poesia
Aderyn, poesía noise pop
Proxecto da poeta Lorena Souto e o músico David Miranda

Aderyn, poesía noise pop

Os poemas de Fase de trema (Espiral Maior, 2012) son de vocación escura. Abismáticos. Intimistas e con certa desolación como medio ambiente. Destes materiais partiron a súa autora, Lorena Souto, e o músico David Miranda para crear Aderyn, proxecto noise pop nado na diáspora galesa. Fractura é o seu primeiro disco.
Cinco poetas galegas na outra banda do Miño
Acto de Positivas en Vila Nova da Cerveira o 26 de outubro

Cinco poetas galegas na outra banda do Miño

Unha expedición de poetas galegas cruzará o vindeiro 26 de outubro o río Miño. Trátase de Arancha Nogueira, Eduardo Estévez, Xabier Xil Xardón, Quico e Raúl Gómez Pato. Lerán a súa obra na libraría Porta XIII, de Vila Nova da Cerveira.
Samuel Solleiro: escribir a verdade espida
O escritor volve á poesía con 'O mundo dos vivos'

Samuel Solleiro: escribir a verdade espida

“Non creo que escriba nunca aquela novela tan rara sobre transplantes de estómago [...] Non creo que faga un diario. Agora teño que traballar. Se fose rico, escribiría. Se fose de familia rica, escribiría”. E, porén, Samuel Solleiro (Tui, 1982), unha das máis brillantes voces da literatura galega actual, escribe, neste caso o poema en prosa Piscinas de whiskey, piscinas de café con leite, incluído no seu novo libro, O mundo dos vivos.

Guitiriz homenaxea a escritora Marica Campo e a Sara das Reixas
Organizan Nova Poesía Guitírica e Os Vilares

Guitiriz homenaxea a escritora Marica Campo e a Sara das Reixas

Nova Poesía Guitírica e Os Vilares, lareira de soños homenaxearán a escritora Marica Campo e mais Sara das Reixas. Será o vindeiro 19 de outubro na Casa Habaneira de Guitiriz, dentro do programa da entrega dos premios de micropoesía Vilariñas.
Aínda Begoña Caamaño
Homenaxe no quinto cabodano da escritora

Aínda Begoña Caamaño

Hai moitas Begoñas Caamaño. Está a activista contra o machismo. Está a escritora de dúas novelas de fundamento clásico e ollada feminista. Está a xornalista. Ningunha delas caeu no esquecemento, a xulgar pola homenaxe que, no seu quinto cabodano, organiza a Deputación da Coruña co impulso de 7H Cooperativa Cultural e Implicadas no Desenvolvemento e a colaboración do concello compostelán. Será este 13 de outubro en Compostela.
Ramiro Vidal Alvarinho presenta 'Origem e ruptura', o seu terceiro libro de poemas
11 de outubro en Ferrol

Ramiro Vidal Alvarinho presenta 'Origem e ruptura', o seu terceiro libro de poemas

Origem e ruptura (M Editora, 2019) é o terceiro libro individual de Ramiro Vidal Alvarinho (Ferrol, 1973). Épico e autobigráfico, entre a esperanza e o fatalismo, o propio autor falou ao respecto de “punto de mudanza vital e por extensión literaria”. O vindeiro 11 de outubro preséntao na Fundaçom Artábria da súa cidade natal, ás 20 horas.
De Iraq a Marín na apertura do novo ciclo Poetas Di(n)versos
7 de outubro na Coruña

De Iraq a Marín na apertura do novo ciclo Poetas Di(n)versos

Manal Al-Sheikh naceu en Nínive. Pero a segunda Guerra do Golfo enviouna ao exilio en Noruega. Desde a distancia continuou a construír unha das obras máis prestixiosas da poesía iraquí contemporánea. Este 7 de outubro recitará na Coruña canda a galega Lara Dopazo (Marín, 1985), potente voz da poesía galega última.
Rompente, poesía e insolencia
O grupo reúnense en Vigo 40 anos despois

