feixoo
Todas as forzas políticas galegas se ven preparadas para o 28A
Reacción ao anticipo electoral

Todas as forzas políticas galegas se ven preparadas para o 28A

O manual dos gabinetes de comunicación dicta que en ocasións como estas hai que saír aos meios a dicer que estás preparado para o novo desafío electoral e que non te colleron por sorpresa. A ese guión ativéronse todas as forzas galegas após Sánchez adiantar as eleccións xerais. A oposición reborda optimismo. Feixoo, nun chío en castelán, ve o PP en condicións de "demostrar que hai outra forma de gobernar para todos os españois".

 

Feixoo deixa en suspenso o xiro autonomista do PPdeG
Ataca o nacionalismo pola queima de ambulancias

Feixoo deixa en suspenso o xiro autonomista do PPdeG

Unha década despois de chegar a Monte Pío, Feixoo continúa a exercer como xefe da oposición. É o rol no que realmente se sente cómodo. Oposición ao bipartito (2005-2009), ao goberno Zapatero (2004-2012) e ao executivo Sánchez (xuño de 2018-actualidade). A sesión de control ao presidente da Xunta desta cuarta feira volveu pór de manifesto que a táctica favorita de Feixoo é o contragolpe. Pontón pediulle o cesamento do conselleiro de Sanidade e o titular do goberno galego contra-atacou deslizando unha suposta connivencia do nacionalismo coa queima de ambulancias.

As tarefas pendentes de Feixoo na sanidade

As tarefas pendentes de Feixoo na sanidade

As miles de persoas que encheron as rúas e prazas de Compostela este domingo lembraron ao presidente galego as frontes abertas que ten na sanidade pública. Non son poucas. De Atención Primaria aos PAC, pasando por urxencias hospitalarias ou as ambulancias. Feixoo debería tomar nota das tarefas que a este respecto lle pon unha parte considerábel da sociedade galega.

 

Villares demanda a demisión de Feixoo e Pontón pídelle que escoite menos a extrema dereita
Reaccións após as manifestacións do domingo

Villares demanda a demisión de Feixoo e Pontón pídelle que escoite menos a extrema dereita

Como cabía agardar, a oposición cargou esta segunda feira contra o presidente da Xunta por alterar a súa axenda institucional para compartir coa ultradereita a manifestación contra o Goberno Sánchez, xusto no momento en que miles de persoas protestaban en Compostela contra a política de privatización e deterioración da sanidade pública despregada desde San Caetano.

Prevese que milleiros de persoas protesten contra os recortes da Xunta en sanidade
Feixoo, en Madrid

Prevese que milleiros de persoas protesten contra os recortes da Xunta en sanidade

Dúas manifestacións centran a atención da opinión pública este domingo. En Compostela, prevese que milleiros de persoas acudan ao chamamento de SOS Sanidade Pública contra o “desmantelamento” e os recortes da Xunta. Á vez, en Madrid, Feixoo manifestarase co PP, Ciudadanos e Vox na mobilización contra o Goberno de Pedro Sánchez.

Feixoo altera a súa axenda para estar con Vox na manifestación contra o traidor Sánchez

Feixoo altera a súa axenda para estar con Vox na manifestación contra o "traidor" Sánchez

A prioridade é a presidencia da Xunta e non o partido, mais se fai falta "adaptar" a axenda daquela para atender a este, faise sen problema. Isto é o que se infire dos últimos movimentos, frenéticos, producidos en Monte Pío. Non sen debate interno, finalmente Feixoo adianta o seu retorno a Galiza dos EUA e estará o domingo na manifestación das dereitas españolas (PP, Cs e Vox) contra o Goberno Sánchez 

O PP respalda o BNG para Galiza igualar o seu teito competencial a Euskadi e Catalunya

O PP respalda o BNG para Galiza igualar o seu teito competencial a Euskadi e Catalunya

Unha sorprendente votación tivo lugar esta cuarta feira no Pazo do Hórrreo. Submetíase a consideración unha proposición non de lei da autoría do deputado Luís Bará (BNG) que en esencia demandaba igualar o grao de autogoberno galego ao que desfrutan Euskadi e Catalunya. O PP votouna a favor, o que sen dúbida constitúe un novo aceno de Feixoo na súa política de marcar distancias co perfil anti-autonomista de Vox.

Feixoo continúa a ver o PP no centro político

Feixoo continúa a ver o PP "no centro político"

O presidente da Xunta de Galiza, Alberto Núñez Feixoo, foi entrevistado está mañá en Onda Cero dada a súa condición de coordinador da Convención Nacional de “rearme ideolóxico” do Partido Popular que vai ter lugar esta fin de semana en Madrid.

