estataisnovembro2019
En Común cre que o proceso contra os seus candidatos por "defender" Alcoa "carece de sentido"

En Común cre que o proceso contra os seus candidatos por "defender" Alcoa "carece de sentido"

En Común-Unidas Podemos considerou esta segunda feira que o proceso xudicial aberto contra os seus candidatos por "defender" os traballadores de Alcoa nunha protesta celebrada o pasado mes de marzo fronte ao Congreso dos Deputados "carece de sentido de principio a fin". Así o manifestaron na xornada na que a número dous da formación ao Congreso por Pontevedra, Ángela Rodríguez, acudiu aos xulgados da cidade do Lérez para prestar declaración pola súa participación na protesta en apoio á continuidade da planta de Alcoa na Coruña.
PP, Ciudadanos e Vox non sumarían na Galiza
O BNG recuperaría a súa representación no Congreso

PP, Ciudadanos e Vox non sumarían na Galiza

Domingo de enquisas. A só un día do remate do prazo legal para a súa publicación, os medios de comunicación apuran a divulgación dos seus estudos demoscópicos. En síntese: o tripartito de dereitas (PP, C's e Vox) non suma na Galiza mentres que o PSOE continuaría como a forza máis votada e o BNG recuperaría a representación no Congreso.

Rodil pide a confianza para “pór Galiza e Lugo no mapa”

Rodil pide a confianza para “pór Galiza e Lugo no mapa”

A candidata ao Congreso do BNG pola circunscrición de Lugo, Olalla Rodil, participou dun acto na cidade amurallada xunto á portavoz nacional, Ana Pontón. Alí criticaron que Lugo siga contando "cun tren do século XIX" e que os postos de Alcoa periguen "nun país que exporta electricidade".
"Somos plurais, diversas, galegas e a xente quérenos así"
ENTREVISTAMOS YOLANDA DÍAZ, CANDIDATA DE GALICIA EN COMÚN AO CONGRESO POR PONTEVEDRA

"Somos plurais, diversas, galegas e a xente quérenos así"

Yolanda Díaz (Fene, 1971) concorre ás súas terceiras eleccións xerais. A candidata de Galicia en Común pola circunscrición de Pontevedra fala con Sermos Galiza sobre política territorial, a desindustrialización que sofre Galiza ou o proceso de fragmentación da esquerda galega. Ela fai un chamamento de cara ás eleccións autonómicas de 2020, “volver á unidade e ao diálogo”.
Galiza, presente no debate da TVE grazas ao moderador

Galiza, presente no debate da TVE grazas ao moderador

O 1 de novembro, primeiro día de campaña electoral, TVE acolleu o primeiro debate da campaña, coa presenza dos grandes partidos estatais, PNV e ERC. Alén de Fortes, só fixo alusión a Galiza Aitor Esteban, para indicar que no país o sentimento nacionalista é "minoritario".
O BNG aposta por unha Galiza "á vangarda nos dereitos das mulleres”
Eleccións xerais

O BNG aposta por unha Galiza "á vangarda nos dereitos das mulleres”

No seu primeiro acto de campaña, nas inmediacións dos xulgados da capital, e acompañada por máis de 40 mulleres, a portavoz da formación nacionalista, Ana Pontón, reivindicou “a forza imparábel” das galegas, as que define como “feministas e loitadoras pola igualdade”.

“Ciudadanos é o único proxecto serio para sacar adiante España"
Beatriz Pino, número un de Ciudadanos por Pontevedra

“Ciudadanos é o único proxecto serio para sacar adiante España"

Beatriz Pino (Vigo, 1975), xornalista, ex deputada en Cortes e membro da Executiva estatal de Ciudadanos, participa por segunda vez como cabeza de lista da súa formación por Pontevedra. Asegura que o partido, a nivel organizativo e en canto a base social, está máis forte que en abril cando sumou 63.827 votos na súa circunscrición. Por iso non teme as enquisas e arranca a campaña coa “confianza no traballo feito”.
Vivir onde “a papeleta nunca chega”
Voto exterior

