poesia
Poesía, “alimento da alma” en Pontevedra
Festival PontePoética do 12 ao 14 de abril

Poesía, “alimento da alma” en Pontevedra

A poesía volve ocupar Pontevedra esta fin de semana, entre o 12 e o 14 de abril. O festival PontePoética atinxe a súa novena edición e farao da man de escritoras como o portugués Valter Hugo Mãe, as galegas Pilar Pallarés ou Ismael Ramos, o alemán Jan Wagner ou o español Manuel Vilas.
 

Do “intenso carácter nacional galego” de 'En las orillas del Sar'
Nova edición crítica a cargo de Anxo Angueira

Do “intenso carácter nacional galego” de 'En las orillas del Sar'

O derradeiro libro de poemas de Rosalía de Castro non foi “unha dimisión”. Ao contrario, o seu “intenso carácter nacional galego” nutre “un salto adiante definitivo” da autora. Desta tese parte o profesor Anxo Angueira na nova edición crítica de En las orillas del Sar (1884).
 

 Final do concurso de recitado de Rosalía en Outeiro de Rei
Sábado 6 de abril na Casa Manuel María

Final do concurso de recitado de Rosalía en Outeiro de Rei

“Potenciar a expresión oral e a creatividade do alumnado a través do coñecemento e o recitado da poesía en galego de Rosalía de Castro e da ampla obra poética de Manuel María” é o obxecto do concurso Rosalía Sempre Viva, que este sábado 6 de abril acolle a súa fase final na Casa Museo Manuel María en Outeiro de Rei.
 

Educación censura unha exposición de poesía escolar en Cedeira
Segundo as organizadoras da mostra

Educación censura unha exposición de poesía escolar en Cedeira

A raíz dunha “delación anónima”, sinalan desde a Coordinadora da Biblioteca Escolar Punta Candieira, de Cedeira, que defende a “liberdade de expresión” e a libre “creatividade” do alumnado. O verso "Odio España" nun dos poemas podería ser o que motivou a decisión, recoñecen desde a organización.

Callón inscribe a perda no seu segundo libro de poemas

Callón inscribe a perda no seu segundo libro de poemas

A poesía di o que non se sabe dicir. Explora áreas devastadas e censa ausencias. Enfronta o ser humano coa súa propia finitude. Intenta. Á pregunta de como rexistrar a perda procura respostas Inscricións (Galaxia, 2019), o segundo libro de Carlos Callón. “O que inscrebo / ten máis vida que quen o escrebe”, afirma un poema.
 

 O oblicuo álbum familiar da poeta Emma Pedreira
Mostra de poemas e colaxes en Compostela

O oblicuo álbum familiar da poeta Emma Pedreira

O avó da poeta Emma Pedreira era fotógrafo. O seu estudo na rúa Rego de Auga, no corazón da Coruña, recollía esa parte privada da memoria da comunidade que eran as imaxes. Vicente Lombardía morreu en 1997, anos despois de pechar a oficina e de destruír e regalar unha gran porción do seu traballo. Agás unha caixa de cartón descuberta pola familia.
 

Poesía galega contra os marcos no Porto
Sábado 30 de marzo

Poesía galega contra os marcos no Porto

“Desembarco de poesía galega no Porto”. Así define Edicións Positivas o evento que organizou para este sábado 30 de marzo na Livraria Poetria da cidade portuguesa. Oito poetas do norte do Miño, algúns con libro do trinque, lerán os seus textos a partir das 19.00 horas.
 

De cando a cor negra virou en beleza
O libro maior do martiniqués Aimé Césaire, en galego

De cando a cor negra virou en beleza

Máis que comezar, o libro desprégase. “Ao esmorecer a alba... Vaite, díxenlle, fociños de poli, fociños de vaca, vaite, non soporto os lambecús do poder e os abesouros da esperanza”, escribe o poeta. Trata do seu retorno á Martinica, como un Arredor de nós anticolonial: Aimé Césaire (1913-2008) tivera que marchar para comprenderse. Caderno dun regreso á terra natal (1939), texto decisivo para a negritude e a amplicación da poesía en lingua francesa, aparece por primeira en galego.
 

Ferrín, Zurita ou Golgona Anghel, no festival de poesía do Concello de Compostela
Alguén que respira!, do 21 ao 23 de marzo

Ferrín, Zurita ou Golgona Anghel, no festival de poesía do Concello de Compostela

A segunda edición de Alguén que respira!, o festival de poesía organizado polo Concello de Compostela co apoio da Xunta, xuntará poetas da envergadura de Xosé Luís Méndez Ferrín, o chileno Raúl Zurita ou a romanesa que escribe en portugués Golgona Anghel. A cita decorrerá do 21 ao 23 de marzo no Teatro Principal.
 