 

Editorial Sermos329: Feixoo e Vox

Editorial Sermos329: Feixoo e Vox

Feixoo ten un problema. Chámase Vox. En realidade, o problema de Feixoo non é tanto a existencia do partido ultradereitista como a firme intención de Pablo Casado —a quen o titular da Xunta respaldou clandestinamente fronte a Soraya Sáenz de...

Pontón tilda de ofensa que Feixoo pronunciase o discurso diante do tributo de Castelao a Bóveda

Pontón tilda de "ofensa" que Feixoo pronunciase o discurso diante do tributo de Castelao a Bóveda

O discurso de Fin de Ano de Feixóo deste exercicio non foi criticado pola oposición só polo contido, mais tamén pola forma. A líder do BNG Ana Pontón tildou de "ofensa" que o presidente da Xunta escenificase a súa alocución co lenzo de Castelao "A derradeira leición do mestre" como pano de fondo. "Castelao e Bóveda foron dous nacionalistas e o discurso de Feixoo foi profundamente anti-nacionalista e españolista", dixo Pontón. Por súa parte, Luís Villares e Gonzalo Caballero criticaron a desconexión da realidade do titular do goberno galego.

Feixoo chama a non desbotar o 155 con “A derradeira leición do mestre” como pano de fondo
Un discurso de Fin de Ano dedicado máis a Catalunya que a Galiza

Feixoo chama a non desbotar o 155 con “A derradeira leición do mestre” como pano de fondo

O discurso de fin de ano foi unha nova andanada do presidente da Xunta contra o soberanismo. Unha peza retórica que ben podía ter asinado un dirixente do PP estatal, pois tivo como leitmotiv argumental o confronto entre Madrid e a maioría social de Catalunya que pide un referendo de autodeterminación. Feixoo optou por unha posta en escena cunha enorme carga de provocación: a súa soflama españolista tivo como escenario a Cidade da Cultura e como pano de fondo o lenzo pintado por Castelao en que se rende homenaxe a Bóveda, asasinado polos fascistas en 1936.

Alfonso Rueda aínda defendía este domingo que debe gobernar a lista máis votada
Feixoo ve lexítimo o acordo con Vox

Alfonso Rueda aínda defendía este domingo que debe gobernar a lista máis votada

A doutrina oficial do PP está a piques de ser refutada pola súa propia práctica política en Andalucía. Aínda este pasado domingo, nunha entrevista na SER, o vicepresidente da Xunta, Alfonso Rueda, defendía unha mudanza legal para outorgar o goberno directamente á forza política máis votada. En aplicación dese criterio Susana Díaz debería continuar a ter despacho no Palacio de San Telmo, sede da presidencia do Goberno andaluz. Porén, esta mesma segunda feira Feixoo deixou claro que en Andalucía si apoia que o PP, segunda forza máis votada, obteña a presidencia grazas a un acordo que necesariamente incluirá Vox.

O regalo de Feixoo ás rendas altas galegas

O regalo de Feixoo ás rendas altas galegas

As fortunas galegas aforrarán en 2019 por volta de 18 millóns de euros, unha cantidade que tería que ir para a facenda galega mais que continuará no peto das rendas máis altas. É a consecuencia da decisión do goberno do PP de rebaixar en 20% o Imposto do Patrimonio, ese que na Galiza pagan 7.700 persoas que acumulan unha fortuna de 40.000 millóns de euros. Eis un extracto da reportaxe publicada ao respeito no número 324 de Sermos Galiza.

Editorial Sermos324: Quen gaña coa política fiscal de Feixoo?

Editorial Sermos324: Quen gaña coa política fiscal de Feixoo?

As políticas tributarias nunca son neutras. Na súa aplicación na sociedade xeran beneficios e perdas, sectores da poboación gañadores e perdedores. Como mostra con clareza a reportaxe que publicamos neste Sermos324, os últimos desenvolvimentos da política fiscal de...

A arbitrariedade do Xacobeo

A arbitrariedade do Xacobeo

O Xacobeo de 2021 foi a grande aposta “cultural” de Alberto Núñez Feixoo no último discurso do estado da nación. Logo de anos de atonía na política cultural, agora parece fiala a un macroevento máis dirixido ás grandes cifras turísticas que á dinamización dos tecidos de base. Analistas do fenómeno temen unha nova mostra de espectáculo e desbaldimento sen apenas repercusión real na cultura de Galiza. Eis un extracto da reportaxe que publicamos ao respecto no número 318 de Sermos Galiza.

