ses
O director xeral da CRTVG di agora que a entrevista cancelada con Sés foi “adiada”
No Parlamento de Galiza

O director xeral da CRTVG di agora que a entrevista cancelada con Sés foi “adiada”

“Adiar non é o mesmo que cancelar”. Con esta afirmación, o director xeral da CRTVG Alfonso Sánchez Izquierdo negou en sede parlamentaria o veto á cantante Sés na Televisión de Galiza por vestir ela unha camiseta co lema Defende a Galega. Non aclarou se este adiamento inclúe a realización e emisión da entrevista comprometida e finalmente “adiada”.
 

"Estamos mirando aos ollos a nosa propia morte como pobo"
 As eleccións a ollos de... Ses

"Estamos mirando aos ollos a nosa propia morte como pobo"

María Xosé Silvar, Ses, non ten pelos na lingua. Nin cando canta, nin cando opina nin cando escribe. Carga contra a irrupción de forzas de extrema dereita e contra radicalización do discurso das dereitas e bota en falla unha “revolta” das esquerdas perante ese escenario tan preocupante.

A CRTVG non nega o veto a Ses

A CRTVG non nega o veto a Ses

A través dun burofax, escrito en español, remitido por un bufete de avogados privado, a CRTVG, que conta con asesoría xurídica de seu, diríxese a Sermos Galiza para exixirlle unha rectificación na entrevista realizada a María Xosé Silvar, Ses, mais non desmente a existencia dunha orde interna de non emitir contidos relacionados coa artista que estaban xa programados.

"A máis mínima mostra de apoio á liberdade de expresión é castigada na CRTVG"
María Xosé Silvar, Ses

"A máis mínima mostra de apoio á liberdade de expresión é castigada na CRTVG"

Rabia ao silencio, o novo disco de María Xosé Silvar, Ses (A Coruña, 1982), está a levar a música a redaccións, platós e estudios de radio de toda Galiza. Tamén estivo presente na TVG, a onde acudiu cunha camisola de #DefendeAGalega. Segundo puido coñecer Sermos Galiza, a coordinación de Cultura da CRTVG transmitiu a anulación das conversas que tiña acordadas a artista nos medios públicos.

Sés homenaxea a canción revolucionaria de autora no seu disco de versións
Publica 'Rabia ao silencio'

Sés homenaxea a canción revolucionaria de autora no seu disco de versións

Rabia ao silencio é o título do novo disco de María Xosé Silvar, Sés. Esgazado dunha célebre cántiga do compositor e folclorista arxentino Atahualpa Yupanqui, o verso sintentiza a homenaxe á canción de autora revolucionaria que Silvar realiza no seu sexto traballo de estudio.
 

"A maioría da crema da intelectualidade galega sempre foi pedindo perdón a España"
Entrevistamos María Xosé Silvar, "Sés"

"A maioría da crema da intelectualidade galega sempre foi pedindo perdón a España"

Non lle gusta que a chamen María. “Ou María Xosé ou Sés, ou Sé”. E así levan chamándoa desde que é pequena, “Sés fun desde cativa porque na Costa da Morte, de onde é miña nai, chámaselles así aos Xosés”. Naceu na Coruña en 1982, “son moi poligonera, porque me criei en Elviña”, di, mais desde hai unha década vive en Sueiro, unha parroquia de Culleredo. É alí, na súa casa, onde nos atende, sen présas, cun café diante após encher o Teatro Colón da Coruña durante dous días con Readmirando a condición. Eis un extracto da entrevista.

Un concerto de Sés ao alcance de todos e todas
En streaming

Un concerto de Sés ao alcance de todos e todas

Especialmente dedicado ás persoas que non poden ir aos seus concertos. Así vai ser o concerto que Sés e a súa banda ofrezan na tarde do domingo a través da Rockbox Overdrive Shop da Coruña, aberto a todo o público a través da canle de Youtube.

Sés: “Precisamos unha revolución cultural para volver a ser pobo"
O DÍA 24 SAE Á VENDA O SEU TERCEIRO DISCO, "TRONZAR OS VALOS"

Sés: “Precisamos unha revolución cultural para volver a ser pobo"

Do gaucho Martín Fierro recolle a frase “canto opinando que é o meu modo de cantar” para se presentar. Sés está de volta co seu terceiro disco, Tronzar os valos despois do extraordinario recibimento que tiveron os anteriores Co xenio destrozado e Admirando a Condición. As súas cancións queren agora tronzar valos, eliminar rúas prohibidas e convidar a pensar. 

Sés e Ugia Pedreira, xuntas en feminino

Sés e Ugia Pedreira, xuntas en feminino

Con grande atención estase a agardar o concerto que a sexta feira 12 de de setembro darán Ugia Pedreira e Sés en Ribadeo, cuarto edición de Músicas e Letras en Feminino organizado polo Observatorio da Mariña pola Igualdade. Será unha das últimas ocasións de ver a Ugia no escenario antes da súa anunciada retirada. 

"Vémonos alí, Sés, a “Desaramar”! "

"Vémonos alí, Sés, a “Desaramar”! "

“Quería facer un festival diferente”, di Sés no vídeo de promoción de “Desaramar”, un concerto colectivo que busca romper arames que cercan a liberdade e a xustiza. Mercedes Peón, Carlos Blanco, Luis Tosar, Piti Sanz, Tereixa Novo, Luís Tosar, Leo e Martín Sanjurjo subirán ao escenario  canda ela o día 7 ás 21 horas. 

Sés, Aid ou Ataque Escampe forman parte da nova banda dos Bolechas

Sés, Aid ou Ataque Escampe forman parte da nova banda dos Bolechas

Sés, O Sonoro Maxin, Pandeiromus, Novedades Carminha, Ataque Escampe, The Homens, AID, Eladio y los Seres Queridos e Álex Casanova nun único disco colectivo. E quen une a un conxunto tan variado da nosa música? Os Bolechas, que quixeron contar cunha banda ben potente no seu novo libro-disco. 

Ás portas do novo álbum de Sés, “Co xenio destrozado”

Ás portas do novo álbum de Sés, “Co xenio destrozado”

O día 6 de xuño porase á venda o novo álbum de Mª Xosé Silvar, Sés, que leva por título Co xenio destrozado. Despois da extraordinaria acollida do seu primeiro traballo, Admirando a condición, e de sorprender en centos de concertos por todo o país, volve coa súa forza no seu segundo traballo discográfico.