pedro-sanchez
O PP ataca o Goberno Sánchez após transcender que Zapatero se viu con Otegi

O PP ataca o Goberno Sánchez após transcender que Zapatero se viu con Otegi

O ex presidente do Goberno español mantivo un encontro co líder da esquerda abertzale no caserío Txillarre, de Elgoibar, xusto o lugar en que se desenvolveron as xa históricas conversas de Otegi co dirixente do PSOE vasco Jesús Eguiguren, claves no proceso político que levou á fin das actividades armadas de ETA. Zapatero e Otegi non se coñecían persoalmente.

O CIS confirma a cómoda vantaxe do PSOE sobre PP e Cs

O CIS confirma a cómoda vantaxe do PSOE sobre PP e Cs

O barómetro de setembro do CIS practicamente calca os resultados da sondaxe anterior: o PSOE continúa moi distanciado dos partidos da dereita. A formación liderada por Sánchez consolídase na contorna de 30 por cento do voto (aumenta 6 décimas), en tanto que o PP, con 20,8 por cento dos sufraxios, apenas rendabiliza o ascenso de Pablo Casado á lideranza do partido (só 4 décimas máis). Tamén sobe lixeiramente Podemos, con 16,1 por cento (cinco décimas de incremento). Canto a En Marea, a confluencia experimenta unha significativa mellora nas súas expectativas, ao pasar de 0,7 a 1,1. Aínda así continúa por debaixo do 1,4 das xerais de xuño de 2016.

Iglesias pídelle explicacións a Sánchez por copiar e pegar fragmentos dunha conferencia
Sen citar a fonte

Iglesias pídelle explicacións a Sánchez por copiar e pegar fragmentos dunha conferencia

Aparentemente superado o affaire do seu máster, Sánchez lida agora cun novo asunto con aspecto de escándalo: o copia e pega de fragmentos dunha conferencia dun diplomático no seu libro La nueva diplomacia de la economía española, do que é coautor o economista Carlos Ocaña. Sánchez usou ese texto sen citar a fonte. A estratexia defensiva da Moncloa pasa por falar de "erro involuntario". Ciudadanos pide a comparecencia do titular do executivo. Podemos non apoia a moción.

A impostura de Sánchez sobre Catalunya
Editorial Sermos312

A impostura de Sánchez sobre Catalunya

 

A posición da Moncloa sobre Catalunya após o relevo de Raxoi por Sánchez é aparentemente dialogante, unha reedición da retórica do talante da época Zapatero. Mais, se...

Puigdemont, xa en Bélxica, prevé incrementar a presión sobre o goberno Sánchez

Puigdemont, xa en Bélxica, prevé incrementar a presión sobre o goberno Sánchez

Un Sánchez debilitado após se visualizar a súa fraxilidade parlamentar no debate do teito de gasto terá de lidar, á volta do verán, coa corrente soberanista catalá liderada por Puigdemont en actitude claramente de combate. "O período de graza remata", dixo este sábado, xa en Bélxica, após a paréntese alemá, o president no exilio, respaldado pola visita do president en exercicio, Quim Torra. Para Torra, o obxectivo desta lexislatura volta a chamarse referendo.

Sánchez foi Raxoi para Feixóo
Atmosfera de acordo total na primeira cimeira dos líderes galego e español

Sánchez foi Raxoi para Feixóo

Feixóo abandonou a Moncloa como se tivese ido falar con Raxoi. Mais non, foi a súa primeira cimeira con Pedro Sánchez, o retorno a unha cohabitación (presidente do PPdeG na Galiza, do PSOE en Madrid) con abondos precedentes no pasado. O líder da formación conservadora galega optou por marcar perfil dialogante e por vender acordos co titular da Moncloa. En Marea e BNG criticárono por falta de nervio reivindicativo.

Màxim Huerta sucumbe ás presións e demite ao non conseguir o respaldo de Sánchez
José Guirao, novo ministro de Cultura

Màxim Huerta sucumbe ás presións e demite ao non conseguir o respaldo de Sánchez

Màxim Huerta é xa historia e tórnase no ministro máis breve do réxime de 1978. No seu currículo só figurarán 7 días como membro do gabinete. Só puido participar nun consello de ministras e ministros. Anunciou a súa demisión en conferencia de imprensa ás 19 horas após amagar horas antes con se manter no cargo. Non achou o apoio suficiente na Moncloa e renuncia após trascender que cometeu fraude fiscal. A reacción do goberno Sánchez e do PSOE foi ambigua durante todo o día.

Huerta foi condenado por defraudar a Facenda 218 mil euros
Podemos pide a renuncia de Huerta

Huerta foi condenado por defraudar a Facenda 218 mil euros

[NOTICIA ACTUALIZADA] O ministro de Cultura vai comparecer perante os meios ás 19 horas, o que reaviva os ruxe-ruxe sobre a súa hipotética demisión após se coñecer que cometeu fraude fiscal. El País avanza que Huerta xa tería anunciado a súa renuncia á xente da súa contorna.

