municipais2019
Ourense terá goberno paritario DO-PP
Acordos nos concellos

Ourense terá goberno paritario DO-PP

As dez concellarías coas que contará o consistorio da cidade de Ourense repártense á metade entre Democracia Ourensá e Partido Popular. O novo alcalde da cidade Gonzalo Pérez Jácome nomea 5 membros de DO (entre os que se inclúe el mesmo) e 5 do PP para liderar o goberno local.

O alcalde de Catoira nega pactos co PP e pon a transparencia no eixo central do goberno
Os concellos após o 26M

O alcalde de Catoira nega pactos co PP e pon a transparencia no eixo central do goberno

O nacionalista Xoán Castaño é o novo alcalde de Catoira pese ao PSdeG ser a lista votada. A asemblea local do BNG optou por non investir o anterior alcalde e candidato polo PSdeG por non consideralo coherente coas esixencias de transparencia e igualdade das que o nacionalismo fixo eixo central de campaña. Castaño aceptou o bastón de mando cos votos do PP e desde o BNG nacional comunicaron a súa suspensión de militancia.

Unha locomotora en Euskal Herria
ANÁLISE

Unha locomotora en Euskal Herria

O PNV avanza sen teitos electorais e sen acusar desgaste ningún a pesar de copar o poder. Esta é a primeira clave das eleccións de abril e maio. A outra tendencia confirmada nas urnas vascas é o fracaso da dereita española. C’s e Vox ficaron sen actas municipais e nin eles nin o PP obtiveron representación nas Cortes. Bildu subiu, mais o arrase electoral do PNV e a súa preferencia polo PSOE pode deixar lonxe de moitas alcaldías á formación de Otegi. Eis un extracto da análise, publicada no número 350 do semanario en papel Sermos Galiza.

O PP apoia o BNG en Catoira e Mondariz

O PP apoia o BNG en Catoira e Mondariz

O Partido Popular investiu este sábado o nacionalista Xoán Castaño como alcalde de Catoira. Finalizaron así 30 anos de mandato do socialista Alberto García. En Mondariz, a dereita e os socialistas apoiaron o BNG, cuxo candidato, Emilio Barros, será primeiro edil ao desbancar a Alternativa por Mondariz, a forza máis votada.
 

Pontón salienta que 400.000 galegas terán gobernos locais co BNG
Estará en 41 executivos e terá 27 alcaldes e alcaldesas

Pontón salienta que 400.000 galegas terán gobernos locais co BNG

Máis de 400.000 galegas e galegos vivirán en localidades con goberno liderado ou participado polo BNG. Salientouno este sábado, desde Pontevedra, a súa portavoz nacional, Ana Pontón, para quen esa cirusntancia servirá “para traballar por esa outra Galiza posíbel”.
 

O PP queda fóra de todas as alcadías urbanas pero entrega Ourense a Jácome
A cambio de manter Baltar na deputación

O PP queda fóra de todas as alcadías urbanas pero entrega Ourense a Jácome

Dez días antes das eleccións municipais, Alberto Núñez Feixoo despachábase contra o candidato de Democracia Ourensana nun xornal local. “Para Ourense sería letal ter Jácome de alcalde”, rezaba o titular do presidente da Xunta. Un mes máis tarde, o Partido Popular entrega a alcaldía da cidade a Gonzalo Pérez Jácome. A contrapartida? Que os Baltar manteñen o control na Deputación de Ourense.
 

PSdeG e BNG mandan nas cidades

PSdeG e BNG mandan nas cidades

O PP está a piques de ficar fóra das alcaldías das sete cidades. Acordos de PSdeG e BNG con diferente intensidade simbolizan o xiro cara ao centro esquerda e o nacionalismo en que desembocaron as pasadas eleccións municipais. O crebacabezas ourensán resolveuse coa alcaldía para Díaz Jácome e a Deputación para Baltar.