Morre o poeta Manuel Vilanova, o renovador silencioso
Autor do visionario 'E direi-vos eu do mister das cobras'

Morre o poeta Manuel Vilanova, o renovador silencioso

No medio da década dos 70, a poesía galega viviu a axitación propia dunha mudanza de época. Os manuais sinalan en primeiro lugar Con pólvora e magnolias (1976), de Ferrín, e títulos de López-Casanova ou Afonso Pexegueiro, como fitos. Pero houbo outros. Manuel Vilanova, que morreu esta cuarta feira aos 74 anos, foi talvez o máis discreto e, á vez, un dos máis radicais poetas contemporáneos.  
 

Lembrar Luísa Villalta, poeta “de inequívoca pegada feminista”
Xornada en Compostela o 6 de marzo

Lembrar Luísa Villalta, poeta “de inequívoca pegada feminista”

Cando morreu, en 2004, a poeta Luísa Villalta deixaba catro libros de poemas. Tamén varios ensaios, entre eles O outro lado da música, a poesía (A Nosa Terra, 1999), que reflexionaba sobre as súas dúas grandes paixóns. O Centro Ramón Piñeiro lémbraa este 6 de marzo na xornada Palabra de Muller, en Compostela.
 

O poeta chileno Raúl Zurita inaugura a residencia literaria promovida por Yolanda Castaño
27 de febreiro na Coruña

O poeta chileno Raúl Zurita inaugura a residencia literaria promovida por Yolanda Castaño

A Residencia Literaria 1863 é o último proxecto da polifacética escritora Yolanda Castaño. A internacionalización da literatura galega e a promoción da escrita creativa, os seus motores. Para inaugurala, contará cun dos poetas de maior relevo de Latinoamérica, o chileno Raúl Zurita (Santiago de Chile, 1950). Recitará este 27 de febreiro, ás 18.00 horas, na sede do proxecto, na Coruña.
 

Lucía Novas e a caboverdiana Vera Duarte, no Poetas Di(n)versos
Na Coruña o 25 de febreiro

Lucía Novas e a caboverdiana Vera Duarte, no Poetas Di(n)versos

Vera Duarte (Mindelo, 1952) é unha das poetas principais da lteratura caboverdiana. Autora de Amanhã amadrugada ou Exercícios poéticos, esta segunda feira recitará na Coruña, dentro do ciclo Poetas Di(n)versos, canda Lucía Novas (Bueu, 1979).
 

"Poeta independente de seu e agasallo para todas"
Críticas feministas renden homenaxe a Xela Arias

"Poeta independente de seu e agasallo para todas"

A plataforma de crítica literaria feminista A Sega e a libraría compostelá Chan da Pólvora, especializada en poesía, organizan o vindeiro 26 de febreiro unha homenaxe á poeta Xela Arias.
 

Rosalía de Castro desprégase sobre o país
Esténdense as conmemoracións do seu nacemento

Rosalía de Castro desprégase sobre o país

182 anos despois do seu nacemento en Santiago de Compostela, a figura de Rosalía de Castro non deixa de medrar. Como escritora e como símbolo. O 24 de febreiro, día do seu aniversario, medra ano tras ano como xornada de celebración da súa obra, da lingua galega, da literatura e, ao cabo, da muller rebelde e libertaria que foi. Velaquí unha compilación das ducias de actos que se despregan sobre Galiza este domingo, Día de Rosalía.
 

O “triángulo de furias” de Rosalía de Castro
Helena González propón unha antoloxía feminista da poeta

O “triángulo de furias” de Rosalía de Castro

“Isto non é outra escolma. É un reto. O reto de leres como feminista a poesía rosaliana”. Con esta contundencia abre a profesora Helena González Fernández (Vigo, 1967) o limiar a Rosalía feminista, a escolma de poemas de Rosalía de Castro que vén de elaborar para Edicións Xerais. “Deberás disporte a ler desde o 'triángulo de furias”, advirte ao lector.
 

'Sardiña': a poeta Miriam Reyes pensa a lingua
Presenta o seu primeiro libro en galego

'Sardiña': a poeta Miriam Reyes pensa a lingua

"Sardiña reflexiona sobre unha lingua que non é súa e, ao tempo, perténcelle”. Así resume a editorial Chan da Pólvora o novo libro de Miriam Reyes (Ourense, 1974), unha das poetas ibéricas de maior relevo e que agora se estrea en galego. Esta quinta feira en Compostela e a sexta en Vigo presenta a obra.
 

'Dorna' de palabras
Número 41 da máis veterana revista literaria

'Dorna' de palabras

A máis veterana das revistas literarias galegas, Dorna, vén de publicar o seu número anual, o 41. Poesía, narrativa curta, tradución, escrita dramática e poéticas compoñen este repositorio de voces novas e consagradas situadas en pé de igualdade.
 

