renfe
Vítimas do Alvia pide a comparecencia dos acusados de borrar datos do convoi sinistrado
Renfe afirma "descoñecer" os feitos

Vítimas do Alvia pide a comparecencia dos acusados de borrar datos do convoi sinistrado

A Audiencia Provincial da Coruña recibiu a petición da Plataforma de Vítimas do Alvia de que comparecesen as persoas acusadas de ordenar o borrado de datos do convoi sinistrado, suscrita polo avogado do maquinista imputado. Renfe afirmou "descoñecer" os feitos. O BNG pide chamar a "responsábeis" de Talgo e solicitará que se reactive a comisión de investigación no Congreso.
A Audiencia retrasa o ditame sobre Angrois após a declaración do ex mecánico

A Audiencia retrasa o ditame sobre Angrois após a declaración do ex mecánico

A Audiencia Provincial da Coruña recibiu a declaración dun ex traballador de Talgo. Nela explica que examinou o Alvia-01455 os días antes do accidente de Angrois e detectou unhas "avarías" cuxo rexistro sería forzado a borrar. A sala concede tres días ás partes que recorreron o feche da investigación, unha delas a Plataforma de Vítimas, para achegaren nova documentación.
A CXT advirte que Renfe vulnerou o dereito á folga

A CXT advirte que Renfe vulnerou o dereito á folga

Despois de catro días de folga, a representación sindical constata que as mobilizacións permitiron implantar na opinión pública a necesidade de “máis contratación e novos trens e menos inversión en infraestrutura”.
A folga en Renfe afectará 30 trens na Galiza na fin de semana
De sexta a domingo

A folga en Renfe afectará 30 trens na Galiza na fin de semana

A chamada fin de semana de ‘operación retorno’ contará con 30 comboios menos na Galiza debido á folga en Renfe. Os paros parciais convocados pola Confedración Xeral do Traballo comezan esta sexta feira 30 de agosto e rematarán domingo 1 de setembro.

Unha nova greve ferroviaria por falta de persoal suficiente

Unha nova greve ferroviaria por falta de persoal suficiente

En 2018 máis de 5.200 trens de media distancia da Galiza fixeron os seus traxectos sen persoal de intervención a bordo, sen ninguén por tanto que puidese atender as persoas viaxeiras. Esta é unha das razóns que levaron a CGT, sindicato maioritario no sector, a convocar unha greve en RENFE e ADIF esta cuarta feira 14 de agosto. 
A folga en Renfe acada o 70% de seguimento cuns servizos mínimos que cualifican de “abusivos”
Denuncian incumprimento do convenio

A folga en Renfe acada o 70% de seguimento cuns servizos mínimos que cualifican de “abusivos”

Cifran en máis dun 70% o seguimento da folga en Renfe convocada por Comisións Obreiras para esta segunda feira 15 de xullo co obxectivo de denunciar os incumprimentos da empresa sobre o convenio. Segundo informa a sección ferroviaria de CCOO na Galiza, o paro foi secundado de maneira maioritaria polo persoal “con posibilidade de facer folga”, e denuncian o estabelecemento duns servizos mínimos “abusivos”.

A accesibilidade en Renfe, materia pendente
Mobilidade e dereitos

A accesibilidade en Renfe, materia pendente

A separación entre as plataformas e as portas dos trens media distancia e rexionais que circulan na Galiza é superior ao medio metro, o que supón un perigoso obstáculo para moitas usuarias e usuarios e a imposibilidade de coller este medio de transporte para persoas con diversidade funcional naquelas estacións que carecen de servizo Atendo (só seis localidades contan con el de forma permanente).

O xuíz exixe a Renfe toda a información sobre as advertencias da curva de Angrois

O xuíz exixe a Renfe toda a información sobre as advertencias da curva de Angrois

Outorga ao organismo público tres días para lle informar das decisións adoptadas após recibir o correo electrónico no que o xefe de máquinas de Ourense advertía das deficientes medidas de seguridade no tramo do Alvia sinistrado. Adif asegura que só tivo coñecemento das advertencias do xefe de máquinas hai un mes. O BNG e AGE demandan no Parlamento a creación dunha comisión de investigación perante "o revelador documento" que, din, "contradí as declaracións dos responsables de ADIF". 

O xefe de Renfe volve falar de "atentado" en Angrois durante unha entrevista

Ao ser corrixido polo xornalista recoñece que foi un "lapsus", mais reitera que "nun primeiro momento pensouse que podía ser un atentado e desprazáronse os tedax". Insiste en que a vía é "completamente segura" e que "antes de final de ano estará resolto" o problema co sistema de freado ERTMS, asegurando que funcionará en todo o traxecto

O maquinista, en liberdade con cargos e sen pasaporte

O maquinista, en liberdade con cargos e sen pasaporte

Francisco José Garzón, o maquinista do tren accidentado en Angrois, ficou en liberdade con cargos após declarar por espazo de case dúas horas ante o xuíz. Garzón admitiu que cometeu unha imprudencia. O maxistrado retiroulle o pasaporte por espazo de 6 meses e inhabilitouno para conducir trens, tamén durante un tempo cautelar de 6 meses. Con todo, o maquinista esquiva o pior escenario para el, o ingreso en prisión imediato.