, os continuadores do seu proxecto político eran golpeados polas forzas da orde no entorno do mosteiro exclaustrado. A batalla evitou finalmente a manipulación do pensamento e da obra do galego máis senlleiro de todo o século XX.

O primeiro tomo da gran biografía de Castelao, nas librarías
Seixas emprega 1.300 páxinas até 1930

O primeiro tomo da gran biografía de Castelao, nas librarías

Mil trescentas páxinas emprega o historiador Miguel Anxo Seixas (Arzúa, 1960) en narrar os feitos de vida e obra de Castelao entre 1886 e 1930. O primeiro tomo da súa gran biografía sobre o rianxeiro, titulada Castelao. Construtor da nación, xa está nas librarías da man de Galaxia e o Consorcio de Santiago.
 

A exposición 'Alba de Gloria' prorrógase até o 17 de marzo
En San Domingos de Bonaval, Compostela

A exposición 'Alba de Gloria' prorrógase até o 17 de marzo

17.500 persoas, entre alas máis de 2.500 escolares, pasaron pola exposición Alba de Gloria. Unha experiencia, organizada polo Consello da Cultura. O seu peche oficial era o pasado 3 de marzo, mais o éxito de publico mudou os plans. A mostra permanecerá aberta até o 17 de marzo en San Domingos de Bonaval.
 

Últimos días de Castelao en Compostela
'A derradeira leición do mestre' exporase en Ourense antes de volver a Bos Aires

Últimos días de Castelao en Compostela

Dúas das exposicións de maior éxito recente en Compostela entran nos seus últimos días. E ambas as dúas comparten protagonista: Alfonso Daniel Manuel Rodríguez Castelao. Alba de Gloria. Unha experiencia, en San Domingos de Bonaval, e Castelao maxistral, na Cidade da Cultura, pechan a porta este domingo, 3 de marzo.
 

O segundo regreso de Castelao

O segundo regreso de Castelao

A derradeira leición do mestre leva tres meses exposto na Cidade da Cultura. É a primeira vez que o cadro, pintado no exilio bonaerense, pode verse na Galiza natal de Castelao. En marzo, a emblemática obra antifascista regresará á Arxentina. Pero hai voces que esixen o seu depósito permanente no país por se tratar dun “símbolo” nacional. Eis un extracto da reportaxe, publicada no número 328 de Sermos Galiza.

O Sermos328 pregúntase se 'A derradeira leición do mestre" debe ficar na Galiza
Nova entrega do semanario

O Sermos328 pregúntase se 'A derradeira leición do mestre" debe ficar na Galiza

Mais un número na rúa do Sermos, o 328, o primeiro deste 2019. Na capa, un grande retrato de Daniel Castelao, con motivo do seu 69 cabodano, unha efeméride que nos dá pé a nos perguntarmos se "A derradeira leición do mestre" debe ficar ou non na Galiza. O Sermos328 vén completiño: desde unha entrevista co mítico guerrilleiro Francisco Martínez Quico (supervivente da loita antifascista, 93 anos) até unha análise de Julio Gambina sobre o confronto EUA-China pasando por unha reportaxe, máis alá da propaganda oficial, sobre os sectores exportadores da economía galega.

Feixoo chama a non desbotar o 155 con “A derradeira leición do mestre” como pano de fondo
Un discurso de Fin de Ano dedicado máis a Catalunya que a Galiza

Feixoo chama a non desbotar o 155 con “A derradeira leición do mestre” como pano de fondo

O discurso de fin de ano foi unha nova andanada do presidente da Xunta contra o soberanismo. Unha peza retórica que ben podía ter asinado un dirixente do PP estatal, pois tivo como leitmotiv argumental o confronto entre Madrid e a maioría social de Catalunya que pide un referendo de autodeterminación. Feixoo optou por unha posta en escena cunha enorme carga de provocación: a súa soflama españolista tivo como escenario a Cidade da Cultura e como pano de fondo o lenzo pintado por Castelao en que se rende homenaxe a Bóveda, asasinado polos fascistas en 1936.

