entrevista
Dorothé Schubarth: "O pulso do canto galego é como un péndulo"

Dorothé Schubarth: "O pulso do canto galego é como un péndulo"

Entrevistamos Dorothé Schubarth (Basilea, 1944), co gallo da recollida do Premio Mestra da Memoria, outorgado pola AELG en Lugo.  Musicóloga, compositora, editora e estudosa do Cacioneiro Popular Galego, publicado ao carón de Antón Santamarina. Unha obra imprescindíbel da lírica de tradición oral, que conta tamén con gravacións únicas agora auspiciadas polo Arquivo Sonoro de Galiza. Eis un estrato da peza publicada no número 370 do semanario en papel Sermos Galiza.

 

“Galiza foi a nosa terra predilecta desde que comezamos”
Entrevistamos Panxo (Zoo Posse)

“Galiza foi a nosa terra predilecta desde que comezamos”

A sexta feira 25 de outubro o grupo valencià de moda, Zoo Posse, visita Galiza unha vez máis para despedirse por unha tempada. Sermos Galiza conversa co vocalista Toni Sánchez (Panxo) sobre a traxectoria pasada e futura dun proxecto que colocou con forza a música valencià fóra das súas fronteiras.

"Chévere ten unha misión social"
Entrevistamos Patricia de Lorenzo

"Chévere ten unha misión social"

Patricia de Lorenzo entrou en Chévere “soa ante o perigo”, coma o nome da Ultranoite en que, baixo o formato stand up, gañou o aprecio do público e das súas futuras compañeiras. Desde aquela, Patricia de Lorenzo (A Coruña, 1971), quen comezara con 19 anos no Centro Dramático Galego, leva máis de 20 anos implicada no proxecto Chévere, converténdose en piar fundamental non só sobre as táboas do escenario, pois desenvolve tamén labores de dirección, administración, xestión e produción. Como recoñecemento a esta longa traxectoria, recibe este mes o premio Xograresa de Outono, galardón entregado polo Festival Internacional Outono de Teatro (FIOT) de Carballo. Eis un estrato da peza publicada no número 368 do semanario en papel Sermos Galiza
Antía Veres "É un labor das tradutoras eliminar o machismo da linguaxe"

Antía Veres "É un labor das tradutoras eliminar o machismo da linguaxe"

Antía Veres (1990) é licenciada en Tradución e Interpretación, con especialidade en inglés‑galego, pola Universidade de Vigo. Colaborou profesionalmente co proxecto Trasno e foi unha das fundadoras da asociación Trabalingua (2009). Actualmente traballa como autónoma para diferentes editoriais, como Kalandraka ou Hugin e Munin. A tradución de Unha muller perdida, da autora norteamericana Willa Cather, valeulle o Premio Plácido Castro de Tradución, un galardón outorgado pola fundación homónima en colaboración coa Asociación de Tradutores Galegos, que recoñece a mellor tradución do ano á nosa lingua. O xurado destacou o uso dun “galego extremadamente natural e próximo, empregando unha fraseoloxía propia sen alterar a atmosfera natural da novela”. Eis un estrato da peza publicada no número 367 do semanario en papel Sermos Galiza.  
"As cantantes son máis visíbeis, pero instrumentistas non hai moitas"
Entrevistamos Arantza Alfaia, de Habelas Hainas

"As cantantes son máis visíbeis, pero instrumentistas non hai moitas"

Habelas Hainas escríbese con H, a letra do silencio, do mutismo das mulleres que soan. As catro integrantes da banda lanzaban en 2017 o seu primeiro disco, Livres e Loucas, despois de sete anos nos escenarios. Entrevistamos a percusionista Arantza Alfaia, que nos fala da evolución do proxecto e a situación da muller na música tradicional.

"Todo feminismo que non se nomea como antirracista é racista"
Entrevista a Lucrecia Masson, activista transfeminista

"Todo feminismo que non se nomea como antirracista é racista"

Lucrecia Masson (Ombucta, 1981) abriu esta cuarta feira, xunto coa investigadora Jeane Costa, as xornadas Noutrén: Feminismo Poscolonial, que promove a agrupación cultural O Galo e que contarán, ao longo de sete sesións que se desenvolverán até o 9 de novembro, cunha escolma de voces expertas para reflexionar sobre a descolonización dos corpos e dos territorios. Activista, artista e investigadora multiformato sobre corpos, gordofobia, transfeminismos ou descolonización, Masson expón para Sermos Galiza algúns dos conceptos do seu relatorio nunha proposta que, como explica, formula o feminismo “desde fóra dunha matriz eurocéntrica”. 