Vivir onde “a papeleta nunca chega”

Rubén Portas vive en Namibia e nas tres últimas convocatorias electorais a súa documentación nunca chegou a tempo. Púxose en contacto co BNG, que solicitou á Xunta Electoral Central medidas para garantir o dereito o sufraxio. Mais a aprobación do voto rogado e a dependencia dos servizos de correos doutros estados fan insuficientes as súas accións.
Unha campaña con nubes e ‘Joker’

Unha campaña con nubes e ‘Joker’

A primeira pegada da campaña electoral máis curta da democracia comeza na Galiza con ceos anubrados e mensaxes dunha esperanza cada vez máis negra, mentres en Catalunya a policía visita domicilios na súa propia campaña. Esta sexta, o día dos mortos, empezan os mitins coas enquisas encalladas desde hai semanas. Non se sabe que vai pasar. Como en Joker, a película que mellor retrata estes tempos. 
"É perceptíbel unha corrente de simpatía polo BNG"
Entrevistamos Francisco García, candidato do BNG ao Congreso por Ourense

"É perceptíbel unha corrente de simpatía polo BNG"

Francisco García (Allariz, 1957) foi a aposta do BNG para o 10-N pola circunscrición de Ourense. García, tras participar da revolta veciñal do 89 na súa vila natal e acompañar a Anxo Quintana no Goberno local, foi alcalde durante anos na vila na que naceu. En 2018 decidiu ceder o bastón de mando e hoxe concorre ás súas primeiras eleccións ao Congreso por unha circunscrición cuxas fortalezas coñece de primeira man.
A Xunta Electoral expedienta a Sánchez por facer uso electoral da Moncloa

A Xunta Electoral expedienta a Sánchez por facer uso electoral da Moncloa

Pedro Sánchez empregou a Moncloa como escenario dunha entrevista televisiva en que realizou declaracións electoralistas. E a ministra portavoz do Goberno, Isabel Celaá caeu no mesmo desde a sala de prensa do Consello de Ministros ao explicar os datos da EPA. Ambos os dous mandatarios expóñense ás sancións da Xunta Electoral Central.
A “trailer movie” de Pontón por unha AP-9 sen peaxes

A “trailer movie” de Pontón por unha AP-9 sen peaxes

A portavoz nacional do BNG, Ana Pontón, e o cabeza de lista ao Congreso pola Coruña, Néstor Rego, subiron ao camión para desprazarse desde o polígono de Sabón en Arteixo até o polígono da Sionlla en Santiago, nunha viaxe que reivindica a transferencia da AP-9 como primeiro paso para acabar coa estafa das peaxes.
En Común alerta dun PSOE "virado á dereita" e "susanizado"

En Común alerta dun PSOE "virado á dereita" e "susanizado"

Nun almorzo informativo celebrado en Santiago, as cabezas de lista á Cámara alta da coalición de Galicia En Común alertaron de que un Goberno no que o Partido Socialista non conte con Unidas Podemos sería un executivo "virado á dereita" e cun Pedro Sánchez susanizado, en referencia á ex presidenta andaluza Susana Díaz.
"Galiza ten máis posibilidades que nunca antes de estar no goberno do Estado a partir do 10-N"
Antón Gómez-Reino, número un de Galicia En Común pola Coruña

"Galiza ten máis posibilidades que nunca antes de estar no goberno do Estado a partir do 10-N"

Antón Gómez-Reino Varela (A Coruña, 1980) é o secretario xeral de Podemos Galicia e preséntase por cuarta vez como cabeza de lista pola Coruña. Galicia En Común cre ter o escano de Gómez-Reino ben consolidado e non lle preocupa a competencia de Carolina Bescansa nin onde vaian parar os apoios de quen foron ou son os socios parlamentarios de Podemos que non concorren ás eleccións. O candidato avanza unha campaña intensa, coa presencia de Xabier Domènech o sábado en Compostela e de Pablo Iglesias o domingo na Coruña.
A proposta da CRTVG para o debate electoral afástao dos horarios de máxima audiencia