Nova edición dos 'Albums de Guerra' de Castelao
Galaxia manterá “as súas características orixinais”

Nova edición dos 'Albums de Guerra' de Castelao

Galicia mártir, Atila en Galicia e Milicianos foron os cartafoles de debuxos cos que Castelao denunciou a barbarie dos sublevados na Guerra Civil. Totémicos e inspiradores, sen concesións, expresión de primeiro nivel da arte antifascista, a editorial Galaxia recupéraos agora nunha edición de vontade facsimilar.
 

Algo máis que palabras
Unha visita pola exposición Alba de Gloria

Algo máis que palabras

Se no abrente deste día poidéramos revivir o mellor discurso nunca dado en lingua galega, camiñar paseniño a carón do seu orador mudaría a experiencia en irrepetíbel. A solemnidade que se respira en Bonaval convértese estes días en inquedanza por aprender, o silencio torna...

O 'Sempre en Galiza' e Martín Veiga, en inglés

O 'Sempre en Galiza' e Martín Veiga, en inglés

Forever in Galicia e Diary of Crosses Green son os dous títulos de Francis Boutle Publishers que se presentarán en Galiza a partir do 15 de outubro. E presentaranse en Galiza porque son obra de Castelao e do poeta Martín Veiga. As versións inglesas, de Craig Patterson e Keith Payne.
 

Balanzo autocompracente e duro alegato contra o independentismo
O discurso de Feixoo/Debate do estado da Nación

Balanzo autocompracente e duro alegato contra o independentismo

Núñez Feixoo anuncia menos impostos e menos débeda para 2019 e fai un repaso dos seus anos de xestión próximo ao triunfalismo. O seu discurso abalou entre o xefe da oposición a Pedro Sánchez ou o ariete da “España constitucional” contra os independentistas.

 

'A derradeira leición', na Terra

'A derradeira leición', na Terra

A data é histórica. A partir da sexta feira 5 de outubro, A derradeira leciión do mestre poderá verse por primeira vez na Galiza, 73 anos despois de que Castelao o pintase no exilio de Bos Aires. Descuberto no primeiro Día da Galiza Mártir, a imaxe do mestre asasinado cuxo rostro inspirou Alexandre Bóveda converteuse en símbolo da barbarie de Atila e da resistencia galega ao fascismo. Eis un extracto da reportaxe publicada no número 316 de Sermos Galiza.

'A derradeira leición do mestre', en Galiza
Seis páxinas no Sermos 316

'A derradeira leición do mestre', en Galiza

O óleo emblema da resistencia galega contra a barbarie fascista está en Galiza. O presidente da Xunta e os líderes da oposición asistiron na Cidade da Cultura ao simbólico acto da súa desembalaxe.
 

A inminente chegada da 'Derradeira lección do mestre'
Entre o 5 de outubro e o 19 de marzo no Gaiás

A inminente chegada da 'Derradeira lección do mestre'

A derradeira lección do mestre está a piques de chegar por vez primeira a Galiza. O impoñente óleo de Castelao -máis de dous metros de altura, baseado nunha das estampas do álbum Galicia Mártir- exporase na Cidade da Cultura de Compostela entre o 5 de outubro e o 3 de marzo de 2019.
 

Luís Seoane, a figura distinguida co Día das Artes Galegas 2019
Xa fora recoñecido co Día das Letras Galegas

Luís Seoane, a figura distinguida co Día das Artes Galegas 2019

Como escritor —nomeadamente poeta—foi honrado co Día das Letras Galegas 1994. Agora vaino ser como pintor e gravador co Día das Artes Galegas 2019, após o acordo adoptado por unanimidade polo plenario do Academia Galega das Belas Artes, realizado no edificio Fonseca, en Compostela.

Cándido Pazó leva o seu Castelao á Casa Manuel María
Sábado 5 de maio en Outeiro de Rei

Cándido Pazó leva o seu Castelao á Casa Manuel María

Que comerá o rei? é a particular ollada do contacontos, dramaturgo e actor Cándido Pazó (Vigo, 1960) sobre a obra de Castelao. Este sábado, 5 de maio, ás 20.30 horas, verase na Casa-Museo Manuel María, en Outeiro de Rei.
 