“A veciñanza decidiu abrir un tempo novo no Rosal e apostou en nós”
Ánxela Fernández, próxima alcaldesa do Rosal

“A veciñanza decidiu abrir un tempo novo no Rosal e apostou en nós”

Ánxela Fernández será aos seus 26 anos a alcaldesa do Rosal após o BNG obter a maioría absoluta nas urnas. Trátase dun fito histórico neste municipio, onde UCD primeiro e logo PP retiveron sempre nas mans da dereita española o bastón de mando.

O PSdeG podería darlle ao PP catro alcaldías ao non apoiar o BNG
Investiduras nos concellos

O PSdeG podería darlle ao PP catro alcaldías ao non apoiar o BNG

Catro concellos galegos onde o BNG podería gobernar quizais rematen con alcaldías do Partido Popular. Este sábado constitúense os consistorios e todo dependerá de se finalmente PSdeG e Bloque alcanzan acordos en Barreiros, Castrelo de Miño, Fene e Viana do Bolo. 

Jácome condiciona a que el sexa alcalde un eventual acordo co PP na Deputación

Jácome condiciona a que el sexa alcalde un eventual acordo co PP na Deputación

Democracia Ourensá mostra a súa disposición a falar con "todas as partes". Terceira forza máis votada no concello, a súa prioridade é conseguir a alcaldía. Os seus decisivos votos na Deputación —ten dous escanos que completarían a maioría absoluta que precisa Baltar— son a chave que podería abrir o despacho da alcaldía a Gonzalo Pérez Jácome.

Renuncia o número 2 do PP ourensán e deslixitima a Vázquez
Crise do PP en Ourense

Renuncia o número 2 do PP ourensán e deslixitima a Vázquez

O número 2 do PP ourensán, Santiago Rodríguez, renuncia o cargo de concelleiro sen comunicalo ao alcalde popular en funcións, Jesús Vázquez, porque non lle recoñece “autoridade moral algunha”. Esta demisión agrava de novo a crise do PP no concello e deputación de Ourese.

Martiño Noriega apraza até final de ano a súa retirada do concello
Compostela Aberta

Martiño Noriega apraza até final de ano a súa retirada do concello

O alcalde en funcións de Santiago, Martiño Noriega, vai pilotar un período de transición, até final deste ano, antes de abandonar o concello. Após poñer a súa acta a disposición, a asemblea de Compostela Aberta aceptou a súa dispoñibilidade a continuar no Pazo de Raxoi no que queda deste 2019. Os resultados foron valorados como “moito máis negativos” do agardado.

Feixoo defende que goberne a lista máis votada, contra os intereses de Casado en Madrid

Feixoo defende que goberne a lista máis votada, contra os intereses de Casado en Madrid

Primeiro foi Alfonso Rueda. Despois Bea Mato. E, por último, esta terza feira Feixoo. Xa non pode ser casual. Responde a unha estratexia do PPdeG, a de defender que a lei electoral é a responsábel de que o partido conservador na Galiza se vexa privado de poder municipal. Unha reforma da LOREX funcionaría para a formación conservadora en Galiza, mais non no estado e bate frontalmente contra os intereses de Casado en Madrid.

A ex alcaldesa Corina Porro farase cargo da xestora do PP vigués

A ex alcaldesa Corina Porro farase cargo da xestora do PP vigués

A esmagadora vitoria electoral de Abel Caballero axiña cobrou as primeiras vítimas. A candidata do PP e ex conselleira da Xunta de Feixoo, Elena Muñoz, dimitiu o pasado sábado. E a dirección provincial dese partido xa propuxo quen se faga cargo da xestora que dirixirá a organización de maneira temporal: a ex alcadesa Corina Porro.

Pontón contrapón un BNG que avanza a un PP "en declive"
O foco posto xa nas galegas 2020

Pontón contrapón un BNG que avanza a un PP "en declive"

Unha Galiza binaria é a que debuxou esta segunda feira Ana Pontón, a líder nacionalista, após unha reunión dunha delegación da Executiva do BNG cos cabeza de lista das 7 cidades galegas. Por un lado, un Bloque que avanza. Por outro, un PP "en declive" que "retrocede nos tres últimos procesos electorais" e que "perde peso". Pontón enfatizou que no conxunto das 7 urbes máis populosas do país o voto ao nacionalismo incrementou en 22,2% nestas eleccións locais.

