cultura
Samuel Solleiro: escribir a verdade espida
O escritor volve á poesía con 'O mundo dos vivos'

Samuel Solleiro: escribir a verdade espida

“Non creo que escriba nunca aquela novela tan rara sobre transplantes de estómago [...] Non creo que faga un diario. Agora teño que traballar. Se fose rico, escribiría. Se fose de familia rica, escribiría”. E, porén, Samuel Solleiro (Tui, 1982), unha das máis brillantes voces da literatura galega actual, escribe, neste caso o poema en prosa Piscinas de whiskey, piscinas de café con leite, incluído no seu novo libro, O mundo dos vivos.

'O que arde' estréase en 19 salas galegas
Sae ao Estado cun total de 49 copias

'O que arde' estréase en 19 salas galegas

O que arde, o galardoado terceiro filme de Oliver Laxe, chega esta sexta feira, 11 de outubro, ás salas comerciais da Galiza. En concreto, a 19, nas sete cidades e mais en Carballo, Monforte de Lemos, Vilagarcía de Arousa, Viveiro, A Rúa, Verín, As Pontes, A Estrada e Caldas de Reis.
Só un Peter Handke en galego
O austríaco e a polaca Tokarczuc, Nobel de literatura

Só un Peter Handke en galego

En Don Xoán (contado por si mesmo), Peter Handke volve sobre a figura do libertino e preséntao cunha nova luz, a que cadra xustamente coa súa propia literatura: confusión, lindes difusas, certo pesimismo existencial. En tradución de Luís Fernández Rodríguez, é a única obra do premio Nobel 2019 en galego.
Guitiriz homenaxea a escritora Marica Campo e a Sara das Reixas
Organizan Nova Poesía Guitírica e Os Vilares

Guitiriz homenaxea a escritora Marica Campo e a Sara das Reixas

Nova Poesía Guitírica e Os Vilares, lareira de soños homenaxearán a escritora Marica Campo e mais Sara das Reixas. Será o vindeiro 19 de outubro na Casa Habaneira de Guitiriz, dentro do programa da entrega dos premios de micropoesía Vilariñas.
Netflix ambienta un 'thriller' na Galiza rural
Protagoniza Tamar Novas e produce Vaca Films

Netflix ambienta un 'thriller' na Galiza rural

O xigante multinacional das teleseries aterra na Galiza. Un thriller rural baseado na novela A desorde que deixas, de Carlos Montero, será a primeira rodaxe de Netflix no país. O actor compostelán Tamar Novas é un dos protagonistas e a empresa galega Vaca Films, a produtora.
Da achega das sociedades corais á cultura galega
Mostra no Museo do Pobo Galego

Da achega das sociedades corais á cultura galega

Algunhas aínda continúan activas. É o caso de Toxos e Froles, fundada en 1914; Cántigas da Terra, en 1916; Coral De Ruada, en 1918, e Cantigas e Agarimos, en 1921, as catros sociedades corais arredor das que xira a exposición Son de Galicia, promovida polo Consello da Cultura Galega e que a partir do 10 de outubro estará no Museo do Pobo Galego de Compostela.
O científico Xurxo Mariño abre o ciclo 'Para estar no mapa do mundo' da Alexandre Bóveda
Entre o 10 de outubro e o 12 de decembro

O científico Xurxo Mariño abre o ciclo 'Para estar no mapa do mundo' da Alexandre Bóveda

Conexións. Unha viaxe arredor do mundo con destino Galiza é o título da palestra que abre o ciclo Para estar no mapa do mundo, da asociación cultural Alexandre Bóveda. Impartiraa a quinta feira, dez de outubro, o neurocientífico e divulgador Xurxo Mariño, e tratará de como “viaxar polo mundo adiante” axuda a “comprender e coñecer o que se vai observando na medida en que se estabelezan conexións co mundo cotián”.
Utopías e distopías no Festival de Cinema Fantástico da Coruña
Entre o 12 e o 20 de outubro

