deportivo
Un futbolista do Dépor, entre os detidos nunha trama para arranxar partidos

Un futbolista do Dépor, entre os detidos nunha trama para arranxar partidos

Fichado no mercado de inverno como central reserva, a súa presenza no xogo do combo coruñés ten sido testemuñal. Íñigo López, cunha experiencia efémera tamén no pasado como celtista (estivo cedido no clube vigués en 2011)figura entre os futbolistas detidos esta terza feira nunha operación contra unha trama que pretensamente se dedicaba a arranxar partidos de Primeira e Segunda División. Tamén foi arrestado Borja Fernández, xogador ourensán ex deportivista (militou na escadra riazoreña na temporada 2011-2013) e que recentemente disputou os seus últimos minutos como profisional, na disciplina do Valladolid.

Riazor recupera os automatismos

Riazor recupera os automatismos

O recente empate co Numancia após desbaldir dous goles de renda ten todo o aspecto de ter sido un accidente. Este domingo, Riazor volveu presenciar un cómodo triunfo da equipa de Natxo González. Sen brillo, de acordo, mais sen apuros. A bola parada foi chave.

Profecía autocumprida en Riazor
O Dépor cede 2 pontos ante o Numancia

Profecía autocumprida en Riazor

As mensaxes que emitía durante esta semana o vestiario do Dépor delataban certo estado de ánimo, non precisamente o que predispón para as vitorias. A idea básica é que a xeira triunfante en Riazor —até este sábado só voaran dous puntos en todo o campionato— non ía durar taumaturxicamente sempre. Había que estar atento, en calquera momento podía chegar o tropezo. É ben cedo que o fixo. Este mesmo sábado, após desbaldir unha sustanciosa renda de 2 goles.

Fede Cartabia ao rescate

Fede Cartabia ao rescate

Hai decisións inexplicábeis que se poden pagar caras. Unha delas é a de eliminar talento dun terreno de xogo. Foi o que fixo Natxo González cando deixou Carles Gil no vestiario no intermedio e puxo no seu canto Didier Moreno. As cousas non poden rodar ben cando o pé que máis toca a bola durante todo un período é o do voluntarioso futebolista colombiano. O Dépor safou porque o voo do seu plantel é moi superior ao promedio da categoría. O treinador branquiazul tiña unha poderosa bala na recámara. Fede Cartabia non fallou.

O Dépor ten moita dinamita arriba

O Dépor ten moita dinamita arriba

Resultado inxusto? Talvez. Mais isto do fútbol vai a goles e o Deportivo ten esta temporada dous puntas top que, alén de máis, viven en estado de graza. Deixarse ver por Riazor é nestas condicións un tormento para os visitantes.

Riazor: hai veces en que todo sae ben
Dépor-Elche: 4-0

Riazor: hai veces en que todo sae ben

Si, Riazor viviu unha desas rarezas dun triunfo sen sufrimentos. Todo saíu até mellor que na pizarra de Natxo González. O treinador vasco non podía ter pintado nela a obra de arte que o dianteiro sevillano Carlos Fernández regalou á freguesía branquiazul no 2-0. Slalon, duplo caneo e finalización, emboque polo pau corto, o gardamallas a se deitar cara ao longo, xogada que de ter sido asinada por Messi ou Ronaldo daría a volta ao mundo.

Eses empates con perfume a vitoria

Eses empates con perfume a vitoria

Se xogas na casa co líder, vas perdendo no minuto 54 —case no primeiro chut á túa portería— e aínda por cima te expulsan un xogador —o teu mellor puñal en ataque—, daquela acabas vivindo o empate final como unha vitoria.

Un Dépor solvente

Un Dépor solvente

En Riazor están prohibidas as vitorias sen suspense e o partido desta segunda feira reservou tres minutos de zozobra, os finais. Mais no cómputo global o Dépor foi unha equipa solvente e cumpridora en case todas as facetas do xogo. E cun puñal arriba, un Quique González que volveu da lesión en estado de graza. A vitoria coloca o combo coruñés en postos de play off.

A vida é así de dura na Segunda División
Primeira derrota do Dépor no que vai de campionato

A vida é así de dura na Segunda División

Primeira experiencia amarga do combo de Natxo González coa épica da Segunda División. Xa saben: a áspera prosa dos campos de dimensións liliputienses, o público a abouxar perto dos futebolistas, a presión en contra de 11 gladiadores aguerridos. En Alcorcón o Dépor sofreu a primeira derrota do curso. Así é esta categoría: non ten en conta nin os galóns nin o pedigrí.

O Dépor regala dous puntos

O Dépor regala dous puntos

Embora ir por diante no marcador, non foi quen de rematar un partido no que o Tenerife lle empatou no último suspiro.