Bea Mato pide gobernar por ser a lista máis votada, o que condenaría o PP en Madrid

Bea Mato pide gobernar por ser a lista máis votada, o que condenaría o PP en Madrid

O PPdeG —Beatriz Mato esta segunda feira a reiterar a mensaxe deste domingo de Alfonso Rueda—continúa a enarborar a bandeira de que a lista máis votada debe traducirse automaticamente no acceso á alcaldía. Esa teoría rexía en todo o planeta PP até hai ben pouco. Mais xa non: de se aplicar a receita, o PP non conseguiría o poder nin no concello nin na comunidade autónoma de Madrid.

Outros catro anos

A xornada postelectoral é un día de moita intensidade: fin de campaña, sentimentos enfrontados, alegrías, decepcións...

Puidemos ver como nas eleccións europeas aumentaba considerablemente a participación, debido á súa coincidencia coas locais e pola grande...

Renuncia o alcalde de Salceda Marcos Besada
Salceda

Renuncia o alcalde de Salceda Marcos Besada

Marcos Besada emitiu un comunicado onde renuncia a presentarse á alcaldía de Salceda, localidade que goberna desde 2007. Abandona a primeira liña política e non recollerá a acta de concelleiro após a súa formación, Movemento Salceda, perder a súa condición de forza máis votada, aínda que un posíbel pacto co PSdeG lle permitiría manter o bastón de mando.

Crise en Ciudadanos co abandono de seis destacados membros en Pontevedra
Pola designación do cabeza de lista

Crise en Ciudadanos co abandono de seis destacados membros en Pontevedra

Até seis membros de Ciudadanos que concorreran na candidatura municipal en Pontevedra abandonan o partido. Unha das baixas é a da concelleira durante o anterior mandato, María Rey, que perdeu a acta ao ser relegada á segunda posición na lista. Afirman atoparse molestas e molestos polas "formas" na elección do candidato.

En Marea cualifica de “decepcionantes” os seus resultados electorais
Consello das Mareas

En Marea cualifica de “decepcionantes” os seus resultados electorais

En Marea acordou abrir un proceso de reflexión logo duns resultados nas urnas que avaliou como “decepcionantes”. Escollerán unha nova dirección, tan só medio ano após tela renovado no proceso de primarias que simbolizou a ruptura do espazo político, e propuxo ademais a Mariló Canedo como senadora.  

Elena Muñoz demite após a caída do PP en Vigo
Vigo após o 26M

Elena Muñoz demite após a caída do PP en Vigo

A candidata do PP á alcaldía de Vigo, Elena Muñoz, abandona a primeira liña política e comunica ao partido que non tomará posesión como concelleira. Demite tamén como presidenta local do PP. Nestas eleccións baixou 3 actas, quedando tan só con 4 dun total de 27.

O BNG estudará "caso por caso" a política de alianzas nos concellos e deputacións
Consello Nacional o 8X

O BNG estudará "caso por caso" a política de alianzas nos concellos e deputacións

"O BNG non parte de ningún apriorismo" e o "escenario está moi aberto en moitos concellos e deputacións". Nestes termos expresouse esta sexta feira Rubén Cela, integrante da Executiva Nacional en conferencia de imprensa. Como era de agardar, o BNG desbota acordos coa "dereita española", mais ao tempo descarta un "acordo nacional" que vincule todos os concellos. As alianzas —que basicamente serán co PSdeG— vanse estudar "caso por caso".

Premia a veciñanza as mocións de censura?
Alcaldías após o 26M

Premia a veciñanza as mocións de censura?

Dez municipios galegos mudaron de alcaldía mediante a presentación de mocións de censura durante o mandato 2015-2019. Oito alcaldías acadadas por este procedemento revalidaron nas urnas do pasado domingo, aínda que algunhas dependerán dos pactos. Só en Tui gaña o alcalde desaloxado pola dereita.