Utopías e distopías no Festival de Cinema Fantástico da Coruña

O primeiro dos festivais galegos dedicados aos xéneros cinematográficos de fantástico, terror e ciencia ficción centrarase en dúas ideas clásicas dese campo: a utopía e a distopía. A décimo primeira edición do Festival de Cinema Fantástico FKM decorrerá do 12 ao 20 de outubro na Coruña.
Brais Morán leva o soul á discoteca no seu novo videoclip
Titítulase 'Disque ao So(u)l'

Brais Morán leva o soul á discoteca no seu novo videoclip

Hedonista e asollado, bailábel e entusiasta, así e o novo videoclip de Brais Morán (Ourense, 1983). Disque ao So(u)l titúlase a canción, unha viaxe á xeografía en que soul se funde coa música disco, de ecos setenteiros e forza irrefreábel.
Aínda Begoña Caamaño
Homenaxe no quinto cabodano da escritora

Aínda Begoña Caamaño

Hai moitas Begoñas Caamaño. Está a activista contra o machismo. Está a escritora de dúas novelas de fundamento clásico e ollada feminista. Está a xornalista. Ningunha delas caeu no esquecemento, a xulgar pola homenaxe que, no seu quinto cabodano, organiza a Deputación da Coruña co impulso de 7H Cooperativa Cultural e Implicadas no Desenvolvemento e a colaboración do concello compostelán. Será este 13 de outubro en Compostela.
“A información cultural debe atender ás dinámicas profundas do que acontece na sociedade"
Entrevistamos Anxo Quintela

“A información cultural debe atender ás dinámicas profundas do que acontece na sociedade"

Durante anos foi un dos rostros máis recoñecíbeis da TVG. Presentaba O Agro, programa de información sobre o traballo no campo que honraba a televisión como servizo público. Tamén dirixiu unha das experiencias pioneiras do xornalismo dixital, Vieiros. E ao Diario Cultural da Radio Galega achegou o seu interese pola información científica e de fondo. Anxo Quintela (Vigo, 1960) recibiu a pasada semana o Premio Nacional de Xornalismo Cultural que concede o Ministerio de Cultura. Por segundo ano consecutivo, distinguiu unha xornalista galega que traballa nos medios públicos galegos. En 2018 foi para Ana Romaní.  Eis un estrato da peza publicada no número 366 do semanario en papel Sermos Galiza.
Ramiro Vidal Alvarinho presenta 'Origem e ruptura', o seu terceiro libro de poemas
11 de outubro en Ferrol

Ramiro Vidal Alvarinho presenta 'Origem e ruptura', o seu terceiro libro de poemas

Origem e ruptura (M Editora, 2019) é o terceiro libro individual de Ramiro Vidal Alvarinho (Ferrol, 1973). Épico e autobigráfico, entre a esperanza e o fatalismo, o propio autor falou ao respecto de “punto de mudanza vital e por extensión literaria”. O vindeiro 11 de outubro preséntao na Fundaçom Artábria da súa cidade natal, ás 20 horas.
De Iraq a Marín na apertura do novo ciclo Poetas Di(n)versos
7 de outubro na Coruña

De Iraq a Marín na apertura do novo ciclo Poetas Di(n)versos

Manal Al-Sheikh naceu en Nínive. Pero a segunda Guerra do Golfo enviouna ao exilio en Noruega. Desde a distancia continuou a construír unha das obras máis prestixiosas da poesía iraquí contemporánea. Este 7 de outubro recitará na Coruña canda a galega Lara Dopazo (Marín, 1985), potente voz da poesía galega última.
Rompente, poesía e insolencia
O grupo reúnense en Vigo 40 anos despois

Rompente, poesía e insolencia

Galiza espreguizábase após 40 anos de ditadura. Nas rúas decidíase entre ruptura e reforma. Nos escritorios dos poetas tamén. O grupo Rompente, cuxo núcleo formaban Antón Reixa, Manuel M. Romón e Alberto Avendaño, axiña tomou partido. E, como de deduce do seu nome, non o fixeron pola reforma. Os nenos terríbeis da poesía galega reúnense esta sexta feira, 4 de outubro, por primeira vez en catro décadas. Será dentro do Festival Kerouac.
Máis Galicreques por toda Galiza
Do 12 ao 20 de outubro