O BNG ponlle deberes a Pedro Sánchez
O novo presidente toma posesión nun acto sen símbolos relixiosos

O BNG ponlle deberes a Pedro Sánchez

Pouco demorou o Bloque en compor unha sorte de "axenda galega" de demandas ao novo inquilino da Moncloa.

180 votos dan a presidencia a Pedro Sánchez, tomban Raxoi e frean Rivera
As forzas soberanistas de Euskadi e Catalunya, decisivas

180 votos dan a presidencia a Pedro Sánchez, tomban Raxoi e frean Rivera

Unha coligazón heteroxénea formada por PSOE, Unidos Podemos e as forzas soberanistas vascas e catalás abriu esta sexta feira un novo ciclo político no estado. A primeira moción censura triunfante no réxime político de 1978 converteu esta sexta feira Pedro Sánchez en presidente do goberno. Cae Mariano Raxoi -que no seu discurso de retorno ao Congreso após as súas 8 horas de reclusión nun restaurante madrileño deixou ver que pretende pilotar o PP nos próximos meses- e ve freadas as súas ambicións presidenciais Albert Rivera, ao se afastar a perspectiva de eleccións anticipadas.

Pedro Sánchez:Demita e todo terminará; Mariano Raxoi: Para vosté o máis fácil sería que eu demitise
Mensaxe ao PNV: o PSOE mantería os orzamentos pactados por Sabin Etxea co PP

Pedro Sánchez:"Demita e todo terminará"; Mariano Raxoi: "Para vosté o máis fácil sería que eu demitise"

Nunha xiradela imprevista do guión, o candidato do PSOE á presidencia do Goberno, Pedro Sánchez, instou Raxoi a que renuncie. "Demita e esta moción de censura acabará aquí e agora", dixo o socialista. Demorou en contestar Raxoi, mais fíxoo de acordo co seu peculiar estilo: "Para vosté o que sería máis fácil é que eu demitise e así se aforraría vosté este debate. Para min non é duro nen desagradábel".

 

Sánchez proclama que procurará apoios entre os 350 deputados, incluídos os soberanistas
Cs anuncia o seu voto contrario

Sánchez proclama que procurará apoios entre "os 350 deputados", incluídos os soberanistas

A operación é aritmeticamente viábel. O PSOE rexistou a censura antes de Sánchez reunir a súa Executiva. A decisión estaba xa tomada onte á noite. Nunha comparecencia perante a imprensa, Sánchez anunciou que se propón formar un goberno monocor do PSOE que nun prazo indeterminado -mais non de forma inmediata- convocaría eleccións. Dixo que se dirixe aos 350 deputados, sen por tanto excluír os independentistas. Como consecuencia lóxica, Cs xa anunciou o seu voto en contra.

Lugo é pedrista: gañou Besteiro
Vitoria de Sánchez con 68,6 por cento dos votos

Lugo é pedrista: gañou Besteiro

Lugo é pedrista. A incontestábel vitoria de Pedro Sánchez nas primarias celebradas na provincia de Lugo deixa claro cales son as simpatías da militancia socialista.

As enquisas outorgan unha vitoria clara a Sánchez no debate do PSOE
Díaz non soubo responder aos ataques pola abstención a Rajoy

As enquisas outorgan unha vitoria clara a Sánchez no debate do PSOE

Sen novidade na fronte do PSOE. O debate foi unha repetición dos mantras de campaña. A saber: Susana Díaz vendeu a mercadoría do PSOE gañador de eleccións, Pedro Sánchez -vencedor na Galiza en número de avais- amartelou a súa rival coa recordación incesante da abstención socialista na investidura de Rajoy e Patxi López ensaiou a terceira vía amábel, o intento á desesperada de non ficar esmagado polo choque de trens. As enquistas post-debate deron como claro gañador Pedro Sánchez.

Na recollida de avais, Sánchez supera Díaz na Galiza e fica moi perto dela no conxunto do Estado

Na recollida de avais, Sánchez supera Díaz na Galiza e fica moi perto dela no conxunto do Estado

Por volta de 70 por cento da militancia do PSOE avalou algún dos tres candidatos en liza nas primarias. Díaz cumpriu os prognósticos -ten ao seu dispor o aparato federal e a práctica totalidade dos territoriais, coa notábel excepción do PSC- e bateu todos os récords, ao superar os 62 mil avais. Mais a surpresa, relativa, deuna Pedro Sánchez, que ficou apenas a 5 mil da política andaluza. Na Galiza, o vencedor foi o ex secretario xeral.

Baño de masas de Pedro Sánchez en Ourense

Baño de masas de Pedro Sánchez en Ourense

O establishment orgánico non está con el, mais Pedro Sánchez reuniu por volta de 600 persoas nun ateigado auditorio ourensá na súa aterraxe na Galiza. Alí prometeu un PSOE "de esquerdas, críbel e autónomo" e repartiu chiscadelas ao mundo Podemos e Marea.

x