internacional
China anuncia unha tregua cos EUA na súa guerra comercial
Guerra comercial

China anuncia unha tregua cos EUA na súa guerra comercial

Os Gobernos da China e dos Estados Unidos terían pactado cancelar en distintas fases e de xeito proporcional as respectivas subas de aranceis implementadas durante os meses de enfrontamento que manteñen ambas as dúas potencias, segundo anunciou o Ministerio de Comercio chinés.
O Iraq volve ao centro do taboleiro xeopolítico
Oriente Próximo

O Iraq volve ao centro do taboleiro xeopolítico

Desde o pasado 1 de outubro, cando comezaron as mobilizacións, polo menos 250 persoas perderon a vida no Iraq no transcurso das protestas, a maioría por disparos das forzas de seguridade. Os miles de manifestantes denuncian a precariedade dos servizos públicos e o desemprego. Porén, alén das certezas da realidade socioeconómica, cómpre pór na balanza o achegamento do Iraq -un dos maiores produtores de petróleo- ao Irán, eterno inimigo dos EUA e Israel.
Nova xornada de protestas en Chile cun «Superlúns»
Mobiliza

Nova xornada de protestas en Chile cun «Superlúns»

Ducias de miles de persoas, na maioría estudantes, manifestáronse de novo para esixir mudanzas estruturais nunha xornada na que se rexistrou un sismo de magnitude 6,3 na rexión central do país. Por outra banda, o presidente Sebastián Piñera dixo nunha entrevista que «non dimitirá».

Un mundial para repintar a 'Nación Arco Iris'
Suráfrica faise co mundial de rugby

Un mundial para repintar a 'Nación Arco Iris'

Nelson Mandela sabía da capacidade do deporte para unir. En 1995, un ano após ser elixido presidente de Suráfrica, apostou contra todo prognóstico e coa oposición de membros do seu partido pola selección de rugby, un símbolo durante décadas do apartheid. O triunfo dos Springboks no mundial dese ano evitou unha guerra civil no albor da democracia. Poderá o recente éxito da selección no Xapón servir como bálsamo para a grave crise económica e social actual?
Mantense o pulso dereita - esquerda en Latinoamérica
A vitoria do peronismo nas presidenciais arxentinas fai de contrapeso ao poder de Bolsonaro no Brasil

Mantense o pulso dereita - esquerda en Latinoamérica

Tras a hexemonía dos Gobernos de progreso no abrente do século XXI, o neoliberalismo retrucou con forza na segunda década mais non dabondo para gañar por KO. Os recentes comicios deixan en pé ‑aínda que maltreito‑ Evo Morales en Bolivia; vivo para un segundo ‘round’ o Frente Amplo, no Uruguai; Bogotá, cunha alcaldesa ‘verde’, e o espírito de Néstor Kirchner, de volta na Casa Rosada. Eis un estrato da peza publicada no número 370 do semanario en papel Sermos Galiza.
O Goberno de Escocia solicitará antes do Nadal un novo referendo de independencia
Autodeterminación

O Goberno de Escocia solicitará antes do Nadal un novo referendo de independencia

A primeira ministra escocesa e líder do Partido Nacionalista Escocés (SNP), Nicola Sturgeon, afirmou esta sexta feira, 1 de novembro, que pulará por que se faga unha nova consulta arredista en 2020, para o que pretende abrir negociacións con Londres -a quen ten que pedir permiso- antes de rematar o presente ano.

A Xunta Electoral expedienta a Sánchez por facer uso electoral da Moncloa

A Xunta Electoral expedienta a Sánchez por facer uso electoral da Moncloa

Pedro Sánchez empregou a Moncloa como escenario dunha entrevista televisiva en que realizou declaracións electoralistas. E a ministra portavoz do Goberno, Isabel Celaá caeu no mesmo desde a sala de prensa do Consello de Ministros ao explicar os datos da EPA. Ambos os dous mandatarios expóñense ás sancións da Xunta Electoral Central.
Manifestación por unha Irlanda unida con lembranza á Guerra Civil española
Irlanda do Norte

Manifestación por unha Irlanda unida con lembranza á Guerra Civil española

Baixo o lema “A esquerda pola unidade”, republicanas e republicanos irlandeses, comunistas, sindicalistas e activistas da sociedade civil marcharon polo límite que divide a illa en Tyrone-Monaghan, na primeira dunha serie de concentracións que levan por título “Mans a través da fronteira”. Houbo referencias a Euskadi, Catalunya e á República española, e interpretouse a popular canción Viva la Quinta Brigada.