Santalices dá por feita a continuidade de Feixoo e lígaa ao Xacobeo

Santalices dá por feita a continuidade de Feixoo e lígaa ao Xacobeo

O Goberno galego ten un proxecto. E un home para levalo adiante. Un home do que non se pode prescindir. Esa é a mensaxe que deitou este domingo o presidente do Parlamento de Galiza, Miguel Santalices, nunha entrevista na SER. Santalices esqueceu o seu rol institucional e vestiu en todo momento a camisola de dirixente do PP.

Editorial Sermos317: Feixoo, sen horizonte

Editorial Sermos317: Feixoo, sen horizonte

O debate do estado da nación puxo ao descuberto que o goberno galego, nas mans do mesmo partido desde 2009, non ten máis horizonte que o relato autobiográfico do seu presidente. Feixoo limítase a pór en escena o seu personaxe unha e outra vez, esa historia...

Feixoo salda o debate sobre o estado da nación sen propostas de afortalamento do autogoberno
CRÓNICA

Feixoo salda o debate sobre o estado da nación sen propostas de afortalamento do autogoberno

Feixoo en estado puro no debate do estado da nación. Abalou entre o xestor tecnocrático, sempre cómodo na guerra de cifras coa oposición, e o político duro na descualificación do adversario, con especial saña con Luís Villares. Nunha conxuntura política como a actual, coa cuestión territorial a determinar a axenda no estado, Feixoo non fixo ningunha proposta para o afortalamento do autogoberno do país. Non hai posición galega á vista no debate en curso en España

Balanzo autocompracente e duro alegato contra o independentismo
O discurso de Feixoo/Debate do estado da Nación

Balanzo autocompracente e duro alegato contra o independentismo

Núñez Feixoo anuncia menos impostos e menos débeda para 2019 e fai un repaso dos seus anos de xestión próximo ao triunfalismo. O seu discurso abalou entre o xefe da oposición a Pedro Sánchez ou o ariete da “España constitucional” contra os independentistas.

 

Editorial #Sermos306: Feixóo sobrevoa un partido dividido

Editorial #Sermos306: Feixóo sobrevoa un partido dividido

Finalmente gañou Pablo Casado o congreso do PP, mais do ponto de vista galego o dato fundamental que fica da cimeira conservadora non é ese, senón a constatación da profunda división interna que vive o partido na Galiza. Podemos dicir con absoluto rigor que...

Feixóo fará actos con Casado e Santamaría
O Congreso do PP

Feixóo fará actos con Casado e Santamaría

Co candidato da ala aznarista do partido, Feixóo protagonizará esta cuarta feira un evento —reunión coas delegadas galegas ao Congreso— en Compostela. A quenda do encontro coa ex vicepresidenta do goberno, máis próxima a Raxoi do que a Aznar, será a vindeira segunda feira, en Pontevedra.

Feixóo aparenta equidistancia, aínda que unirá forzas con Casado contra Soraya

Feixóo aparenta equidistancia, aínda que unirá forzas con Casado contra Soraya

As cartas están xa sobre a mesa: Casado rexeita a oferta de integración que lle formulou Santamaría e disponse a asaltar o poder orgánico no PP, na votación decisiva das delegadas ao congreso a se realizar o vindeiro 21X. Ou hai unha mudanza pouco probábel no taboleiro ou as compromisarias do PPdeG apoiarán Casado para evitar a chegada de Soraya á presidencia do partido.

Feixóo, o presidente das cero transferencias para Galiza
Mentres Urkullo demanda 37 traspasos pendentes

Feixóo, o presidente das cero transferencias para Galiza

A xuntanza esta segunda feira do lehendakari Iñigo Urkullu co presidente do Goberno central rematou cun acordo: a creación dunha comisión bilateral entre os dous Executivos para negociar o trasapaso a Euskadi de 37 competencias. En xullo será o presidente galego quen visite a Moncloa. Chega a esa xuntanza cunha bagaxe inédita: cero transferencias a Galiza nos seus mandatos.

Feixóo afirma agora que Sánchez non se pode negar a transferir a AP-9
O PP rexeitouno repetidamente non Congreso

Feixóo afirma agora que Sánchez non se pode negar a transferir a AP-9

As ansias do presidente da Xunta pola transferencia da AP-9 son inversamente proporcionais ao poder que o seu partido ten en Madrid. Aínda que o Parlamento galego se pronunciou por unanimidade a prol do traspaso, o Partido Popular negouse mesmo a debatelo no Congreso. Agora que o Executivo central mudou, Feixóo afirma que “Pedro Sánchez non pode negarse á transferencia”.
 

Pablo Casado coloca Feixóo e o PP galego como referentes
Inicia campaña interna na Coruña

Pablo Casado coloca Feixóo e o PP galego como referentes

Entre os candidatos que optan a suceder a Raxoi, representa os sectores máis duros da dereita que se organiza no Partido Popular. Medrou politicamente á sombra do José María Aznar máis neocón. Como vicesecretario de comunicación do partido, destacou polas súas intervencións polémicas. Pablo Casado opta agora a presidir o PP e este sábado, na Coruña, afirmou a súa “admiración profunda” por Feixóo.
 