Rompente, poesía e insolencia

Galiza espreguizábase após 40 anos de ditadura. Nas rúas decidíase entre ruptura e reforma. Nos escritorios dos poetas tamén. O grupo Rompente, cuxo núcleo formaban Antón Reixa, Manuel M. Romón e Alberto Avendaño, axiña tomou partido. E, como de deduce do seu nome, non o fixeron pola reforma. Os nenos terríbeis da poesía galega reúnense esta sexta feira, 4 de outubro, por primeira vez en catro décadas. Será dentro do Festival Kerouac.
Volve o outono poético de Allariz
VI Poemagosto do 11 ao 13 de outubro

Volve o outono poético de Allariz

Poetas, teatreiras e músicos invadirán as rúas e tabernas de Allariz na fin de semana que vai do 11 ao 13 de outubro. É a sexta edición do Poemagosto. Festival Internacional de Poesía, organizado pola Fundación Vicente Risco e mais o concello da localidade.
A poesía de Carvalho Calero volve ás librarías
Através edita unha antoloxía do autor

A poesía de Carvalho Calero volve ás librarías

Ricardo Carvalho Calero (Ferrol, 1910-Compostela, 1990) responde con exactitude á figura do polígrafo. Escritor profundo, brillante e tamén polémico sobre materias variadas e en rexistros diversos, foi ademais poeta de singular voz. A súa poesía levaba anos fóra do mercado e agora regresa ás librarías da man de Através Editora.
O berro afogado de Fiz Vergara Vilariño
Unha antoloxía rescata a obra do poeta louzarín

O berro afogado de Fiz Vergara Vilariño

Fiz Vergara Vilariño (1953-1997) foi un deses poetas que constrúen un mundo propio. E fano cos materiais que teñen máis a man, no seu caso a terra da Lóuzara Xabreira, a soidade existencial, o berro afogado. Non abundan, pero ás veces deveñen emblemas. Outras non e a desmemoria aprópiase da súa obra. Parece o caso de Vergara Vilariño, cuxa poesía rescata agora a antoloxía Non deixes que a tardiña me sorprenda.
17 poetas no xardín de medio lado
A editorial Urutau celebra nun libro tres anos entre Galiza e Brasil

17 poetas no xardín de medio lado

“as agullas dos eólicos / cosendo o tempo // as nubes / túmulos sagrados / coroando as montañas”, escribe Rebeca Baceiredo en Vésperas. É un dos poemas de Libro de horas (Urutau, 2019) e Baceiredo, unha das 17 autoras que reúne Un xardín de medio lado, subtitulado 17 poetas da Urutau na Galiza. Que cose non o tempo, senón dúas beiras do mundo galego portugués, Galiza, Portugal e Brasil.
O correo poético de Lupe Gómez
Libro de cartas da escritora

O correo poético de Lupe Gómez

A poeta Lupe Gómez (Fisteus, Curtis, 1972) escribe cartas. E ademais envíaas por correo postal. Os seus correspondentes, diversos, son a miúdo tamén escritoras e escritores. Fosforescencias titúlase o volume que recolle un bo monllo delas, todas de 2012, e que a finais de ano publicará Alvarellos.
 Quince anos sen Manuel María
A Irmandade conmemora o cabodano do poeta

Quince anos sen Manuel María

A Irmandade Manuel María conmemora o vindeiro 8 de agosto 15 anos do pasamento de Manuel María. Farao cunha xornada con epicentro en Outeiro de Rei, lugar natal do poeta en 1929, e título Memoria da Chaira Enteira.
Música, danza e poesía no Courel dos tesos cumes
Festival dos Eidos do 23 ao 25 de agosto

Música, danza e poesía no Courel dos tesos cumes

O territorio real que deu lugar a un dos mundos poéticos máis determinantes da literatura galega contemporánea acolle esta fin de semana a quinta edición do Festival dos Eidos. Música, danza ou poesía conforman un programa “multidisciplinar” cuxa sede será a casa natal de Uxío Novoneyra, autor dos Eidos, pero estenderase por toda a aldea de Parada entre o 23 e o 25 de agosto.
Celebrar a poesía á intemperie de Xela Arias
15 de agosto, Día das Galegas nas Letras da Sega