"Os cineastas somos soldados da morte"
Entrevistamos Óliver Laxe

"Os cineastas somos soldados da morte"

A terceira longametraxe de Oliver Laxe, O que arde, chega por fin a Galiza despois de acadar o recoñecemento da crítica internacional e se converter no primeiro filme en lingua galega proxectado en Cannes. Sermos Galiza recolle as súas primeiras impresións tras as preestreas dos últimos días nunha entrevista concedida após o pase especial da película no Curtocircuíto.
"Sempre souben que un día habería unha historia vencellada con África"
Entrevistamos Carlos Conceição

"Sempre souben que un día habería unha historia vencellada con África"

A 27ª edición do Curtas de Vila do Conde tivo no director Carlos Conceição (1979) un dos seus principais protagonistas por medio dunha “carta branca”, un coloquio arredor das súas curtas e a estrea en Portugal, uns meses despois do seu debut na Berlinale, da súa primeira longametraxe, Serpentário, coa que regresa á Angola na que naceu e se criou. Eis un extracto da entrevista, publicada no número 359 do semanario en papel Sermos Galiza.

“Os soberanismos debemos fortalecer os nosos lazos e a nosa cooperación”
Entrevistamos Floren Aoiz

“Os soberanismos debemos fortalecer os nosos lazos e a nosa cooperación”

Político e escritor, Floren Aoiz (Tafalla, 1966) leva implicado na esquerda abertzale desde moi novo, asumindo diferentes responsabilidades políticas ao longo destes trinta anos. Actualmente é responsábel da Fundación Iratzar, centrada na “reflexión estratéxica”. Eis un extracto da entrevista publicada no número 358 do semanario en papel Sermos Galiza.
“A película non é de aventuras, é un documentario fiel sobre quen foi Reboiras”
Alberte Mera, director de cinema

“A película non é de aventuras, é un documentario fiel sobre quen foi Reboiras”

Alberte Mera (Vigo, 1987) é o director de Reboiras. Acción e corazón, o filme producido pola Fundación Terra e Tempo de Estudos Nacionalistas que levará á pantalla a vida de Moncho Reboiras desde a vertente humana e política. Licenciado en Comunicación Audiovisual pola Universidade de Vigo, Mera é o director das curtas Camiño da Memoria (2011) e Deixádeas Pasar (2012) e das longas Clamor da Terra (2012) e Lume Novo (2013). Aproveitamos este 12 de agosto -cando se fan 44 anos do asasinato de Reboiras- para publicar a entrevista co director da película, que saíu no semanario en papel Sermos Galiza número 358.

“As familias, para min, son abafantes e extorsionadoras”
Míriam Ferradáns, escritora

“As familias, para min, son abafantes e extorsionadoras”

Míriam Ferradáns (Bon-Beluso, Bueu, 1982) é xa unha das voces imprescindíbeis da poesía galega. Ten publicados dous libros, Deshabitar unha casa e Nomes de fume, que lle valeron, respectivamente, os premios Francisco Añón e Pérez Pallaré. Graduada social pola Universidade de Vigo, colabora coa columna mensual “Palabras de fume” neste semanario desde xaneiro de 2018. Conversamos con ela cando a escritora Dolors Miquel vén de traducir Nomes de fume, unha obra inclemente e honesta sobre a familia, a comunidade e o loito, ao catalán. A principios de ano verá a luz en castelán, coa tradución de Gonzalo Hermo.
“Moito do que reivindicamos hai trinta anos segue en vigor”
ANXO ANTÓN QUEIRUGA, presidente de COGAMI

“Moito do que reivindicamos hai trinta anos segue en vigor”

Anxo Queiruga, presidente de COGAMI (Confederación Galega de Persoas con Discapacidade), fai balance dos últimos catro anos á fronte da organización e subliña os retos que o agardan no cargo que vén de renovar. Entre eles, destaca as necesidades de dous colectivos que sofren dupla discriminación: as mulleres con discapacidade e aquelas persoas que por viviren no rural enfrontan maiores dificultades na súa vida cotiá. Nesta conversa -publicada no número 357 do semanario en papel Sermos Galiza e cuxo extracto podes ler baixo estas liñas- afirma que o modelo de Cogami é único, colocando a persoa sempre no centro.

