catalunya
Sánchez evita confrontar con Junqueras mais non quere falar do dereito a decidir

Sánchez evita confrontar con Junqueras mais non quere falar do dereito a decidir

O candidato á presidencia do Goberno central, Pedro Sánchez, non quixo responder ás esixencias do líder de Esquerra Republicana, Oriol Junqueras, quen nunha entrevista nun medio estatal avisou que ERC votará non na investidura, de non haber unha mesa de negociación entre Goberno estatal e catalán. As condicións da formación republicana aséntanse en que nesa mesa bilateral se poida falar de todo, en referencia ao dereito de autodeterminación, e se formule un calendario e uns mecanismos que garantan o cumprimento dos posíbeis acordos. 
 
Esquerra e PSOE constatan avances nas negociacións

Esquerra e PSOE constatan avances nas negociacións

Barcelona acolleu a terceira reunión oficial da comisión negociadora do PSOE e Esquerra Republicana de Catalunya de cara á investidura de Pedro Sánchez. Ambas as dúas forzas políticas recoñeceron que se están a producir avances na definición dos instrumentos necesarios para a resolución do conflito político en Catalunya. 
 
ERC ve difícil un acordo en 2019
Ás portas dunha terceira reunión oficial

ERC ve difícil un acordo en 2019

Após Pedro Sánchez amosarse optimista coa posibilidade de ser investido presidente no que queda de 2019, desde Esquerra Republicana de Catalunya avisan da dificultade de chegar a un acordo antes de rematar o ano e, de este se producir , consideran que é máis factíbel que se dea en xaneiro. Na terza feira, 10 de decembro, terá lugar a terceira reunión oficial entre o PSOE e ERC para negociar a investidura. Trátase da primeira xuntanza que se realizará en Catalunya.      

Esquerra consultará ás bases o seu voto na investidura
Catalunya

Esquerra consultará ás bases o seu voto na investidura

A formación republicana preguntará á militancia se está de acordo con rexeitar a investidura de Pedro Sánchez se previamente non hai un acordo para abordar o conflito político co Estado a través dunha mesa de negociación.

O soberanismo catalán procura a unidade de acción na investidura
Catalunya

O soberanismo catalán procura a unidade de acción na investidura

As formacións independentistas catalás queren partillar e debater as posicións que manterán na sesión de investidura de Pedro Sánchez. Rufián xa demandou a JxCat unha xuntanza para acordar unha «unidade de acción» de cara ás negociacións. Coa CUP xa teñen reunión prevista.

O Constitucional carga contra Torrent por abrir un debate sobre a DUI
Catalunya

O Constitucional carga contra Torrent por abrir un debate sobre a DUI

Após as advertencias realizadas esta semana polo Tribunal Constitucional ao president do Parlament de Catalunya, Roger Torrent, por levar a debate do pleno unha proposta do grupo da CUP sobre o dereito de autodeterminación, o TC volve cargar contra Torrent na sexta feira 15 de novembro.- 
 
Fiscais rexeitan a arrogancia de Sánchez
As críticas de xuristas foron inmediatas

Fiscais rexeitan a arrogancia de Sánchez

Aumenta a preocupación no PSOE por como pode afectar nas urnas a resposta do Goberno central ao conflito catalán após a sentenza do procés. A dinámica ameazadora sobre o independentismo en que se instalou Pedro Sánchez comeza a confrontar con sectores que van alén do propio movemento soberanista. Desta volta son os colectivos e asociacións profesionais de fiscais quen lanzan as críticas ao presidente do Goberno por arrogarse competencias pertencentes ao poder xudicial.
O Constitucional ameaza o Parlament
Torrent desatende as ameazas e haberá debate

O Constitucional ameaza o Parlament

As ameazas do Tribunal Constitucional ao president e á Mesa do Parlament de Catalunya para impedir que se produza un debate na Cámara sobre autodeterminación e arredor dunha nova reprobación ao rei de España non fan efecto. Roger Torrent, president do Parlament e membro de ERC, anunciou que a iniciativa apresentada na Cámara polos grupos políticos independentistas sobre o dereito a decidir seguirá o seu curso e que, por tanto, será debatida.
Aznar reaparece en plena campaña para chamar “golpista” o independentismo
O ex mandatario anima a derrotar o nacionalismo

Aznar reaparece en plena campaña para chamar “golpista” o independentismo

O expresidente do Goberno central, José María Aznar, chamou a derrotar as e os independentistas nas vindeiras eleccións xerais aludindo a que “non se pode convivir permanentemente cun golpe de estado". Así mesmo, o ex mandatario reivindicou o papel de Lincoln aludindo a que nunca aceptou a división dos Estados Unidos de América a pesar dunha guerra civil e de 300.000 mortes.

Barcelona rexeita a presenza de Filipe VI
O independentismo chama a borrar o rastro da Monarquía

Barcelona rexeita a presenza de Filipe VI

Milleiros de independentistas mobilizáronse ante a presenza da familia real española en Barcelona. Acusaron o monarca de posicionarse a prol da represión polas súas declaracións públicas após as cargas policiais durante o referendo de 1 de outubro e denunciaron a súa presenza por irromper en plena campaña electoral. 