Celebrar a poesía á intemperie de Xela Arias

Apenas catro libros publicados entre 1986 e 2003 e dous inéditos compoñen a obra completa de Xela Arias (Sarria, 1962-Vigo, 2003), espida e radical, tensa e singular. Abondo para que sexa influínte e reivindicada polas novas promocións de escritoras. As agrupadas na plataforma de crítica feminista A Sega celébrana este 15 de agosto en Vigo: é o Día das Galegas nas Letras.
Sarrionandia e Cuixart prologan o libro do Festival de Poesía do Condado
31 de agosto en Salvaterra do Miño

Sarrionandia e Cuixart prologan o libro do Festival de Poesía do Condado

Un ensaio sobre participación política e solidariedade internacionalista abre o libro da 33ª edición do Festival de Poesía no Condado. “Facer política. Co inxusta, inexpugnábel e corrupta que é a política. Pois precisamente por iso cómpre facer política”, di. Escríbeo un dos grandes autores vascos vivos, case un mito: Joseba Sarrionandia (Iurreta, Euskadi, 1958).
Haikus para rostros migrantes
Manuel Rivas e Manuel Álvarez publican 'Sementeira Porträts'

Haikus para rostros migrantes

Sementeira Porträts son 42 poemas para 42 retratos. “A man sincera. / País, corazón, portátil. / Emigrar? Ir dar”, escribe Manuel Rivas, autor dos textos que acompañan as fotografías de Manuel Álvarez. Á Sociedade Galega Sementeira de Basilea, en Suíza, pertencen os retratados. A asociación encargouse de publicar o volume.
Miguel Sande gaña o Premio de Poesía Afundación
Os filósofos xa non brindan con cicuta

Miguel Sande gaña o Premio de Poesía Afundación

Os filósofos xa non brindan con cicuta é o poemario co que o xornalista e escritor Miguel Sande gañou o Premio de Poesía Afundación, de entre 30 obras inéditas apresentadas.

A poeta Dolors Miquel traduce Míriam Ferradáns ao catalán
'Noms de fum'

A poeta Dolors Miquel traduce Míriam Ferradáns ao catalán

“É difícil entender a tribo, / pertencer sen ser devorado. [...] É difícil a tribo, levar o seu nome”, escribe Míriam Ferradáns na penúltima páxina de Nomes de fume (Espiral Maior, 2017). A obra, o seu primeiro libro con distribución comercial, é unha indagación adusta e inclemente sobre a familia, a comunidade, o loito. Celebrado por crítica e lectorado, a poeta Dolors Miquel vén de traducilo ao catalán.

Xavier Queipo e Ramón Neto presenta o seu libro de poemas a dúas mans
Compostela 11 de xullo

Xavier Queipo e Ramón Neto presenta o seu libro de poemas a dúas mans

Minutos para medianoite (Galaxia, 2019) “esculca na zona iluminada polo foco da luz, ao tempo que estende a circunferencia do misterio que o arrodea”. Son poemas compartidos, escritos por Xavier Queipo (Compostela, 1957) e Ramón Neto (Illa de Arousa, 1975), expatriados en Bruxelas e poetas.

O poeta berciano Juan Carlos Mestre estréase en galego
Publica '200 gramos de patacas tristes'

O poeta berciano Juan Carlos Mestre estréase en galego

Certa crítica cualifica a súa poesía de surrealista, mais Juan Carlos Mestre (Vilafranca do Bierzo, 1957) adoita matizar e explica que cada verso seu nace “da interiorización dunha experiencia vital”. De atender ao poeta, diríase que a vida o levou á lingua galega. Neste idioma estréase con 200 gramos de patacas tristes (Espiral Maior, 2019).

