luis-villares
Interpelado pola oposición, Feixoo elude condenar as afirmacións machistas de Casado
Sesión de control ao Goberno

Interpelado pola oposición, Feixoo elude condenar as afirmacións machistas de Casado

Non estivo cómodo Feixoo na sesión de control previa ao 8M. Apenas puido utilizar o seu argumentario de cabeceira, o seu retrouso de que todo tempo pasado (ou sexa, o bipartito), foi peor. Atacado con distinto grao de dureza por Pontón, Villares e Leiceaga, non foi quen de se desmarcar da fervenza de manifestacións machistas proferidas nos últimos días polo seu xefe político estatal, Pablo Casado.

 

A dirección de En Marea só contempla o escenario de ir ás xerais como partido
"En ningún caso iremos como coalición"

A dirección de En Marea só contempla o escenario de ir ás xerais como partido

A dirección de En Marea fixa un par de liñas vermellas "clarísimas" perante o xa inminente proceso electoral das xerais. A primeira, a fórmula de concorrencia: "Iremos como partido, de ningunha maneira como coalición", afirman a Sermos fontes da Coordenadora (Executiva) da formación liderada por Luís Villares. A segunda, a realización de primarias. "Non nos imos prestar a que as candidaturas se decidan nunha mesa camilla", alegan. Un discurso ben distinto ao formulado esta mesma segunda feira en FB por Xulio Ferreiro, líder da Marea Atlántica, partidario dunha coalición que desta volta inclúa a propia En Marea como partido.

Feixoo deixa en suspenso o xiro autonomista do PPdeG
Ataca o nacionalismo pola queima de ambulancias

Feixoo deixa en suspenso o xiro autonomista do PPdeG

Unha década despois de chegar a Monte Pío, Feixoo continúa a exercer como xefe da oposición. É o rol no que realmente se sente cómodo. Oposición ao bipartito (2005-2009), ao goberno Zapatero (2004-2012) e ao executivo Sánchez (xuño de 2018-actualidade). A sesión de control ao presidente da Xunta desta cuarta feira volveu pór de manifesto que a táctica favorita de Feixoo é o contragolpe. Pontón pediulle o cesamento do conselleiro de Sanidade e o titular do goberno galego contra-atacou deslizando unha suposta connivencia do nacionalismo coa queima de ambulancias.

Villares demanda a demisión de Feixoo e Pontón pídelle que escoite menos a extrema dereita
Reaccións após as manifestacións do domingo

Villares demanda a demisión de Feixoo e Pontón pídelle que escoite menos a extrema dereita

Como cabía agardar, a oposición cargou esta segunda feira contra o presidente da Xunta por alterar a súa axenda institucional para compartir coa ultradereita a manifestación contra o Goberno Sánchez, xusto no momento en que miles de persoas protestaban en Compostela contra a política de privatización e deterioración da sanidade pública despregada desde San Caetano.

Villares pide unha "negociación bilateral" ao Goberno Sánchez se quere o apoio de En Marea aos orzamentos

Villares pide unha "negociación bilateral" ao Goberno Sánchez se quere o apoio de En Marea aos orzamentos

Villares ponse á frente da oposición da confluencia aos orzamentos do estado, pactados nas súas liñas mestras polo PSOE con Podemos. Cun discurso notoriamente máis duro que o empregado pola representación de En Marea en Madrid, o portavoz orgánico e parlamentar do partido instrumental pide "unha negociación bilateral" para mudar de "xeito substancial" as contas. A alteración dos orzamentos é condición sine qua non para teren o apoio de En Marea no Congreso.

 

"O espazo de cambio é sólido e vai ser sólido suceder o que suceder co partido instrumental"
Antón Gómez Reino, secretario xeral de Podemos Galicia

"O espazo de cambio é sólido e vai ser sólido suceder o que suceder co partido instrumental"

En Marea tal e como existe non funciona e Luís Villares debería demitir como portavoz do grupo parlamentar porque a día de hoxe só representa un sector da confluencia. O "espazo de cambio" ten que se ensanchar e vai continuar "suceder o que suceder co partido instrumental". Estas son as mensaxes básicas que deixou o secretario xeral de Podemos Galicia Antón Gómez Reino nunha entrevista na Ser.