Tres puntos sen brillo tamén valen
Vitoria do Dépor en Estremadura

Tres puntos sen brillo tamén valen

O edificio do ascenso adoita facerse con tixolos así, partidos sufridos, en que moitas veces estás máis perto da derrota do que da vitoria, partidos con cero jogo bonito, mais finalmente rentábeis. O Dépor cazou no campo do Estremadura o seu primeiro triunfo da longa e tortuosa andaina desta Segunda División. E, si, tivo máis protagonismo o gardamallas Dani Giménez do que a vangarda do ataque branquiazul. Mais tanto ten, tres puntos son tres puntos.

O fin do pesadelo
A derrota ante o Barça en Riazor sela o descenso do Dépor

O fin do pesadelo

Acabou a tortura. Case mellor. Os números do Deportivo esta temporada meten medo. 28 pontos en 35 partidos. 6 vitorias, 10 empates, 19 derrotas. 34 goles a favor, 69 en contra. Fíxose mal todo o que se podía facer mal. Na xestión puramente deportiva, a directiva non tomou unha soa decisión con xeito. O descenso así era inevitábel. Esta é a terceira perda de categoría nas últimas dez temporadas. Mais esta, a tres choques do fin do campionato, foi a máis dolorosa

Unha boa imaxe xa non chega

Unha boa imaxe xa non chega

Un penalti máis que discutíbel (en realidade, un non penalti) liquidou as opcións do Deportivo no Metropolitano atlético. Ofereceu un aspecto máis que aseado o combo de Seedorf na súa estrea en tan impresionante marco, mais ao cabo a equipa galega voltou a casa cos petos baleiros. É a 18 derrota do curso. A salvación a estas alturas parece unha quimera.

O Dépor deixa escapar dous puntos ante o Eibar

O Dépor deixa escapar dous puntos ante o Eibar

O Deportivo non acaba de erguer a cabeza. O partido de onte, contra un Eibar que se sitúa na parte alta do taboleiro, foi un novo exemplo das carencias dos coruñeses. Un empate a uns en Riazor que sabe a pouco, a case nada, despois dun inicio de partido que prometía máis.
 

Fracasa o experimento Seedorf en Xetafe

Fracasa o experimento Seedorf en Xetafe

Ataque de treinador do holandés no capítulo 26 do campionato. Titularidade para Muntari (só disputara 12 minutos face o Espanyol). Krohn-Dehli voltou ao once após penar nas bancadas no xogo anterior. Un único punta. Non funcionou nada. Nova derrota, a 16 no que vai de liga.

Apupos e panos brancos nas bancadas na estrea de Seedorf
O Dépor perde unha nova final

Apupos e panos brancos nas bancadas na estrea de Seedorf

Non foi o pior partido, mais foi o resultado de sempre. 14 derrotas en 23 partidos condenan a calquera. O Betis chutou unha vez entre os tres paus. Gol, un tanto precedido dun groseiro erro defensivo, unha nova desatención de Albentosa. Seedorf mostrou tamén certas fraxilidades como estratega.

Outra incógnita chega a Riazor

Outra incógnita chega a Riazor

Nova aposta incerta do Dépor. Chega a proba o medio centro ghanés  Sulley Muntari, de 33 anos. Non xoga un partido oficial desde abril de 2017. Vén a proba.

Lendoiro pide un adianto eleitoral no Deportivo

Lendoiro pide un adianto eleitoral no Deportivo

O mandato de Tino Fernández concluiría en teoría en xaneiro. Lendoiro pide que se convoque o proceso en xuño, "prazo mínimo necesario para tomar decisións importantes para a próxima temporada".

Seedorf:"Hai que ser positivos"

Seedorf:"Hai que ser positivos"

Sétima carta en xogo de Tino Fernández, sétimo treinador en 4 anos. O presidente do Dépor ten esgotado o cupo de fracasos. Na súa apresentación esta segunda feira, Seedorf vendeu optimismo e até se reivindicou como adestrador.

O problema non é caer goleado no Bernabéu

O problema non é caer goleado no Bernabéu

Ir ao Bernábeu e apañar 7 goles entra dentro do verosími, mesmo que sexa en época de vacas fracas en Chamartín. Se temos algunha dúbida comparecemos orzamentos. O problema é a extrema fraxilidade da equipa deportivista.

O Dépor perde nos detalles

O Dépor perde nos detalles

O detalle de ter porteiros (todos) excesivamente dadivosos co contrario. O detalle de aliñar un central tan pouco solvente como Albentosa. O detalle de desbaldir (Adrián) no desconto unha catedralicia ocasión de gol. 

Andone ao resgate

Andone ao resgate

Non nos enganemos: o mellor do Villarreal-Deportivo foi o resultado. E unha acción aillada, a do gol de Andone. O dianteiro romanés reivindicouse ao cabecear a gol un espléndido centro de Sidnei. A equipa de Cristóbal sae así dos postos de descenso.