“Quero transmitir o significado da cultura galega fóra da Galiza”
Baiuca, músico

“Quero transmitir o significado da cultura galega fóra da Galiza”

Baiuca é o nome artístico baixo o que se acubilla Alejandro Guillán. Así se chama o lugar de Catoira que o viu nacer e medrar, tanto vivencial como musicalmente falando. A súa faceta de artista non é cousa recente. A música está presente no seu sangue desde que era un cativo até o de agora, cambiando a medida que el tamén o facía. Eis un extracto da entrevista, publicada no número 356 do semanario en papel Sermos Galiza, á venda na loxa e nos quiosques.
"Apaixóname o traballo no Parlamento"
Miguel Santalices, presidente do Parlamento

"Apaixóname o traballo no Parlamento"

Miguel Ángel Santalices (Bande, 1955) relevou Pilar Rojo á fronte da Presidencia do Parlamento en xaneiro de 2016. Licenciado en Medicina e Cirurxía pola USC, ocupou altos cargos na xestión da sanidade pública e desde 1997 é deputado do PP, partido do que fai parte na súa dirección. Sobre a mesa do seu despacho, Meirás: un pazo, un caudillo, un espolio, de Carlos Babío e Manuel Pérez, “agasalloumo Luís Bará. Eu teño boa relación con moitos deputados e deputadas”, sinala cando se lle pregunta polo libro. Colgan das paredes un gran cadro de Quessada e outro de Lamazares. E sobre a mesa de reunións, unha escultura de Acisclo Manzano. “Gosto moito da arte e o Parlamento conta cunha colección moi importante que é patrimonio de toda Galiza”, explica. Entrevistamos o presidente da Cámara con motivo do Día da Patria Galega. Eis un extracto da entrevista publicada no número 356 do semanario en papel Sermos Galiza.
"Cómpre un Día das Letras Galegas para a música popular"
Entrevistamos Fernando Fernández Rego

"Cómpre un Día das Letras Galegas para a música popular"

O adxectivo monumental inventouse para obras como Unha historia da música en Galicia. 1952-2018. Case 900 páxinas, ateigadas de ilustracións maiormente descoñecidas, percorren as declinacións do pop galego desde as orquestras pioneiras na fusión tropical á autoxestión underground de raíz punk, do bravú e os inicios da normalización do galego na escena e o ignoto yeyé dos 60 con epicentro en Ourense e Vigo. Malia algunhas inevitábeis ausencias, o libro do crítico Fernando Fernández Rego (Ferrol, 1979) conforma un primeiro esforzo sistemático, e memorábel, por elaborar este relato. De camiño rescata a memoria de innúmeros artistas e bandas, e amosa a frondosidade, o pluralismo, a ousadía e a inexplorada riqueza da música moderna na Galiza. Eis un extracto do semanario en papel Sermos Galiza, número 354.

"A miña poesía non é pesimista; é realista, porque a vida non é fermosa"
Entrevistamos Teresa Ramiro

"A miña poesía non é pesimista; é realista, porque a vida non é fermosa"

“Un ronsel de lúas e marés baixas / deixaron en min / vestixios de artrose e reuma”, di Teresa Ramiro (Culleredo, 1958) en “Fendas de salitre”. É un dos poemas de Fundido a negro (Caldeirón, 2019), o primeiro libro dunha muller que escribe desde que ten memoria. Activista de “toda causa xusta, da mina de Touro á fraga de Catasós”, preocúpalle a situación das persoas con dependencia. “É sangrante como está”, argumenta, e relata que a súa filla o sofre directamente. Non obstante, nega que a súa escrita sexa pesimista. Eis un extracto da entrevista publicada no número 353 do semanario en papel Sermos Galiza.

“Nunca imaxinei que me podían despedir simplemente por ir nunha candidatura sindical, nunca”
José Barros, traballador de Coren despedido

“Nunca imaxinei que me podían despedir simplemente por ir nunha candidatura sindical, nunca”

A CIG anunciaba o 27 de xuño a posta en marcha dunha campaña contra a represión sindical no grupo ourensán Coren após o despido dun candidato da central ás eleccións sindicais. Falamos co traballador despedido, José Barros: “Un mércores chamoume Recursos Humanos e pediume que non fose na candidatura da CIG, negueime a aceptar iso e o venres chamáronme para despedirme”.