Poemas da Galiza que se perdeu escritos en Nova York
Francisco Álvarez 'Koki' publica 'A memoria das palabras'

Poemas da Galiza que se perdeu escritos en Nova York

“Onde eu vivo viven polacos, italianos, rusos. Ninguén sabe quen son eu, nin que existe Galiza a miña patria”. E, porén, Francisco Álvarez, Koki (A Guarda, 1957), residente en Nova York desde hai décadas, resístese. “Na nosa casa fálase galego, sexa na Galiza, en Nova York ou na China”. E escríbese, porque Koki é poeta e o seu último libro titúlase A memoria das palabras (Edicións Fervenza, 2018).
 

Poesía e música tradicional focega
24 de xaneiro na Libraría Bahía

Poesía e música tradicional focega

Maraxe e Ricardo Seixo ofrecerán, esta quinta feira ás 20.30 horas en Foz, un recital de poesía e música tradicional.
 

Testemuño e memoria poética de Vietnam
Cesáreo Sánchez Iglesias publica 'As bolboretas do Mekong'

Testemuño e memoria poética de Vietnam

A contradición é tamén un dos motores da poesía. Percibiuno Cesáreo Sánchez Iglesias (O Irixo, 1951) no Vietnam, o territorio do seu último libro de poemas: “Eu tiña vontade de falar daquel país e da súa historia. Mais, ao tempo, pensaba que era cruel falar da guerra nun lugar tan fermoso”.  Decidiu asumir o paradoxo. As bolboretas do Mekong é o resultado, un extenso volume de memoria e crónica, de celebración e dó.
 

A poeta que baixou do escenario ao libro
Lucía Aldao estréase nunha editora con 'Todo isto antes era noite'

A poeta que baixou do escenario ao libro

“Hai que entreterse. / Para que o teu corpo sexa un corpo e non todos os corpos / todas as rúas / todos os versos / todas as cancións, / hai que entreterse”, escribe Lucía Aldao en Todo isto antes era noite, o seu primeiro libro nunha editora comercial. Son poemas nocturnos, urbanos e con banda sonora, experiencias no bordo do outro, un sistema de comunicación alternativo, nada autocompracente.
 

Poetas no exterior dos libros
Escolma de autoras inéditas en volume individual

Poetas no exterior dos libros

“puxémosche música electrónica / e luces rosas estroboscópicas / por enriba dos recordos e as hortensias / estabas tamén naquela rave ás 6 da mañá dando de comer ás pitas”, escribe Nuria Vil no poema A crespa de Comesaña. Vil (Vigo, 1993) é a autora que pecha Dentes para a mazá, antoloxía subtitulada Doce poetas en creación.
 

A poesía como "trato coa busca da vida"
Xerais reúne a obra pioneira de Xela Arias

A poesía como "trato coa busca da vida"

Catro libros publicados en vida e mais un inédito -Lili sen pistolas, finalista do Esquío en 1986- conforman a poesía toda de Xela Arias. Autora de universo singular e voz anticipada ás novas poéticas dos 90, a editorial Xerais vén de reunir a súa obra poética nun volume.
 

Sánchez Aríns indaga na domesticidade subalterna nos seus novos poemas

Sánchez Aríns indaga na domesticidade subalterna nos seus novos poemas

Son 11 poemas de fasquía breve pero ecos amplos, extensos. Investigan no cotián, pero nun cotián concreto e determinado. Carne da minha carne é a nova obra de Susana Sánchez Aríns, poemas do pan e da cociña da aldea. “pousar o pano branco / e deixar levedar // o milagre da massa multiplicada”, escribe no poema, como un haiku, fermento.
 

Carlos Penela gaña por segunda vez o Lorenzo Baleirón de poesía

Carlos Penela gaña por segunda vez o Lorenzo Baleirón de poesía

O poeta Carlos Penela (Vigo, 1975) vén de se facer, por segunda vez, co premio Eusebio Lorenzo Baleirón, fallado esta segunda feira na Casa da Cultura de Dodro. O seu libro O tépedo vento que pasa sobre o mundo, presentado a concurso baixo o lema Anábase,valeulle a consideración do xurado como mostra de “síntese e depuración ascensional”.
 

Dos poemas que garda a cama do avó
Celso Fernández Sanmartín publica libro

Dos poemas que garda a cama do avó

Na Cama do meu avó Manuel Sanmartín Méndez, o novo libro de Celso Fernández Sanmartín, os poemas son concretos, materiais. Do pequeno ángulo dun obxecto extraen intres decisivos. A súa ollada asombrada non despreza ningunha peza do real. “Quixen buscar un símbolo ao que agarrame para buscar consolo á falta do meu avó”, sintetiza o poeta. Atopouno nunha cama arrombada no faiado.
 