O Dépor estivo noutro planeta

O Dépor estivo noutro planeta

4 goles en contra, o espectro dun quinto tanto a traspasar totalmente a liña da meta de Rubén sen ser concedido polo árbitro, 5 balóns ao pau, 3 ou 4 paradas do gardamallas de Coristanco daquelas que poden fechar o debate sobre a portería. Definitivamente Deportivo e Barcelona xogan deportes distintos, tan distantes o un do outro como os seus teitos salariais.

Con este Çolak todo é máis doado
Dépor-Leganés: 1-0

Con este Çolak todo é máis doado

O Dépor ofereceu a súa mellor versión e cazou tres pontos vitais para manter a figura no momento en que o calendario depara os compromisos máis exixentes -a visita ao Camp Nou e o noso derbi no horizonte.

Si houbo un cambio de treinador no Dépor

Si houbo un cambio de treinador no Dépor

De acordo, é moi cedo aínda para facer avaliacións definitivas. Si, tampouco o xogo foi para botar foguetes. Mais tamén é certo que a equipa tivo algo do que careceu durante a etapa de Víctor Sánchez del Amo ou Pepe Mel, dirección técnica desde o banco.

Ao Dépor atráeo o abismo
Quinta derrota do campionato

Ao Dépor atráeo o abismo

O Dépor é unha equipa que se resiste a ser feliz. Esta segunda feira podía sumar tres pontos face un rival tan directo como asequíbel -da súa liga, para entendérmonos- e afastarse da zona de perigo. Non foi quen. O fatalismo apareceuse en forma dun penalti imaxinario en contra. Restabelecida a igualdade con outra pena máxima fantasmagórica, a zaga branquiazul condenouse a si propia cunha nova mostra da súa vunerabilidade extrema.

Na súa estrea en Primeira, Francis deixa a cero a portería do Dépor
Valioso empate nun choque sen brillo en Eibar

Na súa estrea en Primeira, Francis deixa a cero a portería do Dépor

18 anos. Nixeriano. Fabrilista. E desde este domingo futebolista de Primeira División. Francis debutou este domingo en Eibar e resolveu con solvencia a papeleta. Un partido inesquecíbel para el, mais sen nada máis para a lembranza. O Dépor cazou un ponto no sempre difícil Ipurúa cun xogo manifestamente mellorábel.

O Dépor dá sinais de vida

O Dépor dá sinais de vida

Entendámonos: os problemas continúan aí -como o dinosauro no conto de Monterroso-, mais o Dépor acordou a tempo para, no mínimo, enfundar a primeira vitoria do campionato. Mel continúa sen dar coa tecla, porén a equipa ten este curso máis calidade do que no pasado. Digamos Cartabia. Digamos Valverde. Digamos, sobre todo, Schär. E digamos Lucas, que aínda a 70 por cento do seu físico, continúa a ser muito Lucas.

O Deportivo cae en Sevilla a pés de Joaquín

O Deportivo cae en Sevilla a pés de Joaquín

Catro xornadas, apenas un empate, once goles en contra e 17ª
posición provisional na clasificación á espera de que se completen o
resto de partidos desta data. A situación do Deportivo non mellorou
respecto da agonía...

Demasiados agasallos en Riazor
Derrota ante a Real (2-3)

Demasiados agasallos en Riazor

O efeito Lucas Pérez terá que esperar. O futebolista de Monelos apareceu sobre o verde no minuto 47 e, case de imediato, o Dépor colocaba o 2-2 no taboleiro de marcas. Bonita reacción para unha equipa que aos 4 minutos ía perdendo 0-2. Mais Lucas non fai milagres, os agasallos continuaron e a Real cazou os tres pontos en xogo.

O Dépor non estivo en Donostia
1-0

O Dépor non estivo en Donostia

Poden crerme: o que compareceu en Anoeta non foi unha equipa de futebol, foi un simulacro. Cero intensidade. Cero tensión. Cero pases con xeito. Cero tiros entre os tres paus. Á Real bastoulle premer un chisco o acelerador na primeira media hora de xogo para solventar o match. O Dépor equivocaríase gravemente se pensase que xa está salvado.

"Queremos manter o modelo da multipropiedade, un clube dos 25.000 accionistas"
Enrique Calvete, responsábel económico do Dépor

"Queremos manter o modelo da multipropiedade, un clube dos 25.000 accionistas"

Enrique Calvete Pérez (A Coruña, 1958) é un dos conselleiros da nova era do Deportivo. Gábase de ser accionista e socio, o número 1.705 do Deportivo. Economista e funcionario, é tamén o tesoureiro da Deputación de A Coruña. Con el repasamos, nunha conversa demorada, a montaña rusa na que se converteu o Deportivo nos tres anos de Tino Fernández como presidente.