A derradeira lección do brigadista
O rastro dun libro único

A derradeira lección do brigadista

Nove estampas de Castelao figuran no pequeno libro homenaxe que se publicou en California en 1939 na memoria do correspondente e membro das brigadas internacionais James Phillips Lardner, caído no Ebro en 1938. Sinaturas como a de Ernest Hemingway ou Ring Lander Jr figuran neste obra, da que se editaron só 500 exemplares. Deles, só un, e temporalmente, está en Galiza.

Castelao no Hollywood antifascista

Castelao no Hollywood antifascista

No verán de 1939 o rianxeiro reuniuse en Los Ángeles cos actores Paul Muni e Joan Crawford, estrelas do cinema comprometidas na loita antifascista e a favor da causa da República española. Unha xuntanza a encadrar na intensa actividade que desenvolveu nos Estados Unidos, co compromiso galeguista e contra o franquismo como guía.

A Xunta pecha o acordo para expor en Galiza 'A derradeira lección do mestre'
Miguel Anxo Seixas comisaria a mostra do cadro

A Xunta pecha o acordo para expor en Galiza 'A derradeira lección do mestre'

Un acto en que interviron as cabezas visíbeis da cultura institucional galega serviulle á Xunta para pechar, na mañá desta sexta feira, o acordo co Centro Galicia de Bos Aires grazas ao que se exporá, por primeira vez en Galiza, A derradeira lección do mestre de Castelao.
 

Reestrea do documentario ficcionado 'Castelao: de chumbo a verba'
Sexta feira en Pontevedra

Reestrea do documentario ficcionado 'Castelao: de chumbo a verba'

Castelao: de chumbo a verba narra a historia dun alumno a facer un traballo sobre Castelao. Con forma de documentario ficcionado, achégase á vida do intelectual e líder do Partido Galeguista e facilita o acceso ao seu pensamento e obra. Esta sexta feira, 25 de xaneiro, proxectarase ás 20.30 horas no Teatro Principal de Pontevedra.
 

As 50 estampas orixinais de 'Nós' veranse no Museo de Pontevedra

As 50 estampas orixinais de 'Nós' veranse no Museo de Pontevedra

Os 50 debuxos orixinais do álbum Nós, realizados por Castelao entre 1916 e 1918 e publicados en libro en 1931, veranse no Museo de Pontevedra, institución á que foron cedidos por un período de cinco anos. Ate agora só en parte se atopaban a disposición do público. Unha reforma das salas 1 e 2 do Sexto Edificio do museo permitirao.
 

Biografía dun lenzo
'A derradeira lección do mestre' reproduce unha estampa de 'Galicia Mártir'

Biografía dun lenzo

A pintura como medio de comunicación, axitación e propaganda. Expresión de estremecementos íntimos e colectivos. A súa función é tamén simbólica, emblemática. O rastro da destrución dun pobo. Todos eses elementos, e moitos outros, respiran en A derradeira lección do mestre, o óleo que Castelao pintou no exilio e que se exporá en Galiza por primeira vez a finais deste ano.
 

“A Xunta e o PP dan a razón á Iniciativa Popular por Castelao”
'A derradeira lección do mestre' exporase este ano na Cidade da Cultura

“A Xunta e o PP dan a razón á Iniciativa Popular por Castelao”

O 29 de setembro de 2015, a profesora da Universidade da Coruña Pilar García Negro defendeu no Parlamento galego unha Iniciativa Lexislativa Popular “en defensa do dereito ao coñecemento e á contemplación da obra de Castelao polo pobo galego”. O PP votou en contra. Máis dous anos despois, é a Xunta a que asume parcialmente o seu contido: no último trimestre do ano, a Cidade da Cultura acollerá a exposición de A derradeira lección do mestre.

A Xunta negocia traer a Galiza 'A derradeira lección do mestre' de Castelao
Sería unha cesión temporal

A Xunta negocia traer a Galiza 'A derradeira lección do mestre' de Castelao

O máis célebre dos óleos de Alfonso Daniel Rodríguez Castelao, A derradeira lección do mestre, podería visitar por primeira vez Galiza. Farao de prosperaren as negociacións da Xunta -“avanzadas”, segundo fontes coñecedoras- coa institución que acolle o cadro, o Centro Galiza de Bos Aires.
 