'Si o mar tivera varandas', primeiro clip do novo disco de Tino Baz
O traballo preséntase na Guarda on 11 de xullo

'Si o mar tivera varandas', primeiro clip do novo disco de Tino Baz

“Pasa, río, pasa, río, / co teu maino rebulir; / pasa, pasa antre as froliñas / color de ouro e de marfil, / a quen cos teus doces labios / tan doces cousas lles dis”, comeza o poema número 19 de Cantares Gallegos e a letra da primeira canción de Si Cantas, es ti que cantas, o novo disco de Tino Baz.

Silvio, poesía de amor: sobre o que ama e sobre o que odia
Tese de Leticia Carrera na Universidade de Santiago

Silvio, poesía de amor: sobre o que ama e sobre o que odia

A xeografía das cancións de Silvio Rodríguez é ampla. Santiago de Chile, praia Girón, Nicaragua, Camagüey, óleo dunha muller con sombreiro, aquel mar de serpes. Entre Woody Guthrie e César Vallejo, entre Leo Brouwer e Benny Moré, crónica dun século convulso e esperanzado, a súa obra encarna a arte de intervención e elevadísima esixencia formal. Leticia Carrera Pérez vén de obter sobresaliente cum laude pola tese en que estuda a súa lírica de días e flores.

Poesía entre os hórreos do mar
Festival Fala o Mar o 5 e 6 de xullo en Combarro

Poesía entre os hórreos do mar

A poesía apropiarase das estreitas, retortas, históricas rúas de Combarro (Poio) o 5 e o 6 de xullo. O festival Fala o Mar, organizado pola asociación cultural Armadiña, xuntará poetas, performers, proxección e mesmo obradoiros de creación.

Pilar Pallarés, Escritora na súa Terra da AELG
Sábado 29 de xuño

Pilar Pallarés, Escritora na súa Terra da AELG

A poeta Pilar Pallarés (Culleredo, 1957) ten un ritmo demorado de publicación, Apenas cinco libros en 30 anos. Porén, a súa obra conta entre as máis determinantes da poesía galega recente. Este sábado, 29 de xuño, recibe o recoñecemento dos seus colegas: a Asociación de Escritoras en Lingua Galega distínguea como Escritora na súa Terra.

Chus Pato: poemas sobre a vida contraria á mercadoría
'Un libre favor' é o seu décimo primeiro libro

Chus Pato: poemas sobre a vida contraria á mercadoría

Son voces que cantan á igualdade, refugan a idea de propiedade, pensan a vida como antítese da mercadoría. Atravesan tecidos vexetais, edificios que vibran, ao fondo os faros, deuses, pedras, os animais, incluídos os sapiens. Un libre favor (Galaxia, 2019), décimo primeiro libro de Chus Pato, explora ademais o que a autora denomina “contención do eu autorial” na escrita.

Unha canle trinacional para a poesía
O editor da galego brasileira Urutau reivindica a literatura como apertura ao diferente

Unha canle trinacional para a poesía

En Se calhar não é o tempo o que importa, a poeta Eli Ríos (Londres, 1976) afonda na investigación formal que iniciara en Culpable (Xerais, 2017). O poema estala e incorpora todo tipo de materiais, os ritmos desfigúranse, hai onirismo e ataques frontais ás escravitudes da vida cotiá. É, ademais, un dos últimos títulos de Urutau, recente e activa editora galego brasileira cuxa sección na Galiza dirixe Wladimir Vaz.

As mil vidas de Serafín Ferro
A editora Chan da Pólvora homenaxea o poeta

As mil vidas de Serafín Ferro

Poeta el mesmo, inspirador de dous dos grandes libros de Luis Cernuda, actor no lendario filme L'espoir (Serra de Teruel) de Malraux, alistado na Lexión cos nacionais para axiña fuxir e combater pola República na Guerra Civil. A biografía do coruñés Serafín Ferro contén un cento de vidas. É a escollida pola editorial Chan da Pólvora para a súa iniciativa Día do Orgullo Galego.