"Preocúpame que siga habendo todos os tipos de filmes que preciso para facer o meu traballo"
Entrevista a Mark Toscano

"Preocúpame que siga habendo todos os tipos de filmes que preciso para facer o meu traballo"

A maioría das persoas identifica a Academia das Artes e das Ciencias Cinematográficas cos seus famosos Oscars, mais non é tan coñecido o xigantesco labor que a institución desenvolve en favor da preservación da memoria do cinema. A Mostra de Cinema Periférico, S8, trouxo á Coruña Mark Toscano, conservador do Academy Film Archive, con quen conversamos sobre as funcións do arquivo e os desafíos actuais do seu traballo. Eis un extracto da entrevista, publicada no número 352 do semanario en papel Sermos Galiza.

"O museo ten que explicar o que é a sociedade galega actual, niso traballamos"
Entrevista a Manuel Vilar

"O museo ten que explicar o que é a sociedade galega actual, niso traballamos"

Manuel Vilar (Muxía, 1956) coñece o Museo do Pobo Galego practicamente desde a súa inauguración, en 1977. Primeiro como visitante habitual, máis tarde como socio e colaborador. A partir do mes de xullo, será o director da institución que, entre outras cousas, mantivo a memoria do Seminario de Estudos Galegos. A apertura nacional –“non pode ser unicamente un museo de Santiago”–, a relación entre patrimonio e democracia, e dar conta da Galiza actual son as súas primeiras e principais preocupacións. Eis un extracto da conversa, publicada no número 351 do semanario en papel Sermos Galiza.

"A literatura ten que axudar a comprender a sociedade en que vivimos"
Entrevista a Ledicia Costas

"A literatura ten que axudar a comprender a sociedade en que vivimos"

Merlo é unha pequena vila ao pé dunha cidade marítima. A esa localidade acaba de se mudar Emma Cruz, profesora de Dereito Penal. O que semellaba o lugar ideal para fuxir das pantasmas dunha ruptura amorosa axiña escurece: fanse 25 anos da desaparición de dúas nenas, as irmás Giraud. A partir desta secuencia, Ledicia Costas (Vigo, 1979) desata Infamia (Xerais, 2019), un thriller por intres asfixiante sobre culpa, violencias, opresión estrutural, silencio, amor. Escrita cun estilo cruzado de razadas poéticas, a segunda novela de Costas para o lectorado adulto xa é éxito de vendas: a segunda edición tardou apenas dúas semanas. Eis un extracto da entrevista publicada no número 350 do semanario en papel Sermos Galiza.

"Ao final, todas conseguimos empatizar coa parte escura dos demais"
Entrevista a Arantza Portabales

"Ao final, todas conseguimos empatizar coa parte escura dos demais"

Beleza vermella (Galaxia, 2019) comeza cun asasinato, o da moza Xiana Alén, escenifcado tal unha obra de arte da súa avoa, a afamada escultora Aurora Sieiro. Ambientada nunha urbanización da contorna compostelá, con personaxes de elevada posición social, é tamén unha homenaxe á novela de enigma. Pero só até un punto. Porque a terceira novela de Arantza Portabales (Donostia, 1973) constitúe sobre todo, así o explica ela mesma, unha exploración nos abismos da psique humana. “O horror non sabe nin de status, nin de nivel económico, nin de profesións. Ás veces, a mente humana fai crac e non hai volta atrás”, relata a escritora a Sermos Galiza. Eis un extracto da entrevista, publicada no número 347 do semanario en papel.

"A UE ten que ser o grande Estado"
Juan Carlos Piñeiro é o candidato de CxG ao Parlamento Europeo

"A UE ten que ser o grande Estado"

Nado en San Cibrao (Cervo) en 1977, Juan Carlos Piñeiro Docampo é o candidato de Compromiso por Galicia (CxG) ao Parlamento Europeo. Sindicalista da UXT e asesor laboral, foi elixido secretario xeral da formación galeguista en 2017. Responde este cuestionario a través do correo electrónico.

"O escano do BNG en Bruxelas foi a ponte para que os intereses galegos estivesen"
Ana Miranda, candidata do BNG ao Parlamento Europeo

"O escano do BNG en Bruxelas foi a ponte para que os intereses galegos estivesen"

Ana Miranda (Cuntis, 1971), candidata do BNG ao Parlamento Europeo, é xurista experta en dereito comunitario, coas especializacións realizadas en Dereito Europeo nas universidades da Coruña e Louvain-la-Neuve e posúe unha longa experiencia na Eurocámara. Na última lexislatura, o seu traballo destacou pola defensa das rías galegas, da pesca, da memoria e das afectadas e afectados polo accidente de Angrois.Responde este cuestionario a través do correo electrónico.

