Após descubrir labores destinados a drenar a lagoa que se forma de maneira natural na praia de Lourido (Poio), a Asociación Pola Defensa Ría tomará cartas no asunto presentando denuncia para que se estuden os feitos.

Despois dun setembro en que os feminicidios se multiplicaron por tres nun dos casos, como nos espantosos crimes de Valga, e de comprobar por enésima vez que isto non lle quita o sono a ninguén, nin sequera ao presidente en funcións, que parece telo tan leve, volvemos ás...

Manifestantes contra a cimeira capitalista do G7 portan os retratos do presidente Macron retirados de edificios públicos nos últimos meses. Ecoloxistas levan desde o mes de febreiro ‘secuestrando’ os retratos para denunciar a hipocrisía dun Macron que se alza como representante da loita contra o cambio climático.

Catro entidades ambientalistas galegas acudiron ás portas do Parlamento galego para denunciaren o retroceso que supón a nova lei en materia de patrimonio natural que a Xunta de Galiza quere aprobar de costas ao movemento ecoloxista. Denuncian que cos límites que estabelece a nova normativa non poderá haber ningún parque natural máis na Galiza. 

O XV Encontro de Voluntariado do Proxecto Ríos celébrase cunha descuberta de biodiversidade nas ribeiras do río Grou, en Lobios. Nesta iniciativa organizada desde a Asociación pola Defensa Ecolóxica de Galiza as persoas participantes percorren treitos do río para colaborar na realización dunha listaxe sobre as riquezas e a biodiversidade existente na zona.

O lume é elemento central da festa de San Xoán, cuxas orixes, pagás, remóntanse ao solsticio de verán. Milleiros de fogueiras arderán no país nunha festa en que a auga, as sardiñas, a música e a queimada tamén son benvidas. Resgatamos os consellos de ADEGA para un San Xoán máis ecolóxico.

Adega e a Sociedade Galega de Ornitoloxía esixen a paralización urxente e inmediata das obras que se están a realizar no cumio da Serra de Oribio, entre Samos e Triacastela, no Courel. Segundo indica a asociación ecoloxista nun comunicado, “se se trata das obras do parque eólico Serra de Oribio da empresa Fergo Galicia Vento, SL, serían ilegais, porque carece de autorización recente e definitiva”.
 

Medio cento de medidas conforman o programa de Adega para uns concellos “ecoloxicamente sustentábeis”. “A relevancia e non digamos o cumprimento das propostas ambientais nos programas das distintas forzas políticas”, asegura a organización, “fican moitas veces en segundo plano ou mesmo esquecidas”. Contra esa circunstancia, as 50 medidas de Adega.

 

O Tribunal Supremo declara a nulidade da autorización ambiental dunha mina explotada pola mesma empresa que promove a reapertura en Touro.

“A práctica totalidade dos materiais xeolóxicos da mina van xerar drenaxes ácidas e mobilizar metais tóxicos”. Segundo Adega, os novos informes incorporados ao proxecto da mina de Touro confirman as súas denuncias: “Todo o proxecto mineiro foi construído sobre unha mentira e debe ser rexeitado”.
 

A comarca de Ordes, declarada ata o momento libre de eólicos, podería ver afectada a súa condición tras a proposta de creación de tres novos parques inscritos no Rexistro Eólico de Galiza.

Nos últimos tempos, en que o debate sobre o uso do plástico ademais de necesario se volveu tendencia, moito se está a falar da conveniencia ou non do SIX (Sistema Integrado de Xestión) fronte a modelos de tratamento do lixo como o SDDR (Sistema de Depósito, Devolución e Retorno). As asociacións ecoloxistas coinciden en desmontar as bondades do sistema actual, cuxo problema inicial é pensar que o lixo chegará ao colector asignado.

Un grupo de ecoloxistas do Estado español participaron esta cuarta feira na xunta de accionistas de Atalaya Mining PLC, en Londres. Fixérono para protestar contra os plans da empresa e “advertir os accionistas da súa responsabilidade” en tres proxectos mineiros, entre eles o da mina a ceo aberto en Touro.
 

A pasada cuarta feira a Garda Civil detiña un home relacionado cun dos incendios producidos o domingo día 15 na comarca da Limia. Os colectivos ecoloxistas amosan a súa preocupación sobre “as circunstancias que rodean” a detención desta persoa “coñecida, valorada e querida polos que ao longo dos anos noventa do pasado século activaron a loita social contra a deterioración da natureza”.

Adela Leiro, mestra xubilada, ecoloxista, viaxeira incansábel, fotógrafa, especialista en expresión plástica, e  e grande coñecedora da flora e da fauna galegas. É a voz que se une esta quinta feira ao coro de VeñanMáis5.

A Federación ecoloxista galega lamenta que o goberno pense máis en “satisfacer os intereses de navieiras e hosteleiros” que na conversión e sustentabilidade deste parque nacional.

ADEGA, Amigos da Terra, CEMMA, FEG e a Sociedade Galega de Historia Natural propoñen a todas as forzas políticas doce propostas para avanzar cara á sustentabilidade.