navantia
CCOO reduce a súa maioría en Navantia e a CXT irrompe con 3 representantes
Eleccións sindicais

CCOO reduce a súa maioría en Navantia e a CXT irrompe con 3 representantes

As eleccións sindicais en Navantia deixan, atendendo o cómputo xeral entre o corpo técnico e especialista dos centros de Ferrol e Fene, un resultado en que CCOO fica como sindicato maioritario a pesar de retroceder no seu liderado, perdendo 2 representantes. A CIG déixase 2 tamén e a CXT dá a sorpresa pasando de 0 a 3.

A oposición acusa o PP de corrupción por paralizar as F-111
O Goberno de Raxoi quería incorporar mísiles da empresa dun ex ministro

A oposición acusa o PP de corrupción por paralizar as F-111

“Corrupción institucional”, “prevaricación” e “política de Trump”. Con esta dureza atacou a oposición parlamentaria ao PP despois de que transcendese a “paralización interesada durante dous anos” da construción de fragatas F-111 en Navantia, Ferrol.
 

A patronal decide a terza feira se incorpora os acordos salariais das auxiliares de Navantia ao convenio

A patronal decide a terza feira se incorpora os acordos salariais das auxiliares de Navantia ao convenio

A patronal provincial do metal comunicará a vindeira terza feira, 2 de outubro, se acepta a proposta lanzada pola presidenta do Consello Galego de Relacións Laborais, Verónica Martínez, para incorporar ao convenio sectorial provincial os acordos salariais que se están a negociar entre as empresas auxiliares de Navantia e os sindicatos.

 

Vai para un ano da folga que durante máis de tres semanas paralizou, de facto, a actividade nos estaleiros da ría de Ferrol. A greve fora convocada en solitario pola CIG respondendo ao clamor do persoal da industria auxiliar, expresado nas asembleas celebradas nos centros de traballo, que esixía solucións a unha problemática que parecía consolidarse despois varios anos de incumprimentos por parte das empresas das táboas salariais asinadas no ano 2001.

 

A decisión de suspender a folga supuxo trasladar o conflito a unha mesa constituída ex profeso para a negociación duns novos acordos salariais, e que, non sen problemas e demoras, vén retrasando unha solución definitiva, que as empresas condicionan a que o acordo final poda ser incluído no convenio provincial, garantindo así a súa obrigatoriedade para todas as empresas que oferten aos contratos de Navantia.

 

A incorporación dos acordos salariais das auxiliares de Navantia ao convenio provincial é unha vella reivindicación da Federación de Industria da CIG, actualmente a central sindical máis representativa no sector do metal da provincia da Coruña. Para o sindicato nacionalista, é preciso darlle protección legal a uns salarios que, por causa da desmedida eventualidade (máis do 70% do persoal ten contratos de obra), e mesmo da “fugacidade” das empresas auxiliares, que veñen sufrindo a política de baleirado periódico das gradas da empresa principal, nunca chegan a consolidar as súas retribucións.

 

Foi na xuntanza do pasado 18 de setembro cando a presidenta do Consello Galego de Relacións Laborais presentou finalmente a súa proposta de resolución do conflito ás partes negociadoras do convenio provincial do metal, medida que pasaría pola incorporación dunha nova disposición adicional ao texto do convenio para dar entrada aos acordos que se pechen na Mesa do Naval de Ferrol. A representación da patronal provincial recolleu a proposta e asegurou que precisaba estudala antes de dar unha resposta.

 

A CIG xa manifestou que a iniciativa do Consello Galego de Relacións Laborais é “óptima” en canto se resolvan certos aspectos formais, e resalta que deixa en evidencia a “sen razón da negativa da patronal que tantas veces temos denunciado”, segundo explica Mon Fernández Alfonzo, responsábel de negociación colectiva da CIG-Industria en Ferrolterra. Ademais, engade, á proposta do organismo “súmase a posición dos empresarios das auxiliares de Navantia, que son os principais afectados, así como de destacados representantes da patronal galega do metal (ASIME), deixando á patronal provincial sen argumentos para manter as súas reticencias”.

 

O conflito chegou esta mesma semana ao Parlamento Galego a través dunha serie de iniciativas do BNG. Nelas repásase a historia dos acordos salariais asinados no 2001, que tiveron a virtualidade de homoxeneizar a variada casuística de pluses e complementos (por riba do estipulado no convenio provincial do metal), que o persoal das auxiliares sempre percibiu, fixando unhas táboas salariais que durante moitos anos se aplicaron pacificamente, até a entrega do último megabuque á Royal Australian Navy, cando a inmensa maioría das operarias e operarios da industria auxiliar perderon o emprego, circunstancia que algunhas das empresas aproveitaron para deixalos de aplicar.

 

A través destas iniciativas parlamentarias o BNG insta á Xunta a prestar especial atención ás condicións de traballo do persoal da industria auxiliar de Navantia e a realizar todas aquelas actuacións que podan favorecer a inclusión dos mencionados acordos salariais no Convenio provincial.

 

Para Fernández Alfonzo, esta mellora no convenio provincial sería “dunha influencia radical para a economía da comarca de Ferrol”, pois, lembra, “a industria auxiliar de Navantia pode chegar a empregar perto de 3.000 persoas”. O responsábel de negociación colectiva da CIG explica que “o único xeito de que ese persoal expulsado ao desemprego periodicamente non teña que estar negociando de xeito individual o seu salario, é que as melloras salariais propias do sector estean incorporadas ao convenio provincial”. Nese sentido, Alfonzo lembra que existen outras disposicións do convenio destinas a regular sectores ou actividades específicas, polo que a inclusión dunha nova non sentaría precedente ningún. “É obriga dos negociadores do convenio dar solución ás necesidades específicas”.

