salvemos-cabana
Esixen a drenaxe e selado das balsas do Monte Neme por risco de accidentes e toxicidade
Catástrofe ambiental

Esixen a drenaxe e selado das balsas do Monte Neme por risco de accidentes e toxicidade

O colectivo Salvemos Cabana pide a drenaxe e selado das balsas mineiras no Monte Neme ante o risco potencial de accidentes e a toxicidade demostrada da auga, derivada da actividade mineira nesta zona. Alertan tamén do desprendemento de taludes que poden ser moi perigosos xa que ás veces caen en pico a decenas de metros e non existe ningún perímetro de seguridade marcado polas administracións.

“Coa voadura perdeuse a riqueza paisaxística e patrimonial dun espazo singular da Costa da Morte”
Moncho Varela, voceiro de Salvemos Cabana

“Coa voadura perdeuse a riqueza paisaxística e patrimonial dun espazo singular da Costa da Morte”

A singular formación granítica coñecida como o Penedo do Castelo foi voada pola empresa Naturgy para a colocación dun novo aeroxerador eólico na serra do Gontón, entre Cabana de Bergantiños e Zas, tal e como denuncian desde a asociación Salvemos Cabana. Sermos Galiza conversa sobre esta e outras agresións á zona co seu voceiro, Moncho Varela.