"A Unión Europea quitounos moito máis do que nos achegou"
Lídia Senra, candidata de En Marea ás Parlamento Europeo

"A Unión Europea quitounos moito máis do que nos achegou"

Lídia Senra (A Pobra do Brollón, 1958) é candidata de En Marea-Compromiso por Europa (CPE) ás eleccións europeas do próximo 26 de maio. Nesta lexistaltura foi eurodeputada no Grupo Confederal da Esquerda Unitaria Europea/Esquerda Verde Nórdica (GUE/NGL). Responde este cuestionario a través do correo electrónico.

"Apoio a vocación europeísta de Galiza"
Francisco Millán Mon, candidato do PP ao Parlamento Europeo

"Apoio a vocación europeísta de Galiza"

Francisco José Millán Mon (Pontevedra, 1955) é desde 2004 deputado do Parlamento Europeo polo PP. Licenciado en Dereito pola USC, este diplomático de carreira aspira a recuncar o seu escano en Bruxelas.

"O mellor aínda está por vir"
Miguel Anxo F. Lores, alcalde de Pontevedra

"O mellor aínda está por vir"

O candidato á Alcaldía de Pontevedra polo BNG, Miguel Anxo Fernández Lores, apenas necesita presentación. O proxecto que encabeza é coñecido ao longo do planeta. E non só. Entre os recoñecementos ao seu traballo atópase o premio da ONU-Hábitat, un premio á excelencia do modelo de cidade. As enquisas sitúan o Bloque en Pontevedra a piques de lograr a maioría absoluta. Responde este cuestionario por correo electrónico.

“Impulsarei unha mesa de negociación sobre o futuro de Ence”
Tino Fernández, candidato á Alcaldía de Pontevedra polo PSOE

“Impulsarei unha mesa de negociación sobre o futuro de Ence”

Avogado de profesión, Tino Fernández (Pontevedra, 1961), afiliouse ao PSOE en 1990 e foi edil no Concello de Pontevedra en diversos mandatos (o primeiro deles entre 1995 e 1999, sendo alcalde Juan Luis Pedrosa). Tras a demisión de Guillermo Meijón, deu o paso para optar á secretaría xeral da Agrupación Municipal do PSOE en Pontevedra. Moi vencellado ao mundo do deporte, en especial ao balonmán, chegou a ser voceiro da xestora do Teucro. Responde este cuestionario vía correo electrónico.

"Faremos chegar as primeiras rendas sociais municipais"
Luís Rei Núñez, candidato á Alcaldía de Pontevedra pola Marea

"Faremos chegar as primeiras rendas sociais municipais"

Escritor e xornalista, Luís Rei Núñez é o candidato de Marea Pontevedra á Alcaldía. Concelleiro da Marea após postularse como alcalde en 2015, traballa na Televisión de Galicia, onde foi director de cultura no período 2005-2009.

"Eliminaremos os lombos para apostar noutras medidas para calmar o tráfico"
Gregorio Revenga Portela, candidato á Alcaldía de Pontevedra por Ciudadanos

"Eliminaremos os lombos para apostar noutras medidas para calmar o tráfico"

Gregorio  Revenga Portela é o candidato de Ciudadanos á Alcaldía de Pontevedra. É optometrista da ONCE en Pontevedra desde 1987 e director técnico de Audiocentros Revenga. Coordina a agrupación local e provincial de Ciudadanos.

"O goberno de Vigo tentou silenciarnos desde o primeiro momento"
Rubén Pérez, candidato á Alcaldía de Vigo por Marea de Vigo

"O goberno de Vigo tentou silenciarnos desde o primeiro momento"

Rubén Pérez é o candidato da Marea de Vigo á Alcaldía da cidade. Licenciado en Historia, é secretario de organización da federación galega do PCE e coordinador local de Esquerda Unida. Actualmente é concelleiro na corporación municipal. Responde este cuestionario a través do correo electrónico.

"Non temos medo á represión porque o que dicimos é totalmente obxectivo... estamos no noso dereito a dicilo"
Entrevista a Dios Ke Te Crew

"Non temos medo á represión porque o que dicimos é totalmente obxectivo... estamos no noso dereito a dicilo"

Jamas, Sokram e Mou son, con El Padre Murdock aos pratos, os Dios Ke Te Crew en 2019. Acaban de publicar o seu terceiro disco, O ciclo da serpe (Rapapoula), manifesto apocalíptico, aviso de incendio, en que diversas variacións da electrónica se apropian das músicas e textos e voces advirten da sen razón do modo de vida no capitalismo. “O futuro da humanidade pasa por reducir o noso impacto no planeta”, consideran, con humildade pero con firmeza, Mou e Sokram, que nesta entrevista con Sermos Galiza explican o seu primeiro regreso discográfico oito anos despois de Humanose. Na formación xa non está García MC. Eis un extracto da conversa, publicada no número 346 do semanario en papel.