Máis Galicreques por toda Galiza

O Festival Internacional de Títeres Galicreques celebrará en Santiago de Compostela a súa vixésimo cuarta edición entre o 12 e 20 de outubro cunha ampla programación que se estenderá un ano máis a outros concellos e salas da Galiza.
Dos armarios da Fundación Rosalía de Castro
Doazón ao Museo do Pobo Galego

Dos armarios da Fundación Rosalía de Castro

A Casa da Matanza, en Padrón, agocha aínda cuestións por resolver. Por caso, a orixe da importante colección de roupas de finais do XIX e comezos do XX que a Fundación Rosalía de Castro vén de doar ao Museo do Pobo Galego.
Fernando Castro gaña o Rafael Dieste de teatro con 'Amorodo agre'
Concédeo a Deputación da Coruña

Fernando Castro gaña o Rafael Dieste de teatro con 'Amorodo agre'

Amorodo agre é unha “elaborada construción dramática, cunha traballada definición dos personaxes, as atmosferas e o xogo simultáneo de diálogos”. E é tamén a obra distinguida pola Deputación da Coruña co XIX premio de teatro Rafael Dieste. O seu autor, Fernando Castro Paredes (Tapia de Casariego, Asturies, 1975).
As mil caras de Carvalho Calero nun libro
Presentación en Foz o 3 de outubro

As mil caras de Carvalho Calero nun libro

Hei entrar no meu povo: reivindicarmos Carvalho Calero é o título do libro colectivo sobre a figura homenaxeada no Día das Letras 2020 que esta quinta feira, 3 de outubro, ás oito e medio do serán, na libraría Bahía de Foz. Participarán tres autores do mesmo: o historiador Bernardo Máiz, o filólogo Xosé María Dobarro e mais o coordinador Xosé Manuel Pazo.
Volve o outono poético de Allariz
VI Poemagosto do 11 ao 13 de outubro

Volve o outono poético de Allariz

Poetas, teatreiras e músicos invadirán as rúas e tabernas de Allariz na fin de semana que vai do 11 ao 13 de outubro. É a sexta edición do Poemagosto. Festival Internacional de Poesía, organizado pola Fundación Vicente Risco e mais o concello da localidade.
A poesía de Carvalho Calero volve ás librarías
Através edita unha antoloxía do autor

A poesía de Carvalho Calero volve ás librarías

Ricardo Carvalho Calero (Ferrol, 1910-Compostela, 1990) responde con exactitude á figura do polígrafo. Escritor profundo, brillante e tamén polémico sobre materias variadas e en rexistros diversos, foi ademais poeta de singular voz. A súa poesía levaba anos fóra do mercado e agora regresa ás librarías da man de Através Editora.
Por unha ponte entre o teatro galego e o portugués
Xornada no Consello da Cultura o 1 de outubro

Por unha ponte entre o teatro galego e o portugués

A construción de pontes entre as escenas galega e portuguesa é o obxectivo explícito da xornada Dramaturxias itinerantes/Dramaturgias itinerantes, que decorrerá esta terza feira, 1 de outubro ás seis e media da tarde, no Consello da Cultura Galega en Compostela.
'O que arde', premiado no Festival de Donostia

'O que arde', premiado no Festival de Donostia

O que arde, terceira longametraxe de Oliver Laxe (París, 1982), segue colleitando parabéns e galardóns. Desta volta foi o premio San Sebastián-Gipuzkoa Film Commission do Festival de Donostia, que decorreu esta semana e onde o filme galego se viu o pasado 24 de setembro.
O berro afogado de Fiz Vergara Vilariño
Unha antoloxía rescata a obra do poeta louzarín