"Aqueles que predicaron a unidade do rupturismo agora predican o rupturismo da unidade"
Luís Villares

"Aqueles que predicaron a unidade do rupturismo agora predican o rupturismo da unidade"

Cando todo indica que se están a vivir as horas postreiras de En Marea tal e como foi concebida, Luís Villares convocou esta quinta feira os meios para lanzar un apelo á unidade con aroma a penúltimo movimento dunha partida de xadrez cuxo final xa está cantado. O líder orgánico do partido instrumental —que podería deixar de ser portavoz no Pazo do Hórreo descabalgado polos críticos, segundo fontes consultadas por Radio Galicia-SER— dirixiu o seu discurso basicamente a Podemos, a forza arredor da cal gravitan Esquerda Unida e a Anova oficial.

Luis Villares gaña as primarias de En Marea
60% dos votos

Luis Villares gaña as primarias de En Marea

A candidatura 'Coidando a Casa' impúxose á de 'Entre todas' nas votacións celebradas esta fin de semana ao obter case 60% dos apoios (1.596 sufraxios). A lista liderada por David Bruzos logrou o voto de 1.098 persoas inscritas (40,7%). Esta candidatura esixe unha auditoría independente antes da proclamación definitiva dos resultados: "Denunciamos indicios claros de falta de imparcialidade".

 

Suspendidos os tres membros do comité electoral de En Marea, sen se desbotar a súa expulsión

Suspendidos os tres membros do comité electoral de En Marea, sen se desbotar a súa expulsión

A suspensión é cautelar, mais desde a dirección de En Marea non se descarta a expulsión dos tres integrantes do comité electoral que, segundo as auditorías encarregadas pola comisión de garantías, accederon sen autorización ao censo das primarias. A Comisión de Garantías, de maioría villarista, traslada agora ao Comité Electoral, controlado polo sector crítico, a xestión das decisións adoptadas este sábado polo Consello das Mareas.

A dirección de En Marea propón mudanzas técnicas para retomar as votacións
O sector crítico planta a reunión

A dirección de En Marea propón mudanzas técnicas para retomar as votacións

O Consello das Mareas –máximo órgano político do partido– decidiu na mañá do sábado propoñer unha serie de mudanzas técnicas no sistema de votacións co fin de dotar o proceso eleitoral de maiores garantías. O sector crítico plantou a reunión da dirección ao considerala unha “estafa”.

David Bruzos: "Temos medo real de que finalmente non se realicen as votacións"
O candidato de Entre Todas xa non desbota a ruptura

David Bruzos: "Temos medo real de que finalmente non se realicen as votacións"

O cartaz de Entre Todas —a candidatura do sector crítico que compite coa de Luís Villares pola direccion de En Marea— pon en dúbida a imparcialidade do responsábel da custodia do censo, Gonzalo Rodríguez. "Non se pode separar a intervención de Gonzalo Rodríguez da de Luís Villares", dixo esta terza feira David Bruzos.

 

A auditoría de EM reflicte entradas non autorizadas no censo mais non proba a alteración dos datos
Sen datas aínda para a realización das primarias

A auditoría de EM reflicte entradas non autorizadas no censo mais non proba a alteración dos datos

Non é seguro que as primarias se vaian realizar finalmente esta fin de semana. A dirección da confluencia —informou o integrante da Comisión de Garantías Gonzalo Rodríguez en conferencia de imprensa— quer introducir novas medidas de seguranza no sistema. Os resultados das autorías encarregadas pola Comisión de Garantías, xa en mans deste órgano, apuntan a que dous membros do comité electoral, controlado polo sector crítico, si que terían accedido ao censo, a pesar de non teren autorización para o facer. Con todo, non hai indicios de alteración dos datos das persoas inscritas.

A de Bruzos apela á continuidade do proceso

A candidatura de Villares acata a suspensión das primarias

Coidando a Casa, a candidatura encabezada por Luís Villares, dá por suspendidas as eleccións primarias ante a resolución da Comisión de Garantías, que apreciou irregularidades no censo de inscritas e inscritos. Entre Todas, a lista encabezada por David Bruzos, continúa co calendario previsto e ás 12 horas valorará a xornada electoral.

"Esta lista non é para derrotar a outra de En Marea, é para derrotar o Goberno Feixoo"
Luís Villares

"Esta lista non é para derrotar a outra de En Marea, é para derrotar o Goberno Feixoo"

Luís Villares (Lugo, 1978) aspira á reelección como líder de En Marea, a confluencia que vive abalada por fortes sacudidas internas desde case o minuto cero da súa posta en andamento. Nas primarias axendadas entre os días 1 e 3 de decembro, encabeza a lista Coidando a Casa. Quere un partido soberano, non tutelado desde o exterior. O seu non é un proxecto nacionalista, mais si, esclarece, "nacional". 

