sermos354
Aceite galego con denominación de orixe?

Aceite galego con denominación de orixe?

A nosa terra pode volver ser punteira na produción aceiteira co recoñecemento dunha denominación de orixe de aceite galego. Na Misión Biolóxica teñen toda a documentación case a punto para que a Xunta poida iniciar o proceso de solicitude deste selo que significaría un antes e un despois para o agro e a industria galegas. Eis un extracto da reportaxe publicada no número 354 do semanario en papel Sermos Galiza.

Arretén en Padrón, a destrución oficial dun recurso cultural

Arretén en Padrón, a destrución oficial dun recurso cultural

Arretén, parroquia de Padrón, é un paradigma do que poderiamos considerar mala praxe na conservación do patrimonio cultural. Coñecida polo seu pazo, no que viviu Rosalía de Castro, a beleza orixinal da aldea foi castigada sen contemplacións polas obras de acceso á autoestrada. Tras a desfeita, a Administración pretende agora solucións. Eis un extracto da información publicada no semanario en papel Sermos Galiza número 354.

Os escravos galegos en Cuba

Os escravos galegos en Cuba

A comezos do mes de marzo de 1854 desembarcaron no porto de La Habana os primeiros 314 emigrantes galegos trasladados a Cuba para substituír os escravos negros nas plantacións azucreiras. A operación, impulsada pola oligarquía crioula, apoiada pola Casa Real e dirixida por Urbano Feixó, rematou coa morte de centos de persoas desprazadas á illa ao longo dese ano. Eis un extracto da información publicada ao respecto no número 354 do semanario en papel Sermos Galiza.

"Cómpre un Día das Letras Galegas para a música popular"
Entrevistamos Fernando Fernández Rego

"Cómpre un Día das Letras Galegas para a música popular"

O adxectivo monumental inventouse para obras como Unha historia da música en Galicia. 1952-2018. Case 900 páxinas, ateigadas de ilustracións maiormente descoñecidas, percorren as declinacións do pop galego desde as orquestras pioneiras na fusión tropical á autoxestión underground de raíz punk, do bravú e os inicios da normalización do galego na escena e o ignoto yeyé dos 60 con epicentro en Ourense e Vigo. Malia algunhas inevitábeis ausencias, o libro do crítico Fernando Fernández Rego (Ferrol, 1979) conforma un primeiro esforzo sistemático, e memorábel, por elaborar este relato. De camiño rescata a memoria de innúmeros artistas e bandas, e amosa a frondosidade, o pluralismo, a ousadía e a inexplorada riqueza da música moderna na Galiza. Eis un extracto do semanario en papel Sermos Galiza, número 354.

Europa renova os seus cargos

Europa renova os seus cargos

 Foron necesarios tres días de reunións e negociacións ininterrompidas a porta fechada e sen teléfonos móbiles para que os 28 xefes de Estado e de Goberno da Unión chegaran a un acordo sobre a repartición dos cargos de máxima responsabilidade da escena comunitaria. Foi o cumio máis longo da historia, que deu paso ao nomeamento de catro figuras controvertidas que botaron por terra o proceso de Spitzenkandidaten e consolidan o poder político e económico de Alemaña e Francia no seo da Unión Europea. Eis un extracto da información publicada no semanario en papel Sermos Galiza número 354.