sermos338
Unha grande ofensiva contra un avanzo: a suba do SMI

Unha grande ofensiva contra un avanzo: a suba do SMI

O aumento do salario mínimo activouse o 1 de xaneiro e xa foi responsabilizado da destrución de emprego e da ralentización do medre económico. Un discurso de ofensiva mediática, patronal e tamén política que deixa case sen marxe de manobra as voces que sosteñen que, se ben na boa dirección, esa suba é insuficiente. Eis un extracto da reportaxe publicada no número 338 de Sermos Galiza.

As aldeas das mulleres libres
En Quenia e no Curdistán

As aldeas das mulleres libres

En todo o mundo, a sociedade ten que se enfrontar a unha opresión estrutural, o patriarcado, que exerce a súa violencia contra as mulleres de moitos xeitos. Mentres que en occidente pode ser un machismo máis velado, noutros lugares a violencia está tan normalizada que as violacións, agresións e mesmo asasinatos de mulleres forman parte do día a día. Así é que en países tan distantes como Quenia e Siria chegouse a unha solución drástica: fundar aldeas só de mulleres. Ambas persisten grazas á vida comunitaria e á autosostibilidade. 

O superpoder de comercializar os teus óvulos

O superpoder de comercializar os teus óvulos

Buses, marquesiñas, pantallas xigantes, voandeiras e mesmo axendas universitarias. As unidades de reprodución asistida que existen na Galiza levan anos a encher o país con publicidade para captar doantes de óvulos. O negocio que se vende como un xesto altruísta ten un público concreto: mozas e precarias que chegan a percibir até 1.000 euros como compensación económica por pasar un tratamento de sobrehormonación e unha intervención cirúrxica ambulatoria. Eis un extracto da reportaxe publicada no número 338 de Sermos Galiza.

As mártires de Paramos

As mártires de Paramos

O 5 de marzo de 1949 eran asasinadas nun enfrontamento coas forzas da orde as guerrilleiras galegas Carme Temprano e Manuela Teiga e os guerrilleiros galegos Xosé María Castelo, Vicente Peña e Manuel Pena. A recuperación o pasado ano dos cadáveres de catro deles, soterrados nunha fosa común a carón da igrexa parroquial de Paramos, no Val do Dubra, sitúa outra vez de actualidade estes feitos. Achegamos nova información para botar luz nun dos fitos da oposición armada ao franquismo na Galiza. Eis un extracto da peza publicada ao respecto no número 338 de Sermos Galiza.

O hip hop que non cesa
MÚSICA

O hip hop que non cesa

O regreso de Dios Ke Te Crew oito anos despois do seu anterior disco ou o suceso de Pólvora e Tormenta, de Ezetaerre, alumean a escena do rap en galego. A renovación xeracional e a incorporación de mulleres con rimas feministas marcan a súa saúde actual.

“Os países serios teñen unha soa ortografía. Podemos discutila, modificala... mais hai só unha ortografía”
Entrevista a Víctor F. Freixanes

“Os países serios teñen unha soa ortografía. Podemos discutila, modificala... mais hai só unha ortografía”

Posúe o don da palabra. Víctor Fernández Freixanes (Pontevedra, 1951) ocupa desde 2017 as páxinas dos xornais como presidente da Real Academia Galega, mais a súa traxectoria levouno a facelo antes na súa faceta de editor e de escritor. Tamén exerceu desde moi novo como xornalista, profesión na que contribuíu a formar centos de alumnas e alumnos da facultade de Ciencias da Comunicación da USC. Nomeado profesor ad honorem, vén de reeditar a súa primeira novela de ficción O triángulo inscrito na circunferencia. Eis un extracto da conversa, publicada no número 338 de Sermos Galiza.

O galego entra en campaña
A dereita ataca as linguas cooficiais

O galego entra en campaña

A nova dirixencia do PP estatal volveu meter o galego na campaña electoral. A súa proposta de eliminar todo requisito de coñecemento das linguas cooficiais para acceder á función pública axiña achou resposta na Galiza. Feixoo lembrou que el fora un adiantado a ese respecto. A dereita, agora con varios actores a competir polo mesmo espazo, recupera o galego como campo de batalla. Eis un extracto da reportaxe publicada no número 338 de Sermos Galiza.

#Sermos338: A venda de óvulos
Resumo do semanario

#Sermos338: A venda de óvulos

Autobuses, marquesiñas, pantallas xigantes… as unidades de reprodución asistida enchen os campus universitarios de publicidade para captaren doantes de óvulos, mais é unha doazón ou é un negocio? Abrimos con este tema o número 338 do semanario en papel Sermos Galiza, á venda nos quiosques a partir da quinta, 14 de marzo e a partir da noitiña da cuarta na loxa.