O 'think tank' Coppieters recoñece o labor de Camilo Nogueira

O 'think tank' Coppieters recoñece o labor de Camilo Nogueira

Camilo Nogueira é un líder histórico do movemento galego, cunha traxectoria marcada por unha forte defensa dos dereitos políticos do pobo galego e a súa proxección internacional”. Así argumenta a Fundación Coppieters a distinción que vén de outorgar ao veterano nacionalista, que a recibirá o vindeiro 6 de novembro en Bruxelas.
Chile: “Non é por 30 pesos, é por 30 anos”
Conflito no “oasis” de América Latina

Chile: “Non é por 30 pesos, é por 30 anos”

Desde as 00.00 horas desta segunda feira, 28 de outubro, deixou de estar vixente o estado de emerxencia que durante dez días rexeu o país. Neste tempo, a mobilización nas rúas contra o presidente Sebastián Piñera foi constante. A pasada sexta feira, unha histórica mobilización obrigouno a recuar e anunciou o cesamento de todo o seu Gabinete ministerial. Mais as protestas continúan e as denuncias de violación dos dereitos humanos por parte dos militares e da Policía continúan. Falamos con dúas galegas que coñecen ben de perto o que alí está a acontecer.

“No Rif todo está controlado, é imposíbel manifestarse”
Zhora Koubia, presidenta da Asociación Foro de Mulleres do Rif

“No Rif todo está controlado, é imposíbel manifestarse”

Entrevistamos Zhora Koubia, presidenta da Asociación Foro de Mulleres do Rif e responsábel da área de Ensino e Dereitos Humanos da Asociación Marroquí de Dereitos Humanos (AMDH) no norte de Marrocos. A AMDH presentou hai uns días no Ministerio de Xustiza marroquí un informe, certificado por médicos e avogados, onde se describe o trato sufrido por 19 activistas do Hirak, o movemento que revolucionou Alhucemas e o Rif hai agora tres anos.

A UE adía até a vindeira semana a súa decisión sobre unha prórroga do 'Brexit'
Continúa o bloqueo

A UE adía até a vindeira semana a súa decisión sobre unha prórroga do 'Brexit'

Os 27 socios da Unión, reunidos a nivel de embaixadores, son partidarios de estender o prazo por terceira vez, mais manteñen as dúbidas sobre a súa duración. Boris Johnson, pola súa banda, acepta que haxa máis debate en Westminster sempre e cando as deputadas e os deputados apoien a súa moción de convocar comicios anticipados o 12 de decembro.

“En Chile continúan a gobernar os militares e a policía”
Omar Contreras

“En Chile continúan a gobernar os militares e a policía”

A erupción do volcán chileno continúa tras unha semana de fortes protestas. A suba na tarifa do sistema público de transporte foi a isca que fixo prender as manifestacións e poñer contra as cordas o presidente Santiago Piñera, que a semana pasada decretou o estado de excepción e sacou o Exército ás rúas, mais o descontento na sociedade víñase acumulando de anos atrás. Falamos con Omar Contreras, exiliado na Galiza da ditadura chilena tras pasar polo cárcere, para debullar as claves do que está a acontecer nun país que se deu en coñecer como “a Suíza de América Latina”.

Folga xeral en Euskal Herria en xaneiro
Dereitos laborais e sociais

Folga xeral en Euskal Herria en xaneiro

Canda as centrais ELA e LAB, fan o chamamento ao paro -previsto para a segunda quincena de xaneiro- as asociacións de pensionistas e o resto de axentes sociais que conforman a Carta de Dereitos Sociais. O obxectivo, protestar contra “a precariedade” e reclamar “un traballo, pensións e vida digna”.

A OEA acepta facer unha auditoría do proceso electoral en Bolivia
Comicios presidenciais

A OEA acepta facer unha auditoría do proceso electoral en Bolivia

A Organización dos Estados Americanos respondeu afirmativamente á solicitude realizada pola Administración boliviana ante as protestas da oposición pola paralización do reconto, que apuntaba unha segunda volta. Con todo, a organización panamericanista comprometeuse sempre e cando as súas conclusións sexan vinculantes. Evo Morales, que revalidaría o seu cargo tras a última actualización dos datos, denuncia que no país “está en marcha un golpe de Estado”.

Eleccións en Canadá: O soberanismo quebequés recupera o terreo perdido

Eleccións en Canadá: O soberanismo quebequés recupera o terreo perdido

Segundo os resultados provisionais, o Bloque Quebequés conseguiría o mellor resultado electoral da última década ao pasar de 10 a 32 cadeiras. O seu líder, Yves-François Blanchet, pediu esta segunda feira, 21 de outubro, “a liberación dos presos políticos cataláns”. O Partido Liberal, do actual primeiro ministro, Justin Trudeau, proclamaríase vencedor mais non chegaría á maioría absoluta.