Feixóo abre a porta a un cuarto mandato
Sesión de control

Feixóo abre a porta a un cuarto mandato

O presidente abre a porta a un cuarto mandato nunha resposta ao portavoz socialista: “Estaremos até 2020, como mínimo”. A oposición ínstao, una vez finalizada a ‘aventura madrileña’ a se centrar nos problemas de Galiza.

A oposición coida que Feixóo renuncia porque non tiña opcións a gañar e por medo aos dossieres

A oposición coida que Feixóo renuncia porque non tiña opcións a gañar e por medo aos dossieres

Feixóo non opta á sucesión de Raxoi "movido polo medo aos dossieres que abran novas páxinas do seu álbum de fotos", considera Ana Pontón (BNG).  "As fotos con Marcial Dorado nun barco talvez non fosen máis que a ponta do iceberg", apunta Luís Villares (En Marea). Feixóo ficaría na Galiza porque se ve "sen opcións" nun PP "en declive" e en "franco descenso eleitoral", acotou Gonzalo Caballero (PSdeG)..

Feixóo renuncia a competir pola sucesión de Raxoi

Feixóo renuncia a competir pola sucesión de Raxoi

O suspenso durou menos do previsto e Feixóo compareceu esta segunda feira, nun acto partidario convocado de urxencia nos xardíns dun hotel compostelán, para anunciar que non vai competir pola sucesión de Raxoi. Feixóo reiterou por enésima vez que o seu primeiro compromiso é con Galiza. Ao facerse a un lado, emerxerá con seguranza a candidatura de María Dolores de Cospedal, a secretaria xeral do PP. En teoría, Feixóo garantirá os votos galegos a Cospedal para impedir que chegue á presidencia do partido a súa principal rival, Soraya Sáenz de Santamaría. A decisión de Feixóo frea o proceso de sucesión que se tería aberto na Galiza de ter optado a competir pola cadeira que deixou vacante Raxoi.

Precipítanse os acontecimentos: Feixóo despexará a incógnita ás 20 horas
Convoca de urxencia a dirección do PPdeG/A xuíza ve indicios de delito en Pablo Casado

Precipítanse os acontecimentos: Feixóo despexará a incógnita ás 20 horas

[NOTICIA ACTUALIZADA] Sucédense os golpes de efeito nesta segunda feira: primeiro foi Pablo Casado ao anunciar a súa candidatura. O viceresponsábel de Comunicación do PP non estaba nas apostas. A resposta desde Monte Pío non se fixo agardar. Feixóo convocou de urxencia a xunta directiva do PPdeG ás 20 horas para esta mesma segunda feira. Nesa reunión despexará a incógnita sobre se concorre ou non ao congreso de elección do relevo de Raxoi. As fontes do PP consultadas por Sermos afirman que esa convocatoria xa estaba prevista -aínda que non fora feita pública- e, portanto, deslígana do anuncio de Pablo Casado.

O ex militante da Galiza
Editorial do Sermos300

O ex militante da Galiza

Feixóo está a piques de dar o paso para o que se estivo preparando todos estes anos. O paso de aterrar na politica madrileña, da que en realidade nunca estivo ausente-eis temos as súas aparicións estelares en platós cavernarios como os de "El gato...

Feixóo ten 15 días de prazo para apresentar a súa candidatura
Afástase a perspectiva dunha lista de consenso

Feixóo ten 15 días de prazo para apresentar a súa candidatura

Xa hai data para o congreso extraordinario do partido que elixirá o novo rosto da dereita española, o relevo de Mariano Raxoi ao fronte da formación política con máis escanos no Congreso e que goberna con maioría absoluta na Galiza. Serán os días 20 e 21 de xullo. Así o decidiu esta segunda feira a Xunta Directiva Nacional do partido conservador. Ábrese agora un prazo de 15 días para se postularen as persoas que aspiren ao trono que Raxoi deixa vacante.

Veredicto unánime na prensa conservadora: Feixóo será o relevo de Raxoi

Veredicto unánime na prensa conservadora: Feixóo será o relevo de Raxoi

La Razón -rotativo moi próximo a Raxoi- titula esta cuarta feira: "A cúpula traballará para haber unha lista única ao Congreso", unha información que ilustra con foto de Feixóo. Mentres tanto, Soraya Sáenz de Santamaría e María Dolores de Cospedal meditan se dar o paso de se postular na carreira pola sucesión de Raxoi ou se abrazar o consenso arredor do aínda presidente da Xunta.