"A Xunta ten abandonada Vilagarcía de Arousa"
Alberto Varela Paz, candidato do PSOE á Alcaldía de Vilagarcía

"A Xunta ten abandonada Vilagarcía de Arousa"

Alberto Varela Paz, actual alcalde de Vilagarcía de Arousa, aspira a recuncar no posto para avanzar nas medidas postas en marcha no último mandato. Avogado de profesión, afirma que unha das grandes necesidades da vila é un novo centro de saúde.

"O meu partido podería ter feito máis para darlle estabilidade ao goberno de Ferrol"
Ángel Mato Escalona, candidato do PSOE á Alcaldía de Ferrol

"O meu partido podería ter feito máis para darlle estabilidade ao goberno de Ferrol"

O senador Ángel Mato (Ferrol, 1971) é o candidato do PSOE á Alcaldía de Ferrol após un proceso de eleccións primarias no seo da forza política que representa. As súas prioridades pasan por lograr un acordo para dispor dun orzamento que permita normalizar os contratos para o axeitado mantemento de parques e xardíns, rozas, recollida de lixo ou iluminación. Responde este cuestionario vía correo electrónico. 

"O alcalde actual reclama carga de traballo para Cádiz cando as gradas galegas están baleiras"
Iván Rivas, candidato á Alcaldía de Ferrol polo BNG

"O alcalde actual reclama carga de traballo para Cádiz cando as gradas galegas están baleiras"

O arquitecto Iván Rivas repite como candidato do BNG á Alcaldía de Ferrol. Cita entre as medidas prioritarias a anulación dos "acordos espurios adoptados" entre o PP e FeC para a xestión do transporte, a devolución da depuradora ao seu titular, a Xunta, polos defectos que presenta e a anulación do convenio con Defensa para poder cobrar impostos polas propiedades desafectadas. Responde este cuestionario a través do correo electrónico.

"Gustaríame que se deixasen de lado as siglas e se priorizase a defensa dos intereses de Narón"
Marián Ferreiro Díaz, candidata de TEGA á Alcaldía de Narón

"Gustaríame que se deixasen de lado as siglas e se priorizase a defensa dos intereses de Narón"

Marián Ferreiro Díaz (San Xiao, Narón, 1977) é a candidata de TEGA á Alcaldía de Narón. Foi dependenta de comercio e administrativa do Concello de Narón (2006-2015). Nas eleccións municipais de 2015 presentouse como número 2 na candidatura de Terra Galega que encabezaba Xosé Manuel Blanco. Foi concelleira de Cultura e primeira tenente alcalde. En setembro de 2017, logo da renuncia ao cargo de Xosé Manuel Blanco, foi elixida alcaldesa de Narón o 23 de setembro.

“Se estamos en política non é para mantermos posicións cómodas”
Martiño Noriega, candidato á Alcaldía de Compostela (Compostela Aberta)

“Se estamos en política non é para mantermos posicións cómodas”

Martiño Noriega (A Coruña, 1975) é o alcalde de Compostela e aspira a revalidar o cargo por Compostela Aberta nas eleccións do 26 de maio. Militante de Anova, é médico de familia e foi alcalde en Teo. Sinala como unha das medidas prioritarias a fusión de Compostela e Teo. Responde este cuestionario vía correo electrónico.

“Galiza demostra até que punto o Estado está construído de forma imperfecta”
Entrevista a Camilo Nogueira

“Galiza demostra até que punto o Estado está construído de forma imperfecta”

Máis de 700 páxinas ocupa a Camilo Nogueira (Lavadores, Vigo, 1936) a súa reivindicación histórico-política da nación galega. Subtitulado A razón resistente, Unha nación no mundo (Xerais, 2019) condensa a visión dun dos máis destacados dirixentes do nacionalismo galego no século XX, a suma do seu pensamento e os elementos centrais da súa proxección de futuro. En que a Unión Europea e o mundo lusófono seguen a configurar o horizonte. Eis un extracto da entrevista, publicada no número 345 do semanario en papel Sermos Galiza.

