sermos332
“O pensamento e a escrita e a arte son sobre todo un exercicio de sentido do humor”
Antón Lopo, escritor e editor

“O pensamento e a escrita e a arte son sobre todo un exercicio de sentido do humor”

Extraordinario (Galaxia, 2018) é unha historia de emancipación. De opresión e liberdade. De identidades sufocadas e ningún medo a voar. O relato en primeira persoa da construción dunha vida non dominada. A novela que lle valeu a Antón Lopo (Monforte de Lemos, 1961) o premio Narrativa Breve Repsol tamén se pode ler, explica o autor, “como un longo poema en prosa”. Que, dalgunha maneira, engade, arremeda o conto do parrulo feo. “Subxace a cuestión do monstro”, afirma a Sermos Galiza, “porque o monstro tamén é extraordinario, aquilo que non encaixa na idea obvia de normalidade. O artista, por exemplo”. Fundador da editorial de poesía Chan da Pólvora hai case tres anos, poeta, performer, as estratexias artísticas de Lopo non respectan ningunha fronteira. Eis un extracto da entrevista publicada no número 332 de Sermos Galiza.

“A conciliación é unha falacia”
Patricia Mariño, avogada da CIG

“A conciliación é unha falacia”

Entrevistamos Patricia Mariño, a avogada da CIG que se ocupou do caso da empregada de Termocalor acosada polo xerente á volta dunha baixa por maternidade, cando o Supremo vén de confirmar a sanción de 20.000 euros á empresa viguesa. “Non podiamos falar con ela”, “Estaba nun cuarto apartada”, “Con ela tiña trato de ignorala e desprezo”, “Están tratando claramente de facerlle a vida imposíbel para que marche”, “Todo o que lle están facendo é polos embarazos e pola redución de xornada”… son algunhas das manifestacións de compañeiros e compañeiras da acosada recollidas no informe da Inspección de Traballo. Eis un extracto da conversa.

Ferrol, a cidade da oportunidade única
ANÁLISE

Ferrol, a cidade da oportunidade única

Máis unha entrega da análise sobre a situación política nas cidades e as perspectivas electorais de cara ao mes de maio. Neste caso, poñemos o foco en Ferrol, cidade onde nunca recuncou un alcalde. Todo apunta a que historia voltará a repetirse, pois as posibilidades de que o actual rexedor, Jorge Suárez (Ferrol en Común) repita no cargo son remotas debido ás feblezas do seu Goberno e á división do que se deu en chamar confluencia. Eis un extracto da análise publicada no número 332 de Sermos Galiza.

Presas con discapacidade: duplo cativerio
Discapacidade e presidio na Galiza

Presas con discapacidade: duplo cativerio

Son persoas con discapacidade xulgadas e condenadas a unha pena de prisión. Comparten módulos e un réxime interno de carácter disciplinario moi estrito que malia todo busca a rehabilitación das reclusas e reclusos en igualdade de condicións e oportunidades. No seu caso a realidade debuxa un escenario inzado de límites. No acceso á xustiza, á sanidade, ás comunicacións. Son máis vulnerábeis e teñen dificultades engadidas á hora de exerceren e de reclamaren os seus dereitos. Contan con persoal de apoio dentro e fóra da cadea, pero non abonda. Eis un extracto da reportaxe, publicada no número 332 de Sermos Galiza.

Día da Candeloria, o acervo apropiado polo cristianismo

Día da Candeloria, o acervo apropiado polo cristianismo

Aínda que sen a forza doutras datas, no calendario da cultura popular galega o Día da Candeloria ocupa un lugar preeminente, como proba o feito de ser protagonista de múltiples refráns que perviven na actualidade. Eis un extracto da información publicada ao respecto no número 332 de Sermos Galiza.

Editorial Sermos332: Democracia, soberanía, Venezuela

Editorial Sermos332: Democracia, soberanía, Venezuela

Hai todas as razóns do mundo para condenar o golpe en curso en Venezuela. As razóns da democracia, da legalidade internacional e da defensa da soberanía, do dereito de todo pobo a resolver os seus asuntos sen inxerencias externas. E só hai unha razón para se posicionar cos...

"Maduro está disposto a falar con Guaidó ou con calquera"
Martín Pacheco, cónsul de Venezuela

"Maduro está disposto a falar con Guaidó ou con calquera"

É a voz da revolución bolivariana no noso país. Antigo director de Comunicación de Hugo Chávez, Martín Pacheco, cónsul de Venezuela en Vigo, ten claro que a saída ao conflito político que vive o seu país é a que apoian actores internacionais como México e Uruguai. Aposta, pois, nun diálogo aberto coa oposición, mais desde o respeito á soberanía nacional, nas antípodas do intervencionismo de Washington e Bruxelas. Eis un extracto da conversa publicada no número 332 de Sermos Galiza.