O berro afogado de Fiz Vergara Vilariño

Fiz Vergara Vilariño (1953-1997) foi un deses poetas que constrúen un mundo propio. E fano cos materiais que teñen máis a man, no seu caso a terra da Lóuzara Xabreira, a soidade existencial, o berro afogado. Non abundan, pero ás veces deveñen emblemas. Outras non e a desmemoria aprópiase da súa obra. Parece o caso de Vergara Vilariño, cuxa poesía rescata agora a antoloxía Non deixes que a tardiña me sorprenda.
Moral e cambio climático no Consello da Cultura
Conferencia de Carmen Velayos o 26 de setembro

Moral e cambio climático no Consello da Cultura

O ciclo Pensarmos, coordinado pola profesora Carme Adán para o Consello da Cultura Galega, retoma o seu discorrer despois do verán. E faino cunha conferencia sobre os retos morais da humanidade ante o cambio climático. Ofreceraa Carmen Velayos, docente de filosofía moral e política na Universidade de Salamanca, esta quinta feira, 26 de setembro, na sede compostelá da institución ás seis da tarde.
Amizade e compañeirismo no Camiño de Santiago
Andrés Castro estrea nova curta

Amizade e compañeirismo no Camiño de Santiago

Unha historia de amizade e compañeirismo coa Ruta Xacobea de fondo é o núcleo da nova curtametraxe de Andrés Castro (A Coruña, 1976), codirixida por María Fanjul. Atopando o Camiño estréase este 26 de setembro ás oito do serán no Teatro Principal de Pontevedra.
A poderosa intuición pictórica de Berta Cáccamo
Primeira mostra despois da súa morte

A poderosa intuición pictórica de Berta Cáccamo

A súa morte intempestiva con apenas 54 anos sacudiu a pintura galega. Atrás quedou unha extensa, valorada obra, que partiu a mediados dos 80 de calidades matéricas para se adentrar na mancha, na intuición, na síntese. Esta sexta feira, 27 de setembro, Cambados acolle a primeira mostra póstuma de Berta Cáccamo. Juan de Nieves exerceu de comisario.
Anxo Quintela, Premio Nacional de Xornalismo Cultural do Ministerio
Segundo consecutivo para unha galega

Anxo Quintela, Premio Nacional de Xornalismo Cultural do Ministerio

Anxo Quintela (Vigo, 1960) é o premio Nacional de Xornalismo Cultural 2019, concedido polo Ministerio de Cultura. O xurado salienta “a súa traxectoria en múltiples campos do xornalismo cultural en lingua galega e pola súa continuada implicación no coñecemento e difusión da cultura rural”.
Quince longametraxes de quince países compiten no Festival de Ourense
Do 27 de setembro ao 5 de outubro

Quince longametraxes de quince países compiten no Festival de Ourense

O Festival de Ourense (OUFF, Ourense Film Festival) consuma a súa virada cara ao formato máis clásico iniciada o pasado ano. Quince longametraxes premiadas nos principais certames do mundo competirán na sección oficial do encontro, que desenvolverá do 27 de setembro ao 5 de outubro a súa edición número 24.
  O segundo exilio de Chévere
A Concellaría de Cultura de Teo desenténdese da compañía residente

O segundo exilio de Chévere

De pouco parece valerlle á compañía teatral Chévere o seu indiscutíbel éxito de público e crítica. Nin o seu avultado palmarés, que inclúe o Premio Nacional de Teatro do Ministerio de Cultura en 2014. Oito anos despois de que un Goberno municipal compostelán, presidido por Conde Roa, dificultase a súa continuidade na histórica Sala Nasa, a compañía padece de novo a “arbitrariedade política”: a Concellaría de Cultura de Teo desenténdese da que foi a súa compañía residente desde 2012.
Os monicreques toman Compostela
XXIV festival Galicreques

Os monicreques toman Compostela

Trece funcións para escolares formarán unha das principais liñas de programación da 24ª edición do festival Galicreques, que decorrerá do 12 ao 20 de outubro en Compostela. “A cidade será un ano máis gran referente para o xénero escénico dos títeres”, afirma a asociación organizadora, Barriga Verde.
Curtocircuíto: máis de 130 filmes á marxe da corrente principal
En Compostela do 28 de setembro ao 6 de outubro