O BNG pon en valor os seus resultados e avaliará os pactos caso a caso
Executiva nacional

O BNG pon en valor os seus resultados e avaliará os pactos caso a caso

A executiva nacional do BNG pon en valor o seu avance social cos resultados obtidos nas urnas e, en canto aos pactos, anuncia que se avaliará “caso a caso” e que a militancia a través das asembleas locais será clave na toma das decisións. Así mesmo, o Bloque comprométese a evitar gobernos de dereita e a levar a cabo políticas transformadoras.

Unha moeda, posíbel desempate das eleccións en Monterroso
As dúas listas máis votadas obteñen 798 votos cada unha

Unha moeda, posíbel desempate das eleccións en Monterroso

Unha moeda ao aire será, probabelmente, quen decida a configuración final da corporación de Monterroso, na bisbarra da Ulloa, corazón xeográfico de Galiza. As dúas listas máis votadas empataron a 798 votos e tres edís. Se os recursos presentados polas partes na Xunta Electoral de Zona de Chantada non prosperan, un sorteo outorgará o cuarto edil.
 

Pontón ve no avance do BNG a conta atrás para Feixoo
Avance nacionalista

Pontón ve no avance do BNG a conta atrás para Feixoo

“Comezou a conta atrás para o PP” afirmou a portavoz nacional do BNG após analizar os resultados das eleccións municipais e europeas. Pontón salientou que o BNG está chamado a ser o protagonista do cambio político que augura para o país nas eleccións galegas de 2020.

Nove alcaldes gañan con absolutas superiores ao 80%
Maiorías

Nove alcaldes gañan con absolutas superiores ao 80%

O 26M deixa nove municipios galegos onde a forza gañadora alcanzou maiorías absolutas que superan o 80% dos votos. Delas, 6 son para o PP (Beariz, Esgos, Quintela, Vilarmaior, Sarreaus e Friol), 2 para o PSdeG (Dumbría e Ourol) e outra para Xuntos (Vilar de Santos).

O PSOE avanza nas Deputacións por conta do PP
A Deputación de Ourense, no aire

O PSOE avanza nas Deputacións por conta do PP

Na de Pontevedra, por vez primeira na historia do ente provincial, o PSOE supera o PP e podería gobernar en maioría. Na da Coruña todo apunta a que se reeditará o pacto entre PSOE e BNG e en Lugo tamén poderían formar goberno. A Deputación de Ourense fica no aire, pendente dos resultados.

O expediente X de Allariz

O expediente X de Allariz

Dun empate entre BNG e PP a unha maioría absoluta do BNG. Un erro informático na web do Ministerio do Interior puña fin á hexemonía do Bloque na vila do Arnoia.

O PP volve retroceder nas eleccións municipais mentres o PSOE gaña forza
O BNG certifica a súa suba e as mareas sofren un duro revés

O PP volve retroceder nas eleccións municipais mentres o PSOE gaña forza

O Partido Popular continúa a súa caída na Galiza. Nas cidades só logra impoñerse en Ferrol e na Coruña -nesta cidade por unha estreita marxe de votos- mais non o suficiente como para se facer coas alcaldía. Soben o PSOE, que se sitúa a un pé de acadar o bastón de mando en seis das sete cidades e o BNG, que continúa como primeira forza en Pontevedra e que aumenta un 25% de apoios nas urbes. Caen as autodenominadas candidaturas de unidade popular, que fican sen A Coruña, sen Ferrol e sen Compostela.

O ascenso do BNG posibilita que a esquerda reteña Lugo

O ascenso do BNG posibilita que a esquerda reteña Lugo

O ascenso do BNG, que pasa de dous a cinco edís e medra sete puntos porcentuais, posibilitará que a esquerda manteña a alcadía de Lugo. O Partido Socialista da actual alcaldesa Lara Méndez retrocede lixeiramente en voto pero mantén os oito concelleiros.