O colectivo PACs en pé de guerra transmitiu publicamente a súa indignación polo trato dado ao seu comité de folga na reunión mantida coa Consellaría de Sanidade. Acúsana de non querer escoitar ao comité e de non consideralo como “lexítimo representante” das traballadoras e traballadores.
Unha maré de persoas respondeu á convocatoria de SOS Sanidade Pública contra os recortes sanitarios e contra a precarización. Feixoo, deslocado a Madrid para participar na manifestación de PP, Ciudadanos e Vox contra o Goberno de Pedro Sánchez, foi o gran protagonista das consignas que se berraron en Compostela.
A plataforma PACS en pé de Guerra vén de concentrarse perante o Parlamento de Galiza en protesta contra a falta de recursos humanos e materiais e demandando melloras no seu labor existencial. A protesta coincide coa Comisión de Investigación no Parlamento pola morte dun paciente no PAC da Estrada.
Manuel Martín, médico de Atención Primaria e portavoz da plataforma SOS Sanidade Pública, radiografía nesta entrevista concedida a Sermos Galiza os motivos dos atrasos na expedición de citas médicas, das demoras excesivas nas salas de espera dos centros de saúde ou do estado de saturación que padece o persoal facultativo. Centra a súa crítica no Goberno de Alberto Núñez Feixóo, a quen acusa de recortar orzamentos na sanidade pública e de favorecer a sanidade privada.
Retrasos na expedición de citas, demoras excesivas nas salas de espera dos centros de saúde, profesionais saturadas e saturados… Estas son algunhas das consecuencias da política de substitucións do Sergas nos meses de verán e que son cuestionadas pola maioría de axentes que interveñen na atención primaria. Eis un extracto da reportaxe publicada no número 307 de Sermos Galiza.
A Comisión Europea propón recortes nas axudas agrarias e de cohesión para o período 2021-2027, dúas das políticas que tiñan Galiza como un dos países destinatarios. O impacto da tesoirada preocupa e non se limita ao sector primario. Eis un extracto da reportaxe publicada ao respecto no Sermos Galiza 296.
“Non está xustificado un recorte coma este, é facernos traballar en situacións de total precariedade”. Esta é a opinión de Pilar Fernández, fiscal especializada en violencia machista, sobre a falta de substituta ou substituto do xuíz titular desta sección nos xulgados da Coruña. A funcionaria responsabiliza a Xunta de falta de compromiso político na loita contra esta problemática estrutural.
Baixo o eufemismo das externalizacións agóchanse millóns de euros destinados á privatización, un negocio que lastra a sanidade pública galega. Por algo o noso país é un dos territorios do Estado que máis privatización soporta neste ámbito. Deixamos un extracto da reportaxe que publicamos no Sermos Galiza 228 e no que explicamos que o 2017 enceta, a nivel sanitario, con máis recortes e maior lucro para as grandes empresas.
Cisma na socialdemocracia gala, após o novo primeiro ministro, Manuel Valls, anunciar un xigantesco recorte no gasto público de 50.000 millóns de euros, un plano aplaudido desde a contorna de Sarkozy. "Miterrand fixo que Franza se desfixera do comunismo. Hollande vai facer que Franza se desfaga do socialismo", din desde a dereita.
Profesor, economista e sindicalista, Xabier Pérez Davila vén de publicar o libro A batalla polas pensións (1981-2013) (Estaleiro Editora), un volume no que bota abaixo a falacia da crise do sistema de pensións que o PP converte en argumento para xustificar os recortes. Pérez Dávila sostén que o sistema é sólido e a reforma responde a intereses do capital financeiro.
Nunha xornada que se prolongará durante todo o sábado, as ANPAS de toda Galiza analizarán este sábado día 9 en Lugo a situación do ensino público. Os recortes están a facer que os colectivos de nais e pais teñan que asumir, de maneira voluntaria, cada vez un maior número de servizos que terían que ofrecer a administración. Son as outras vítimas dos recortes educativos.
Após unha primeira xuntanza realizada nas últimas semanas entre as ANPAS lucenses en que se acordou reclamar á Xunta a retirada do decreto dos comedores, o sábado 9 de novembro son as ANPAS de toda Galiza as que están chamadas a un encontro na cidade amurallada para analizar a situación do ensino público.
Xornadas laborais "abusivas e estresantes", incumprimentos en prevención de riscos, insuficiencia de persoal e "minoración" na atención directa aos e ás usuarias. Son as denuncias que o Comité de empresa dos centros dependentes de Benestar transladaron a Beatriz Mato nunha 'misiva' de 7 metros de longo por 1,5 de ancho.
A Plataforma polo dereito ao aborto e a Plataforma galega en defensa dos servizos públicos concentráronse na Coruña, onde o vicepresidente da Xunta --Alfonso Rueda-- e o delegado do Goberno español na Galiza --Samuel Juárez-- inauguraban o ano xudicial do TSXG. Tamén estaba Velaluz, que cumpre dez días en folga de fame.
Médico e portavoz da Plataforma pola defensa da sanidade pública de A Coruña, Ramón Veras analisa nesta entrevista os efectos dos recortes que poñen en cuestión o concepto universalidade da sanidade pública. Ao seu ver, que os concellos asuman o repagamento de fámacos "dun modo provisorio, pode ser a única axuda para persoas en situación de emerxencia social que o PP deixa sen cobertura e castiga cun repago inxusto".
Coa vista posta na mobilización do próximo 28 de setembro, A Plataforma Galega en defensa do Ensino Público promove unha concentración diante da Consellaría neste día de inicio de curso para denunciar o “desmantelamento” do ensino público. Lomce, menos profesorado e insuficientes prazas de infantil, pago de comedores e concertos con centros que segregan son algúns dos temas cos que xustifican a mobilización.