Poesía cubana e da Fonsagrada en Poetas Di(n)versos
26 de novembro na Coruña

Poesía cubana e da Fonsagrada en Poetas Di(n)versos

A penúltima sesión do ciclo Poetas Di(n)versos achega á Coruña a obra de dúas autoras procedentes de xeografías opostas, pero creadoras de poemas rebeldes, desafiantes. O cubano Víctor Rodríguez Núñez e a fonsagradina Xiana Arias estarán a segunda feira, 26 de novembro, no Centro Ágora para amosar a súa obra.
 

Poemas sobre cando puido reinar unha orde nova
Vítor Vaqueiro publica '1968'

Poemas sobre cando puido reinar unha orde nova

A poesía é tamén un exercicio sobre a propia memoria. Así parece enfocala Vítor Vaqueiro (Vigo, 1948) no seu último libro, 1968 (Laiovento, 2018). Mais nestes poemas, a memoria individual crúzase coa memoria colectiva e os múltiples rostros da rebelión constitúen a súa materia. “O 68 aínda é un ano tan significativo para a miña xeración...”, di, “puntualizo: para os que fan parte da miña xeración e non desertaron”.
 

Martiño Maseda gaña o premio de poesía Leiras Pulpeiro
Alberte Momán e Xurxo Alonso tamén foron distinguidos

Martiño Maseda gaña o premio de poesía Leiras Pulpeiro

Con Mapa de xeografía emocional, Martiño Maseda (Vilalba, 1970) acaba de se facer co premio de poesía Leiras Pulpeiro. 1.500 euros, placa e diploma conforman un galardón que convoca o Concello de Mondoñedo coa colaboración da Deputación de Lugo.
 

É visíbel a poesía?
Simposio en Compostela o 15 e o 16 de novembro

É visíbel a poesía?

A poesía moveuse maiormente nas sombras. Á marxe. Fóra dos focos que alumeraon outros xéneros no centro dos campos literarios. Por veces de maneira voluntaria, por veces non. A estas cuestións dedica a Asociación Galega de Editores un simposio en Compostela os vindeiros 15 e 16 de novembro.
 

Yolanda Castaño inaugura o “cómic poético” para a literatura galega
40 autores debuxan os seus poemas

Yolanda Castaño inaugura o “cómic poético” para a literatura galega

O diálogo entre poesía e banda deseñada era inédito na literatura galega. Non no exterior. “Este é o primeiro libro da tradición editorial galega que a fronta a descuberta do xénero internacionalmente coñecido como Comic Poetry”, explica Yolanda Castaño (Compostela, 1977), que asina os textos ilustrados por 40 autores en O puño e a letra (Xerais, 2018).
 

Poemas para a Redacción. O caso de Tanzania [por Xoán Costa]

Poemas para a Redacción. O caso de Tanzania [por Xoán Costa]

Que a poesía teña como destino revistas literarias e eruditas é algo habitual desde o momento mesmo en que as publicacións periódicas apareceron nas nosas vidas. Escritoras e escritores consagrados, ou aínda por consagrar, levaron a súa creación a esas follas impresas que chamamos periódicos. 

Laura R. Cuba gaña o Victoriano Taibo de poesía con 'a situación actual'
Poemas na intemperie neoliberal

Laura R. Cuba gaña o Victoriano Taibo de poesía con 'a situación actual'

Algunha novísima poesía parece nacer na carencia. De certa devastación arredor. A precariedade é a súa paisaxe vital. Horizontes pechados lindan o seu territorio. a situación actual, o libro co que Laura R. Cuba (Burela, 1993) vén de gañar o premio Victoriano Taibo de poesía, así o entende: “quixera romper todo / o que xa está roto”.
 

No Courel dos tesos cumes: poesía en lugares illados
Festival dos Eidos do 22 ao 26 de agosto

No Courel dos tesos cumes: poesía en lugares illados

No escenario que delimitan Paderne, Seoane, Moreda e Parada, no Courel, acontecerá o Festival dos Eidos. Será, entre o 22 e o 26 de agosto, a cuarta edición dun encontro que, promovido pola Fundación Novoneyra, xuntará escritoras e músicos galegos, irlandeses ou portugueses.

Morre Víctor Campío, poeta de "voz heraclitana"

Morre Víctor Campío, poeta de "voz heraclitana"

Dous endecasílabos pechan o soneto Se chego no solpor... de Víctor Campío Pereira: “Mais non me importa que se perda o canto. / Tanto me tén. A luz xa está perdida”. O poeta, de 90 anos, morreu esta terza feira. Deixa unha obra non moi ampla pero sólida, existencialista e clásica, civil e, como cualificou o seu colega e crítico Miro Villar, “heraclitana”.
 

x