 

Alfonzo subliña que o rexeitamento da patronal provincial a incorporar estes acordos no convenio do sector “podería provocar unha volta ás mobilizacións nun momento especialmente sensíbel desde o punto vista da entrega en prazo das obras en curso (a botadura dun buque para Australia está prevista para finais de novembro), dando lugar así a unha situación absurda polo gratuíto do conflito, xa que non hai que esquecer que os actores afectados están de acordo en que esa incorporación remataría coa negociación individual dos salarios e ademais evitaría a competencia desleal entre empresas a conta precisamente deses salarios”.

 

OPINIÓN

As corvetas, o 'galán' de noite e os camelos saudís

Hoxe imos falar dunha planta perfecta para o horto sindical. Trátase do cestrum nocturnum, máis coñecido como Galán de noite, un arbustre axeitado para ter en macetas a carón dos fogares por mor do seu forte recendo nouturno que, malia o engado, ceiba un...

Desestimada a denuncia de Navantia contra a CIG pola greve das auxiliares

Desestimada a denuncia de Navantia contra a CIG pola greve das auxiliares

O Xulgado do Social número 2 de Ferrol desestimou a demanda de Navantia contra a CIG e o comité de folga do persoal das auxiliares no conflito do pasado ano contra a precariedade e pola recuperación de dereitos. “Queda demostrado que a demanda carecía de fundamento legal”, sinalan desde a central sindical.
 

OPINIÓN

Resposta ao director de Navantia

Deixarlle as chaves de Astano a Nervión debaixo do felpudo, e desentenderse do que alí pase, foi sen dúbida unha decisión moi responsable. Porque cando nos xogamos o prestixio e futuros contratos, o lóxico e o responsable é deixar...

A greve nas auxiliares paraliza por segundo día os estaleiros de Navantia

A greve nas auxiliares paraliza por segundo día os estaleiros de Navantia

A patronal di que de se manter o paro quebrarán empresas. CIG, que convoca a greve, lémbralle que acabar con este conflito está “na súa man”.

 

A segunda xornada de greve nas auxiliares de Navantia deixa a mesma imaxe que a primeira: amplo seguemento e os dous estaleiros da compañía pública na Ría de Ferrol paralizados. O paro está convocado en solitario pola CIG. A greve é indefinida. A súa finialidade é lograr que todas as empresas cumpran os acordos salariais asinados en 2001 "e que os traballadores non teñan que negociar o seu soldo cada vez que entran nunha subcontrata".

 

A patronal do metal botou dous anos e oito meses dicindo que non a incluír os acordos das auxiliares de Navantia no convenio, lembran desde a CIG. E iso que houbo 7 días de greve nos que o estaleiro estivo practicamente paralizado. “UGT e CCOO din que agora,  con máis tempo e sen folgas, a patronal vai aceptar incluír os acordos no convenio. Pero, porque había a patronal provincial aceptar agora o que non aceptou nunca antes.

 

"A xente das auxiliares sabe que esta é a súa batalla. Máis que ningunha outra. Por iso secundaron as folgas do convenio e por iso votaron unanimemente a favor desta convocatoria de folga. Logo da devaluación salarial brutal que fixeron as empresas nos últimos anos, este é o momento de recuperar o perdido", indican desde a central nacionalista.

 

A CIG amosa a súa preocupación polo futuro de Navantia, "moi lonxe da construción civil"
DENUNCIA QUE O VETO "SOBREVIVE"

A CIG amosa a súa preocupación polo futuro de Navantia, "moi lonxe da construción civil"

A CIG, que lamenta a pouca información facilitada pola empresa, vén de pronunciarse en relación ao contrato de Navantia con Ondimar pola construción de catro petroleiros e amosa a súa preocupación ao constatar que o futuro que tanto a SEPI como a propia Dirección de Navantia teñen decidido para o estaleiro de Fene “está moi lonxe da construción naval civil”.

Pemex adxudica a construción dos floteis a Navantia e Barreras

Pemex adxudica a construción dos floteis a Navantia e Barreras

Pemex confirma a adxudicación dos dous floteis aos estaleiros de Vigo e Ferrol,  Barreras e Navantia. A noticia coñecíase por volta das tres da madrugada, con tres horas de retraso sobre o previsto e con cinco adiamentos desde a data inicial. Os traballadores de Navantia valoraron a nova en asemblea. Positiva, mais insuficiente, consideran, e advirten que seguirán as mobilizacións.

Economía contradí a Feijóo e avanza que os floteis se farán quer en Barreras quer en Navantia

Economía contradí a Feijóo e avanza que os floteis se farán quer en Barreras quer en Navantia

Contradicións no seo do goberno sobre o contrato dos floteis. Mentres Feijóo daba a entender nunha entrevista cun medio coruñés que problemas na constitución dun aval poderían deixar fóra do concurso a Barreras, o conselleiro de Economía afirmaba á Radio Galega que os floteis se farán como estaba previsto, un no esteleiro vigués e outro en Navantia Ferrol. Foi alén diso e afirmou que a construción das embarcacións é "cuestión de días".
OPINIÓN

Teñen cartos para Bankia e non para Navantia

Isto escribiron sobre unha sede da propia Bankia as persoas traballadoras do Sector Naval de Ferrolterra para esixir carga de traballo hai ao redor dun mes nunha das numerosas mobilizacións que aínda continúan a proliferar no noso contorno.