A proposta da CRTVG para o debate electoral afástao dos horarios de máxima audiencia

O plan de cobertura da CRTVG para as eleccións estatais sitúa o debate electoral no informativo matinal o 8 de novembro a partir das 10.00 horas, cunha reposición na segunda canle do ente público, de menor audiencia que a principal. BNG e Galicia en Común anunciaron que recorrerán ante a Xunta electoral provincial o plan de cobertura informativa
CIS sitúa o BNG con probabilidades de entrar no Congreso

CIS sitúa o BNG con probabilidades de entrar no Congreso

A macro enquisa (17.650 entrevistas persoais en todo o Estado) dá opcións ás nacionalistas de atinxir representación. O PSOE gañaría os comicios no Estado (até 150 deputadas e deputados) e tamén na Galiza (25,8%), onde superaría o PP (18,4%).

Encalladas no voto exterior
Eleccións estatais do 10 de Novembro

Encalladas no voto exterior

As galegas emigrantes non o teñen doado á hora de exerceren o seu dereito ao voto. Residentes no estranxeiro falan con Sermos Galiza sobre a precariedade, a procura de oportunidades laborais no estranxeiro, as dificultades para rexistrarse e solicitar o voto ou a falta de políticas para acompañalos. O cambio da lei electoral aumentou as garantías e supuxo o descenso da participación. Eis un estrato da peza publicada no número 369 do semanario en papel Sermos Galiza
   
Galicia en Común denuncia as precarias condicións das traballadoras do téxtil

Galicia en Común denuncia as precarias condicións das traballadoras do téxtil

O candidato de Ourense, David Bruzos, e a candidata e voceira de Galicia en Común no Congreso, Yolanda Díaz, mantiveron esta segunda feira unha xuntanza con representantes das traballadoras do sector téxtil en Ourense, onde se atopaban con traballadoras de firmas como Adolfo Domínguez, Téxtil Lonia, Aspol ou Autoneum, entre outras.
Debate electoral na Agra do Orzán
A Coruña, 29 de outubro

Debate electoral na Agra do Orzán

Na terza feira 29 de outubro ás 20 horas terá lugar na Agra do Orzán un debate con representación do BNG, PP e PSOE, destinado a toda a veciñanza.

O BNG saca músculo a quince días das estatais
ELECCIÓNS

O BNG saca músculo a quince días das estatais

A portavoz nacional do Bloque Nacionalista Galego, Ana Pontón, sinalou nun acto que congregou en Compostela un millar de cargos políticos, militantes e simpatizantes que o 10N é o momento de "transformar o cabreo en algo útil para Galiza", e pediu o voto "a todas as persoas que están fartas da frivolidade e dos egos madrileños".

“Por moi enfadado que estea con Torra, Pedro Sánchez ten que abrir as portas ao diálogo”
Marta González Vázquez, número un pola Coruña do PP

“Por moi enfadado que estea con Torra, Pedro Sánchez ten que abrir as portas ao diálogo”

Marta González Vázquez (Compostela, 1963), doutora en historia, responsábel da política de igualdade no último goberno Fraga e no primeiro goberno Feixoo, deputada en Cortes desde 2011, ex membro da Executiva estatal do PP con Pablo Casado, repite como cabeza de lista pola Coruña o 10-N nuns comicios nos que os populares galegos aspiran a recuperar a hexemonía no país e a cuarta acta pola Coruña.
Todas as forzas do independentismo catalán, o BNG e EH-Bildu piden vías de diálogo co Estado
Declaración da Llotja de Mar

Todas as forzas do independentismo catalán, o BNG e EH-Bildu piden vías de diálogo co Estado

“Temos vontade de camiñar xuntas porque xuntas somos máis fortes”, di Bieito Lobeira sobre a declaración conxunta de once partidos políticos das tres nacións na que reclaman a liberdade dos presos políticos cataláns e demandan o exercicio do dereito de autodeterminación. A Declaración da Llotja de Mar apela á comunidade internacional a posibilitar, apoiar e promover solucións para os distintos conflitos territoriais abertos no Estado español.