'O des-en-freo', un documental sobre a poeta Emma Pedreira
17 de xuño na Coruña

'O des-en-freo', un documental sobre a poeta Emma Pedreira

A súa extensa e influínte obra poética comezou hai 20 anos con Diario bautismal dunha anarquista morta e chega a Antídoto (2018). Narradora premiada -vén de gañar o Jules Verne de literatura xuvenil-, Emma Pedreira (A Coruña, 1978) e agora obxecto de O des-en-freo, un documental de Daniel Chapela, Beatriz Pereira e Sara Piñeiro.
 

Un poema esquecido de Celso Emilio Ferreiro en homenaxe a Manuel Antonio
Publicado en La Noche en 1960

Un poema esquecido de Celso Emilio Ferreiro en homenaxe a Manuel Antonio

A Manuel Antonio; sempre no mar é un poema esquecido de Celso Emilio Ferreiro. Non se trata dun inédito, dado que se publicou o 24 de agosto de 1960 en La Noche, mais si descoñecido. Non aparece recollido na Poesía Galega Completa (Xerais, 2004) nin nos máis antigos tres tomos da Obra completa (Akal, 1978-1981). Exhumouno o crítico e ensaísta Xesús González Gómez.

A segunda vida de 'Estirpe'
O Concello de Redondela reedita o fundamental libro de Ferrín

A segunda vida de 'Estirpe'

Era 1994 e Europa entraba en fase histórica descoñecida. O esboroamento do bloque do leste modificábao todo. O poeta, en todo caso, decide contradicir o curso dos acontecementos e homenaxea Fidel Castro. Escribe unha pregaria polos labregos desposuídos de terra e casa -si, en 1994-. Lembra mods e rockers na súa mocidade. O poeta chámase Xosé Luís Méndez Ferrín e o libro, Estirpe. O Concello de Redondela reedítao 25 anos despois.

O Condado dedica o seu festival de poesía ao internacionalismo
A súa edición número 33 será o 31 de agosto

O Condado dedica o seu festival de poesía ao internacionalismo

Internacionalismo, ternura dos povos é a palabra de orde da 33ª edición do Festival de Poesía do Condado. Recitais, teatro, exposicións, palestras e concertos conforman a oferta dun dos encontros máis veteranos do verán galego, que este ano decorrerá o 31 de agosto en Salvaterra de Miño.

Muiñeira, bulería e jazz para celebrar o Lorca galego
'Lorca namorado' estréase o 30 de maio

Muiñeira, bulería e jazz para celebrar o Lorca galego

As catro viaxes a Galiza de Federico García Lorca aínda non remataron. No seu esteiro naceron edicións e reedicións dos Seis poemas galegos -dúas no último ano-, roteiros que lembran o paso do poeta ou posicionamentos a prol dun Día das Letras para o escritor. E este 30 de maio, na Praza da Quintana de Compostela, estrearase un espectáculo musical ambicioso e mestizo, Lorca namorado.
 

Arancha Nogueira gaña o Johán Carballeira  cun libro de “nostalxia da infancia”
Xerais publicará 'O silencio das gaivotas'

Arancha Nogueira gaña o Johán Carballeira cun libro de “nostalxia da infancia”

A infancia é época propicia á poesía. Polo menos a esa poesía que responde á definición da capacidade de se emocionar como se cada vez fose a primeira vez. Algo diso contén, a dicir da súa autora, O silencio das gaivotas, o libro co que Arancha Nogueira vén de gañar o premio Johán Carballeira do Concello de Bueu.
 

Manuel Miragaia presenta o seu último libro, 'Galeguia'
Quinta feira 23 de maio en Compostela

Manuel Miragaia presenta o seu último libro, 'Galeguia'

Unha conferencia a dúas voces, de título Momentos de Galiza e Portugal, servirá a vindeira quinta feira, 23 de maio, para presentar a última obra de Manuel Miragaia (A Coruña, 1958), Galeguia. Será no Espazo Enocultural Vide, Vide! de Compostela ás oito e media do serán.
 

Poemas como filmes
Eduardo Estévez publica '[sen-fin]'

Poemas como filmes

Unha persoa sentada na cociña. Penumbra. Despois, a mesma persoa nun deserto. Está calmada, pero o seu rostro axítase lenemente. A imaxe regresa á cociña. Parece unha secuencia dun filme pero é o núcleo argumental dun poema. En concreto, dun poema do último libro de Eduardo Estévez, [sen-fin] (Positivas, 2019).
 