Villares resume o debate das primarias: ou un modelo "soberano" ou un proxecto "dependente"

Villares resume o debate das primarias: ou un modelo "soberano" ou un proxecto "dependente"

As primarias de En Marea están en marcha e o confronto non ten volta atrás. Esta segunda feira, Luís Villares, candidato á reelección ao fronte da candidatura Coidando a Casa, puxo directamente no albo Podemos Galicia, a quen atribúe intencións de controlar a confluencia. As primarias son sinteticamente o combate entre dous modelos distintos de organización: ou o soberano ou o dependente, veu dicir.

Gómez Reino une a súa voz á de Martiño Noriega e cuestiona a continuidade de Villares

Gómez Reino une a súa voz á de Martiño Noriega e cuestiona a continuidade de Villares

Após a derrota do texto oficial no recente plenario de En Marea, e coas primarias telemáticas axendadas entre o 1 e o 3 de decembro, a presión do sector crítico sobre Luís Villares non fái máis que acrecentarse, con destacados vultos a marcar distancias co duplo portavoz, orgánico e parlamentar, da confluencia. O último en se sumar ao coro, o flamante novo secretario xeral de Podemos Galicia, Antón Gómez Reino.

“Unidos-Podemos son os nosos aliados estratéxicos preferentes”
Luís Villares, portavoz de En Marea

“Unidos-Podemos son os nosos aliados estratéxicos preferentes”

“Eu vin para continuar mentres a xente queira que eu continúe”. Así responde Luís Villares (Lugo, 1978), portavoz de En Marea, en relación á súa continuidade á fronte da formación política, que celebra o seu plenario esta fin de semana. Trátase do primeiro paso de cara á renovación dos órganos de dirección. Eis un extracto da conversa publicada no Sermos Galiza 319.

En Marea quere ter máis visibilidade no Parlamento europeo
Presentación das teses do plenario do 27-O

En Marea quere ter máis visibilidade no Parlamento europeo

Con vistas ás eleccións ao Parlamento europeo, En Marea procurará alianzas con outros espazos que se terán de basear "no respecto á pluralidade, na democratización, na igualdade ou na defensa dos dereitos sociais", avanzou Luís Villares esta quinta feira na presentación do próximo plenario da confluencia, a realizar o sábado 27 de outubro. Nel vaise dar luz verde ás primarias para a escolla da nova cúpula da organización. 

 

 

Feixoo salda o debate sobre o estado da nación sen propostas de afortalamento do autogoberno
CRÓNICA

Feixoo salda o debate sobre o estado da nación sen propostas de afortalamento do autogoberno

Feixoo en estado puro no debate do estado da nación. Abalou entre o xestor tecnocrático, sempre cómodo na guerra de cifras coa oposición, e o político duro na descualificación do adversario, con especial saña con Luís Villares. Nunha conxuntura política como a actual, coa cuestión territorial a determinar a axenda no estado, Feixoo non fixo ningunha proposta para o afortalamento do autogoberno do país. Non hai posición galega á vista no debate en curso en España

Villares oferece como alternativa ao PP unha entente co BNG e co PSdeG
Debate do estado da nación

Villares oferece como alternativa ao PP unha entente co BNG e co PSdeG

O líder da bancada confluente esforzouse por transmitir a idea de que si existe alternativa á hexemonía conservadora. Puxo como exemplo o acordo das tres forzas da oposición ao forzar a constitución dunha comisión de investigación sobre a sanidade galega. "Somos forzas diversas, pero nos puxemos de acordo", dixo. 

Villares di sentirse representado “en xeral” por Pablo Iglesias

Villares di sentirse representado “en xeral” por Pablo Iglesias

Aínda que cunha excepción, cando no discurso do debate sobre a moción de censura ao Goberno de Raxoi obviou Galiza, Luís Villares, portavoz de En Marea, di sentirse representado “en xeral” por Pablo Iglesias. Porén, prefire o deputado Miguel Anxo Fernán Vello, “quen si fixo valer a nosa condición de nación no discurso”.

Martiño Noriega toma a iniciativa para "renovar" a dirección de En Marea

Martiño Noriega toma a iniciativa para "renovar" a dirección de En Marea

O seu nome está nas apostas como hipotético cartaz da confluencia á Xunta de Galiza en 2020. Do trío de alcaldes Ferrol-A Coruña-Compostela, Martiño Noriega é con clareza o que máis se está a distinguir pola súa intervención na política galega. Agora impulsa un debate en Compostela Aberta —o partido co que alcanzou en 2015 a alcaldía da capital do país— para "renovar" a dirección de En Marea. E para facelo antes do calendario previsto.