“Necesitamos ter unha voz forte que sitúe os intereses da Galiza no debate político”
Olalla Rodil, candidata do BNG ao Congreso por Lugo

“Necesitamos ter unha voz forte que sitúe os intereses da Galiza no debate político”

Olalla Rodil (Ribeira de Piquín, 1989) preséntase por terceira vez a unhas estatais como cabeza de lista do BNG ao Congreso pola circunscrición de Lugo. Deixará o seu escano no Parlamento galego se resulta elixida… e o seu despacho, o último que ocupou Beiras? “As urnas están baleiras. Igual para todas e todos. A nosa candidatura parte coas mesmas posibilidades que calquera outra. Por que non?”, comenta, e de inmediato sinala que o Bloque está en tendencia ascendente e que en Lugo participa do goberno do Concello e da Deputación.
"Precisamos líderes políticos máis responsábeis e non menos partidos"
Carolina Bescansa- Candidata de Más País-Equo pola Coruña

"Precisamos líderes políticos máis responsábeis e non menos partidos"

Carolina Bescansa (Santiago de Compostela, 1971) regresa á area política. Catro anos despois de acadar un escano no Congreso na lista de Podemos por Madrid volve estar en campaña, esta vez da man de Más País-Equo. Cando o líder da coalición Íñigo Errejón, compañeiro fundador do partido morado xunto con Bescansa, anunciou que concorrerían pola Coruña e Pontevedra o apelido Bescansa circulou por medios e redes sociais. E o 4 de outubro confirmouse a súa candidatura. A socióloga e politóloga chega da Coruña, contesta ás preguntas de Sermos Galiza en Compostela e marcha dirección Ourense.

 

EH Bildu pide a soberanistas vascos, cataláns e galegos emprender "un camiño xuntos"

EH Bildu pide a soberanistas vascos, cataláns e galegos emprender "un camiño xuntos"

A portavoz parlamentaria de EH Bildu, Maddalen Iriarte, reclamou aos soberanistas vascos, cataláns e galegos que "fagan un camiño xuntos, entre todos". Así mesmo, denunciou que a sentenza de condena do Tribunal Supremo aos promotores do "proceso" mostra "a involución antidemocrática do Estado". 42.000 persoas manifestáronse este sábado en Donostia en apoio dos dereitos do pobo de Catalunya.
Francisco García aprecia ventos de cambio en Ourense

Francisco García aprecia ventos de cambio en Ourense

O cabeza de lista da candidatura do BNG ao Congreso advirte do "cabreo" e do "desencanto de moita xente" na presentación das listas pola circunscrición xunto a Ana Pontón, a portavoz nacional do Bloque, e deputadas e concelleiras nacionalistas.
En Marea espera concorrer ás eleccións xerais na plataforma de Errejón

En Marea espera concorrer ás eleccións xerais na plataforma de Errejón

O deputado Pancho Casal confirmou esta quinta feira os contactos de En Marea con Más Madrid, o partido de Íñigo Errejón, que está promovendo unha plataforma (Más País) en distintas circunscricións do Estado para concorrer ás eleccións xerais de novembro. Na Galiza, Más País presentarase, no mínimo, polas circunscricións da Coruña e Pontevedra.
Compromiso tamén pide unha candidatura unitaria

Compromiso tamén pide unha candidatura unitaria

O terceiro Congreso Nacional de Compromiso por Galicia (CxG) celebrouse este sábado en Compostela e acordou a continuidade de Juan Carlos Piñeiro como secretario nacional nun consello composto por corenta persoas. CxG, igual que En Marea, tamén piden unha candidatura "unitaria" cara ao 10N "das forzas con centro de decisión na Galiza". 

 

Da indignación á vertixe pre-electoral
Valoracións das organizacións políticas na Galiza da repetición electoral

Da indignación á vertixe pre-electoral

Reparto de culpas, Sánchez leva máis. Algunhas das principais líderes políticas galegas comparten a indignación da cidadanía coa repetición das eleccións mentres se preparan para a inminente campaña.