investidura19
O PSdeG quere que se forme goberno no Estado

O PSdeG quere que se forme goberno no Estado

A dilación da formación de goberno no Estado e a actitude máis ben pasiva do núcleo de Pedro Sánchez achega a pantasma da repetición electoral. Porén, a marca galega do PSOE prefire que iso non suceda. “A vocación do noso partido é que haxa goberno”, afirmou esta cuarta feira o secretario xeral do PSdeG Gonzalo Caballero.
Podemos insiste en retomar as negociacións co PSOE no punto en que racharon
Gómez-Reino explica a proposta

Podemos insiste en retomar as negociacións co PSOE no punto en que racharon

Cento vinte páxinas estruturadas en 13 apartados conforman o documento co que Podemos quere retomar as negociacións para formar goberno co PSOE. E quere facelo no punto en que racharon despois da investidura falida do pasado xullo. As tituladas Propostas para retomar o diálogo. Por un acordo integral de goberno de coalición non inclúen mencións explícitas a Galiza.
Esquerda Unida pide a Podemos un acordo programático co PSOE se a coalición non calla
Negociación do goberno do Estado

Esquerda Unida pide a Podemos un acordo programático co PSOE se a coalición non calla

Esquerda Unida avoga nun comunicado feito público por evitar unha repetición das eleccións xerais e amósase a prol de que o grupo parlamentario do que forma parte, Unidas Podemos, acade un acordo programático co PSOE se a coalición non for posíbel. Aínda hai tempo de "poñer a cordura que se lle esixe á esquerda", afirman no comunicado.

A dereita si que se pon de acordo nunha investidura
Os votos de Vox, cruciais en Murcia

A dereita si que se pon de acordo nunha investidura

O día despois do fracaso da esquerda española no segundo asalto á investidura de Sánchez, os tres compoñentes da dereita española pactaron sen problemas a designación de Fernando López Miras (PP) como presidente de Murcia. É o seu segundo mandato.
Os camiños de Sánchez: ou acordo con Podemos ou eleccións o 10N

Os camiños de Sánchez: ou acordo con Podemos ou eleccións o 10N

Poucas horas despois de sufrir a súa segunda derrota nunha investidura (a primeira foi en 2016), Pedro Sánchez aproveitou unha entrevista para se desdicir do seu anuncio de que desta volta só o intentaría unha vez. O candidato socialista deixou claro que está disposto a volverse submeter a un debate parlamentar antes de que conclúa o fatídico prazo do 23 de setembro. En Tele5, Sánchez pediu a PP, Cs e Podemos "explorar outros camiños" para "desbloquear a situación".
A disputa polas competencias de traballo dinamita a segunda investidura de Sánchez
Iglesias pide políticas activas de emprego, transferidas ás comunidades autónomas

A disputa polas competencias de traballo dinamita a segunda investidura de Sánchez

Negociacións case até o último minuto e até durante a sesión plenaria, cun último anuncio sorpresa por parte de Pablo Iglesias desde a tribuna, o de que renunciaba ao Ministerio de Traballo en troca da cesión das competencias sobre políticas activas de emprego, cuxa xestión está transferida ás comunidades autónomas. O certo é que o segundo asalto da investidura de Sánchez foi falido porque o candidato do PSOE, como na terza feira, só obtivo os votos do seu partido e o da formación rexionalista cántabra (124). A súa derrota abre as portas a unhas novas eleccións, o 10 de novembro. Mais hai de prazo até o 23 de setembro para PSOE e Podemos alcanzaren finalmente un acordo.

 

 

 

EH Bildu vaise abster "aínda que temos sobrados motivos para votar non"

EH Bildu vaise abster "aínda que temos sobrados motivos para votar non"

ERC gardou celosamente o segredo sobre o sentido do seu voto esta terza feira. EH Bildu, non. A formación soberanista vasca si avanzou en que dirección, a da abstención, irá o seu sufraxio. E iso "aínda que temos sobrados motivos para votar non", afirmou Mertxe Aizpurua, a portavoz da esquerda abertzale.
Rufián pide diálogo a PSOE e UP e xulga "naif" o "non a todo" e o "bloqueo a España"

Rufián pide diálogo a PSOE e UP e xulga "naif" o "non a todo" e o "bloqueo a España"

O Gabriel Rufián máis conciliador e tépedo emerxeu esta terza feira na tribuna do Congreso. O portavoz de ERC chamou a PSOE e a Unidas Podemos a chegaren un acordo para evitar dar unha nova oportunidade aos "trillizos" da dereita, dixo en alusión ao tamén chamado trifachito. O dirixente republicano aproveitou o debate para marcar distancias coa estratexia de JxCat: cualificou de "naif e irresponsábel" situarse no "non a todo" e no "bloqueo a España".

 

Rivera compite co discurso de Vox e acusa Sánchez de ter un plan para "liquidar España"

Rivera compite co discurso de Vox e acusa Sánchez de ter un plan para "liquidar España"

De tanto viaxar á dereita, Cs acabou por se internar no territorio de Vox. Rivera lanzou esta tarde un durísimo discurso contra Sánchez, ao que acusou de ter "un plano e unha banda para liquidar España". Inasequíbel ao desalento, Sánchez finxiu non ter escoitado o ataque e formulou a mesma petición que lle dirixiu a Casado: que a quinta feira se absteña para viabilizar a investidura.
Sánchez compórtase como se non negociase con Podemos e pídelle a Casado que se absteña

Sánchez compórtase como se non negociase con Podemos e pídelle a Casado que se absteña

Cos equipos negociadores de PSOE e Unidas Podemos a intertrocar durante as últimas horas papeis e dossieres, Pedro Sánchez actuou no debate da investidura como se non fose haber goberno de coalición. No puxilato con Pablo Casado, Sánchez voltou a demandar ao PP que se absteña para viabilizar o goberno e evitar así a repetición de eleccións. "Ou estabilidade ou eleccións", dixo o candidato do PSOE. Casado anunciou o voto contrario do seu grupo á entronización de Sánchez: "Cos radicais vostede pode ser investido, pero non pode gobernar".