Feixóo abre a porta a un cuarto mandato
Sesión de control

Feixóo abre a porta a un cuarto mandato

O presidente abre a porta a un cuarto mandato nunha resposta ao portavoz socialista: “Estaremos até 2020, como mínimo”. A oposición ínstao, una vez finalizada a ‘aventura madrileña’ a se centrar nos problemas de Galiza.

Villares, a Podemos e EU: "Ninguén a 600 quilómetros pode impor como se presenta cada marea"
O líder da confluencia galega pide eleccións anticipadas se Feixóo vai a Madrid

Villares, a Podemos e EU: "Ninguén a 600 quilómetros pode impor como se presenta cada marea"

Villares arreponse aos partidos estatais dentro da confluencia galega, após Podemos e EU pactaren en Madrid apresentarse ás eleccións locais de 2019 coa marca Unidas Podemos Izquierda Unida Equo. "Ninguén a 600 quilómetros pode impor como se presenta cada marea", afirma o portavoz da confluencia. Villares fai valer os acordos do plenario de marzo de 2018.

O Consello da Marea emula Iglesias e Montero e renunciaría se as bases rexeitan a demisión de Quinteiro

O Consello da Marea emula Iglesias e Montero e renunciaría se as bases rexeitan a demisión de Quinteiro

A consulta en curso axita as augas da confluencia galega. Desde os sectores críticos -a conta twitter @coidandounidade- acúsase a dirección de inflar o censo. Desde o aparato villarista avánzase que se as bases rexeitan a demisión de Quinteiro obterían a súa. Esta hipótese é moi pouco probábel, sendo que os segmentos partidarios da parlamentar de Podemos-Anticapitalistas defenden a abstención no referendo interno.

Xoán Hermida afea a Quinteiro non ter demitido cando si o fixo Cristina Cifuentes
Após o "incidente de gamberrismo nocturno"

Xoán Hermida afea a Quinteiro non ter demitido cando si o fixo Cristina Cifuentes

Xoán Hermida xa é formalmente deputado de En Marea -rexistou esta mesma quinta feira a súa alta no grupo parlamentar que dirixe Luís Villares. En conferencia de imprensa realizada esta mañá en Pontevedra, cargou contra Paula Quinteiro polo seu comportamento durante o que cualificou como "incidente de gamberrismo nocturno". Dixo que a parlamentar de Podemos eticamente "non representa En Marea".

Hermida formalizará a súa alta no grupo de En Marea, mais sen tomar posesión do escano

Hermida formalizará a súa alta no grupo de En Marea, mais sen tomar posesión do escano

A manobra permitirá ao partido instrumental manter formalmente a condición de segunda forza parlamentar. Contodo, a xogada de Xoán Hermida ao non renunciar ao escano -aumentar a presión sobre Paula Quinteiro- non se viu coronada con éxito. A militante de Anticapitalista continúa no seu escano e En Marea perde a efeitos prácticos un deputado, após a demisión de Juan Merlo.

"O espazo político de En Marea funciona razoabelmente ben"
Luís Villares, portavoz de En Marea

"O espazo político de En Marea funciona razoabelmente ben"

Luís Villares (Lugo, 1978) está estes días no epicentro do tremor que se vive en En Marea por mor do ‘caso Paula Quinteiro’ e que a estas alturas aínda non se sabe como acabará. O portavoz do grupo parlamentar e da organización fala con convencemento e seguridade, apela ás obrigas e responsabilidades éticas inherentes aos cargos de en En Marea para argumentar a súa aposta na demisión da deputada e recoñece que estas desavinzas internas poden pasar factura entre as bases. Eis un extracto da entrevista publicada no semanario Sermos Galiza.

Villares desvía as perguntas sobre Quinteiro e Antón Sánchez desbota a consulta

Villares desvía as perguntas sobre Quinteiro e Antón Sánchez desbota a consulta

O portavoz parlamentar, que compareceu con Manuel Lago para debullar os orzamentos, tivo que contestar até 10 perguntas sobre o affaire Quinteiro. En todas e cada unha das respostas foi polo mesmo rego, non hai novidades ao respeito e o motivo da comparecencia é a análise das contas do estado e as alternativas da confluencia. Por súa parte, nunha entrevista na RG, Antón Sánchez descartou implicitamente a consulta telemática proposta por Villares por considerar que o proceso revogatorio ten máis garantías.

x