“Foi moi positiva a entrada de seis grupos municipais na corporación”
Carlos Anxo Portomeñe Pérez, candidato de ACE-EU á Alcaldía de Lugo

“Foi moi positiva a entrada de seis grupos municipais na corporación”

Carlos Anxo Portomeñe Pérez (Lugo, 1968) é o candidato de Alternativa Cidadá de Esquerdas-Esquerda Unida á Alcaldía de Lugo. Actual concelleiro e portavoz do grupo municipal de ACE-EU é artesán e escultor. Entrou no Consello Político Federal de Izquierda Unida en 2000 e no Comité Federal do Partido Comunista de España en 2002. Responde a este cuestionario a través do correo electrónico. 

"O BNG liderou a oposición en Lugo, sempre en clave positiva e propositiva"
Rubén Arroxo Fernández, candidato do BNG á Alcaldía de Lugo

"O BNG liderou a oposición en Lugo, sempre en clave positiva e propositiva"


Arquitecto técnico pola UDC e adestrador deportivo nivel 3, Rubén Arroxo (Lugo, 1985) é o portavoz do grupo do BNG no concello de Lugo e é o candidato á Alcaldía. Traballou, desde moi novo, como monitor deportivo e de tempo libre e ten colaborado con proxectos arquitectónicos. Afirma que após moitos anos militando no BNG e Galiza Nova, “sei que o concello de Lugo pode transformarse para mellorar a calidade de vida das persoas que aquí vivimos”. Responde a este cuestionario a través do correo electrónico.
 

“O chamado goberno do cambio veu para tocar o ceo e nin foi quen de poñer os pés na terra”
Inés Rey, candidata do PSOE á Alcaldía da Coruña

“O chamado goberno do cambio veu para tocar o ceo e nin foi quen de poñer os pés na terra”

Inés Rey é a candidata do PSOE á Alcaldía da Coruña. Licenciada en Dereito pola UDC, exerce como avogada desde os 24 anos e desde os 18 milita nas filas do partido socialista. Nesta entrevista, que responde vía correo electrónico, explica por que, ao seu ver, A Coruña precisa un cambio de rumo e as principais medidas que adoptará se obtén o bastón de mando.

 "Ferreiro non soubo, ou non quixo, entender que aos coruñeses nos gusta presumir de cidade"
Beatriz Mato, número 1 do PP á Alcaldía da Coruña

"Ferreiro non soubo, ou non quixo, entender que aos coruñeses nos gusta presumir de cidade"

"Catro anos perdidos". Así resume a candidata do PP á Alcaldía da Coruña, Beatriz Mato, o mandato da Marea Atlántica. A deputada e ex conselleira de Medio Ambiente sinala que a prioridade da súa candidatura será a limpeza da cidade. "Deseñamos un plan de choque para que A Coruña recupere canto antes o esplendor e a beleza da que sempre fixo gala", responde a Sermos Galiza a través do correo electrónico.

“Hai persoas que realizan actos de poesía aínda que despois non escriban un só poema”
Entrevista a Olga Novo

“Hai persoas que realizan actos de poesía aínda que despois non escriban un só poema”

A Feliz Idade (Kalandraka, 2019) da poeta Olga Novo (Vilarmao, A Pobra do Brollón, 1975) é a da creación. A da creación humana e a da creación poética. Salmo vitalista e pregaria pola liberdade, composicións que cantan á materia e cantan á memoria, salutación aos outros, funde poesía e amor. “como o útero me medra / ata alcanzar a dimensión exacta / da poesía”, escribe en Premontaña. “Que toda herdanza sexa a do amor e non a propiedade”, afirma na Carta limiar que endereza á filla acabada de nacer. Novo explica a Sermos Galiza o contexto e as forzas que operan no seu quinto libro de poemas. Eis un extracto da entrevista publicada no semanario en papel.

"Galiza precisa mudar escanos pasivos por unha representación que mire por nós”
As eleccións a ollos de... Tati Moyano

"Galiza precisa mudar escanos pasivos por unha representación que mire por nós”

Diante do 28A, a presentadora e xornalista Tati Moyano considera que “Galiza xógase mudar escanos pasivos, afeitos a render contas ante intereses que non teñen Galiza como eixo das súas estratexias”, por unha representación “que mire por nós e polo desenvolvemento transversal do país”.