O BNG homenaxea Castelao en Rianxo
O vindeiro sábado 13 de xaneiro

O BNG homenaxea Castelao en Rianxo

A 67 da morte de Alfonso Daniel Manuel Rodríguez Castelao, o seu pensamento e figura son aínda peza central da teoría e da práctica nacionalista. Así o recoñecerá o BNG nunha homenaxe na súa vila natal, Rianxo, o vindeiro sábado 13 de xaneiro.
 

"Facer de Castelao unha estatua é un fracaso, había que baixalo á terra"
MIGUEL ANXO SEIXAS, BIÓGRAFO

"Facer de Castelao unha estatua é un fracaso, había que baixalo á terra"

Biografía dun construtor da nación é o título da máis extensa e profunda tentativa sistemática de pescudar na vida e na obra de Alfonso Daniel Manuel Rodríguez Castelao (Rianxo, 1886-Buenos Aires, 1950). O historiador Miguel Anxo Seixas (Arzúa, 1960) vén de depositala na Universidade de Santiago de Compostela como tese de doutoramento aínda pendente de lectura.

O ascenso ao Pico Sagro resgata o espírito de Castelao
Símbolo dos soños do país

O ascenso ao Pico Sagro resgata o espírito de Castelao

“Recuperar os nosos dereitos, seguir construíndo a historia, ascender á posesión dos atributos propios da nación que somos”. Esta apelación, expresada pola escritora Marica Campo na súa intervención no Pico Sagro, ilustra as finalidades coas que a federación Galiza Cultura e as asociacións O Galo, de Santiago, e Vagalumes, da Estrada, soben cada ano a este enclave ateigado de simbolismo que resgata o sentir de Castelao e das Irmandades da Fala.

Os orixinais do Álbum Nós, cedidos ao Museo de Pontevedra

Os orixinais do Álbum Nós, cedidos ao Museo de Pontevedra

Desaparecidos desde os anos 30, as estampas orixinais do Álbum Nós non apareceron até o ano pasado, cando o equipo técnico do Museo de Pontevedra localizou os debuxos nunha colección particular e os amosou 80 anos despois na mostra 'Meu Pontevedra'. Agora os seus propietarios veñen de cedelos a esta institución durante cinco anos. 

Cando Castelao volveu secuestrado
Fotos inéditas da chegada dos restos do líder do PG a Lavacolla

Cando Castelao volveu secuestrado

Foi unha operación política dirixida a lexitimar o réxime autonómico. A traída dos restos de Castelao, perfectamente deseñada no tempo e na forma, respondía  ao triplo obxectivo de dotar de apoio social un Estatuto, de manter o combate e a exclusión contra o nacionalismo, de avanzar na idea de reconciliación entre as vítimas e os verdugos do 36 e de outorgar natureza democrática e galega aos xestores da autonomía

Debe vir para Galiza ‘A derradeira leición do mestre’ de Castelao?
Debate 2x5 no Sermos247

Debe vir para Galiza ‘A derradeira leición do mestre’ de Castelao?

O Guernica galego, A derradeira leición do mestre, o impresionante óleo de dous metros de altura co que Castelao homenaxeou o seu amigo Alexandre Bóveda, está nas dependencias do Centro Galicia de Bos Aires. Xuntamos a María Xosé Porteiro (delegada da Xunta na Arxentina durante o bipartito) e a María Pilar García Negro (profesora da UDC e especialista na vida e obra de Castelao) para discutir sobre o destino ideal desta obra. Eis un extracto do debate íntegro, publicado no semanario.

Virxinia e Castelao: roteiro amoroso
UNHA ESCOLMA DO PAPEL

Virxinia e Castelao: roteiro amoroso

Ao xeito dos salmóns do Ulla, a estirpe de Castelao descendeu polo río até Rianxo para logo volver remontar o curso até A Estrada na que veu casar Daniel impulsado polo amor que despertara nel...

Por que Bóveda habendo un Lorca?
UNHA ESCOLMA DO PAPEL

Por que Bóveda habendo un Lorca?