A Federación de Asociacións Galegas de Bos Aires asume a causa das persoas desaparecidas do Estado

A Federación de Asociacións Galegas de Bos Aires asume a causa das persoas desaparecidas do Estado

Inés Ollero tiña 21 años cando desapareceu. Era militante da Federación Xuvenil Comunista da Arxentina e o 19 de xullo de 1977 non regresou á casa. Testemuños de ex detidas situárona por última vez nas dependencias sinistras da Escola de Mecánica da Armada (ESMA). Orixinaria de Allariz, é unha das 27 galegas por cuxa desaparición durante a ditadura se querelou a Federación de Asociacións Galegas da República Arxentina.
A continuidade de Evo Morales, en perigo
América Latina

A continuidade de Evo Morales, en perigo

Con case 85% do voto escrutado das eleccións presidenciais en Bolivia, o líder do Movemento ao Socialismo (MAS), aínda gañando, non chegaría á maioría absoluta (45,28%) nin obtería dez puntos máis co segundo, Carlos Mesa, do Comunidade Cidadá (38,16%). Os votos ao integrista cristián Chi Yung Chung do Partido Demócrata Cristián, terceiro con 8,77% dos votos, poderían ser decisivos na segunda volta, o 15 de decembro.

“Non existen canais sistematizados de diplomacia Galiza-China, só accións puntuais”
Relacións internacionais

“Non existen canais sistematizados de diplomacia Galiza-China, só accións puntuais”

O IGADI presentará esta vindeira cuarta feira, 23 de outubro, en Compostela o proxecto 'O Xacobeo 2021 e a Ruta da Seda: camiños para o diálogo Oriente-Occidente' co que procura facer unha diagnose da situación actual das ligazóns sino-galaicas alén das turísticas. Falamos co seu director, Daniel González Pau, que nos explica algunhas das súas claves.

Torra, Puigdemont e catro presidentes do Parlament piden “diálogo” en 'Le Monde'
Conflito catalán

Torra, Puigdemont e catro presidentes do Parlament piden “diálogo” en 'Le Monde'

'La solution à la crise catalane passe par le dialogue, la démocratie et l’autodétermination' é o título da tribuna publicada polo rotativo francés nesta quinta feira, véspera da folga xeral prevista en Catalunya para esta sexta. As sete asinantes piden que se poña en marcha un “diálogo real” coa axuda de “terceiros países”.

O Novo IRA advirte de que calquera fronteira será un “obxectivo lexítimo”

O Novo IRA advirte de que calquera fronteira será un “obxectivo lexítimo”

A canle británica de TV 'Channel 4' emite unha entrevista cun encapuchado identificado como portavoz do grupo armado irlandés, advertindo de que atacarán calquera infraestrutura británica que se estabeleza na illa, en referencia aos controis entre Irlanda do Norte e o resto de Irlanda que contempla o 'Brexit' para dentro de catro anos.

Hai acordo para o ‘Brexit’

Hai acordo para o ‘Brexit’

A Comisión Europea pide o apoio ao acordo dos líderes dos Estados da UE. O apoio do partido unionista norteirlandés do DUP é necesario para que o pacto saia adiante no Parlamento británico.
As filtracións da sentenza sobre o procés: condenas por sedición e malversación

As filtracións da sentenza sobre o procés: condenas por sedición e malversación

A sentenza do histórico xuízo aos líderes independentistas cataláns parece ser obxecto dunha voadura controlada. Desde a pasada semana, os medios de comunicación de Madrid recollen informacións sobre as condenas, cuxa realidade se coñecerá entre o 14 e o 15 de outubro, e aseguran que non serán por rebelión, senón por sedición e malversación.
Non haberá 'geringonça' 2.0 en Portugal
Negociacións

Non haberá 'geringonça' 2.0 en Portugal

Despois de se reunir durante esta semana cos partidos de esquerda e co ecoloxista PAN, o Partido Socialista portugués resolveu non reeditar os acordos de 2015 e António Costa gobernará en minoría con apoios puntuais.

“O Goberno de Lenín Moreno é unha ditadura; estanos matando”
Francisco Chacha, activista ecuatoriano

“O Goberno de Lenín Moreno é unha ditadura; estanos matando”

Francisco Chacha (1997), profesor de Educación Especial, leva no activismo político no Ecuador desde os 15 anos. Estes días está a vivir en carne propia as protestas no país e a violenta resposta por parte das forzas de seguridade do Estado. Falamos con el.