“Por moi enfadado que estea con Torra, Pedro Sánchez ten que abrir as portas ao diálogo”
Marta González Vázquez, número un pola Coruña do PP

“Por moi enfadado que estea con Torra, Pedro Sánchez ten que abrir as portas ao diálogo”

Marta González Vázquez (Compostela, 1963), doutora en historia, responsábel da política de igualdade no último goberno Fraga e no primeiro goberno Feixoo, deputada en Cortes desde 2011, ex membro da Executiva estatal do PP con Pablo Casado, repite como cabeza de lista pola Coruña o 10-N nuns comicios nos que os populares galegos aspiran a recuperar a hexemonía no país e a cuarta acta pola Coruña.
Agresión na Coruña a unha froiteira por vender produtos cataláns

Agresión na Coruña a unha froiteira por vender produtos cataláns

A Policía Nacional informou que hai unha investigación en curso para identificar o agresor da dependenta dunha froitería na Coruña. Fontes da Delegación do Goberno confirmaron que a muller presentou unha denuncia por ter sido agredida por un descoñecido que entrou na tenda e lle reprochou que vendese produtos cataláns.
O BNG e Compostela Aberta piden unha amnistía para os presos políticos cataláns

O BNG e Compostela Aberta piden unha amnistía para os presos políticos cataláns

Os grupos municipais de Compostela Aberta e do Bloque Nacionalista Galego acordaron presentar unha moción no Concello de Compostela que se debaterá esta quinta feira no pleno e na que solicitan do Goberno do Estado que abra “unha vía de diálogo” no conflito catalán e pide ao resto de partidos políticos que impulsen unha lei de amnistía “para as persoas condenadas neste proceso”.
EH Bildu pide a soberanistas vascos, cataláns e galegos emprender "un camiño xuntos"

EH Bildu pide a soberanistas vascos, cataláns e galegos emprender "un camiño xuntos"

A portavoz parlamentaria de EH Bildu, Maddalen Iriarte, reclamou aos soberanistas vascos, cataláns e galegos que "fagan un camiño xuntos, entre todos". Así mesmo, denunciou que a sentenza de condena do Tribunal Supremo aos promotores do "proceso" mostra "a involución antidemocrática do Estado". 42.000 persoas manifestáronse este sábado en Donostia en apoio dos dereitos do pobo de Catalunya.
"Catalunya entra nunha dimesión descoñecida"
Revista de Prensa

"Catalunya entra nunha dimesión descoñecida"

Máis de medio millón de manifestantes en Barcelona, 182 persoas feridas, 54 detidos, a AP-7 cara á fronteira con Francia cortada, e un Govern dividido en medio da presión que vén das rúas é o balanzo que debuxa a prensa do quinto día de rebelión en Catalunya após a sentenza da pasada segunda feira. [En actualización]
Unha sentenza que “ameaza” as liberdades civís en todo o Estado
PAINEL DE ANALISTAS SOBRE O CONFLITO CATALÁN

Unha sentenza que “ameaza” as liberdades civís en todo o Estado

A data do 14 de outubro de 2019 pasará á historia como un momento que suporá –supón, xa– un antes e un despois para a democracia española. A Sala Segunda do Tribunal Supremo fixo pública nese día a sentenza no xuízo contra as e os líderes do ‘procès’. Os seus sete membros, seis homes e unha muller, catro do sector ‘conservador’ e tres do ‘progresista’, estabeleceron penas que van dos 9 aos 13 anos de cárcere por un delito de sedición, ao que se suma o de malversación nalgúns dos casos. Foron numerosas as relevantes voces que se fixeron oír tanto dentro como fóra do Estado para criticar unha decisión xudicial que “atenta contra os dereitos políticos” da cidadanía. Sermos Galiza falou con varias expertas e expertos de Catalunya para nos ofreceren unha breve análise da situación. Eis un estrato da peza publicada no número 368 do semanario en papel Sermos Galiza.
Torra, Puigdemont e catro presidentes do Parlament piden “diálogo” en 'Le Monde'
Conflito catalán

Torra, Puigdemont e catro presidentes do Parlament piden “diálogo” en 'Le Monde'

'La solution à la crise catalane passe par le dialogue, la démocratie et l’autodétermination' é o título da tribuna publicada polo rotativo francés nesta quinta feira, véspera da folga xeral prevista en Catalunya para esta sexta. As sete asinantes piden que se poña en marcha un “diálogo real” coa axuda de “terceiros países”.

Protestos na Galiza contra a sentenza do procés

Protestos na Galiza contra a sentenza do procés

Varios centos de persoas participaron na noite da segunda feira nas mobilizacións convocadas pola plataforma Galiza con Catalunya nas cidades galegas para amosaren o seu rexeitamento á sentenza do procés independentista catalán.