"A xente comeza a ter consciencia de que Galiza precisa dunha forza política propia"
Iago Tabarés, número 1 do BNG ao Congreso por Ourense

"A xente comeza a ter consciencia de que Galiza precisa dunha forza política propia"

Iago Tabarés (Ourense, 1969) volve á primeira liña política despois do seu paso como parlamentar do BNG no Hórreo entre 2005 e 2009. Tabarés, que desenvolve a súa actividade profesional como avogado, lamenta que na anterior lexislatura Galiza non tivese "forzas políticas propias" en Madrid, coa "cabeza e o corazón no país". "Quedou relegada ao último punto da axenda de todas as formacións políticas que sacaron representación nos pasados comicios", denuncia o cabeza de lista do Bloque por Ourense. ​Responde por correo electrónico o cuestionario formulado por Sermos Galiza.

 “A Xunta atende os nosos consellos unhas veces máis que outras”
Entrevistamos Rosario Álvarez

“A Xunta atende os nosos consellos unhas veces máis que outras”

Catedrática na área de Filoloxías Galega e Portuguesa da Universidade de Santiago de Compostela, Rosario Álvarez (Pontevedra, 1952) é presidenta do Consello da Cultura Galega desde 2018. Entrevistámola nun momento en que o órgano de carácter asesor e consultivo conta cunha ampla programación de actividades, como a organizada ao redor da divulgación científica, a da vespa velutina ou a da produción de sal na costa da Guarda e Viana do Castelo. Eis un extracto da conversa, publicada no número 342 de Sermos Galiza.

"Recuperemos para Galiza o 40% do investimento que PP, PSOE e Podemos nos negaron"
Ana Seixas, número 1 de En Marea pola Coruña

"Recuperemos para Galiza o 40% do investimento que PP, PSOE e Podemos nos negaron"

Ana Seixas lidera a candidatura de En Marea ao Congreso, pola circunscrición da Coruña. É licenciada en Ciencias Políticas e especialista en estudos de opinión e mercado. Desenvolveu o seu labor profesional en consultoría política e social como investigadora sobre comportamento político electoral en Galiza. Coas mareas municipalistas implicouse na formación local Ames Novo e, actualmente, é vice voceira de En Marea.

“O español é o único Estado do mundo cunha lei de amnistía de carácter preventivo”
José María “Chato” Galante, torturado no franquismo

“O español é o único Estado do mundo cunha lei de amnistía de carácter preventivo”

José María “Chato” Galante, torturado nos últimos anos do franquismo, visitou Galiza na procura de tender pontes co movemento memorialístico galego e lograr que se sume á CeAQUA, a coordinadora estatal de apoio á querela arxentina contra os crimes do franquismo. Na visita estivo acompañado por Miguel Ángel Gómez, “Gus”, que acaba de lograr que a titular do xulgado 49 de Praza de Castilla, de Madrid, incoe dilixencias por “presuntos delitos de lesa humanidade” contra varios policías da ditadura, entre eles Antonio González Pacheco, “Billy el Niño”, que someteu a torturas a ambos. Eis un extracto da entrevista publicada no número 341 de Sermos Galiza.

“Cando un crime infecta parte da sociedade, agroma o máis profundo do ser humano”
Entrevista a Domingo Villar

“Cando un crime infecta parte da sociedade, agroma o máis profundo do ser humano”

Mónica Andrade é profesora da Escola de Artes e Oficios de Vigo. Vive en Tirán (Moaña), na outra beira da ría. Un día de novembro falta á cita para xantar co seu pai, un coñecido cirurxián, e este decide denunciar a ausencia. O inspector Leo Caldas e o seu axudante Rafael Estévez entran en acción. Eis o disparador de O último barco (Galaxia, 2019), o esperadísimo regreso de Domingo Villar (Vigo, 1971), un “policial canónico” -nas súas palabras- que, en case 800 páxinas, explora “as relacións paterno e materno filiais, a soidade, a compaixón”. Pasaron dez anos desde que publicou A praia dos afogados (Galaxia, 2009), a obra que o catapultou ao olimpo dos best seller en galego. “Os libros están cando están e non cando un quere que estean”, di. Publicamos un extracto da entrevista, que saíu no número 339 do semanario en papel Sermos Galiza.

“Feixoo saltou como un resorte para exercer de portavoz de Ence”
Carme Da Silva, tenente de alcalde de Pontevedra

“Feixoo saltou como un resorte para exercer de portavoz de Ence”

Na sesión plenaria da pasada sexta feira, a concelleira e tenente de alcalde de Pontevedra, Carme Da Silva, expuña os motivos que levaron o Goberno municipal a presentar un recurso contencioso-administrativo contra a prórroga da concesión de Ence en Lourizán aprobada cando o Executivo de Mariano Raxoi se atopaba en funcións. Conversamos con ela ao respecto.