Curtocircuíto: máis de 130 filmes á marxe da corrente principal

Un festival “gamberro pero rigoroso”. Así se autodefine Curtocircuíto, a mostra de cinema que, do 28 de setembro ao 6 de outubro, achega a Compostela máis de 130 filmes á marxe das correntes principais. “O noso programa comprométese coa calidade artística, as últimas tendencias cinematográficas e a interdisciplinariedade”, asegura a organización. Presentou o seu contido este 19 de setembro.
200 pezas de “frikismo cinematográfico” en Vigo
Do 24 ao 26 de outubro

200 pezas de “frikismo cinematográfico” en Vigo

É difícil definir a idea de “frikismo cinemotográfico” coa que se presenta o Galician Freaky Film Festival. A propia organización inténtao cunha enumeración de xéneros: fantasía, ciencia ficción, terror, gore e serie B. Douscentos filmes encherán o programa da terceira edición do encontro en Vigo, do 24 ao 26 de outubro.
Artes escénicas para as máis pequenas das pequenas
Festival Núbebes en Pontevedra

Artes escénicas para as máis pequenas das pequenas

As máis pequenas de entre as máis pequenas tamén teñen dereito á arte. O Núbebes, que comeza esta sexta feira, 20 de setembro en Pontevedra, confírmao: “Dúas intensas fins de semanas cheíñas de propostas arredor das artes escénicas, pensadas e dirixidas á cativada da casa”. Festival de artes escénicas para bebés e familia, subtitúlase.
 O antiheroe de Isaac Bashevis Singer
O máis célebre autor en yiddish, traducido ao galego

O antiheroe de Isaac Bashevis Singer

Yasha é un mago de sona e talento que percorre a Polonia de finais do século XIX. Escapista, é quen de saltar barreiras ou abrir cadeados. E así vive ademais cando está fóra da escena. Este é o argumento de O mago de Lublin, novela orixinal de 1960 obra de Isaac Bashevis Singer, o máis célebres dos autores de lingua yiddish. Agora ve a luz en galego.
Mónica de Nut e Martínez Antelo Trío no Ames Jazz
20 de setembro no Pazo da Peregrina

Mónica de Nut e Martínez Antelo Trío no Ames Jazz

A segunda edición do Ames Jazz contará con dúas das propostas máis interesantes da escena galega: o Xacobe Martínez Antelo Trío e Mónica de Nut con Virxilio da Silva á guitarra. Será no Pazo da Peregrina a sexta feira, 20 de setembro, a partir das dez e media da noite.
Un mapa literario do Cunqueiro serodio
Libro de artigos no 'Faro de Vigo'

Un mapa literario do Cunqueiro serodio

Un artigo publicado por Álvaro Cunqueiro o 6 de xaneiro de 1974 no Faro de Vigo incluía toda unha declaración de intencións, case unha manda: “E, naturalmente, con ese fondo de tristura que é o grande luxo que soio poden permitirse os mozos, e que pra adulto usado como o que estas liñas escribe, sería como a recomendación da ialma, en vésperas da morte”. A este Cunqueiro serodio e con todo vital salvábao tamén a literatura, como se deduce da compilación No obradoiro do fabulador, á que pertence o texto citado.
17 poetas no xardín de medio lado
A editorial Urutau celebra nun libro tres anos entre Galiza e Brasil

17 poetas no xardín de medio lado

“as agullas dos eólicos / cosendo o tempo // as nubes / túmulos sagrados / coroando as montañas”, escribe Rebeca Baceiredo en Vésperas. É un dos poemas de Libro de horas (Urutau, 2019) e Baceiredo, unha das 17 autoras que reúne Un xardín de medio lado, subtitulado 17 poetas da Urutau na Galiza. Que cose non o tempo, senón dúas beiras do mundo galego portugués, Galiza, Portugal e Brasil.