A celebración do Día da Patria Galega é unha necesidade para o pobo galego, para seguir sendo, pero tamén é de vital importancia para os pobos que conviven no Estado español para construír un modelo de Estado que poida chegar a ser a casa de todos.
Un tal Lenin...
O BNG quece motores para o Día da Patria Galega. A portavoz nacional do Bloque, Ana Pontón, desde Lalín, apelou a “encher as rúas” para demostrar que “hai unha maioría social que quere cambio e quere construír esa outra Galiza posible, na que vivir e na que ter un traballo digno sen ter que coller as maletas”.
Após as eleccións locais do pasado 26 de maio outorgar o BNG unha remontada en apoios que lle deron 456 concelleiras e concelleiros en todo o país, a fronte nacionalista celebrou un cumio municipal para trazar as liñas de actuación común. Ana Pontón afirmou neste encontro que os concellos son unha peza chave na construción da Galiza, mais animou as e os concelleiros a "fuxir dos estériles localismos”. Convencida de que Feixoo “é o pasado”, a líder nacionalista proclamou que só o Bloque é garantía dun cambio real nese novo tempo político que levará o PP á oposición.
O 25 de xullo de 1968 marca o punto de inicio da celebración do Día da Patria Galega na súa denominación, formulación e orientación actual. A Unión do Povo Galego (UPG) acorda convocar ese ano unha mobilización na capital de Galiza, chamando a unha concentración nacional ás doce da mañá na praza do Obradoiro, en defensa dos nosos dereitos nacionais. Eis un extracto da información publicada no número 305 de Sermos Galiza.
No marco do Día da Patria Galega, Sermos Galiza instalará unha exposición sobre Sermos O Diario Galego no Festigal, onde ás 18 horas do 25 de xullo terá lugar a última presentación do proxecto, coas intervencións de Margarita Ledo, escritora, investigadora e cineasta; Comba Campoi, investigadora e promotora cultural, e Xoán Costa, presidente do Consello de Administración de Sermos Galiza.
Doutor en Historia e catedrático de Historia Contemporánea da USC, Xusto Beramendi (Madrid, 1941) é unha das plumas máis especializadas na historia das ideoloxías e dos nacionalismos. Entre a súa fecunda e recoñecida obra destaca De provincia a nación. Historia do nacionalismo galego, volume que lle valeu o Premio Nacional de Ensaio en 2008. Eis un extracto da entrevista, publicada no número 305 de Sermos Galiza.
Afirmaba Castelao que o 25 de Xullo era “a festa maior dos galegos”. Unha xornada reivindicativa ideada polas Irmandades da Fala en 1920 e recuperada en 1968 pola Unión do Povo Galego (UPG), quen resgatou a data na denominación e no contido. Contamos co testemuño daquela primeira década de conmemoración do Día da Patria da voz de Bautista Álvarez, Xesús Sanxoás, Saleta Goi, Xosé Estévez, Lois Diéguez, Maite Caramés, Margarita Ledo, Pilar Allegue, Francisco Rodríguez e Vicente Vázquez. Recollémelo no Sermos Galiza 255.