“Sinto que o recoñecemento da Universidade do Ceará é á miña xeración”
Cesáreo Sánchez Iglesias, escritor

“Sinto que o recoñecemento da Universidade do Ceará é á miña xeración”

O poeta que publicou hai 41 anos Silencios e conversas de inverno -primeiro elo dunha longa cadea de títulos-, activista cultural e social, figura inevitábel da literatura contemporánea, recibe a vindeira semana a medalla de mérito artístico Alberto Nepomuceno da Universidade Estadual do Ceará do Brasil. “Sinto que é un recoñecemento á miña xeración”, di Cesáreo Sánchez Iglesias a Sermos Galiza, “e acéptoo con todo o pudor e toda a sincera humildade”.
 

Pallarés e a estadounidense Mary Jo Bang len poemas na Coruña
Poetas Di(n)versos o 13 de maio

Pallarés e a estadounidense Mary Jo Bang len poemas na Coruña

A penúltima sesión do curso de Poetas Di(n)versos xuntará na Coruña dúas potentes voces femininas, a de Pilar Pallarés (Culleredo, 1957) e a da estadounidense Mary Jo Bang (Waynesville, Missouri, 1946). Será esta segunda feira, 13 de maio, no Auditorio do Centro Ágora.
 

A música de Pondal, en Compostela
Presentación de 'Pondaliana' o 8 de maio

A música de Pondal, en Compostela

Pondaliana son 15 poemas de Eduardo Pondal con ilustracións de Leandro Lamas e música de máis dunha ducia de artistas. En formato libro disco, editado pola Asociación Socio-Pedagóxica Galega (AS-PG) e A Mesa pola Normalización Lingüística, o traballo preséntase esta cuarta feira, 8 de maio, en Compostela, da man da Asociación Cultural O Galo.
 

A videopoesía perplexa de Antón Reixa
Estrea 'Melancoholemia' no Festival de Cans

A videopoesía perplexa de Antón Reixa

De quen é a culpa de que o cadáver saia movido na foto? A que soa un reggaeton sinfónico? É o sampler o mecanismo axeitado para escribir o século XXI? Que contén, a estas alturas, o submarino ruso Kursk, afundido en 2000? A poesía serve tamén á hora de procurar respostas a preguntas difíciles. Sábeo Antón Reixa (Vigo, 1957) e a iso dedica a súa nova proposta, Melancoholemia. Vida de Lonsome Mamarracho – Persoa, que se estreará no Festival de Cans.
 

“Hai persoas que realizan actos de poesía aínda que despois non escriban un só poema”
Entrevista a Olga Novo

“Hai persoas que realizan actos de poesía aínda que despois non escriban un só poema”

A Feliz Idade (Kalandraka, 2019) da poeta Olga Novo (Vilarmao, A Pobra do Brollón, 1975) é a da creación. A da creación humana e a da creación poética. Salmo vitalista e pregaria pola liberdade, composicións que cantan á materia e cantan á memoria, salutación aos outros, funde poesía e amor. “como o útero me medra / ata alcanzar a dimensión exacta / da poesía”, escribe en Premontaña. “Que toda herdanza sexa a do amor e non a propiedade”, afirma na Carta limiar que endereza á filla acabada de nacer. Novo explica a Sermos Galiza o contexto e as forzas que operan no seu quinto libro de poemas. Eis un extracto da entrevista publicada no semanario en papel.

Mondoñedo é Poesía homenaxea O Pallarego
1 de maio de 2019

Mondoñedo é Poesía homenaxea O Pallarego

Manuel Ledo Bermúdez foi, canda Cunqueiro ou Xosé Díaz Jácome, un dos recuperadores en Modoñedo da tradición dos maios. E foino na Segunda República. O festival Mondoñedo é Poesía homenaxea na súa sexta edición O Pallarego -o seu alcume. Será este 1 de maio.